Espresso Alchemy (如心廣場一期)

营业中

休息中

平安夜嘅早上我哋又嚟到 @espressoalchemy 慢慢食個早餐 嘆杯咖啡再去選購過節物品可能係平日嘅關係人客唔算多好快就有窗邊位😃星期一至五會有lunch set價錢都幾抵食🔸 烤雞菠蘿漢堡配檸檬乳酪醬🍔（$95）超巨大嘅雞肉漢堡雞扒肥厚好香、好juicy、醃得夠味配有菠蘿一齊食 味道酸酸甜甜 好開胃雖然個漢堡包好大份但係因為有大量蔬菜食落好均衡、唔會覺得滯另外我好鐘意佢哋伴碟個焗薯焗到好香、香料好惹味🔸香煎虎蝦配蘆筍辣蕃茄汁意粉🍝（$108）虎蝦新鮮彈牙又大隻鐘意佢哋去咗蝦殼 食得好方便👍🏻番茄汁微酸 調味唔多 食落幾新清 而辣味就唔算太明顯哩款比較清淡健康而意粉偏粗身 口感唔錯🔸Flat White（跟餐+$10）咖啡好好飲！👍🏻👍🏻👍🏻👍🏻👍🏻好香濃、帶有甘香口感豐盈幼滑

📍 Espresso Alchemy (荃灣）平時去開荃灣西既商場行街買野都會經過如心廣場呢間cafe經常見到lunch time 好多人～所以見今日朝早得閒就揀左11點左右去食～個環境真係好舒服，好好彩今日既天氣又好正落地大玻璃窗望住出面既藍天白雲重點係呢個商場好安靜唔會好似其他商場cafe 咁周圍都好多人，勁嘈🙈兩個人嗌左2個主食同2杯野飲.青醬雞排沙津 $75（7.5/10分）朝早諗住食d fresh d 既野～份野一到O左咀😂 因為真係勁大塊雞排足足有成12細塊，一個女仔真係會食唔落而出奇地雞排勁嫰，而且每一塊都食到d 青醬汁而沙津菜都好新鮮，配上黑醋好開胃.香煎虎蝦配蘆筍辣蕃茄汁意粉 $108（ 8/10分）唔係普通既茄汁意粉因為佢有少少辣味，味覺上好豐富而且虎蝦已經剝哂殼，好方便食數量都唔少，有3大隻～意粉質地岩岩好，唔會太硬，又唔會太軟👍🏻但略嫌d 蘆筍bb 有dd 硬，但整體係好食既☺.凍朱古力咖啡 $45 (6/10)有少少失望，因為唔係好飲到朱古力味～伯爵茶鮮奶朱古力 $44 (8/10)呢杯好有驚喜，因為伯爵茶唔會太搶清清地再d 茶香，但又會飲到鮮奶朱古力既味用餐

較早前到了Espresso Alchemy 美麗華分店嚐過其美食後念念不忘，今次來到荃灣又見到Espresso Alchemy，當然要再嚐嚐。除了餐牌內介紹的輕食外，他們更有Cold Brew 咖啡、咖啡豆可供購買，非常多元化。來到怎可以不點他們的主打咖啡。宇治抹茶鮮奶入口濃郁的抹茶口味，更有飲到細膩的奶香，口感幼滑綿密。香煎虎蝦配蘆筍辣蕃茄汁意粉天氣凍冰冰，來了一盤熱辣辣的辣蕃茄汁意粉真是不錯的選擇。虎蝦厚身大隻，肉質爽口彈牙，酸酸辣辣，非常惹味，越食越開胃😋！伯爵茶鮮奶巧克力 朱古力入口香濃，但不會蓋過伯爵茶鮮奶的優雅味，入口細膩綿密，回甘味重。自家製香草牛肉漢堡伴黑松露沙律醬一來到已覺得非一般的澎湃，整個漢堡的高度比咖啡還要高，而且黑松露沙律醬汁更湧出來，真係見到都想食。牛肉漢堡軟腍牛味重，配上生菜、蕃茄、洋蔥，以及濃郁的黑松露沙律醬，真是口感豐富，啖啖滋味。幸福就係咁簡單，聖誕節快樂🎅🏻🎄！

透過落地玻璃窗可以引入自然光，感覺寫意。香煎虎蝦配蘆筍辣蕃茄汁意粉 ($108)虎蝦大隻肉厚，結實爽口，意粉吸收晒啲汁醬，甜甜哋又辣辣哋好惹味，超開胃！自家製香草牛肉漢堡伴黑松露沙律醬 ($108)一上枱就見到啲醬汁慢慢流出嚟，好吸引！黑松露沙律醬幼滑 creamy，黑松露味道啱啱好，唔會搶咗沙律醬嘅味。蔬菜份量多又爽脆，牛肉漢堡柔軟濕潤juicy，配合埋酸酸哋嘅黑松露沙律醬，每一啖都散發住松露香，清新不膩，口感豐富。伯爵茶鮮奶巧克力 ($44)入口散發住伯爵茶嘅優雅香氣，同時朱古力味唔會太濃同好甜，兩者味道配合得天衣無縫。

每次路過如心廣場都會比Espresso Alchemy嘅落地大玻璃吸引咗心想搵一日一定要黎食份歎慢版早餐終於咁啱要去荃灣處理少少事豪不猶豫就決定要去Espresso Alchemy餐廳整體以白色為主調感覺相當簡潔舒服揀好座位後店員馬上遞上menu感覺佢們都主動又有禮貌-兩個人左諗右諗叫咗Flat White (Reg)、Mocha (Reg)、蟹肉味僧扁麵、檸檬汁烤雞煙肉PANINI可能朝早客人唔算多上菜速度都幾快嘅-先黎一杯Flat White咖啡不會酸 讚！店鋪居然Free Upgrade大Size比我落單之前仲猶豫過要唔要叫大Size果然都係大SIZE先適合我亦同樣啱平時飲一杯唔夠喉嘅客人-緊接其後就係Mocha層次分明、口感豐盈 咖啡同朱古力味融合得恰到好處-主菜PANINI同扁麵同時出現店員知道我哋要Share主動比餐具灰色配白邊嘅碟同都杯都好有質感影相一流～PANINI嘅芝士過咗好一陣子仲會「拉絲」微微嘅檸檬調味大大增加咗食慾下次黎我應該都會再點依個食完PANINI再食扁麵就覺得有啲失色扁麵偏淡口但超級足料真係每一啖都食到蟹肉亦因為佢嘅清淡朝早食扁麵亦唔會有罪惡感-價錢唔算

忙碌的一個上午係時候放鬆一下，和朋友去嘆個下午茶，3時多到達Espresso Alchemy要等一會才有位。Coffee Latte 鮮奶咖啡 充滿奶香，入口微甜，加上厚身的奶泡，好滑。Mocha 巧克力咖啡 是latte 的變奏，除了濃縮咖啡和奶沫外還加入少量朱古力，又有咖啡又有朱古力，口感豐富。今日我倆也特別喜愛杯中的拉花，感覺很美很治癒。這兒的自家製蛋糕很不錯，香蕉蛋糕軟滑濃香，很有口感，一件好份量真不少，我們分享了一件，好回味。

這天去荃灣無肉食吃完飯，等朋友有一個鐘空閒時間，正好找間咖啡店坐下。Espresso Alchemy 有向街的落地大玻璃窗，超有情調又光猛坐得好舒服，杯咖啡當然都好好飲啦。咖啡店位於荃灣如心廣場一期，搭地鐵的話荃灣西站比較近，可以由海之戀商場一路經天橋行過來，入如心廣場見電梯落地於就搵到。它在靠門口的位置，所以有一大片對著外面廣場的落地玻瑰，環境靚光猛，我覺得好舒服寫意好鍾意。飲咖啡為主的店，也提供一些精緻早午餐類食品。外帶杯子的設計都幾精美，不過身為環保小天使，我會提你預備定一隻環保杯子去咖啡店買外賣咖啡，尤其係日日都要飲的朋友。也有 Cold Brew 咖啡和手工啤酒之類可以飲。卡位後面的鏡子櫃又幾靚，我幾鍾意佢地揀這個橙橙地又少少粉紅色的調子配白色。窗邊位有三張圓檯，因為限聚令的關係中間果張無得坐。中間還有一張分享長檯，同樣因為限聚令的關係，現在間隔成兩人兩人座位。午間有 Lunch Set 可以選擇，主餐有配咖啡一杯，我研究過有兩款係無肉蔬食。咖啡的部分，望真先發現原來佢地有兩隻blend，但唔洗你揀，唔同既啡有預設左邊款 blend ，好專業的感覺。這版特飲都幾吸引，我會有興

一面落地玻璃， 十分充足既日光， 就係咁引咗我入嚟。睇餐牌，三大類食物，pasta,/沙律/burger.梗係唔少得我至愛既精品咖啡啦。今日自己一條友食咗個烤雞菠蘿漢堡配乳酪醬，要個 single origin brew coffee。上菜要等下，食物到就明白，係即製所以需時。burger bun 軟熟，very nice! 入面分量真係唔少，有兩塊大雞扒！調味十足， 唔單止 冇雪味仲有雞味，及 juicy. 沙律菜加火箭菜very fresh, 仲脆口架檸檬乳酪sauce, 同雞及菜都超夾！當日的 single origin brew coffee 我唔記得問佢哋係乜嘢豆, 但係酸苦平衡所以我話零負評真係有原因㗎！ 有心做食嘅話一定有人支持。

一早起身出去荃灣，當然要飲杯咖啡☕️提提神，老婆被呢間cafe嘅大落地玻璃吸引咗，話要坐窗邊吸收天然Vitamin D。由於Weekend關係，全部食品飲品都係單點。1) 香煎虎蝦配蘆筍辣蕃茄汁意粉 $1082) 火雞胸白磨菇洋蔥意大利三文冶$663) Cappuccino Reg $364) 桂花龍井手沖茶$55大大隻虎蝦肉厚鮮甜，爽口彈牙，已經去殻去蝦腸。蕃茄汁濃稠度做得剛好能掛在意粉上，味道香濃帶微酸，開胃好食。三文治份量大及餡料豐富，有沙律菜、火雞肉、火腿、磨菇、蕃茄，如果沙律醬能減少啲就更好。Cappuccino 香濃幼滑，沒有苦澀味👍。桂花龍井茶就無特別，而且只能泡一次，收費略貴。今次顧客服務體驗感覺不是太好。1）店舖用開放式門口，但店員站在櫃枱內與客人缺乏接觸，客人以為係自行度體溫及入坐，原來係要被安排的。2）落地玻璃旁有3⃣️張圓枱，但中間的一張因疫情而停用。其實好多客人都喜歡坐窗邊站，店舖可加隔板，然後繼續供客人使用。3）店舖地方細，枱與枱距離好近，沒有放輕鬆嘅感覺。

今日嚟到荃灣hightea, 就入咗嚟呢度，因為係出邊見到入邊嘅環境好似都幾舒服咁，而且落地大玻璃透光到十足，肯定可以影好多靚相打卡啦，跟住喺出邊睇吓Menu，諗諗吓都係帶兩杯嘢飲就算，冇食到佢哋嘅食物，呢度落單係先坐低搵咗個位先，睇完Menu，跟住再出去出邊counter嗰度order同埋俾錢，比完錢之後拎完就會俾個牌理坐低慢慢等候，飲品好快就會放上㗎啦。想彈返一句就係，職員的服務態度都好好呀，同埋嗰個位置真係坐得好舒服。

今日去咗荃灣開會，記得之前朋友介紹過一間叫 Espresso Alchemy嘅餐廳，話環境好舒服，野食又OK。一於打電話俾個朋友約佢食lunch。Espresso Alchemy係如心廣場一期地下，落地大玻璃裝修，一眼就望到，而且裏面簡約風嘅設計，感覺好舒服。坐低望吓個餐牌都係以輕食西餐為主，lunch set包一杯咖啡，價錢相宜，都幾抵食。我同朋友點咗厚切意大利煙肉配卡邦尼意粉、青醬雞排沙律、火雞胸白蘑菇洋蔥意大利三文治。厚切意大利煙肉配卡邦尼意粉呢個意粉嘅特色就係厚切意大利煙肉，肉同埋脂肪嘅分布非常均勻，最重要係食落去唔覺得太鹹，煎得外香內嫩，口感非常豐富。配上餐廳自製嘅 Carbonara Sauce，令意粉更creamy更rich~青醬雞排沙律雞扒咬落嫩滑多汁，唔知係咪用慢煮方法烹調出嚟，食落去一啲都唔嚡囗。而且沙律菜非常新鮮，配以黑醋同橄欖油，特別開胃。火雞胸白蘑菇洋蔥意大利三文治，嫩滑嘅火雞胸夾係意大利麵包之中，配上餐廳獨家嘅青醬同埋九層塔嘅香味，加埋細嫩鮮美白蘑菇、爽甜洋蔥，令到呢個麵包變得層次更豐富。餐飲咖啡揀左Flat White ，味道濃醇，加錢轉左Oat Milk

Espresso Alchemy❤️又黎回購！之前黎呢度就淨係飲咖啡姐，今次黎試埋佢地早餐啦！好中意呢度既環境透光度高，又坐得舒服，加上店員態度好好，整體用餐體驗唔錯，絕對適合黎嘆番個靚靚brunch!💡不設加一服務費💡堂食的話先坐低睇menu, 之後再去櫃枱點餐及付款，再回座位靜候美食。💁‍♀️Alchemy如心全日早餐($128)👍"超豐富的全日早餐 蘑菇咬落去juicy到呢 係爆汁既感覺""加埋超大份的炒滑蛋同 香脆既牛角包 正"💁‍♀️青醬雞肉忌廉長通粉($89)👍"青醬食落感覺好清新 濃稠度控制得好好 味道唔會好濃 加埋雞肉食好夾"💁‍♀️Latte/Cappuccino($36)"佢地用既係Alchemy既自家烘培咖啡 濃滑奶味又帶有咖啡香""同埋值得一讚係拉花好靚！"

成日去荃灣行街，經過呢間CAFE無數次，而且見到網上好多好評，終於黎食左，環境潔淨舒服，仲坐到近玻璃位置，影日光相真係無敵靚，星期六既早餐時段CAFE都幾多人，如果大家想怕難搵位，平日黎會比較好D！以下係詳細食評【青醬雞扒沙律】強烈推薦！呢一款既青醬雞扒沙律，減肥人士又多一樣選擇啦！雞扒係以慢煮烹調，食落仲好嫩口，完成無鞋拾拾感覺，而且淡淡既青醬好香，味道岩岩好，又唔會太過濃味同死咸，好岩我口味！重點佢份量真係超多，一個人真係食唔晒，而且沙律都唔少，仲配左新鮮蕃茄仔同醃製蕃茄仔，醬汁係黑醋加上欖欖油，食落去好FRESH～好開胃！呢款超級推介~～]【美國牛肉洋蔥青椒磨菇三文治】又係份量勁多又大大碟既Panini ，一個女仔真心覺得食唔晒，除左沙律，佢連入邊d肥牛都係爆多，而且仲有洋蔥、青椒絲等等配菜，口感都幾豐富，呢個真係要襯熱食，如果唔係個皮就唔脆嫁啦！以$79黎講，算唔錯～【香煎虎蝦配蘆筍辣蕃茄汁意粉】虎蝦大大隻，爽口啖啖肉，蕃茄醬汁口味屬於偏甜少酸個種，再配埋露荀成個感覺好似好健康好低卡，而且好彩露荀無渣，如果唔係我一定反白眼～整體都okay既！【鮮奶咖啡 +蜜檸梳打】鮮奶咖啡朋友

今日下午茶時間過去，原本諗住坐耐些少帶左電腦去做一陣野。點知落單後職員先講得90分鐘用餐。如果係繁忙時間既餐廳都正常，但冇諗過一間coffee 主打既cafe 都有時限。我個餐仲要15分鐘後至到，食完野過多一陣已經差唔多夠鐘，識員已急不及待過嚟話我用膳時間已到（其實仲有5分鐘）。我話我個餐都等左15分鐘，佢即刻話佢哋係睇落單時間，再攞張單來check 我入座時間。我已經覺得使唔使計到咁盡？我本來約咗人打個電話，同佢講我坐多20分鐘左右就走。佢即刻話而家好多人等緊枱，示意我即刻離開。完全覺得佢哋非常死板，未夠鐘就趕客走，唔會同你客氣！感覺好斤斤計較，仲差過茶餐廳！我離開時見到根本唔多人等緊位，而且鋪入面當時仲有吉枱！咁樣既價錢咁既態度，希望可以改善一下。最起碼唔好落單後先同客講只有90分鐘用膳。

📍Espresso Alchemy (荃灣)今次黎到呢間coffee shop環境好靚 又唔會太嘈 好岩坐下做下野chill下過一日👍𝐼𝓉𝑒𝓂𝓈 𝑜𝓇𝒹𝑒𝓇𝑒𝒹: 💛宇治抺茶鮮奶($41) 👍抹茶味好重 唔會比鮮奶蓋過咗抹茶味 🍵 岩哂平時鍾意抹茶嘅你哋💛鮮奶朱古力 ($41)朱古力味好濃🍫❤️又唔會太過甜👍 而且兩杯嘅拉花都好靚𝒜𝒹𝒹𝓇𝑒𝓈𝓈:📍荃灣楊屋道8號如心廣場商場一期地下G02號舖Shop G02, G/F, Nina Mall 1, 8 Yueng Uk Road, Tsuen Wan