Fiat Caffé (已結業)

今天家明接收工，我們到了美麗華的Fiat Cafe 吃西餐，這間特色西餐廳有着鮮黄色的汽車做主題! 真的很有特色!我們今晚没選晚餐，自己点了頭盤吞拿魚卷配芒果莎莎，這味頭盤用了香煎芝麻再配蕃茄，把吞拿魚的魽香帶出來，味道恰到好處!我自己就選了一個拼盤，有辣肉腸，沙樂美腸及巴拿馬火腿，真的很有特色，巴拿馬火腿很濃很香!烤西班牙黑毛豬，肉質很厚也很有豬的果香，入口很香濃! 加上蕃茄，迷迭香和菠菜，真的很入味!我自己要減肥，所以挑了烤銀鱈魚，配搭了火箭菜，真的很鮮味，鱈魚烤得剛剛好!整体來說，很有水準!

Semi-Buffet Lunch 沒了, Brunch 再回來 ... 不打緊吧, 好吃便行。以品牌私家車作主題的餐廳, 靈魂人物怎可以不在現場讓客人摸過夠 ... 讓我們歡迎 Fiat 500。餐廳設計成車庫的模樣, 以紅黑色為主甚具時尚。意大利品牌車的餐廳主要售賣意大利餐, 無花果、芝士、手作意粉......  在食材配搭上是坊間意大利餐廳的少見。早段日子推出的期間限定Semi-Buffet Lunch已結束, Brunch也回來吧!  共有七款可選, 價錢由$118-128, 當中我們選擇了:Battered Fish & Chips  $118龍脷魚柳算是厚身, 咬落有質感, 魚肉流汁不乾身；炸漿不會太厚重, 是完全包裹整個魚塊, 吃的時候能嚐出有啤酒的苦味。 粗薯條口感特別鬆脆, 炸得香口, 蘸茄汁、他他醬來吃亦可。Eggs Benedict $118可選擇配巴馬火腿或煙三文魚, 我這份是配巴馬火腿。  例牌地先輕輕的把水波蛋黃刺穿, 黃澄澄的蛋漿滾出來並滲透鬆餅, 混合荷籣醬去吃很有滋味。Sesame Crusted Tuna Chunks  $108半生熟的吞拿魚得到芝

車， 已不是男士專利， 女孩子也有自己的dream car。星期日睡到自然醒，差不多十二時多，與小女孩來到Fiat Caffe , 高高興興地爭著與展覽車合照，就已經好開心。 所以說，有主題的餐廳，會較勝一籌。 食物質素方面， 當然要色香味俱全，才會有再惠顧的機會啦!這個鐘數， 有brunch亦有餐單菜式，為免小女孩吵著， 趕快從brunch中點選好了。迷迭香燒春雞扒配烤時菜$128， 半邊春雞燒得好香，調味足夠， 雞腿位置最為嫩滑juicy, 雞胸部位可以撕出絲絲雞肉， 燒春雞就是這個口感! 烤薯及青瓜烤得適時， 肉與蔬菜來個平衡。老公想吃牛，小女孩想吃薯條，點這個牛肉漢堡蘑菇配炸薯條 $118 就合心意了。打開面包，有磨菇芝士， 其拉絲感十足，鹹鹹的挺惹味，牛肉漢堡倒是沒有調味的， 要medium熟，但看來已全熟，加上肉汁欠奉， 唯有靠生菜與蕃茄搭夠; 不懂得這款是甚麼包類，面層鬆軟，但包底吃時較費力。Brunch不包飲品， 總覺有點缺乏， 額外點了榛子鮮奶咖啡$42，入口順滑但啡味較淡。小女孩要求的蘋果汁$28， 有點像兒時喝的蘋果汁啊~  不太甜，當然全被她喝清了﹗

今日黎左Fiat caffe食lunch, 本身只係o係附近睇下有咩食, 經過見到門口既汽車擺設就比佢吸引左, 而且見到假日有brunch食, 所以就試下啦!可能太早既關係, 星期日既12點係好少人既, 但食到尾就開始多人入座~睇番野食, 見到d brunch幾吸引, 所以叫左一個煙三文魚egg bendict, 同埋廚師推介既黑松露磨菇手搓粉, 另外仲叫左個巴馬火腿配蜜瓜~巴馬火腿配蜜瓜配左好多火箭菜, 感覺好fresh, 而parma ham配蜜瓜永遠都係好食既XD 只係蜜瓜有d乾, 唔夠甜~egg benedict份量比平時食開既大份, 仲有好多沙律菜, 一拮開隻蛋, 已經有好多蛋黃汁流出黎, 睇到都流口水,食落半熟蛋煮得剛好, 而荷蘭醬亦調得幾好味, 好rich 好creamy,好香牛油味, 但三文魚份量就唔太多, 整體係幾好食既egg benedict,好大份, 建議2個人share會無咁漏~最後呢個黑松露磨菇手搓粉好好食, 手搓粉好特別, 口感煙un, 而且吸收哂d黑松露味, 個汁好濃, 整體好味道, 但都係食得多會好滯~飲品點左本pina colada, 比想像中大杯,

數月前曾到過Fiat Caffe晚膳，記得餐廳環境相當舒適，食物不俗，服務亦很好，所以一直也想再次光顧. 這次選了午市時段重臨，餐廳裝潢仍然是如此吸引，不論是否汽車的愛好者，仍然值得到來一試.友善的店員安排我們坐舒適的卡座，用餐環境實在不俗. 午市套餐選擇甚多，包括: 英式早餐、香煎比目魚、手製意式三文魚卷以及紐西蘭肉眼牛扒等，已包括頭盤、是日甜品及餐飲，定價為$98-$148，相當划算!如果想轉特色咖啡/ 果汁，則另 +$10; Mocktail +$20; Cocktail +$30; 選擇靈活多變，適合不同口味的客人. Cold Mountain (跟餐+$20)餐飲方面，選了這款以Cold Mountain命名的Mocktail，夢幻的橙色加上一座有如冰山的刨冰，實在漂亮極了! 清甜的蘋果汁加上酸甜的檸檬汁，構成這杯清涼解喝的MocktailHoney Figs Margarita (跟餐+$20)友人則選了這款無花果特飲，酸中帶甜的飲品內也有不少無花果肉，實在真材實料，清爽宜人.午市套餐的前菜共有3款選擇，包括是日餐湯配麵包、油浸八爪魚仔沙律、蟹肉藍芝士沙律，我們同樣選擇了

尖沙咀彌敦道132號美麗華商場B1018號舖Fiat Caffé是汽車品牌自設的食店, 數年前第一間在銅鑼灣開業也光顧了數次,無心插柳於假日的中午去美麗華買書, 見到有Brunch,帶著友人來體會以車做主題的餐廳, 男生愛車想必錯不了。沙律DRESSING稍鹹的CESEAR SALAD, 原因不外是太多DRESSING,烘脆的麵包片及BACON粒口感更爽。主菜我點了迷迭香燒迭春雞, 配菜是薯仔塊及蕃茄,肉是嫩嫩的, 吃了一口雞片,沒有太多多餘脂肪,加上迷迭香的香草味, 不需太多調味已甚是滋味。同行友人點牛肉BURGER, 厚身的牛肉漢堡更可以選擇生熟度, 今次的是5成熟。用上了意大利PANINI,PANINI上灑白芝麻更香, 要盡快享用因PANINI本身是硬實口感,一拿起肉汁已滴出, 牛味不算不重但很JUICY, 夾了生菜蕃茄以及溶化的芝士,連炸薯條同沙律, 男生吃一份都說飽了。原本中醫叫我要戎/少食甜及精製麵份的食物, 即時叫我不要吃任何蛋糕西點,但新年糖果油器也很抗拒, 又要把勸化拋諸腦後。當日要了tiramisu 同CREAM BURLEE, CREAM BURLEE很滑也同時擁

近排天氣又濕又凍，加上早幾日細雨連綿，確實令人有點納悶。幸好來到週末，天氣終於放晴，而且氣溫回暖，老公提議不如兩口子一起外出走走，順道去睇吓樓，看看有乜心水靚盤。咦，都好喎，其實了解一吓市價行情亦不失為一個假日好節目。選了尖沙咀作為首站，就一於先去美麗華商場的《Fiat Caffé》吃頓午餐才繼續行程。其實這間以汽車為主題的 café，去年六月時曾到訪過，吃完後覺得無論食物質素和服務水平都令人十分滿意，所以這天特意再來回味店裡的美食。餐廳裝潢和對上一次來時其實分別不大，門口仍舊放著一架鮮黃色的汽車，配上餐廳的桃紅色招牌，搶眼醒目。由於來到時，時間尚早，所以店裡人客不多。進店後先選了張走廊的梳化卡座，再翻開放於檯面上的餐牌細看。菜式選擇和上一次來時，其實分別不大，除了有廚師推介、頭盤、餐湯、沙律、意式烤麵包及三文治、精選主菜、意粉、燴飯、手製薄餅、兒童餐及甜品外，另外還有一個 Brunch 早午餐 menu，不過最令人驚喜就是，餐牌的價錢竟然同我去年六月到訪時一模一樣，菜式沒變，價錢依舊。先點飲品，記得上次試了以蜜糖、紅莓汁及新鮮無花果調配而成的無花果瑪咖烈特，今次就一於簡單點，選了杯味

數年前曾到訪FIAT CAFE銅鑼灣店,以迷你車作主題, 店內提供食物、設計上大玩趣味,當時已深深為吸引、今回進駐在美麗華商場地庫多時,襯著元宵借口跟家中要員共進午餐。。。餐廳以主菜和半自助型式Semi buffet供應, 有沙律、熱湯、熱盤小食,凍肉、甜品等,主菜由HK$118-HK$168.不等,包括有野菌紅米飯、白酒煮大蜆意粉、三文魚卷薄餅、煎比目魚配檸汁同香草春雞。。。熱食上有脆炸雞翼、焗豆、及炒雜菜,當然亦提供包類配熱湯門口玻璃柜內正正便是下午茶蛋糕 ,心型蛋糕很是別緻、 八卦心起問問職員看看餐廳。。當日熱湯是羅宋湯,用料齊味道上不過於偏酸、濕濕喉再往沙律進發喝過熱湯,向沙律吧上喵喵,數款沙律自由配對,檸檬欖油、標準沙律醬,自已配搭、加多一兩片凍肉,前菜份量剛剛好,擇下兩款主菜終於上枱,黑松露雲吞配野菌忌廉汁$128.忌廉汁比預期多,野菌滿滿填飽在雲呑皮下,加上香氣飄飄之黑松露醬、很是好吃,另一道家人選之香草燒春雞$148., 上枱需時、兩隻小肶位感覺肉質細嫩,淡淡香草味佈滿雞肉全身,沒有太多花巧只伴上燒蕃茄和薯角、沾沾醬汁簡簡單單但感覺不俗餐飲上加上$10.可轉為latte

K&C獨自去東京happy，留下小魔怪給嫲嫲和小妹看管。小妹連日與友人夜蒲，嫲嫲又不懂逗小魔怪玩，悶煞了可憐的她﹗是日，小妹帶她倆到尖沙咀一遊，並去了美麗華商場的Fiat Caffe享用Semi Buffet Lunch!近門口處，設有一沙律吧，左手邊的桌子上，放有甘筍湯、香草麵包、單骨雞翼、炸薯條、炒雜菜和炒蘑菇。右手邊的枱上，放有數款沙律菜、配料和醬汁，客人可自行選用。此外，也有三款沙律，一款火腿、西瓜、哈蜜瓜、芝士蛋糕和意式奶凍。午市半自助餐只限星期一至星期五提供，客人於七款主菜中，任選其一，就可無限享用自助吧、廚師精選餐湯和甜品，再加咖啡或茶一杯。主菜索價由$118至$168不等，另加一服務費。如客人只享用自助吧，或三歲至八歲的兒童，每位索價$88。牛高馬大的小魔怪，實質未夠三歲啊﹗可惜，人家總以為她是小學生了﹗幸而，我們有經驗，帶定證明文件出街。否則，真是有口難辯了﹗點餐後，在梳化椅上跳上跳下的小魔怪，又大叫「嘰哩咕嚕肚子餓」。小妹到自助吧取回少量炸薯條、單骨雞翼和炒蘑菇，前兩者炸得較為乾硬，未夠香脆也；炒蘑菇口感軟腍且菇香十足。小魔怪喜歡意粉和薄餅，可惜，餐牌上只有微辣的白

很喜歡吃Semi buffet, 因為可以吃到沙律, 頭盤, 餐湯, 甜品之餘, 亦可以揀選有質素的主菜, 而且semi buffet價錢比buffet 便宜一大截呢!只要付主菜的價錢, buffet bar 的食物就任你吃, “心理上”會覺得好划算.Fiat Caffe 近日推出了Semi- buffet Lunch, 年初四休假, 可以在下午時段慢慢嘆.Buffet 食物種類不多, 但已經有齊想食的東東:色彩繽紛的沙律吧, 有多款蔬菜可供選擇, 而且色水靚, 每片蔬菜都好新鮮. 加了橄欖油及凱撒沙律醬, 凱撒沙律醬加入了類似鯷魚的碎屑, 鹹鹹香香的, 令原本平凡的蔬菜也會”惹味起來”.另備有火腿片, 螺絲粉等配料, 用來加入沙律當中, 吃一碟沙律已經半飽了!磨菇湯呈黑漆漆的顏色, 磨菇下得多, 奶油下得少, 菇菌味十足, 感覺不會太過heavy.農夫包外皮煙韌, 內裡軟腍, 用來點湯更好吃.更可兩款熱盤可供選擇, 分別是意式肉丸及炒雜菜. 意式肉丸比平時吃到的細粒, 肉丸事前經過油炸, 所以本身呈現金黃色, 再用茄汁來燴, 味道好匹配.香辣蕃茄汁雞肉意大利粉 ($118)雖然有”香

五天大假後，整個人都懶洋洋的，還處於Holiday Mode。無奈跟銀行假，只放紅日，只好收拾心情返工。上班的第一天，開年飯選擇了在Fiat Caffe，早前在Facebook見到他們推出了午市Semi-Buffet，早前兩次光顧此餐廳的體驗都不錯，有新東西當然不可錯過...午市餐牌的Main Dish只有六款，早兩次試過了意粉及魚，這次一於試試牛扒。在等候上菜的同時，當然到自助吧枱覓食，Semi-Buffet的好處就是多樣化選擇，沒有局限，可以每樣都試一下。餐湯，麵包，沙律，水果，冷盤，小食，熟食，甜品，選擇都算多，而且留意到Refill的速度都很快，不會存在空盤子。題外話：餐牌有寫只光顧沙拉吧每位$88。個人比較喜歡沙律菜，真的非常新鮮，爽脆又清新。香草雞翼也不錯，味濃而且又不會太乾身。主菜 - 烤肉眼牛扒 - $168值得一讚的是廚師把火候控制得十分良好，牛扒外香內嫩，將肉汁完全鎖住，入口香甜而且牛味甚重。香辣番茄汁雞肉意大利粉 - $118辣味比番茄汁出眾，醬汁剛剛好，每條意粉都沾到而又不會過多，意粉的軟硬適中，配切粒的雞肉，口感豐富。原本餐飲包了咖啡或茶，最後我還是加錢轉了熱

fiat caffe 系平時食開既cafe habitu 隔離，之前行過幾次都未有機會試，星期日行過就諗住試下新野~我叫左個egg benedict 配煙三文魚，不過我覺得味道唔夠濃，個hollandaise醬無咩味，完全比三文魚既味道蓋過。 不過下面既包底做得唔錯，而egg benedict 既精髓 poached egg 質地同口感算唔錯，成碟野我都系最終以隔離既沙律菜，好新鮮！ 我地仲叫左個墨魚汁麵，味道亦都系偏淡，無咩味，不過一份都算彈丫，口感唔錯。（溫馨小提示：女生約會最好都系唔好叫呢款意粉，因爲會食到成嘴都系黑色 ）雖然食物唔系太吸引，不過環境同裝修都幾加分，餐廳裏面好多Fiat 既figure 公仔，空間都幾舒適同寬敞。不過總括以食物味道黎講，個人覺得價錢偏貴...應該下次都唔會再黎架啦

是日契仔幫大少契爺慶祝生日，不過因為契仔仲細，所以由媽媽決定餐廳~但係因為我地遲少少到，佢地一家人去美麗華行街，點知，到大家會合之後，媽媽竟然話不如美麗華食就算，所以……我地就決定去Fiat試吓~~ - 我好鍾意呢個，因為係一粒粒薯仔，再加煙肉碎，雖然煙肉碎比較硬，但係加埋薯仔沙律，無得頂，另外有少少沙律及煙三文魚，簡直完美雜果賓治香煎芝麻吞拿魚卷配蕃茄芒果莎莎 - 其實我少食半生熟吞拿魚，因為唔太鍾意吞拿魚味道(熟我OK)，所以我只選一片，其實無太多味道，好香吞拿魚味，不過……略嫌芝麻太多，另外朋友將莎莎加上吞拿魚食，味道又變更加好食龍蝦湯 - 嗯……真係有時唔好唔信OR食評，大家都覺得呢間Cafe食物質素可以，但係湯唔得，本來我地都覺得可能巧合，不過，當一試之下……不得不認同，龍蝦湯無應有香濃味道，反而……多多燶味，完全好似煲燶湯味道，無落鹽一樣，飲水咁~ (跟餐order要加錢轉飲，真係火都出埋)扒大蝦墨魚汁意粉 - 前一晚自助餐有食墨魚麵，今日就食墨魚汁麵，兩個一個天堂一個人間，天堂一定係呢款，蝦爽口彈牙，意粉彈牙，軟硬度剛剛好，絕對好味烤西班牙黑毛豬鞍 - 好厚，好大塊，以為

同個女仔fd行街，盪下盪下就比呢間餐廳既舖面吸引左，雖然大家都肯定唔係車迷，而且見到車好似覺得只關男人事，不過我地都被佢既型格設計吸引住，於是就抽住一袋二袋入去開餐~~~朋友order左個魚扒，我就order左扒大蝦墨汁意粉，大家開心share~前者肉質同味道都不過不失，我地都覺得味道可以濃d，但食落都算幾香口~至於個扒大蝦墨汁意粉，隻蝦都幾彈牙爽口，意粉比較硬，軟身少少會更易入口，食完兩個都食口黑晒，勁樣衰~整體而言環境都幾有格調、幾好氣氛，如果另一半鍾意車就一定要帶佢黎喇~