Fifty Fifty (已結業)

今晚受好友邀請，帶了筆者到他工作地區附近的一家西餐廳享用晚餐。一抵達這條小街，天啊！這不就是筆者小時候居住的地方嗎？原來這邊開了家「Fifty Fifty」。餐廳採用了無餐牌點餐系列，只需掃描桌上的QR Code就可網上下單。於是就乾脆選了二人晚餐，選餐不用過於苦惱。餐湯估計是南瓜濃湯，稠身Creamy質感，偶有少許南瓜蓉，味道不錯。筆者向來都是煙三文魚愛好者，喜歡它煙燻的香味。沙律菜頗為新鮮，拌上了柚子醬汁，也是挺酸甜醒胃。生蠔新鮮又充滿海水味，質感未算十分creamy，整體感覺ok。「Fifty Fifty」的生蠔定價不算高位，將貨就價下，也是可以的了。吃前擠上附有的一小塊檸檬來佐送，更為滋味。30安士的肉眼扒份量十足，輕輕一切已經肉香撲鼻。外層煎得脆身惹味，五成熟的內身肉質軟腍，入口頗為juicy。如此鮮美的肉眼扒當然要立刻放進五臟廟處理，一但攤涼了，口感味道便不再了。扒餐還備有沙律、薯條和薯菜。筆者頗喜歡薯菜上的一小個蕃茄，烤得香口。口味相當特別的意式奶凍，口感滑身，帶有濃烈的斑蘭香味。酒味甚為濃烈，整體味道不過不失。每人還包括了一杯$20以下餐飲，都是咖啡奶茶之類。

今日係公眾假期，決定去啲平時唔會去嘅地方食下飯行下街。今日決定去長沙灣，因為我成世人都係去咗兩三次咁大把。搵地方食飯，自然上OpenRice睇吓邊間多啲like㗎，依間有成二百幾個like，決定就去呢間試吓個午餐。午餐超抵食， $50至$88就可以有湯有嘢飲，加$10仲有個甜品添，仲免加一！呢度好先進，係用電子餐牌。其實就係scan QR code 上呢個網：https://5050restaurant.com。是日餐湯係南瓜湯。上面好有心思，用cream畫上餐廳名。南瓜湯超足料，飲落仲食到一粒粒南瓜！燒肉眼扒配雜菌忌廉汁($88)五成熟左右，仲要大大塊，掂啊！華都夫沙律。呢個略嫌太多沙律醬。少番啲就好喇。因為上面啲蘋果同西芹已經超夠味。香煎鱈魚配香草醬($78)。魚有啲乾，如果醬再多啲會比較好。藍莓乳酪(+$20)，有粒粒藍莓，但乳酪就比較水，結啲會更好。咖啡甜酒(+$30)。拉花好靚，咖啡加上甜酒，無需要加糖已經好好味。酒精份量唔多，可以放心飲，唔會醉的！是日甜品係紅梅芝士蛋糕。甜度正常，配咖啡啱曬。呢度假日都爆場。好鍾意呢度既裝修，好有義大利風情。連廁所都有好多擺設。

假日好怕去尖沙咀沙田呢d旺區。近近地想去深水埗睇有乜野食。睇Openrice見呢間fifty fifty幾多好評於是去左午餐。去到已經2：40。餐廳大約半滿。餐廳講環保。用QR code睇menu。假日lunch set做到3 點半。Tea set就3點開始。用QR code睇到的食物吾多。無乜野特別想食所以我地2人叫左1 個lunch, 2 個tea set。午餐包餐湯+20蚊內飲品(其實成個menu無乜野係20蚊。基本上飲乜都要補差價。所以其實我覺得好多餘。不如索性加多10蚊落個set喇)南瓜湯非常杰午餐set的雜菌意大利飯 (58蚊) 呢個味道幾好雜菌好香而且個飯吾太林。Tea set (39蚊。包20蚊飲品) 炸麻辣單腳雞翼 (8隻)幾惹味的Tea set (39蚊) 炸魚薯條。叫左3個set 有 3杯飲品。我地加左4蚊 & 8蚊轉熱凍即磨咖啡。事實係個咖啡幾吾掂下。所以第3杯飲品我地直情無叫呢餐加埋一163蚊。我吾知係咪因為我地食午餐下午茶關係。所以我真係吾覺好似其他食評講到甘高質隱世。我自己覺得住附近去食就ok 囉。專登去我又吾會囉。

公眾假期想同男友拍拖，又唔想排隊同人迫0既文青cafe實在選擇唔多。朋友介紹呢間cafe話CP值好高又唔洗同人迫，所以去試試。店內設計舒服自在，唔會太多人。而且工作人員服務友善，比起其他旺區的餐廳，讚很多。難得公眾假期都有下午茶餐食，因為我未食Lunch, 點左個豚肉燴飯，男友就點左Parma Ham意大利包，兩款都即叫即做，唔會馬虎。加錢飲埋Rose Green Tea Latta都係五十幾蚊一個人，CP值超高。一定會再幫襯。

五十五十，第一次聽呢個名字以為係一間酒吧，好似猜枚嘅術語，走到入面，內裏裝潢以型格為主，座位都多又舒適，而且都幾滿場，朋友嘅介紹相當唔錯呢間餐廳跟得上時代嘅步伐，沒有實體嘅餐牌，需要掃描QR Code先可以睇到餐牌，餐廳要更改餐單嘅時候十分方便，又唔會製造好多垃圾。火焰豬手我地叫左款豬手，店員一上碟就拎起火槍，原來即席燒豬手，睇到大家眼都定埋，見店員一下淋汁，一下開火，見住豬手有軟身變為脆皮，覺得嘆為觀止!幾隻拳頭咁大嘅豬手，分比我地幾位倬倬有餘。黑松露醬薯條呢個係必叫嘅小食，因為勁鍾意食黑松露醬，薯條整到又大條又脆口，用薯條點最鍾意嘅醬食真係好正，真係會食到唔停口。香煎三文魚柳配檸檬牛油係日本餐廳食三文魚生食得多，香煎三文魚柳要係高級餐廳食先好食，三文魚魚皮香脆，魚肉軟滑，鮮嫩，唔鞋口，配埋檸檬牛油，三文魚嘅味道就更加出。諗唔到係長沙灣都可以食到咁高質嘅野食。

特登去長沙灣搵街坊食lunch ，佢介紹咗我哋呢一間，佢話附近呢一間西餐廳係比較好味㗎啦，今日外邊下着毛毛雨，餐廳都坐得好舒服，我哋order左兩份唔同嘅西餐，味道OK啦，反而係佢加$10嘅蛋糕士多啤梨芝士餅都幾好食

大商場 餐廳主是以集團經營 食到厭 為有走出中街難得一行人都過想食西餐 經過呢一間西餐廳 FiftyFifty 感覺好企埋 門口都排左幾枱客 就決定一試侍應帶位坐底後 只係比低張紙 心諗 Menu 呢？ 原來餐廳推行緊用QR code 點餐 甘就唔洗成班朋友 不停傳Menu 大家食的咩 都幾有心前菜方面 巴拿馬火腿配哈蜜瓜沙律巴拿馬火腿 咸味適中 帶少許脂肪 哈蜜瓜非常清甜 最怕有的餐廳 完全冇注重哈蜜瓜 乾巴巴 就算再好既火腿配落都扣哂分主菜 炭燒阿根廷天使粉紅蝦闊蛋面餐廳推介 天使粉紅蝦 仲可以單點 我地都好欣賞佢既闊蛋面 唔會煮得太稔 剛剛好 蝦🦐都有兩隻 香煎三文魚柳 配檸檬生油汁三文魚大約7成熟 外皮非常香 由於未有全熟 肉質比較稔 加上檸檬醬汁 一的都唔會油膩 今次主菜重中之重嘅火焰豬手豬手上枱嘅時候侍應會點火除咗噱頭特別之外係會令到豬手嘅外皮非常脆而且可以加熱豬手份量大過一只手掌 兩三個人分都可以 外皮不單止香脆 而且唔算多脂肪 肉質亦都烤剛剛好 配上酸甜醬汁 食落一啲都唔油膩 就算唔加醬汁食 肉汁都出哂黎 果然係廚師推介

放工同朋友們去長沙灣附近食晚餐 由於臨時決定 所以無訂座 間間餐廳都排長龍 見到呢間餐廳有幾張枱吉左 就打算入去食啦 佢話有人book 左枱 之後又話下張枱到你地 所以我地都照等 點知人地遲來先上岸 俾枱人地 又叫我地等下啦 於是我地等等等 等多廿幾分鐘 個職員又話至少15分鐘後先有位 再等唔係辦法 我朋友忍唔住去其他餐廳睇下 點知朋友走左唔夠5分鐘 又話有位 係咪玩野重點係入到去食 又貴又唔好食 平均一人消費250蚊 但感覺d risotto pasta只值60蚊 甜品d味道好藥水 勁伏Never try anymore

呢度個環境好闊落，充滿復古氣息的裝修，很有感覺首先有個餐湯，有好濃郁嘅黑松露的味道叫左個牛排意粉，可選飯或意粉或薯菜。個牛夠軟熟，配埋啲醬汁好好味，係意粉覺得有少少乾。我就選左魚柳嘅，賣相好靚，睇落都覺得好食。個魚好新鮮，而且魚肉軟滑，唔鞋。

因為係附近返工，見黎間咁多人推介所以決定搵埋友人黎試下！女仔最鐘意既緊係叫幾樣野share食😎小食方面簡佐芝士薯條同埋焗啡菇，薯條🍟本身預期係熱辣辣可惜黎到只係暖暖地😩 好彩啡菇就無令我地失望，個菇唔會焗到好乾身，加埋芝士係上面根本無得輸👍終於到主菜方面，我地叫佐5成熟既西冷同黑松露野菌天使麵！塊扒黎到都幾大塊，食落去唔會好*硬* ，睇得出廚師控制得好好，而且個扒仲好重肉味😍就算唔點汁都無問題！意粉方面好重黑松露醬溝埋d麵一齊食又係好夾，不過麵個份量就細佐d,如果男士食就未必夠飽!! 難得係黎間餐廳唔算係d旺區，所以坐耐d慢慢傾計都無人趕😊

長沙灣食過的茶餐廳多，酒樓拉麵也多，早前看過雜誌介紹一間名字特別的西餐廳，兩口子今晚終於能在晚上訂位一試😙餐廳名字叫Fifty Fifty，唔深究真的不知道原來老闆想廚房做到50分樓面做到50分，內外加埋就是滿分100分👍 落單前先擦擦檯面上的QR Code, 看看細心的環保Menu這個時段有咩選擇先，既衛生又清晰👏首先推介，亦都係專為高CP的它而來的黑松露醬大啡菇😍，如圖所見絕對足料的大啡菇賣相已經引死人👍，所以專誠切埋比你睇睇佢個菇內外都係50+50真材實料! juicy得誇張🤣第二個頭盤選了香煎法國鵝肝配焦糖蘋果，鵝肝一大塊外脆內軟，可能係我倆太喜愛鵝肝關係，兩個人食這個鵝肝有點未夠喉(太好食了吧)🤣👍 所以如果兩人叫兩個豪食也算值得的😝第三個頭盤是炸小食併盤有炸蠔(juicy)、炸魷魚圈、炸蝦及單骨雞翼，食哂呢三個頭盤已經差唔多比滿分👏終於到Main Course! 鮮馬拉蜆香蒜白酒墨魚汁意粉😮，蜆是意外地大隻鮮甜，墨魚汁味道足料九少許胡椒味，值得一試。來多一個必會飽肚的日本帶子海膽意大利飯，暖暖意大利飯濃味不膩，海膽與飯二合為一讓整個味道提升，貪心的我覺得如果再多一粒帶子的話

5.1勞動節點都要勞動一番一早去了參加越野跑比賽夜晚又可以食返餐好既來慰勞一下自己啦😂在網上見到呢間餐廳被佢地個大啡菇吸引了😍一去到都幾多人食喎等左一陣職員安排入座呢度既menu係用QR code係手機睇既都幾好吖都幾環保又方便今晚我地點左1. 鮮馬拉蜆香蒜白酒墨魚汁意粉 $128墨魚汁意粉好特別蜆肉好鮮味大大隻又肥美2. Fifty Fifty 黑松露醬大啡菇（兩件）$48大啡菇好大隻聞到陣陣黑松露味一切開菇既汁流出咬落去好juicy好好味呀3. 日本帶子海膽意大利飯 $138意大利飯好creamy陣陣海膽味超濃郁帶子大大隻啖啖肉4. 香煎法國鵝肝配焦糖蘋果 $88鵝肝入口即溶配埋下面塊多士食好脆蘋果有略略燒一燒配合焦糖就甜甜地成個味道就最夾最perfect5. Fifty Fifty炸小食拼盤 $68/2人份量拼盤有單骨雞翼、炸蠔、魷魚圈、炸蝦如果4人份量就$118唔錯呀！有四款小食6. 苿莉花水果茶 $38 熱淡淡苿莉花香味好特別氣味又令人好relax跟餐加$20 有餐湯、是日甜品、飲品甘荀湯凍啡 跟餐加$8是日甜品抺茶奶凍整體黎講我覺得好正大啡菇真係超好食今次整體黎講係正既👏

Fifty fifty長沙灣有好多未被發掘嘅美食~今晚想食好啲，提議試下呢間西餐廳。🥰覺得做左個啱嘅決定😋.鵝肝多士我地share左一份鵝肝多士，幾大份，鵝肝好正，大舊無渣，煎得好香脆！咬落先嚐到外皮嘅香脆，然後入口即溶，鵝肝嘅油脂慢慢滑入口腔😍😇另有配黑醋汁，更顯鵝肝嘅鮮甜，係天堂嘅味道。😇黑松露薯條黑松露醬應該係自家製~同其他嘢食一樣，呢道嘅食物份量都偏多，朋友食唔停👍🏻炭燒豬鞍架配蘋果蓉豬鞍扒大塊又厚身，煎得啱啱好唔會過熟或過生，肉質好軟熟，咬落多汁唔係好需要不斷咀嚼😀味道方面煎得好香好重肉味，係高水準嘅豬鞍扒！ 豬鞍扒仲配了甜甜嘅蘋果蓉中和豬嘅鹹香味，仲配有薯蓉，唔怕唔夠飽😋主菜只要加$20就有upgrade做set，會有湯+飲品+甜品😇湯係海鮮雜菜湯，海鮮忌廉湯配好豐富嘅雜菜。甜品係自家製朱古力薄荷奶凍，朱古力味好濃郁，中間帶微微薄荷味，幾特別😋😋成餐好豐富又唔貴，值得一試！

今晚叫了兩任食物，一份牛西冷，一份黑松露醬帶子天使麵，兩份都加了錢轉了set。牛西冷五乘熟，肉味一般，生熟度可以，但最神奇是肉是暖，肥膏凍，食落口的味道不太好，薯條用了不是新鮮的油炸。天使麵重嚴重，麵泡得太軟，沒有天使麵的質感，重要沒有將泡好的麵缺了多於的水份，食到最底的時候，原全沒有味。餐湯沒有味，好像用了罐頭湯，加多小小麵粉就算。到了甜品芝士蛋糕是全晚最好食。希望他們真的好好想下，這個價錢，我可以去某一間連鎖西餐廳，好吃過你。

呢晚放工後約左係長沙灣返工既大同食飯，佢話公司附近有間西餐幾好既所以我叫佢帶路啦。大概等左10分鐘就有位喇。餐廳都幾多情侶同夫妻尼撐枱腳，另外有D同我地一樣放工尼飲酒吹吓水咁。雖然佢有套餐，但我地都係散叫。但加左$20 有餐湯，飲品同甜品，真係超抵!餐湯係甘荀忌廉湯，好滑。煎比目魚配黑醋汁煎得好香，presentation亦都好靚，魚唔會太熟太韌，但個人唔太鍾意黑醋汁。帶子黑松露天使麵天使麵好掛汁但係唔會太漏，調味岩岩好。檸茶茶底濃冧酒提子芝士餅，冧酒提子味好出，芝士有少少漏