Flames (海濱匯)

营业中

休息中

今次去完觀塘海濱散步，天氣涼涼地啱啱好，行完就諗住搵間餐廳醫肚，喺附近揀咗間裝修型格嘅西式餐廳，坐得舒適，有靚景睇住食，晚餐氣氛一流！葡式香辣燒雞雞皮燒得金黃微脆，內裏雞肉嫩滑，肉汁保留得好。香辣醬帶微微葡國風味，香料味突出但唔過火，辣度偏溫和，易入口，配薯菜都好夾。夏威夷薄餅外皮有口感，咬落有微微炭香，唔會過厚或者油膩。菠蘿果香清甜，配搭火腿鹹香，酸甜比例掌握得幾好。芝士焗得剛剛好，有拉絲感又唔膩。燒大蝦三文魚籽龍扁意粉大蝦燒得香口，爽口彈牙無雪味，蝦殼易剝。意粉煮得唔會淋身。三文魚籽帶點鹹香爆口感，令到整碟意粉更加層次豐富。醬汁creamy又夠香，啱晒鐘意龍蝦汁口味嘅朋友。