Fifty Fifty (已結業)

今晚搵食搵到黎長沙灣，全因朋友話呢間隱世西餐廳好好食，果然不負眾望。一入到餐廳男友已經話好鍾意呢度裝修，令人覺得好悠閒，明明係星期一晚都覺得好有holidays mood我同男友都係食肉獸，點咗兩個dinner set一齊食，試下佢地既雞同埋牛。先黎餐湯，是晚餐湯係牛肝菌忌廉湯。係一個偏creamy 既湯，菌味好濃郁，飲完即刻想食主菜燒春雞配巴黎牛油汁：雞肉好嫩滑，外皮燒到有小小脆，非常香口。雞肉好滑唔會燒到乾身晒鞋晒，火喉掌握得好好！薯菜有薯仔、青紅椒同埋瓜，好豐富。薯仔一粒粒好易入口，瓜係有烘過既，我食埋薯菜真係飽到上心口美國極級安格斯肉眼：我地叫咗7成熟，一黎到已經覺得塊扒燒得好靚，未食之前聞到好香😙厚薄適中，咬入去第一口已經覺得好有驚喜，男友同我都一致讚同超香牛味！無後悔試到呢個肉眼，加埋小小牛既脂肪溶係口入面，真係好想encore 多一份最後，佢地既熱飲杯花紋好得意，連飲品都咁有心思，呢一餐好滿意

踏入狗年，第一次約好朋友吃飯， 雖然是午餐，都想吃得豐富啲。因朋友要到長沙灣辦事，就順便在該區吃午餐。餐廳位於長沙灣，在該區算是唔錯的餐廳，午餐時間，通常大排長龍。今天我們到得較遲，所以不用等位就可入內進餐。午餐由$55起，算是便宜。我們每人下單要了一份午市套餐，還加了一客沙律，一客拼盤，非常豐富。雜菌忌廉湯餐湯濃度剛好，不太稠，而且有很香的雜菌香味。Fifty Fifty 沙律蔬菜新鮮，沙律汁亦調得很好，很清新開胃。Fifty Fifty 小食拼盤有蠔、蝦、魷魚和雞翼，份量兩個人吃剛好。燒澳洲肉眼扒配雜菌燒汁肉眼扒燒得嫩滑多汁，配惹味雜菌燒汁。配菜有小黃瓜、茄子、薯仔和洋蔥……，非常健康。香煎太平洋鱈魚柳配黑橄欖醬鱈魚柳煎得皮脆肉嫩， 配黑橄欖醬夠特別，鹹之中點帶橄欖清香，意粉煮得軟硬適中，有水準。玫瑰花水果茶微甜水果茶，加上陣陣玫瑰花香味，滋潤又養顏。

深水埗長沙灣不嬲多嘢食，但多數都係比較平民嘅地踎小食。由於住附近，好多餐廳都試過晒，見到呢間新開嘅西餐廳，裝修同環境都好靚，於是同朋友入去試吓啦。一入到去，服務員都招呼周到。我同朋友叫咗2個set dinner 。上菜嘅速度都好快，而且餐湯飲品都非常用心製作。主菜賣相好好，我叫左份鱈魚，肉質鮮嫩，旁邊嘅配菜都好好食。另外叫咗個 risotto, 好香芝士味，但亦唔會太膩。由於餐廳氣氛好，而且亦都冇限時，非常適合朋友聚會傾計。

曾把你列為深水埔四大西餐廳之一，因為你有正式西厨的風格。食了三次之後，感覺欠佳，可能我去的時間，都是最靜局時刻，厨師，侍從都顯得怠慢。早餐班尼迪克蛋egg benetic背後主角是美國人班尼迪克先生，他要求旅館煮創意早餐，厨師創出班尼迪克蛋。此店應是用炸粉，麵漿煎煮作為第一層，中層是煮班尼迪克蛋，底層是麵包片。中層的Hollandaise 荷蘭醬是靈魂所室在，入口未能感受到陣陣西風，奶油，蛋黃味缺乏。火腿亦只有咸味。茶餐「小食拼盤」有4項炸物。蠔，魷魚，蝦，雞翼都酥脆可口，不咸不淡。自製鵝肝醬多士很甘香，是最滿意的食品。晚餐選海膽意大利餐，因意大利燴飯最考厨師功力。附上的餐湯無特別，燴飯不濕不乾，合格，但沒有饞涎欲滴，甘香芬芳的感覺。🍵咖啡完全是普通粉末沖出來的感覺。淡淡，無味。個人經驗，只有僅僅50%滿意度。

放假緊係要食返個lunch 🍽今日經過呢間喺長沙灣的地舖cafeLunch hour 都非常之多人！所以決定試試☺️環境不錯 仲可以慢慢坐幾個鐘 最後一枱先走😂Lunch Set已經有埋餐湯同飲品($20以下)💕餐湯係南瓜忌廉湯法式鴨脾配香醋焦糖汁🍗 $68 可選配 飯🍚/意粉🍝/薯菜🥔佢地唔係薯條而係輕輕煎過的薯仔😛鴨脾係咸咸的 但一點個焦糖汁又可以中和返👅 唔錯唔錯燒澳洲肉眼扒配雜菌燒汁 $88上碟賣相都好靚好吸引💕比較薄身，肉質易入口～唔會韌，略嫌調味可做得更好餐飲補左差價轉特飲兩杯是🌸粉紅菲菲 ($38) 和 玫瑰水果茶($38)🌹玫瑰水果茶有淡淡的玫塊花味，清甜解膩粉紅菲菲即係士多啤梨沙冰，唔會係人工味跟餐+$10 homemade cheesecake🍰值得一提的是個碟好靚喔！雖然細細舊 但好好味口感好rich滿足左我想食甜品的心❤️附上menu比大家參考

經朋友介紹黎到長沙灣呢到食西餐,因為呢到地點偏遠,又唔係鄰近地鐵站，唔係朋友帶路真係唔識黎黎到舖頭已經坐滿晒客人,就知佢🈶️幾受歡迎了👏🏻搵個位坐低立即睇下menu有咩好食先!!menu上面都有幾多選擇,睇完1⃣️輪見格離枱食緊個羊架賣相都幾好，再加上天氣寒冷，食d羊肉暖下胃都係1⃣️個不錯選擇所以我地就每人叫左1⃣️個dinner set 入面已包括餐湯&$20以下既餐飲1⃣️杯有好多不同小食 任均選擇😊😊各款dinner set我地點左 E&F餐湯：忌廉蘑菇湯 餐飲：左 柯華田 右 好立克 味道濃郁兩款dinner set 味道及賣相都1⃣️流其實跟餐可加10元 仲有是曰甜品 芝士蛋糕 🍰但我地實在太飽關係 就冇點到甜點吃了 有d遺憾不過唔緊要🉑️以俾個藉口自己 下次再黎食過🙊🙊🙊🙊

今日同媽咪泥到長沙灣左揀右揀，揀左呢間幾有情調又有裝修既西餐廳，係外面既晚餐黑板見到啲食物都幾吸引，價錢又合理，緊係試下啦。雖然都成9點幾但入到去都有好幾枱食客，驚阻人收工緊係炸炸臨落單，我同媽咪分別點左炭燒阿根廷天使粉紅蝦忌廉闊條麵，同燒雲寶酥羊架配迷失香燒汁。媽咪果個係餐，所以有餐湯，不過我飲左，係南瓜忌廉湯，有啲粒粒南瓜蓉，好香，好有口感。之後上既羊架，賣相好好，燒得岩岩好，不溫不火，不會un之餘仲幾淋，喜歡羊既蘇味😂配以自製既迷失香燒汁，好鬼好味，燒汁既味好特別，另我一試難忘！薯蓉撈埋啲汁食，清哂！而我果個闊條麵亦做得非常好，樣子以得精美，大大隻鮮蝦然後炭燒，燒到剛剛好熟，爽脆鮮味，不會過老，闊條麵彈牙少少硬有口味，正宗既意大利麵本來就是這樣的。加有菇洋蔥作配料點綴，味道更加豐富。只是略微多油了點，但亦無礙我清碟。整體來說，這個價錢吃到這樣的菜式，是十分滿意同值得的，無論是賣相同味道都可以媲美一些貴價的西餐廳。而且服務生亦很好的招呼，非常有禮貌，令我和媽媽都有一個開心的晚餐，到我地走時都還有食客進來用餐，我想這是因爲好食才令人咁夜都趕泥食吧。

第一次在這裡食下午茶，天使麵黎到，係微溫，味道中下。檸茶，茶底差過翠河，茶餐廳。餐湯好稀，係微溫，似水加些麵粉，沒乜味道。總括講，味道麻麻，份量少，價錢又唔值 。

今日嚟到長沙灣既fifty fifty最近好火紅因為仲要book位添 七點幾已經好爆場要等多一陣先有得入座 cafe裝修得幾靚 牆上有啲掛畫幾有品味 叫咗個dinner set有湯有嘢飲 法國春雞半隻配菜 燒雞 size細 上面嘅香草好香 肉亦好嫩滑 燒什菜同紅燒薯仔已經好夠食 不過仲加多咗個白飯加八蚊

今次諗住跟住IG到搵食，去到呢間位於長沙灣嘅餐廳，星期日中午唔駛等位，真係開心!呢間餐廳選擇都好多，有SET又要以散叫我地一人一個午餐SET再加左兩個小食，一個係IG勁推的黑松露大啡菇，另一個係小食拼盤。午餐包左個湯，好香濃，一Ｄ都唔馬虎。午餐份量真係唔可以睇小，我呢個天使麵大碟到好似二人份咁，但係唔好以為大份就粗製濫造，佢好香OLIVE OIL味，黑蒜醬都好重手，所以成個天使麵都好香濃。另外叫左個魚柳，個汁好好味，份量都係十足十，但係個魚柳有Ｄ老，差Ｄ。好期待呢個黑松露大啡菇，好香好多汁，食到呢個超滿足。再埋個炸炸炸拼盤，真係飽都暈低。試左呢度杯LONG BLACK，好香，下次要試下其他咖啡先得。二百幾蚊食到捧住個肚，真係超抵。

Fifty Fifty雖然離地鐵站唔太近，但絕對值得行遠少少嚟食，一定唔會令人失望Dinner set好多選擇，飯、意粉、不同肉類，仲有素食！而且價錢比起同類嘅餐廳平，包埋餐湯同餐飲，感覺幾抵下面係香煎三文魚，$118好大塊！三文魚煎得好香口，塊皮都煎到好脆三文魚本身嘅油好香，加埋調味好惹味 配埋微酸嘅乳酪汁，好清新！另外仲叫左蜜糖單骨雞翼，本身以為單骨好方便，點知食落都有啲麻煩 不過味道撘救，同蜜糖好夾，可以encore!

約好友食飯~遇上這間裝修別緻的cafe,感覺很不錯，我地8點半先開餐，感覺安靜用餐環境又幾好，員工服務都好好~又好nice~呢樣應該要俾5粒星啦～哈哈食物方便叫左一個黑松露炸薯條，果醬汁整得好好味呀～我仲要狂點黎食lo😂……主食就order左一個慢煮三文魚配甜酸果醬，mix埋一齊食味道好夾呀～酸酸地，味道又幾清新，再食埋過海膽意大利飯，相當有飽肚感啦！飲品就order左凍薄脆朱古力，朋友就叫左一杯凍茉莉花水果茶~兩杯都各有特色，杯朱古力就唔太甜，水果茶就偏淡味整體黎講~都係可以試下呀～舊區中的小型咖啡店

放工同朋友食晚餐, 長沙灣附近多咗好多靚餐廳, 見呢度環境唔錯就試吓😊Set dinner都有好多選擇, 仲包餐湯飲品, 而且環境氣氛都幾好, 都算好抵食👍🏻南瓜忌廉湯都幾濃滑, 唔會食到未溶嘅一舊舊忌廉, 同埋都好大碗呀冬天都係鍾意熱飲💕 朋友試咗爆谷咖啡, 好得意呀真係焦糖爆谷味😍 第一次試但係味道一D都唔怪🤤我怕夜晚飲咖啡訓唔著🙈 唔飲咖啡叫咗熱玫瑰鮮奶🌸 清香又唔會太甜👍🏻主菜首先點咗燒三文魚扒配雜莓乳酪醬, 真係冇諗過乳酪都可以配扒😆 酸酸甜甜又幾特別, 三文魚扒外皮燒得超脆, 肉質嫩滑而且好大塊!! 另外亦點咗燒豬鞍架配蜜糖芥末汁🤤 一見列個汁已經覺得好正😆 勁大塊吸收晒D汁❤️ 厚肉得嚟唔會鞋, 仲有好多薯仔粒😍😍 食完超飽haha

雖然天氣凍冰冰，都不會影響想出街食飯的心情！第二次黎Fifty Fifty, 客人多左好多，但質素仍保持到，呢樣我比較欣賞！喉嚨唔太舒服，叫左壺玫瑰花水果茶$38，份量好多，用料好足，水果茶中有淡淡的玫瑰花味，好清新！忘不了的美國生蠔，做緊特價$60/2隻，隻隻肥美又鮮甜，滑入口仍有淡淡的海水味，超好食！西非紅魔蝦龍蝦汁意大利飯$108，有兩隻新鮮紅魔蝦，肉質彈牙又香口！龍蝦汁包圍每一粒意大利飯，而且偏多汁，我特別喜歡呢個意大利飯！燒寶雲酥羊架配迷迭香燒汁$148 ， 係估佢唔到咁好食的羊架！外脆內軟，羊沒有羶味，肉質彈性十足，而且好入味！一點兒也不軔！是日甜品- 無花果芝士蛋糕，好香滑的芝士蛋糕！特別！

放假緊係周圍搵食啦，今日終於泥到呢間朋友介紹話抵食又好味既西餐廳。過緊馬路已經俾佢裝修吸引，門面好有風格，係我鐘意既工業風格，牆上掛著不同既裝飾，相架，播住流行既英文歌，微微昏暗燈光加上木製餐桌不同既椅子很有格調。西非紅魔蝦龍蝦汁意大利飯:賣相精緻，龍蝦汁撲鼻，有2隻大蝦，份量足，入口濃郁既龍蝦汁，最愛意大利飯煙煙un un，伴有菇同洋蔥，口感很好。蝦煎得金黃色剛剛熟透又不老，一切開蝦頭，蝦汁滿溢，食落爽口彈牙蝦味濃濃😀老婆一個人都食唔哂，益左我有得食😋燒羊架配薄河燒汁：份糧多，羊架有3塊，配菜都不少 ，未食之前已聞到好香，食落羊架肉質嫩滑，不會有蘇味，配上燒汁非常好食。特濃朱古力沙冰：飲落濃濃帶小小苦既朱古力味，好飲總結：呢間係我覺得係長沙灣區數一數二出色的西餐，之後都會再去！