Flames (海濱匯)

营业中

休息中

好友約我去位於觀塘海濱道77號海濱匯1樓2號舖的 Flames 食晚餐，餐廳有戶外及室內雅座，雅位舒適，坐得舒服。我點左個 10安士肉眼扒配忌廉薯蓉 10oz Ribeye Steak $268，好友點左個 夏威夷薄餅 Aloha Pizza $178。夏威夷薄餅上檯時香氣樸鼻，尤其是新鮮菠蘿的香氣，令人食慾大增；10安士肉眼扒配忌廉薯蓉賣相吸引，5成熟肉眼扒色澤均勻，切開時內裏的肉質嫩紅，牛味濃郁鮮嫩，趁熱食更加滋味！忌廉薯蓉十分幼滑好食。

觀塘海濱滙《Flames 》環境不錯，裝潢時尚，可以坐室內或空內食野。✨️ 主食脆皮乳豬西蘭花苗配黃薑蕃茄飯 $318乳豬外皮金黃酥脆，肉質非常多汁。飯嘅質地軟腍，容易吞食。✨️ 自家製甜品 $78是 Browie 加雲呢拿雪糕，Browie 煙煙靭靱配合埋上面棉花糖，好有咬口。由於味道甜 同埋份量都大，呢份甜品算係幾飽肚。✨️Mocktail $58Flames Lemonade , 內有士多啤梨蓉、 芒果蓉 和 Rosymary糖醬，味道偏酸，幾開胃。📍觀塘 海濱道77号海濱滙1樓2号鋪

Flames 算係我 最近嘅心水 鍾意佢喺觀塘海邊 可以散下步之餘 呢度啲手工薄餅真係做得非常出色 今晚食咗個簡單晚餐頭盤薄餅意大利麵紅酒每個人都係$250 價錢好貼地 ⭐️頭盤Cold cuts 我哋好喜愛嘅冷盤 有芝士不同種類嘅風乾火腿 酸瓜等等配上一杯Merlot紅酒 🍷係放工happy hour嘅最佳 配搭 ⭐️夏威夷薄餅 十分出色個餅皮好煙韌 又唔算好厚 口感好好 上面配上好多火腿同埋新鮮菠蘿 酸酸甜甜好開胃 ⭐️黑松露蘑菇意大利麵亦係我心水心頭好之一 好creamy嘅意粉中間有新鮮嘅黑松露醬 見到一點點嘅黑松露 材料矜貴

最近幾鍾意去觀塘海濱😜 今次同朋友又係嚟海濱匯，呢度環境都幾寫意，呢間餐廳出面有草地，可以揀戶外位置😀我哋叫咗兩個Brunch Set1️⃣$188 8安士紐西蘭肉眼扒配薯條+（$15）是日餐湯牛扒上面有一格格坑紋，賣相好吸引✨ 今次叫咗七成熟，肉質好鮮嫩🥩，油脂分布平均，唔會太油膩👍🏻 其實我覺得牛扒點蕃茄汁都幾好食😜另外，我好鍾意佢嘅薯條🍟 薯仔味好香，而且份量都幾足夠，兩個人食真係好滿足想講一講佢個湯，係好香濃嘅蕃茄湯 🍅 感覺上佢都幾新鮮，如果鍾意酸味嘅應該會鍾意呢個湯2️⃣$138 蟹肉巴馬臣芝士蕃茄忌廉汁通粉（$35）自家製甜品估唔到呢個通粉幾有驚喜，蟹肉味好濃🦀 ，蟹肉份量都俾得幾足，佢個芝士蕃茄忌廉汁非常之惹味，同通粉非常夾👍🏻佢個甜品係芝士蛋糕🍰，紅莓醬酸酸甜甜同蛋糕好夾，令到個甜品唔會好膩📍 Flames (海濱匯）

呢間餐廳有室內同戶外既地方，環境岩晒一家大細黎玩食飯同傾計，戶外草地好岩小朋友去放電，我地叫左一份夏威夷pizza，菠蘿好大片，下面係脆口既餅底甘食落脆卜卜，pizza軟熟好味而且份量都幾大個。跟餐仲配有餐湯熱辣辣既蕃茄湯酸甜開胃，餐茶叫左latte，拉花好靚飲落好滑。Dessert必食推介好香滑既tiramisu，用個杯裝住加埋朱古力粉伴碟好靚，入口即溶既口感。香辣雞扒burger好香口惹味，份量超大好抵食。

🔥無論咩時候咩日子好多客人嘅人氣餐廳🍗香辣炸雞喺西式餐廳非常少食炸雞，但係呢個炸雞炸得好嫩滑，外皮亦足夠香脆，加上應該係自製辣醬，辣度比較輕，係個相當唔錯嘅小食！🍝燒大蝦三文魚籽龍蝦汁扁意粉原隻燒大蝦非常新鮮，賣相好吸引，香味十足，龍蝦汁同埋蕃茄汁比例好好，吸收咗醬汁同埋大蝦鮮味嘅扁意粉，真係好滋味，記得要趁熱食！🥩香草紅酒汁燴牛面肉配忌廉薯蓉烤蔬菜牛面肉燴得好軟糯入味，有淡淡紅酒味又保持到本身牛肉嘅香味，都十分出色！忌廉薯蓉唔會太creamy，口感味道都係恰到好處。

餐廳彩光度充足，有落地大玻璃，也有大露台，空間感充足。雖然不近地鐵站，但商場底層有頗大的停車場，有充電車位，很適合自駕人士。由於是業大廈，故此假日人流較少，用餐不限時，適合喜歡寧靜的朋友。食物質素尚可，沒有什麼投訴吧！ Pizza比較好食，但Tiramisu就有點失望，質地好似食緊cream咁😅，冇乜Tiramisu味。由於附近都沒有什麼較好的選擇，所以經過這區的話，此餐廳都是三甲之選吧。另外商場內的洗手間很乾淨，這都是賣點之一，哈哈！

呢間Flames同其他分店唔同，裝修係行型格modern風😎仲有啲未來電子感👩🏻‍🎤除咗咁有格調嘅裝修之外，另外仲設有戶外位置，適合附近打工仔放工落嚟望住九龍灣夜景飲杯酒🥂-MENU▫️ 蟹肉巴馬臣芝士忌廉汁通粉$158 ★★★★☆蟹肉嘅份量好慷慨🦀每一條意粉都可以沾到蟹肉🤤加上刨碎咗嘅巴馬臣芝士喺面，令到成個通粉更加惹味🧀醬汁味道濃郁，整體口味偏咸，會適合重口味人士👅▫️ 新鮮黑松露蘑菇薄餅 $198 ★★★☆☆Pizza上面嘅鮮刨黑松露勁吸睛✨餅皮煙靭有咬口🍕芝士味濃😋有輕微拉絲效果🧀但芝士味濃到有啲蓋過咗黑松露同蘑菇嘅味🍄‍🟫重返啲菇味會更好👍🏻▫️ Tiramisu $78 ★★★★☆芝士cream好順滑，手指餅濕潤度剛好☕️唔會話太厚重或者輕盈🤏🏻幾好味🤤該有嘅味道同口感都有齊

行完觀塘海濱，見餐廳有室內和室外位置，因為比較凍，所以坐喺室內，但陽光充足，環境舒適休閒，星期六都唔少食客✨🌟#蘑菇湯加$15有餐湯，今日係蘑菇湯，非常濃郁又滑，仲有粒粒蘑菇碎，有質感，口感順滑😋湯底融入忌廉和香草，濃郁與清新。🌟#凱撒沙律加$15有沙律，份量十足，凱撒沙律色彩鮮豔，生菜脆嫩，搭配自製的凱撒醬，味道豐富👍🏻沙律中加入了烤香的麵包丁和煙肉碎，增添口感😋並撒上了帕爾馬芝士，充滿濃郁奶香🫶🏻🌟#Crab Meat PenneCrab Meat Penne係蟹肉長通粉，濃郁鮮味👍🏻醬汁以忌廉為基底，香氣撲鼻，蟹肉份量非常多，每一口都能享受到蟹肉的鮮甜，搭配芝士碎，更加濃郁美味🤤🌟#Margherita PizzaMargherita Pizza展現意式披薩簡約之美🫶🏻香斬的餅底上鋪滿番茄醬、馬蘇里拉芝士和香草，香氣四溢😋番茄的酸甜，芝士的濃郁，餅底的烘烤程度恰到好處，外酥內軟，全部都非常搭配💗🌟#Tiramisu加$35享用甜品，Tiramisu層層疊疊的咖啡香與奶酪的綿滑完美融合🫶🏻每一口都能感受到濃郁的咖啡味，搭配可可粉的微苦，帶來味覺平衡✨質地輕盈，讓人不覺得膩口😙

星期六日有時間，嚟觀塘海濱行下，順便試試Flames嘅Brunch Set！Flames週末推出嘅Brunch Set，價錢同散叫無分別，但包埋飲品，仲可以加錢選餐湯、甜品或其他飲品，CP值極高。今次揀咗兩款：8安士紐西蘭肉眼扒同卡邦尼Pizza，兩個都加咗餐湯。餐湯係當日推介，濃郁香滑，帶出豐富嘅層次感，加上表面灑上嘅香草碎，為湯品增添清新口感，飲完感覺好暖胃。叫咗Medium rare火候，煎得剛剛好，外層微焦，內裡粉紅鮮嫩。切開時肉汁流出，充滿香氣。配菜可揀薯條或者蔬菜，為健康著想今次揀咗蔬菜，清新清甜，煮得恰到好處，為整體味道加分。呢款Pizza係用手拉薄餅製作，餅底鬆軟而有嚼勁。表面鋪滿芝士同煙肉，仲有流心鵪鶉蛋，咬落時蛋黃融化喺芝士中，濃郁又不失層次感，令人一試難忘。叫咗凍熱檸檬茶各一，茶底濃郁，配搭檸檬嘅清新，令整餐更加清爽。餐廳提供飲品選擇多元化，可以因應喜好加錢升級。Flames喺星期六日仲推出免費兒童餐，非常適合一家大細一齊嚟享受週末時光，平衡咗美食同親子活動。總結嚟講，Flames嘅Brunch Set不但菜式選擇多，食物質素高，價錢亦非常合理。再加上舒適嘅用餐環

之前一直沒留意原來這裏有小坐墊式座位，感覺有點像西方蟬式的融合設計。然後點了數道菜，芝士肉醬焗墨西哥脆片，分量大，非常濃味的芝士洋蔥青瓜顆與蕃茄肉醬相當有口感，加上香草微辣滋味配上脆脆墨西哥脆片，實在是經典小吃必點之選。再來是新鮮黑松露蘑菇扁意粉，香味四溢的黑松露，將幾種烤過的蘑菇切顆混忌廉一起煮的意粉，剛好調解了之前的墨西哥風格，味道變得更加優雅。最後當然要點手工海鮮香草茄醬薄餅，海鮮三重奏，各或各樣的海鮮包括香草煙三文魚、蒜香大蝦和爽彈魷魚組成的材料，塔上豐富的芝士薄餅，實在快樂萬歲。

去年來過吃他們的乳豬，好高質，不過胃口不夠同時試試手工pizza，procrastinate一年後終於再來😂 openrice 訂座星期一至四單點餐牌有75折，以下價錢都是原價，未折～ ✿ 巴馬火腿配烤菠蘿哈密瓜 Parma Ham & Melon $118 火腿和蜜瓜質素都不錯，底部還有一塊超甜的菠蘿，不過蜜瓜分量不夠滿足🥹 ✿ 新鮮黑松露蘑菇薄餅 Black Truffle Mushroom $198果然是招牌🤤 芝士分量足，拉絲效果自然澎湃餅皮煙韌，感覺就算配任何餡料都好好吃 ✿ 提拉米蘇 Tiramisu $78手指餅濕潤富咖啡香；芝士忌廉層濃郁，偏流質不過個人偏好更輕盈點的版本😜 ✿ 牛油烤蔬菜 Roasted Vegetables $58爽脆新鮮，只是鹽灑得不太均勻😂

有戶外露天餐桌既西餐，食飯時候放鬆。環境清幽，大片草地上用餐，柔柔微風吹過，一絲絲太陽照過，環境令工作心情頓時平伏，食慾都大增。Lunch set:餐湯+$12：羅宋湯蔬菜份量多，帶出蕃茄甜酸味8安士紐西蘭肉眼扒配薯條 $188肉眼扒好大塊，而且厚切，簡左4成熟，一切開嫩嫩既粉紅色牛肉，多肉汁，咬起上來保留原有肉汁鮮味，我個人喜歡點少少鹽，更加突出牛肉既鮮味。薯條份量多，食起脆口，十分飽肚，鍾意食肉既人會食得好滿足美國安格斯牛肉 配 燒菠蘿漢堡$158一層菠蘿，一層安格斯牛肉漢堡，有4大片煙肉，一大塊厚切蕃茄，醬汁份量唔會太多，兩塊甜包包住，厚到一口係食唔到，要分開幾啖食！微微燒起塊菠蘿，配搭牛肉，煙肉，蕃茄一齊，甜味同咸味好均勻

食飯不單要食好吃的，食境也一樣重要。優良的環境可令食物更添風味，這間餐廳的戶外環境充滿浪漫情調，可看到觀塘夜境，空氣又好真的超級值。由於環境浪漫的關係點了高級野餐可食3種的配搭食物，首先是芝士肉醬千層麵，新鮮蕃茄汁牛製而成的蕃茄肉碎醬大湯，千層麵表面配有拉絲芝士煙韌好食有照口，令成個麵肉夾起的層次更具口感。然後主菜點了10安士肉眼扒配忌廉薯蓉，肥美軟熟多汁的牛肉，微微燒焦的香氣肉汁油份流出，加上香濃的黑松露薯蓉及燒烤汁配食，滋味無窮，薯蓉帶有厚重牛油味最後再來個澳式雞鹽薯條，香草雞味炸薯條，熱脆的開胃小菜，還可以沾主菜的薯蓉及燒烤汁兩食，簡直薯上加薯，特強薯仔快樂。

每次來《Flames》食野都有驚喜，今次都吾例外。✨️小食雞翼雞翼就食得多，呢款雞翼我都係第一次食。首先，把雞翼炸到脆，再配上豆豉干、麵包糠、辣味粉等。味道非常惹味。✨️主食脆皮乳豬腿配飯乳豬外皮金黃酥脆，肉質非常嫩滑。飯嘅質地軟腍，容易吞食。✨️Mocktail叫「Virgin Sangria 」，基本上是梳打底，含有多款雜果、熱情果糖醬、荔枝糖醬。杯上面放有薄荷葉，杯內有少許冰。拎住杯Mocktail, 行出室外暢飲，真寫意！📍觀塘 海濱滙