Factory 99

营业中

休息中

每隔一段日子都會去Factory食...因為地方算寬敞...工廠區夜晚會少d人...但係近期兩次經歷令我同朋友都決定不再到了.二月中老婆生日, 一星期前電話訂位, 因為15-16人希望有間房啦!! (老婆大肚中), 有人回應最低消費200/位, 我確定無問題啦!! 當日下午已經心血來潮打去COMFIRM過, 因為要接老婆先, 所以朋友先上去坐下...我到場後, 朋友說"本來餐廳說沒有BOOKING", 好彩最後有位, 如果唔係十幾人浩浩蕩蕩企係門口就唔好啦....昨日朋友生日, 以為上次一時錯誤算啦!! 再訂!! 本人再5日前電話訂位, 因為有12-13人同三個BB(要放BB車)希望有間細房坐, 有人回應最低消費200/位喎, 確定無問題啦!! 之後打去COMFIRM佢啦, 突然話坐房要加價(最低消費合共$3200左右)..坐地起價咁樣做生意...好了...咁OK啦!! 又有人話要轉頭再覆實(當日係晚飯前一天), 可惜沒有人回覆!! 當日下午本人再打去查詢, 到最後答案是"沒有房, FULL左了" 嘿! FULL 左5日天訂枱你唔講, 我們一行十幾人被該餐廳的突然決定, 無辦法再訂其他

因為網購所以要去巧明街取貨官塘只懂apm, 但之前試過都係連鎖店貨色, 不要了想找間只有官塘才有的食店, 於是從openrice 以 '巧明街'去找, 找上了呢一間!工廠大廈門口整得乾淨寬闊, 上一段樓梯行一段路就到踏進去似god賣傢俬多d一張張大大的木檯坐滿了人客都兩點九仲咁多人?服務員招呼坐低搭檯朋友點了午餐焗豬扒飯有9折-朋友讚不絕口夠乾身,個汁吾會浸死d飯豬扒肉質有層次, 吾會太'孩'又吾會過份'鬆', 飯一粒粒吾'癡'係久違了的焗豬扒飯我點了下午茶鮮茄火腿雞絲燴意意粉發了之外, 味道還可吾知是否位於工廠大廈份量十足, 飽到晚飯都吾食得多早知2人share豬扒飯就夠食飲品的熱咖啡可以不飲!

呢度個名改得真係好既簡單貼切又易記座落於街道99號，又係一棟工廠入面既一樓唔識路既如小妹，都可以因為個名而搵到呢度雖然毫不顯眼但眼見門口貼左好多明星相想必有好多食家黎拜會過，當中竟然有蔡欄tim去到門口時發現超多人好彩朋友仔先去搵位不過因為人多，嘈到似街市，野都講唔到有中式同西式餐湯選擇是日offer 分別係木瓜雪耳同羅宋湯除左menu，搞笑地仲有個牌寫晒木瓜雪耳有咩功效不約而同，我同朋友仔都要左中式湯其實唔多覺得係飲緊木瓜雪耳但個texture 好糊口，仲有好幾舊雪耳tim用梯盤盛載住，保溫程度一流，上到檯熱辣辣好creamy 好cheesy而且份量好多，食唔晒個魚柳好嫩滑好爽不過唔多鍾意薯菜個菜係瓜類有好多薯條喔仲有餐飲的呢成個set 未免太飽了好豐足

寫這食評是因為這裡的裝修很用心.我想老闆是用心搞的。。。可惜這裡的食物真的很一般，對我來說就好像快餐一樣地方開在工廠，先天有著租金優勢，可以把資源更好地分配在食材以及員工身上。他們在使用食材方面是不吝啬的，可惜廚師真的抵鬧，把食材都浪費掉。味道上我只試了我自己的黑松露大蝦意大利飯及友人的墨汁意大利粉，那白灼的大蝦很爽口卻無味，大量灑下的黑松露塊竟然半點香氣也谷不出來，未知是否儲存不當，意大利飯全錯，只是熟透的糊仔而已。友人的墨汁意大利很"傑"，SAUCE太多而且沒有那種咸鮮味。其餘肉類的烹調火候全部有問題，倒不如你不要問我，只給我生/全熟去選擇吧，我不要求你做到Medium rare，但真的很HEA...頭盤沙律的DRESSING唔該即刻改，酸味都有層次的，你地而家個DRESSING酸得好單薄，好"寡"甜品今日係焦糖蛋，層糖太厚了，很難進食之餘糖塊也很界口。最後最後，野飲真係甜得好緊要...ANYWAY 我見你放左好多好多擺設，亦作為小生意，真心希望你地改進一下，先天有咁多優勢，只係差在你肯唔肯做多步。

男朋友接放工，話想試下新餐廳，見FACTORY 99 又幾近，所以就決定試下！我地叫左SET DINNER。包括有，餐湯 ﹣ 磨菇湯 （太稀喇 ） 煙火腿沙律 （冇乜特別）安格斯牛扒 12安士 4成熟 （ 一眼見到就覺得幾大塊。生熟度岩岩好！肉味重，並唔係用好多香料醃出黎既好味。可能係材料問題 ）海鮮意大利飯 （店員一拎埋黎，已經嗅到香味。味道都唔差！）甜品 ﹣ 芒果布甸 （一般貨式 ）環鏡方面呢，店主應該花左心機去佈置。唔錯！ 不過如果係想安安靜靜食一餐的話，可能就滿足唔到喇。。。

與朋友聚會, 正在苦惱去邊食既時候有一位朋友就介紹我地去Factory99, 佢食開晏晝的, 不過佢都話果度既環境同價錢斬ok!而且我上openrice見到好多網友都大讚 咁我地就決定去試下~早一日book左位(book左好似穩陣d~) 一行5人就去到 巧明街99號 , 其實呢度又唔係好難搵, 響apm近元氣果個位置有一條電梯, 落左去之後, 沿路向前行, 就會見到一黑色既大閘。大閘有一個99既字樣, 果度就係喇!入到去, 環境幾有格調, 好試合一大班人一邊食野一邊傾計!!我地5個人, 每人叫左一個set dinner, 因為 set dinner好似抵d 有一個沙律, 餐湯, 有一個排, 甜品, 餐飲, 仲有一個大大地既麵包比你地share!之後我地再叫左一個芝士焗薯條我就叫左一個介未汁牛仔排, 其實都幾大份!!! 食完上面果d野之後, 已經有飽既感覺跟住呢個set入面又有薯條...mami呀@@豬肋骨。哈哈, 呢個我地食左一半先記得影。呢份野都唔少野, 有一隻前臂咁大@@食完所有野, 我地都已經好飽好飽。所以我覺得如果幾個女仔去食, 可以叫一至兩個set, 再叫d小食 or 意粉

發現觀塘工廠區有這間充滿格調的餐廳，裝修擺設、一檯一椅花了很多心思，儼如蘇豪區的gastro pub。午市套餐價錢很公道，我叫了一個巴馬火腿牛油果沙律，包餐湯飲品$58。材料很豐富，不過火腿只有區區兩三塊，假如多一點我不介意多付一點錢。牛油果醬很清淡，生菜略嫌過多，建議加入多一點不同種類的蔬菜。不過整體味道感覺還是很健康。同事叫的也賣相不錯。有海鮮白汁意粉、吉列魚柳沙律。吉列魚柳很香很脆！不過白汁意粉有點淡而無味，加了芝士粉後味道剛剛好。建議午飯時間先訂檯，否則有排等。

星期五係Happy Friday, 同班同事出面食Lunch.今次嚟咗Factory 99, 好耐都無嚟, 同埋D同事未嚟過…一上到去已經Full晒, 等咗大約15分鐘先有位..我今日點咗Set Lunch B2) 白汁忌廉豬肉腸茄子意粉, 跟餐湯同飲品餐湯 – 無白湯, 得番紅湯.. 足料, 道度夠濃, 對於唔鍾意飲紅湯既我都覺得唔錯~白酒忌廉豬肉腸茄子意粉 – 用個Pan上, 其實個Pan都幾深吓, 兩個女仔食呢個都應該OK! 豬肉腸有3件, 好好味.. 其實食到一半有D飽.. 飲品 – 凍檸茶, D茶唔苦, LEMON夠新鮮~P.S. 試咗同事的煎豬扒, 豬扒好鬆化.. 超好味!! 下次可以試試 如果同一班同事食, 其實可以叫幾個SET SHARE.. 咁可以試多幾款因為一個女仔食一個SET LUNCH, 其實都唔太食得晒~

情人節大餐係比D商人賺大錢既日子度度都貴到飛起!!!所以上一年都無話點樣慶祝法~但今年去左呢間Factory 99係無意中睇蘋果動新聞時見到既, 個條片就講情人節工廠區既大餐有咩選擇, 最後因為呢間有牛排食就決定左啦!間野係工業大廈既一樓, 其實係apm後一條街不過其實只要搵到巧明街就會搵到佢, 因為個門面加左個好大既鐵籠同埋好大個招牌(我唔記得左影- -)我自己估佢叫factory99係因為佢係巧明街99號既工廠裡面,所以都幾好記既~book左8點半但8:15左右就到左, 因為佢話只會hold十分鐘枱佢要我地等陣, 但其實當時入到去係見到有好多空枱既anyway大好日子無謂掃興, 就出去門口影下相其實都幾有心思既同埋有D佈置個感覺就好好多無咁工廠feel可能始終係工廈, 入面都好大, 又係幾有心思既佈置入面有堆二人枱係特別用左紅色枱布既, 唔知係咪專for情人節定平日都係咁呀我地叫左情人節套餐, $520兩位, 免加一, 包兩杯飲品(咖啡或茶)有個大餐包我太肚餓唔記得左影- - 類似outback一坐低佢比你果舊不過個醬就只係牛油餐湯X2 係龍蝦湯, 都幾足料既龍蝦味都好重沙律都係

有一次經過巧明街那棟新的商業大廈，離開之時看見對面有一個碩大的招牌吸引我的好奇心。為何會有一個叫做Factory99的招牌在一棟舊的工業大廈樓梯處樹立，往前查明究竟原來是一間位處于工廠大廈一樓的西餐廳，後來回家查看有關的資料和食評，決定要試試其味道和餐廳的氣氛。得知原來午餐要是沒有訂位的話您不用去碰運氣了，但是晚餐還是可以不用訂座，所以就挑了一個工作日的晚上去光顧。經過其樓梯步上一樓已經看見很多佈置，包括很美國Sport Bar的鐵牌和其招牌的生銹LOGO,步入餐廳內看見那種只有工廠大廈才會有的高樓底，令人有一種開朗的感覺。每一張枱也是那種像極野餐的木枱，而且每一張具有不同型格的蠟燭臺。晚餐餐牌有多種set dinner供選擇，我們最後要了一個牛柳一個羊扒餐。觀察其價錢是合理的，每人大概150元左右，對我們而言，是一頓等價交換的晚餐，付出的和得到的成正比，在此慢慢蛻變中的觀塘區還有的工業大廈中有一所西餐廳是一個很特別的組合。餐湯和餐包很快端上，而且餐包的大少是按人頭增加，即使人越多，麵包就越大一件。雖然不是那些熱辣辣的餐包，但是我覺得很美味可口，不知道是否肚餓呢？餐湯是南瓜湯，自己很喜

12月22日冬至,只旺中式洒樓,Factory99水淨鵝飛,大堂半滿,廳房無人,沒有午閒的吵鬧,very nice.Set dinner x 3南瓜湯微甜,夠熱,好味麵包非常好食煙肉焗紐西蘭青口味道唔差,牛油多咗D美式秘制BBQ醬燒豬肋骨微酸,好味又大份美國安格斯牛肉眼扒(12安士)5成熟,肉味濃,好食過澳洲牛,和牛太肥,不是我杯茶.扒帶子拼珍寶大蝦配香蒜汁帶子大虎蝦各二,帶子剛熟,very nice,虎蝦是很大隻的size,肉略硬,算OK甜品蕉糖疍,唔熱,可惜茶睌餐最好唔好用不銹鋼杯,賣相唔靚.

第一次光顧的時候有朋友預先入座, 當我去到門口時大吃一驚, 竟然有幾十人堵塞住, 短短幾米的距離花了我數十秒才能夠闖過去, 但畢竟食物質素遠超價錢, 值得再來一次由於小弟乃"山長水遠"由九龍灣工業區趕過來的, 所以每次都有賴官塘梯隊的朋友先行霸佔座位, 今次也是一時許到達, 但十月圍城既場面竟然已經成日歷史了, 何解?!深知其中友人食量淺, 屬眼闊肚窄之人, 於是兩男一女提議點選兩個套餐共享1. 工廠99茄醬焗豬扒飯2. 西西里汁茄子拼英國豬肉腸焗意粉點餐不久兩客中式餐湯先上湯味道尚可, 起碼沒有在喝水的感覺但在此不厭其煩的重申一次, 湯夠熱是最基本最重要的, 正如啤酒要夠冰凍的道理一樣, 我懶理你用文武火反覆互煎了三日三夜, 湯凍了就等於過了嘗味期限一樣, 多美好的食物也只變了垃圾真不明白為什麼店主不將預先煮好的湯不斷保溫加熱, 難道要喝熱湯的我是這麼的少眾?!焗豬扒飯上一次已經試過了, 四十九個大洋而言, 真有點蔗渣的價錢, 燒鵝的味道, 每一碟都是剛剛出焗的, 鮮茄汁平均分配於盤上, 焗得有丁點焦香, 汁本身亦沒有過份多了茄蕃而偏酸豬扒屬厚切, 焗後亦能保持一定肉汁焗意粉亦令人滿

最近有一種想寫食評的感想, 每次找食都上來"開飯啦"找找尋, 全靠一班無私的兄弟姊妹上來寫食評我先可以找到岩食又好食的地方~所以覺得係時候要做番D 野拉~~ 一直都以為觀塘只有裕民坊先有特別的食店, 想不到去"開飯啦"見到有兄師兄姐介紹呢間"factory 99" 小妹都算是一個有要求的人, 所以睇清楚d 食評內容, 食物相和價錢, 點知好幾位都話食物有水準, 加上間野的佈置又好特別甘! 所以一於帶住男朋友仔去試下啦! 入到去果然有個好大既生锈招牌, 好特別好得意~沿途佈置不錯, 很有特色, 感覺一點都不簡陋!入到去d 裝飾好搶眼, 令人停係到不停影, 不停看 (掛住影,掛住看都唔知係咪黎食野架! XDD)每張枱都有Canadle架, 好浪漫~~ 談情一流呀~加上果到工廠區夜晚唔會有太多人~今晚我地9:00去到~ 冇乜人, 地方大, 樓底高, 好闊落, 好舒服~好! 入正題~我地睇左一睇個餐牌 (唔記得影, 但一定有下次,放心)決定叫左個1.澳洲鮮羊仔扒 (散叫) $1492.牛肉眼扒12oz (餐, 有前菜, 甜品和飲品) $199 前菜1. 巴馬火腿沙律, 我冇食, 男朋友話ok啊

係一個工業區入面，其中一幢工業大廈內，有一間工廠，名字叫99，所以人人都叫佢做Factory 99。一趟黑色嘅生鐵鐵閘，中間刻有金色99嘅字樣，冇錯，就係呢度。推開鐵閘，沿著樓梯直上，就會見到佢嘅大名，Factory 99，掛係牆身，係由生鐵打造而成，表面鋪滿銹漬，令人望而生畏，地下亦漆上一層金屬色，更增添一份原始嘅味道；樓梯兩旁，則掛滿美國六、七十年代嘅鐵畫、標示，穿過呢條樓梯，就好似由廿一世紀嘅香港，走進上世紀七十年代嘅美國咁。推門而入，第一眼，就見到一塊壁報板，上面釘滿唔同嘅相，展示咗工廠嘅歷史，下面就有一張黑色嘅side table，擺滿唔同嘅擺設，因為時近halloween，當中有唔少嘅南瓜、鬼屋等等，完全唔似一間工廠；再環顧四週，每個”崗位”都坐滿人，大家都非常勤力地”工作”；樓底非常高，沒有刻意的修補，牆身下半部都鋪滿長方形嘅磚，上半部則懸空，全部都漆上白色乳膠漆；四週都掛滿唔同嘅油畫，亦掛有好多halloween嘅佈置，有巫婆、骷髏骨等等；天花則掛著好多盞鑄鐵吊燈，襯上黃色嘅燈胆，別有一番風味；枱櫈全部都係木枱木櫈，與工廠嘅格調非常相襯。係工廠嘅右手邊，有一間可以容納四

今日去觀塘食晏,揀咗Factroy 99,咁啱1:45入座有九折(唔知有冇記錯)好小會撞正中午時間食飯,好多人好嘈,再晏啲去感覺應該會好啲餐湯不過不失,起碼唔係我最唔鍾意嘅茄膏羅宋湯先我食大大塊肉眼扒,有半塊口感軟綿,另外半塊好o鞋,仲要o鞋嗰塊擺咗最後食友人的吉列魚柳配鮮雜果沙律,佢咩都話好食架我覺得還可以啦!呢個價錢質素尚算不錯,但係觀塘選擇聚多都未必會有下次了