Espresso Alchemy (如心廣場一期)

营业中

休息中

荃灣有間咖啡店，好多人都話佢哋嗰度啲嘢飲好正，環境好，我就試一試！個環境都幾開放式，不過好舒適，要先俾錢落單嗰種，所以一開始要諗定食咩。Lunch Set香煎虎蝦配蘆筍辣番茄汁意粉$108上面幾隻蝦口感爽口彈牙，而且辣辣地嘅番茄汁好吸引，加上鮮嫩蘆荀令整體口感更佳，意粉質感也是剛剛好，熱辣辣非常好吃。Earl Grey Chocolate +$15原本已經包一杯咖啡，交錢就可以升級其他餐牌上的飲品，這杯的Earl Grey味比較清新，而且朱古力味香濃亦不會過甜，不用等很久就有，拉花靚靚賣相已非常吸引！Loaf - Banana Bread $28淨係食鹹點怕唔夠喉，點多一款蛋糕麵包，香蕉味清香，非常鬆軟，如果喜歡飯後一點甜的不能錯過。

Good coffee good day!今日想去一個靜靜地的地方溫書，如心廣場元朗有一間隱世低調的cafe ，咖啡很有水準，甘香溫醇。我靚靚欣賞這杯latte 的拉花，不捨得飲掉。而且小食都不錯，banana bread (loaf cake)有甘香的香蕉味。簡簡單單又過一天！我朋友叫的雞扒漢堡看似很不錯

今日放假黎左荃灣既Espresso Alchemy食早餐，喱到裝修簡約得黎環境好舒服，仲好寧靜添。假日冇野做過黎chill下都唔錯~厚切意大利煙肉配卡邦尼意粉🇮🇹嗌左我最愛既卡邦尼意粉，好好食😋入口有香濃芝士味，好creamy👍🏻而且意粉軟硬度適中，夠嚼勁！再配上味道濃厚的煙肉粒，口感十分豐富。份量適中，食完唔會好滯。蜜糖伯爵茶鮮奶🥛慢慢品嚐會飲到少少蜜糖既甜味加伯爵茶嘅香味而且鮮奶好滑。一定要慢慢品嚐，飲得快既話蜜糖既甜會覆蓋左茶香，就會淨番甜味架喇！！

早餐係好重要嘅一環，我好希望每一天都會有個美好的晨早開始！今次同朋友去咗荃灣如心廣場呢間cafe：Alchemy Coffee，環境唔錯，食物都幾好。餐廳格局唔錯，空間感充足。顏色以白啡為主。先點一份Sandwich Turkey Green Tomato Yoghurt $79.0，火雞香口，份量足夠。沙律菜清爽新鮮，配上希臘沙律醬，味道唔錯呢！最驚奇嘅係吐司有燒紋，口感香脆，極其吸引。Earl Grey Chocolate-R $39.0，淡淡的伯爵茶味配上香濃的朱古力，靚靚嘅拉花令人心情舒暢。朋友叫左Burger-CajunChicken Pineapple $88.0分量足夠，內裡的雞柳清新唔油膩，經過香煎，仲算係健康。沙律菜極多，成個感覺好fresh!!! 另外，菠蘿夠香甜～佢點左Milk Chocolate-ICE $45.0，好正阿～～奶味重，大大杯價錢算係合理。仲有wifi用添🙈🙈🙈

荃灣其實有唔少好嘢食，但講到真係要搵一間好嘅coffee shop其實好難。當Espresso Alchemy終於開到嚟荃灣嘅時候，感覺呢度終於有一間高質素嘅咖啡店了☕️荃灣店座落喺荃灣西鐵站步行1分鐘嘅位置，喺如心廣場嘅向街地舖，所以店舖嘅環境非常開揚，有落地大玻璃，坐喺窗邊位置非常舒服，如果有埋outdoor就好啦😍去到cashier準備點餐嘅時候，見到bar枱上有一系列嘅咖啡豆，店員見我望咗一陣，仲主動同我介紹佢哋有自家工場炒豆，保證咖啡豆嘅質素優質而新鮮。見到有唔同地方出產嘅咖啡豆，例如哥倫比亞、埃塞俄比亞、巴西等等，每個地方每個莊園嘅豆都有唔同風味，如果有興趣嘅話可以問吓店員，佢哋好樂意為你解釋！我同朋友各自點左一份熱食。我嘅Cajun chicken & pineapple burger睇落已經好吸引，雞肉嫩滑多汁，一啲都唔乾，唔需要太多醬汁都已經覺得好好食。加埋菠蘿減輕左食burger嘅膩感之餘，仲有甜甜嘅香味，我自己非常喜歡。平時我飲開latte，但今日想轉一轉口味，心思思叫咗一杯mocha。完全冇令我失望，朱古力咖啡入口甘香，開頭係甜甜嘅朱古力味，之後就有香濃嘅咖啡味道

今日有時間就同朋友嚟試咗間荃灣新開嘅Cafe，諗住悠悠閑閑咁坐一個下晝。因為覺得食牛肉類，豬肉類嘅漢堡比較heavy，所以主食叫左個烤雞菠蘿漢堡配檸檬乳酪醬。雖然食唔到檸檬味嘅乳酪醬，但係上下層麵包都有烘底同塗上牛油，算係比較有心思。整體黎講都好夾！飽飽。朋友點左個青醬雞肉忌廉長通粉，一黎到有好大浸芝士味，以為會好膩，但食落去無好杰好多忌廉嘅感覺。呢間嘅青醬好特別，唔係普通出面磨碎左嘅香草加蒜蓉胡椒，佢嘅青醬用切碎左既香草加入花椒蒜蓉，亦唔多油，所以比平時更加香，咬落去更加有口感。不過如果蒜蓉同鹽可以再加多啲就更加好啦。而雞肉方面，就一如以往咁嫩滑。飲品點左cappuccino同mocha。可能因為點左soymilk mocha既原故，所以比較之下用wholemilk 既cappuccino就有質感好多，有鮮奶既油脂感，又香又滑。呢間餐廳絕對冇改錯名。食完正餐就梗係要食甜品啦，我哋點左香蕉蛋糕，食落去有朱古力味同合桃。值得一讚嘅係餐廳將合桃整到好軟，我要食多幾次先確定自己真係食緊合桃，唔會有果仁碎留喺口入面。軟綿嘅合桃配埋濕潤嘅蛋糕，完全無違和感，三兩啖就比我食晒。下次仲想試吓佢個藍莓

享受一杯咖啡時間約左去朋友介紹位於荃灣的 Alchemy Coffee.早到左先點杯至愛既Flat White 慢慢等。奶跟咖啡比例剛剛好，濃郁有層次。然後跟朋友每人各自點了份lunch set每份Lunch set 會跟一杯咖啡。Salad Pesto Chicken $75 (+regular coffee)雞扒份量多得驚人，比salad 菜還要多。同樣是雞胸肉但雞肉依然嫩滑。配上小見的dry tomato，整個salad 味道即時提升。Pasta Carbonara $88 (+regular coffee)厚切既bacon 口感一流，配上硬度剛好的意粉。Bacon 的咸香跟不太重味的醬汁剛剛好。Creamy 又帶有蛋香的醬汁，包住每條意粉。非常滿足。份量，質素絕對性價比高。絕對會返黎再食！❤❤❤👍👍

-我又來了🥰今次試試其他食品～有興趣可以重看上次的推介😛♥《Pesto Chicken Salad》健康之選🥬正如圖片所看，蔬菜新鮮，份量大😍而雞胸肉肉質嫩滑～開胃，一定夠飽肚❤️♥《Cajun Chicken Pineapple Burger》第一個感覺：這麼大，怎樣吃😱漢堡包烘得外脆內軟，配上牛油，色香味俱全😋雞扒厚身，肉嫩皮脆，不錯～菠蘿和檸檬乳酪醬帶來驚喜😚減低油膩感，亦令口感更豐富！♥《Rose Tea Latte》上次的朱古力很出色🍫而這次的也是十分不錯～賣相吸引，溫度剛好入口💪濃滑的口感帶來陣陣花香～這就是一個悠閒下午所需的💕♥小提示 Tips：他們家還有多間分店💪

我平時好鍾意你嘅咖啡店，依家就因為肺炎，我冇得再慢慢坐喺度嘆咖啡啦， 所以改為全部外賣返屋企食開餐啦，呢度全部都係我今朝嘅早餐，我幫佢哋影咗張大合照今年就有兩款分別係雞扒芝士奄列同埋煙肉芝士奄列，兩款都係呈長條狀打開入面嘅餡料全部都係雞肉，芝士就影唔到俾大家睇，因為芝士係喺雞扒下面，非常足料牛角包非常鬆軟，中間仲夾有兩塊番茄同芝士，咁就可以中和返邪惡嘅牛角包最後呢個餐本身係炒蛋更多士嘅，我就加埋煙三文魚$15同埋腸仔$10，多士就要返屋企再整返熱，咁就可以令多士更加鬆脆最後就係我最愛嘅朱古力，分別係牛奶味同埋伯爵茶味

有午市套餐包普通咖啡，如果其他嘅咖啡就加$10細，$15大。叫左茄汁蝦意粉，蝦夠大隻爽口，而且茄汁唔會太酸。意粉份量都幾多，幾好食。另外叫咗牛肉三文治，其實都係panini 麵包，牛肉用上肥牛。牛肉份量都好多，仲有青椒、洋蔥等配料，味道唔錯。飲品叫咗熱嘅Cappuccino同mocha! 兩杯路啡都好香，好鍾意飲佢啲咖啡。摩卡朱古力味幾濃，咖啡味都好香。甜品叫咗朱古力多士，夠脆，有三層薄薄地，味道幾好食！

中午時間去到。得一枱客 可能因為疫情冇乜人流。餐廳一道落地玻璃 天然光照入餐廳感覺好舒服😌午餐價錢由一百零幾到六十幾，包一杯飲品，某些飲品要加十蚊，午餐都幾多選擇，有意粉、漢堡包、三文治、沙律。我點左火雞胸白蘑菇洋蔥意大利三文治加伯爵茶鮮奶巧克力。火雞胸白蘑菇洋蔥意大利三文治三文治暖暖哋，外脆內軟，雞肉少少鹹，味道啱啱好👍🏻我以為分量唔係好大，原來食完再飲埋杯嘢飲都夠飽。伯爵茶鮮奶巧克力估唔到味道咁夾，整體唔會好甜，有伯爵茶亦有朱古力嘅味道👍🏻唔會搶咗大家風頭有少少插曲，我點飲品嘅時候可能同職員溝通有少少唔清楚，最後黎錯咗latte，但職員都肯換返俾我，服務幾好👍🏻

行行下街想同朋友食下野坐下，揀左呢間Cafe。環境好好，坐得舒服，又開揚又好光猛。我地諗住健健康康，叫左個香蒜醬雞肉沙律食，諗住應該正常份量，兩個人食應該都會食得哂。點知一黎到，嘩！咁大份既，我哋都嚇左一嚇，心諗實食唔哂啦😂 咁我地都唔想浪費食物，所以點都會食哂佢🤪望望佢啲雞肉，見到白白雪雪，以為無咩味啦，點知佢個香蒜醬煮得岩岩好，好好味，我地最後全部食哂。我叫左杯Rose Tea Latte，朋友叫左杯Green Tea Latte。兩杯都不錯😜 有拉花都好靚😜坐得舒舒服服，慢慢傾計，呢度真係唔錯😘

週末成個香港都人煙稀少，可能係疫情嘅關係啦大家都唔願意出街，而我就去咗附近度行下郁下做下運動，經過如心廣場，原來呢度開咗間新嘅coffee shop，見呢一間coffee shop係尖沙咀都有開過印象中質素都唔錯，所以就決定入嚟食返個早餐...叫番杯 cappuccino 再叫多一個茄汁虎蝦意粉意粉份量唔少，虎蝦好大隻！就咁睇應該有四五粒！而且入口好爽口彈牙非常之新鮮蘆筍都炒得好入味而且好爽口添！呢個意粉好開胃呀咖啡香滑食完呢個早餐個人都特別精神

平日有午市套餐，價錢由$60至$100左右不等。如果食panini就好抵，$66包飲品。意粉類就大概$80至100左右。今次同朋友一齊嚟食叫咗一個Panini及Carbonara share .Panini 麵包烤得香脆，入面有烤雞肉、蕃茄、芝士，味道好食。而且一份都好飽。意粉夠creamy，意粉味淡，因為入邊加咗煙肉片鹹鹹地，咁樣一齊食就剛剛好。飲品叫咗朱古力咖啡，唔會太甜，苦苦地再加埋咖啡嘅甘香，好好飲。甜品叫咗香蕉蛋糕，店員會同你加熱，暖笠笠好食。

呢間cafe好光猛 又好靜☀️環境好靚 幾舒服💓幾啱溫書📚.烤雞菠蘿漢堡配檸檬乳酪醬🍔 $88個包真係好足料勁厚 入面好大舊雞扒😍最欣賞係佢個包加左牛油蒜蓉黎焗 唔係就咁一塊包 好香好好味🧈菠蘿好甜好多汁🍍個醬係乳酸醬好特別 酸酸地✨但係檸檬溝奶應該會肚痛?🧐成個漢堡食落勁清新 一啲都唔漏✨不過因為佢好多醬 仲要加埋菠蘿同蕃茄🍅底舊包腍晒😖..咖啡白朱古力多士☕️🍫 $45呢個應該係呢間店嘅signature😋我自己覺得咖啡味唔可以話太濃🙈食落似係帶淡淡咖啡味嘅奶醬多🤣同埋佢啲包太薄了~食落冇乜口感😟.自家製藍莓蛋糕🍰 $28蛋糕比個鬆散 一叉落去就碎晒 比較乾身🙈唔係我expect嘅磅蛋糕😳不過幾鐘意佢唔太甜 同埋都幾多藍莓💜係健康版嘅甜品🤫我同朋友都幾鐘意💯.伯爵茶鮮奶朱古力🍵🥛 +$10朱古力味同伯爵茶味balance得幾好🤩不過唔好期望個茶味會好濃🤭係一杯帶淡淡清香伯爵茶味嘅朱古力奶😛btw好鐘意個拉花🥰.Brew coffee ☕️ $0跟餐送嘅~我自己唔太識品嘗咖啡🤫佢話係用咗巴西豆🇧🇷不過都係普普通通嘅齋啡🤣