Espresso Alchemy (如心廣場一期)

营业中

休息中

星期六朝早10點幾嚟到，估唔到呢度幾乎坐滿了🤓陽光好充足嘅窗口位都Full哂～當日相約荃灣Buddy享受早餐迎接新一日☀️🥗青醬雞排沙律🍗 $79估唔到雞排沙律好大份吖！一開始仲以為好細個啲，雞排每塊都幾大執咖，仲喺啖啖肉個隻，而且沙律都好新鮮配有蕃茄同蕃茄乾🌱酸酸甜甜好開胃！🍝香煎虎蝦配蘆筍新蕃茄汁意粉🍤 $1083大隻啖啖肉嘅虎蝦，肉質爽口一啲都唔榎，雖然散發著好濃嘅蕃茄味，咬落去時候蝦味依然突出，意粉超掛汁每口都濃濃蕃茄味🍅表面仲有爽口嘅蘆筍！🤩意粉份量仲可以每人兩小碟添咖！☕Cappuccino $37靚靚拉花心情都好啲～🍵Matcha Latte $37奶味較濃，味道有少少甜～如果有SET就更加好~~

環境短評 ｜估唔到荃灣如心呢邊有間咁舒服嘅cafe，空間好大，環境寧靜休閒，因為周邊人流唔算多所以店內外都唔會好嘈，而且大落地玻璃向街，景觀都幾開揚射返啲陽光入嚟感覺好舒服☀️食物方面｜青醬烤雞意大利三文治 $68烤雞三文治最怕肉會鞋，本身睇落都見好似幾滑咁，估唔到食落都一啲都唔會太實同痴牙，好嫩🤩﹗﹗﹗青醬嘅濃淡度控制得幾好✨，食落味道好夾又自然，作為早餐真係健康又開胃🥰如心全日早餐 $138The Alchemy All Day Breakfast材料方面有牛油果🥑、牛角包🥐、炒滑蛋、蘑菇、蕃茄🍅、煙肉、哈密瓜🍈，非常豐富，而且材料配搭又同出面又少少唔同超級開心嘅係有半個牛油果🥑，而且啱啱好熟，配其他材料食好夾。另外，滑蛋都做得又滑又大份、係牛角包都係大大隻又鬆脆～另外都好少見All day Breakfast會配哈密瓜，我個人好加分，食啖香甜嘅哈密瓜味蕾有種Refresh 嘅感覺，而且哈密瓜都好甜～泡沫咖啡 $42Cappuccino 咖啡拉花靚，而且$42係大杯，都唔算好貴，味道甘香，咖啡帶偏向nutty口味，唔會太酸太苦，香醇易入口。

諗住平日輕鬆食個早餐，點知去到 按排位置又亂，個omelette同toast 又難食，最普通嘅朱古力都唔好飲，好失望。下次真係唔會再去，都唔會介紹人去。Black list

今天到荃灣西站順道品嚐我最喜愛的咖啡，剛剛還來得及點選午市套餐，有餐飲比較優惠，你又可以加$10轉expresso based的普通裝咖啡，加$15 更可享受大杯裝。香煎虎蝦配蘆筍辣番茄汁意粉香氣十足的意粉送上，三大隻香煎虎蝦置於意粉塔上，蝦肉鮮爽彈牙，煎的時間剛剛好，意粉硬度剛好，而且吸收了蝦和鮮番茄汁的味道，再有鮮嫩的蘆筍襯托，熱中帶點點辣特別醒胃。Flat White 澳白咖啡咖啡柔滑，薄薄的奶泡相對來說咖啡比例較高，每飲一口都能同時品嚐到奶泡和下面的咖啡，咖啡味更濃而且帶點果香，好欣賞。自家製咖啡胡桃蛋糕整個蛋糕外型不錯，我order了一份，他們會將蛋糕焗熱所以吃的時候吃到香脆的外面，中心就暖暖的。這個味道是我第一次品嚐，初吃的時候感到咖啡味不足，但越食越嚐到咖啡香，再來一口咖啡，好平衡而且我喜歡它不會太甜。

見好多好評，就試一試。環境都OK，平日靜靜地，係啲櫈唔舒服姐。對住條街都幾relax….個lunch set價錢基本上加埋嘢飲大約$100，上到枱OK大份，都抵食好飽。今日叫咗牛肉雜菌三文治配醋沙律，抹茶latte L size，樣唔錯，幾好味。細杯就太細啦，情願加錢加大。三文治上枱嚇咗一跳，原來咁大份，食一半都飽。入口發現超多牛，全部都係肥牛，每一啖都扯唔開，比較難去食，如果一個男人應該都鍾意食，因為真係太多牛，最後我自問好鍾意食牛，都放棄左d牛。可能又太肥太油膩啦，同個三文治好似唔係好夾。但總括都算ok，少啲牛都可以。沙律都夠多，食番下菜，酸酸地平衡下。會再來幫襯，不過會試其他。

本身我幾鍾意食呢間餐廳啲嘢，亦到訪過尖沙咀嘅分店，但荃灣呢間嘅短髮女經理態度惡劣，令我唔會再想黎呢到。本身想入去搵位先，然後去度體溫同埋掃code，跟住個經理好快就行埋黎，語氣帶有不滿咁要求我去度體溫同埋掃code。搞掂之後，我就行返去四人圓臺，個時無咩客，好多吉位，但個經理又黎命令我（語氣的確係命令）調去坐得好唔舒服嘅長臺。都算，最嬲係好快有個中年女人竟然可以一個人坐係個四人圓臺，明顯個女經理有差別待遇。跟住我就去落order，個經理係電腦到施施然咁篤篤篤，又唔講嘢，搞到我就一直企係counter度呆等佢。然後等餐又比較耐，食物素質係唔錯嘅，不過咁嘅服務態度，真係食龍肉都無味啦。後尾我食完、戴返口罩準備走嘅時候，隔離坐二人臺嘅女人搬過黎坐我對面，個經理就即刻語氣好差咁話「呢度未執臺」，責怪個女人調位，個女人解釋二人臺個到冷氣好凍，經理就唔再出聲，嬲嬲地走開。我黎荃灣呢間食過兩次，發覺女經理嘅態度真係麻麻地，尤其今次第二次更加係好差。真係無下次

今日難得同朋友去荃灣行街，朋友bookmark 咗呢間cafe好耐，網上都有好多foodie介紹，就順道黎試一試朋友想試青醬雞扒沙律，我同另一個朋友分別叫咗火雞胸肉蕃茄希臘乳酪三文治同埋牛肉烤菇三文治配沙律。飲品我加$10叫咗杯latte餐點好快就到，一黎到嗰陣真係嚇親，勁大份！細食嘅女仔兩個人share一碟都冇問題！而且沙律係極大份同新鮮，檸檬香醋汁調味啱啱好。牛肉烤菇三文治有啲散，唔係咁容易捉住黎食。第一啖有好香嘅牛油味，菇、洋蔥、牛肉甜甜地配合得天衣無縫，推薦！唯一挑剔嘅位係牛肉係用咗肥牛，所以都幾肥膩下，我食完一件已經半飽我同朋友交換左一份三文治，所以我都試咗雞胸肉蕃茄希臘乳酪三文治。呢個好明顯味道比較refreshing，希臘乳酪好解膩，但就略嫌火箭菜嘅苦味太過突出，搶咗focus，我個人中意牛肉三文治多啲（重口味）朋友話佢份雞扒因為係慢煮所以好嫩滑juicy，不過就唔係太食到青醬味，但都會推薦！Latte都好大杯，拉花幾靚。我唔係飲開咖啡，個人覺得好飲同順口。呢間cafe朋友真係冇介紹錯，成功入咗我嘅encore list

- 𝗢𝘃𝗲𝗿𝗮𝗹𝗹 𝗖𝗼𝗺𝗺𝗲𝗻𝘁 -環境 : 9/10服務： 8.3/10味道： 9/10影相： 9.3/10性價比 : 8.9/10回頭率 : 8.7/1)➖➖➖➖➖➖➖➖➖➖➖➖➖➖一大早同FD子黎個晨啡輕輕鬆鬆傾下心事仲有一點係，朝早嘅晨光影起相上黎真係靚得黎又自然🙆‍♀️.©青醬烤雞意大利三文治 $68Panini底面都有烘過嘅網紋，賣相好吸引👍最欣賞既係餡料比得夠足基本上每啖嘅口感都好豐富🙈Panini外層鬆脆「重頭戲」有蕃茄，烤火雞肉同Mozzarella Cheese更加入「青醬」為靈魂青醬獨特嘅香氣配上清甜多汁嘅蕃茄咬落好Fresh加上火雞肉嘅鮮嫩整個配搭都好match!.©咖啡白朱古力西多士 $45小編覺得呢款西多士簡直係Alchemy嘅Signature dish之一🙆‍♀️三層烤烘後嘅西多士每層中間都塗上一層咖啡朱古力醬口感極之鬆化又帶點咖啡嘅濃香無論你係吾係咖啡友，呢款都值得一試架😘PS.仲可以蘸上藍莓醬，層次感更豐富～.©Homemade Loaf Cakes $30Loaf Cakes 有三款口味分別係香蕉，藍莓核桃同咖啡胡桃我同FD子揀左藍莓同咖啡本身以為

今日同事仔突然有事請假了，得返我自己一個孤伶伶食lunch🥺Blue Monday得自己一個又想好好享受lunch time，就落咗黎公司附近嘅呢一間人氣coffee shop❣️慢慢食，慢慢坐❗️小店外面有一大片空地✨所以自然光可以無遮無掩咁穿透玻璃，滲透入店內💕同時店入面嘅客人都可以望住街景，享受自然光☺️ 淨係坐喺度已經覺得好relax🥰午市lunch set menu ➡️我點咗➡️烤雞菠蘿漢堡配檸檬乳酪醬 $95勁大個Burger 呀😳一見到果刻有d 唔知點食好😆呢個🍔除咗夾住兩塊雞扒之外，入面仲有多種新鮮清涼嘅生菜/沙律菜、蕃茄😍成件事超澎湃🤤好足料，一d 都唔小器🤓D 唔肥嘅雞肉食起上來既唔乾又唔柴🤩 好易入口👍🏻麵包好鬆軟烘得好靚，微暖焦脆❣️再配埋酸酸地嘅檸檬乳酪醬，唔單止口感豐富，味道清新🌿仲減低咗成個burger嘅肉膩感💕有別於一般平時食開嘅burger👏🏻連伴碟薯仔粒都非常用心整👍🏻食落香辣惹味，仲有d 孜然粉調味添，好特別 😋➡️另外飲品方面，我就跟lunch set +$15 要咗一杯Cappuccino呢杯Cappuccino聞起上嚟帶有傳統嘅香濃咖啡味❗️味道香濃而不澀

💖星期日去cafe食個早餐，呢度有落地玻璃，採光度高，限時90分鐘進食，都夠時間慢慢食～1⃣️Alchemy 如心全日早餐🌞 $138💖有炒滑蛋、蘑菇、牛油果、腸仔、哈密瓜、煙肉、車厘茄、焗薯仔、牛角包，好豐富，而且份量多。💖炒滑蛋口感creamy；蘑菇同焗薯仔香口帶辣；牛油果有成半個，新鮮無黑根，入口順滑綿密；腸仔有兩條，香辣肥美；車厘茄多汁帶少少酸；煙肉脆身，食落唔油；牛角包鬆軟香口；哈密瓜幾甜，最後食可以消滯解膩。2⃣️咖啡白朱古力西多士🍞 $45💖有三塊，表面灑上icing sugar，外層好酥脆，中間係咖啡白朱古力醬，再配埋果醬點黎食，味道唔錯～3⃣️Cappuccino (large)☕️ $42💖拉花簡約而靚，咖啡豆係用Alchemy Blend，比較chocolaty同埋heavy body，口感幾順滑同foamy，唔會苦澀～💖生意幾好，所以如果一個人嘅話就要坐長檯，多人就可以坐圓檯～

今日約左朋友一齊去荃灣行IKEA，佢話想試Espresso Alchemy，上網搵到附近就有，一於食返個LUNCH。開放式廚房設計，座位唔算好多，但樓底高，空間感十足，落地玻璃又有自然光，坐得好舒服。LUNCH TIME時間幾乎全場滿座，見到MENU有LUNCH SET提供，價錢唔貴，仲包一杯咖啡，都幾抵食。青醬雞排沙律呢排好努力減緊肥，食沙律就岩哂我~慢煮雞排口感特別嫩滑又多汁，淋上香濃青醬就更JUICY又惹味，沙律菜份量好多，加入沙律醋、蕃茄仔同橄欖，開胃又飽肚。厚切意大利煙肉配卡邦尼意粉朋友揀左佢最愛既Carbonara，醬汁香濃充滿蛋香，口感非常濃厚，意粉煙煙韌韌掛汁力佳，配埋厚切煙肉就更惹味。香蒜青醬雞肉長通粉另一個朋友揀左青醬長通粉，估唔到加入香蒜會咁夾，食落蒜香十足，再配搭滋味青醬、滑嫩雞件等，成個組合好出色。黎COFFEE SHOP唔少得飲返杯咖啡，天氣咁熱，叫左杯Iced LATTE，咖啡味道香濃，口感又順滑，層次相當分明。

大家理想中休閒的生活是怎麼的？我就當然是吃自己喜歡的食物，同愛自己的朋友在一起分享我就已經很開心。同好朋友分享我喜愛的餐廳， 叫了兩杯 Milk Chocolate 🍫 入口濃滑甜絲絲的。再來 一份 panini, 用了大量芝士雞肉煙肉夾在一起咬落去口感豐富。 好朋友係burger 迷， 所以叫了個 烤雞菠蘿漢堡比佢嘆， 佢話估唔到咁大份有點嚇親， 麵包有烤過帶點脆， 用上檸檬乳酪減低油膩感。最後我地還有叫一份 咖啡白朱古力多士做結尾， 一餐豐富甜蜜的lunch ，加上望住落地玻璃特別寫意。

sat brunch推著bb車等咗一陣先有位細心店員安排坐近落地玻璃嘆一個brunch一樂也凍mocha咬到喜歡的朱古力碎🥰即時消暑提神店員執枱執凳都好親和絕對無嫌棄你推車阻住晒嘅感覺非常友善👍

今日去左住荃灣既朋友仔屋企，LUNCH TIME佢揀左呢間Espresso Alchemy，係如心廣場一期地下，位置都幾方便。好鍾意佢既落地大玻璃設計，坐窗邊位置可以好好享受自然光，座位唔算迫，坐得都幾舒服架。LUNCH SET好多選擇，有意粉、三文治、沙律等等。火雞胸蕃茄三文治配希臘乳酪醬脂肪含量低既火雞胸好香滑，食落完全唔柴口，鹹香十足，配新鮮蕃茄、生菜同希臘乳酪醬，成個組合都好清新，係健康之選!雜菌扁意粉配芝士及黑松露醬扁意粉充滿麥香，煙韌又彈牙，雜菌菇香濃郁，食落好有質感，再加入半溶芝士、黑松露醬，就更加香濃惹味，正。青醬雞排沙律叫左個沙律一齊SHARE，估唔到份量咁多，夠哂足料！好鍾意個雞排好嫩滑好JUICY，沙律菜都幾有款，好爽脆新鮮。餐飲加錢轉左大杯裝既CAFÉ LATTE，再轉埋OAT MILK，咖啡香氣撲鼻，入口香濃甘醇，值得推介。

同朋友想搵個地方hea下傾下計見到喱間coffee shop好靚而且d咖啡好香😋就吸引左入來啦😆店員好nice咁提我地可以拎份menu坐係無度慢慢睇😂睇來店員發現左我有選擇困難症😆😆😆🍝Pasta- Carbonara $88碟Carbonara 好大碟🤤🤤出面d coffee shop都好細碟🙊絕對係食得飽唔係凈係可以打卡既餐廳來👏🏻👏🏻間餐廳既煙肉係有厚度唔係薄切切果d同埋份量都唔少😆而且碟意粉唔會太濟，奶油既分量岩岩好👍🏻🍔Burger- Cajun Chicken Pineapple $95個burger真係大到嘩一聲😂😂😂而且佢入面其實係夾左两塊雞排😵😵咁既價錢來講真係超抵😝😝有分量之餘味道都唔失色🤤🤤面包有搽牛油，令個包皮更香😍菠蘿好甜但唔係浸左糖水果隻死甜來🙊加埋蕃茄酸酸地既味道，口感勁豐富😋😋完全可以同出面d burger店媲美🙊🙊比較特別既係佢既burger唔係配薯條而係用薯仔伴碟🤩🤩薯仔有少少辣辣地，好惹味🤪🤪🍹Matcha latte ice $46飲落第一啖比較重牛奶味但抺茶陣澀味會慢慢滲出🤤🤤好fresh，好抺茶🥴🥴🥴而且杯野飲唔會太甜同太溜食完大大份既bur