Fiat Caffé (已結業)

即使住在附近，但我沒有特別想來這兒來試食一試不得了，幾好味還有service 好好，完全沒有趕客還及時地收碟和加水裝修好特別，即使我不愛車，也覺得好舒服1. breadstick好味，脆脆的，不咸，一人一條，不會太多2. King Prawn Pasta 好壯觀，好大隻蝦在碟上pasta al dente，讓我食了又食汁濃味，好味道唯一要投訴一下的是蝦比較焦了，希望可以改善3. Portebello pizza無可挑剔，夠脆，夠薄味道夠清爽的4. Seafood risotto切合了香港人的需要，夠濕潤，不硬有帶子，青口，還有蝦5. potato skin不好意思，忘記拍照，熱熱的，好味永遠都不會食厭總結，一定會再來，地點方便，服務良好枱與枱之間的距離充足推介你也一試啊

間野好特別，有架好大的車放係店內，行過唔知會以為呢間係賣車店呀。閒日晚上七點到都無咩人，服務員態度都唔錯。食左烤魷魚配檸檬橄欖油汁，魷魚燒得剛剛好，我地配菜都食清光。另外叫左個黑松露野菌手搓粉，好特別的口感，好好食。朋友見隔離枱叫pizza幾正咁，我地都試左個Hawaiian pizza，餅底又脆又香，有菠蘿有芝士又有火腿，真係值得一試。

上次食fiat caffe，已經係年幾兩年前既事。上個月係美麗華經過見到佢，仲以為佢係開左分店，但原來係餐廳由港島區搬左黎尖沙咀。佈置同舊店差唔多，都係有部好eye-catching既車係門口，但係舖位再大左，晚上7點去到，都唔駛等位就入得。今次黎fiat caffe食飯，其實係為左同朋友慶祝生日。事關佢下旨想食pasta類既野，所以我就決定揀呢度喇。 打開menu，見到選擇比上次食fiat多左好多，但亦無左我上次食覺得好好味既一個blue cheese pasta 最後我地揀左set dinner for two ($398 + 10%)，有兩個set appertizer，兩個soup，兩個有得揀既mains，同兩杯野飲（coffee／tea／juice）。其中一樣appertizer － Italian meat platter。雖然無expect過set dinner既appertizer會大份，但a set for two...呢個portion...好似真係比較細左d喎。反而個set既湯就有d驚喜！跟set既湯係一個雜菌湯，味道既濃度岩岩好，質地既濃稠亦恰到好處，仲可以食到

Fiat cafe之前係香港區時已經聽人介紹過!可惜小妹好少過海一直都無機會試.話說6月返工時發現公司樓下會開,實在要試下先可以安撫我既胃&口.於是就問問男朋友有無興趣食啦.點知男友反應都幾熱烈!事不宜遲,我地就定左洗完牙去食返餐好由於我地無訂位,到達餐廳時大約下午2時,剛好有張檯埋單,店員讓我地等一等先再安排入座.成間Cafe好有特色,不論係門口既陳列車又好,精品小櫃,單車,甚至員工既制服(係連身工人衫,我好想要呀!!)已經先吸引目光,完全係令我既興奮指數上升~~男友有先見之名,今次唔叫pizza唔叫意粉/飯,可以叫多少少野食試.我地有BBQ雞肉沙律蕃茄切粒都可以清楚見到成個形狀,切口位不會熔熔爛爛!仲好甜添!此外沙律內仲有D白色一粒粒既諗左好耐個名都出唔到黎,結果我地問店員,我條問題未問完店員已經答到我想要既answer!好勁!!我諗可以都有其他人問過呢條問題唔好睇相以為個沙律好細,如果太細食我相信自己食一個都可以做lunch!白汁意大利雲吞估唔到佢有咁多粒!我地都特登留係最後先食,因為驚會越食越膩.雖然係一粒飽肚20%,不過真係好好食~仲有哈密瓜配parma ham~呢間都係數一

某日行街見到新開既呢間cafe佈置比較特別, 以車為主題, 好大架車放係門口, 好sharp, 所以就搵左呢日去試食...首先坐抵冇耐, 隔離枱既一男一女就燥底, 勁鬧d waiter...又話miss單又話order左好耐都冇黎, 要cut單..咁當然唔知佢地等左幾耐啦...咁見到d waiter好冇奈咁再解釋話整緊之類...咁我同朋友當然唔理, 就order左個藍青口同三文魚扒+ casear salad...仲有兩款果茶...其實within 15mins, d食物開始上羅...唔明點解隔離枱話好耐都冇野食黎之類..發睥死...極及冇品既樣...食物方面, 唔算太突出, 但個藍青口真係要再改善下, 個sauce太稀, 唔夠creamy...suppose佢個忌廉煮應該要結身小小, 比較清淡d啦...個三文魚扒煎得唔錯, 中間係糖心, 但就係唔夠實身, 有d散..可能煎個陣仲有水份, 所以表面唔夠乾身, 但味道是可以的..加上配菜做得唔錯...^^可能新店開張不久, 甜品款式唔多..所以唯有下次先可以試啦....

是日好友們跟筆者慶祝生日，由小紅姐發辦，來到fiat café. 訂了枱，平日七時半便可入座。店內前後放著兩輛車，很有個性，真的很想開呢！室內用上紅白色作為主調，坐得也頗舒適。是次點選了：Fiat Cinquecinto wings (HK$58), BBQ chicken salad (HK$88), Hawaiian pizza (HK$128), Meat balls with orzo (HK$108), Wild mushroom truffle with trofie (HK$138).侍應先送上麵包，是長條形的餅乾條。餅乾條味道一般，跟街外的餅乾無異。之後是BBQ chicken salad，賣相不太討好，可能是用上啡色的醬汁吧。試一口，軟熟的雞肉粒，加上生菜，一些粟米片粒，一些粟米粒和蕃茄，口感層次豐富，　味道比賣相佳。Hawaiian pizza，試一口，非常高水準。餅底薄脆得來又不會像薯片般過脆。用上菠蘿和火腿的簡單食材，清淡得來使芝士味發揮得更好更特出。那半溶的芝士真的令人念念不忘，不消一會便放下兩片pizza入口，哈哈！Fiat Cinquecinto wing

個幾月前去過銅鑼灣店，聽侍應講話餐廳會搬去尖沙咀，心諗，太好啦，會更加就腳啦。新店比舊店更大同更多精品賣，坐得更舒適，佈置比之前更加似一間主題餐廳。今次黎見到MENU上多左好多野，包括PASTA, RISOTO, PIZZA, COCKTAIL, MOCKTAIL 等等。 今日試既全部都係新既菜式，有菠菜忌廉汁鮮魷耳朵粉, 香煎三文魚扒配徇草忌廉，龍蝦湯, 龍蝦汁鮮大蝦扁意粉同意大利海鮮繪飯。最好味既係龍蝦湯同埋龍蝦汁鮮大蝦扁意粉，個湯好有龍蝦味，有別於一般西餐廳，再加埋D意大利麵包條簡直係一流呀。至於個龍蝦汁鮮大蝦扁意粉，個味夠濃，料又落到足，真係唔錯。意大利海鮮繪飯同菠菜忌廉汁鮮魷耳朵粉都唔錯，個菠菜忌廉汁可以落返少D芝士，咁就真係完美啦。下次黎既時候要試下佢D PIZZA 同埋MOCKTAIL。

今日難得約朋友一齊吃午餐, 諗來諗去都吾知食咩好. 聽講附近美麗華商場新開左一間幾特別意大利式餐, 於是幾個人就去試下新野. 我地一入門口就見到以車為主題西式餐, 幾個異口同聲地"嘩"一聲, 真系好特別啊! 座位闊落, 環境舒適. 見時間尚早, 暫時吾系甘多人, 所以拿拿聲座低攞起MENU叫野食, 見MENU有PIZZA & PASTA , RISOTTO, GRILLED散叫或餐都得, 都幾多款式選擇, 最後選擇左三個LUNCH SET大家SHARE食, (有 菠菜忌廉汁鮮魷耳朵粉, 香煎三文魚扒配徇草忌廉, 瑪咖烈薄餅) SET入面有湯或沙律, 飲野咖啡或花茶.一, 聞起來比較香農芝士味菠菜忌廉汁耳朵粉, 食落去香滑彈牙而不油膩, 好味二, 香煎三文魚扒上面鋪上一層沙律菜, 側邊仲有薯溶同埋香草忌廉汁, 雖然簡單的點綴, 買相相當吸引, 而且份量足, 鮮甜多汁, 一D都吾鯹,  值得一試.三平時食PIZZA 食得多啦, 多數以多肉為主, 但系今日我地叫左一個比較清D配料, 食落有吾同既風味, 內軟外脆, 正食飽飽之後仲有杯助消化醒神花茶, 啱晒我里D貪靚怕肥既女仔仲有, 仲有, 多

一直深受車迷喜愛的Fiat Caffe搬遷到了尖沙咀！新開張的餐廳不但地方更大、坐得更舒適，而且這裡比銅鑼灣店的佈置更像一家主題餐廳！絕對是慶祝特別日子，或者拍攝美麗相片的好地方！Fiat汽車的感覺就是可愛、時尚又帶點玩味。的確Fiat Caffè也繼承了這個風格，在絲絲的可愛意式風下帶著點點的時尚感覺。餐廳在美麗華商場的地下，門口就有輛Fiat 500C的陳列汽車在歡迎來客，十分醒神！門口右則則是精品櫃，有不同的Fiat玩具車、頭盔、衣服、零食等精品發售。剛開業才一星期不到，還在試業營運所以客人未算太多。一直喜歡其銅鑼灣舊店的食物，可這天是在晚飯後偶意經過，所以只來享受一杯Late-Night Coffee！這裡除了咖啡外，也有不同的Cocktail，是小斟一杯的好選擇呢！今次只簡單點了兩杯Latte。拉花用心、奶泡打得細滑。用上illy咖啡豆的咖啡味道中等，牛奶的乳脂味道未有平衡到豆的苦味。但在這個舒適的環境下，咖啡不是重點，環境才是最令人享受的地方呢！喜歡汽車的Couple們不要錯過到美麗的Fiat Caffè用餐喔！

今日一家人去左fiat 食lunch，一入去就見到架真車，小朋友勁興奮小朋友就叫兒童餐， 有薯條，意粉同果汁。薯條外脆內軟，熱辣辣我地又叫左鵝肝漢堡，第一次食鵝肝，味道唔錯，另外個扒蝦三文治就普普通通意色雲吞有別於我地食開的雲吞，新鮮感十足另外，pizza亦唔錯，pizza邊超脆大蝦意粉有龍蝦汁味，值得一試整體而言，野食幾好，環境舒適，值得一試！

星期日的下午，尖沙咀總是人山人海，一支公想找地方Hea，也是一位難求。無意之中走到美麗華中心，發現原來位於地下一層有新cafe，幸好人流不多，便前往一試。試了市面上較少見的Coconut Zesta ($45), 有淡淡的椰香，配合咖啡感覺不錯，青檸只為點綴，看看就好。下次有機會再試一試食物質素吧。(希望屆時不用迫爆⋯)