Fifty Fifty (已結業)

我在附近返工， 由於我公司放 lunch畀其他office放得晏， 中午次次去到都full house 要等位， 所以決定打電話book位，收工約埋朋友去食晚餐，試下新嘢食到咁上下唔記得叫飲品， 呢度好多特色嘢飲， 其實我想試咖啡但夜媽媽飲完又驚瞓唔著仲嗌多咗三杯嘢飲 同埋羊柳意大利飯我哋一行五個人叫到成枱面都係嘢食結果食唔曬， 睇佢張餐牌樣樣都唔貴，所以嗌多咗價錢都算優惠， 五個人食咗$12XX唯一缺點就係啲嘢飲有啲好甜嗰度全部都係後生仔待應，仲好有禮貌下次一定要食到lunch

長沙灣有間好抵食嘅Cafe!地方都幾大同幾靚~見佢閒日夜晚都爆場就知抵食！牆上邊好多裝飾品！個感覺好屋企，所以幾舒服~因為入去嗰時太多人，所以臨走先補影返個環境相！你諗吓咁大個場閒日都爆，你話幾受歡迎！夜晚可以叫套餐叫，會有埋野飲同餐湯。散叫嘅野食都有好多！份餐牌好似都成十幾頁紙！有小食、意粉、飯、扒、海鮮、甜品同飲品⋯跟餐有南瓜湯！好搞笑，上面竟然寫咗50上去！南瓜湯都幾香，而且打得好滑～飲落去好綿好好味！呢個係雞油菌意大利雲吞！睇落好似小食，但其實都可以跟餐，而且都幾飽肚架！雲吞皮入面夾著少少肉！上面就放滿晒雜菌！仲有好多芝士粉同忌廉汁！個汁好香！成碟野嘅精髓嚟！如果可以俾多少少汁就更加好！用嚟撈飯都得呀！一間長沙灣嘅cafe竟然有⋯炭燒魔鬼魚翼配辣茄茸汁！睇落去好似魚翅！切開之後啲魚肉一條條咁好得意！魚入面有一條條幼骨！啲骨係軟骨嚟㗎！所以可以連埋魚肉一齊食埋佢！食落有少少韌韌地，不過咬幾咬就碎！同埋魔鬼魚啲肉好嫩滑！可能係因為翼位！所以特別嫩！另一個主菜係安格斯西冷牛扒！同魔鬼魚岩岩相反！西冷扒超厚超大塊！扒上面仲有大大舊香草牛油⋯而且扒上面啲格格紋真係燒得好靚！打側睇就睇到有

每次長沙灣有新餐廳開都好期待 一定會去捧場 今次仲要開西餐廳 見佢裝潢都好靚 忍唔住要去試下！但食物質素真係麻麻 極度懷疑佢地開業前有冇試過自己煮出黎係咩味先賣比客人 。。。我地去食晚餐 一共點左 雞翼，半邊軟殼蟹脆煙肉忌廉意粉，紅酒汁羊架，玫瑰花奶茶特飲一開始好快上左雞翼同杯奶茶 雞翼好普通 我男朋友話麥當勞啲雞翼都好食過佢 味道好淡 份量又少 我寧願佢賣貴啲但份量同味道提升返應有既水平。。。 杯奶茶就真係好難飲 淡過水 仲要落左好多冰 係完全搵唔到玫瑰味/奶味/茶味 好似一杯加左白砂糖既清水 幾十蚊一杯野飲 你比杯茶記奶茶我都好吖食完雞翼隔左差唔多半個鐘先再上羊架 差唔多兩舊水 又係淡某某 羊架好大陣雪藏味 啲汁又得兩滴 完全唔夠點塊羊肉😢😢個意粉又上錯左通粉問我地肯唔肯要 個侍應都好客氣 但我地係唔想食通粉特登叫意粉既 所以婉拒左佢 上到枱個半邊軟殼蟹其實都冇expect話好大舊 但真係好細份 好似得一粒既份量咁 脆煙肉呢 我初初完全搵唔到係邊 原來係有兩粒極細粒既煙肉碎 （係真係數住得兩粒。。。） 意粉又係冇汁既 咁就98蚊 自己係屋企煮仲好食過佢 總括黎講 味道麻麻 份量少

在深水埗既平民區， 意粉既份量根本就係小朋友都唔夠飽， 我食完lunch set , 走左去食一串魚蛋 十燒賣。 我都仲未飽。 座位舒適， 人手充足。有成五六個。 食物同湯都黎得快既， 但我份咖啡等左好耐都未有，最後到左。 好飲湯：好似磨菇湯但打左獻咁。 我唔識欣賞。細碗，不過唔好飲就無乜所謂。要左鴨腿焦糖醋意粉。 伴菜好食， 鴨腿都夠林有鴨味。 個汁幾開胃，但意粉不足以飽肚。好細份。野飲可配20$ 飲品， 值得加錢要其他物品，加左$8 飲杯不錯的摩卡。店員部份有禮。 餐具有水漬。餐廳新開張應多多包涵。我明既。 食物係好食既， 但都有進步空間。通常西餐晚餐會好食d . 下次會想試下晚餐。

好耐都冇寫過食評了，今次不得不寫！在附近住周圍都食到冇晒癮，今次這一間新開的西餐真的有驚喜！新開我都已經食咗幾次，不得不介紹給大家！今日我去咗食他們的全日早餐，$68 有兩條早餐腸：不錯沙律菜配上柚子汁：有驚喜，好過食沙律醬蕃茄炒蛋煙三文魚：配搭幾好值得一讚就係大啡菇，口感熟度啱啱好！因為出邊食過有啲好乾身，這個d菇汁一切走晒出嚟仲有兩舊手工麵包，真係有心思！最重要就真係好飽好夠飽！唯一缺點就係，今日可能真係太多人，他們有點手忙腳亂，落錯左杯咖啡，不過都好快就出返俾我！這個餐跟埋一杯即磨咖啡，我就咁坐咗一個鐘

附近返工, 今日就去咗呢間餐廳食LUNCH職員都細心, 見到有小朋友會主動拎BB CHAIR, 見大肚婆會主動俾杯暖水不過環境較嘈, 可能因為FULL HOUSE啦!講返LUNCH, 選擇都OK, 好似有10款左右選擇個餐湯係南瓜忌廉湯, 都好飲, 有淡淡南瓜味,唔會死鹹或味精主菜我揀咗煎雞肉意粉, 個皮煎得頗香, 不過千祈一定要連皮食, 否則件雞係冇味雞入面釀咗D菇, 不過意粉係清炒, 一點鹽都冇, 而且份量好少, 伴菜個汁都係,另外朋友點咗個西冷牛扒意粉,個牛扒不過不失, 有點靭, 同樣係意粉冇味+份量太少

今日本來想再去試長沙灣新開冇耐既泰國餐廳—新泰興，點知佢竟然突然冇開門，明明冇寫星期四唔開，打電話去餐廳，老闆話另一個5字頭既電話先係餐廳電話，如果唔通，就係唔開門😑小店就係甘隨心🙈 冇左泰國餐，想去食間越南菜，點知突然下大雨，所以去左近點既里間都係新開冇耐既fifty fifty🌟 里間餐廳都幾大，有好多張桌，但每張桌都配唔同樣式既椅子，整體簡潔modern 👍🏻 我地叫左三個set dinner,set dinner 包時日餐湯、主菜加配價值$20餐飲一杯。先黎係時日餐湯-甘荀忌廉湯。細細碗，幾啖就飲完，有甘荀粒粒係湯中，賣相都還好。 第一個黎既set dinner係法式燒春雞，雞肉比較淋身，黎到食落熱騰騰，感覺唔錯。可惜雞肉醃的時間可能不夠，淨雞肉不連皮或汁就比較淡而無味，可改善😌半隻燒春雞份量正常，伴碟有燒茄子👍🏻 第二個黎既set dinner 係鴨肝釀牛柳配薯菜，牛柳厚身，做到五成熟，中間釀了鴨肝溶。一切開件牛柳，d鴨肝溶就流出來😌。鴨肝溶配牛柳，味道唔錯😋

新開張, 想試一試中午食客不多, 不用等候, .意大利 雲吞$78, 價格唔平, 深水埗長沙灣來說算貴 ‧份量奇少, 得小小幾粒.真係得50%飽.食完要去 mc Donald 食包不會再來

地方一流，食物好味價錢合理普通食客亦可消費得起，鄰近交通方便，一家大细亦可，伙記招呼一流 有禮貌，午飯晚餐抵食，地方 舒適,飲品亦多選擇，坐得耐亦不會趕人走，總括來講超值

這間新開西式餐廳，在長沙灣區能夠找到這樣形式，難得一見，意粉一流，黑豚肉夠味，值得推介，員工各人服飾滿意，夠真，咖啡全部用即磨，适價錢抵食味道好，對於區內有一撰擇。

原先舖位係甜品店，但確實附近已經有太多唔同選擇，結果都要被淘汰。。。睇住佢裝修，都有估下會唔會又係甜品 結果竟然係西餐！都算有驚喜！！作為一個西餐愛好者，都好期待 Fifty Fifty 會有咩食！畢竟，附近冇咩嘅新派西餐廳！愛群嘅質素又每況愈下Fifty Fifty 開張好似第二日，我就決定去試下，舖頭唔算太大，但裝飾都唔錯 下午三點去到都差不多 full house，好在朋友早我幾步去到，已經有位不過始終剛開業，總有少少甩漏，執完枱唔記得放番餐具比剛到嘅客人，送咗餐湯上枱就急急走咗，冇留意我地冇餐具 而且我地叫咗兩份 set lunch 應該有兩碗湯，但只來了一個！隔咗一陣，終於叫到其中一個員工幫我地跟跟！佢話可能頭先唔夠湯 餐飲都係有點甩漏，我一開始就叫定飲品 (因為條街熱到飛起)，但隔離枱食完嘢先叫餐飲，仲快過我有得飲不過，食物賣相同味道都 ok 的 定價都可以接受！我下次會去試晚餐，期望到時冇咁亂啦！