Espresso Alchemy (美麗華廣場1期) (已搬遷) 新店位置

After securing the movie tickets at the ONE, me and my friend were looking for a cozy place to enjoy a brunch!we ended up here and I absolutely love this coffee shop. It was almost twelve when we got here hence sadly, most of the items on the breakfast menu were sold out, so we only ordered the all-day breakfast and decided to order the lunch after twelve (it would be better if I can order the breakfast and lunch sets at the same time but the girl said their system won’t allow, so…) The breakfas

週末下午和朋友逛逛書店，找了個地方可以hae下靜靜地又無時限既cafe坐坐傾偈睇下書，呢間cafe 係美麗華商場地庫商務書店隔離，唔知係咪位置神秘竟然唔多人更加無遊客，爽啦☺️皮革製menu 夠曬特別👍🏻先點了一杯朱古力，朱古力味濃奶香滑配左個靚靚心型拉花，岩灑不喜歡咖啡因既朋友！甜甜的易入口，心情靚曬，不錯👍🏻Flat White 我的至愛，flat white 咖啡香而不濃奶味剛剛好😋抹茶🍵拿鐵特別既拉花效果就是熱飲既靈魂perfect 💕👍🏻不太甜抹茶味重，喜歡抹茶味濃d的朋友不要錯過！除了飲品我地都點左三款輕食😋估唔到除了咖啡、朱古力及抹茶🍵有水準之餘，輕食也不遜色！🔸煙三文魚多士Smoked salmon on toast個人較喜歡的款，沙律🥗菜新鮮、三文魚香口加左碎蛋幾好食而且賣相都幾靚！🔸煙豬面肉薯仔炒蛋Cheeky hash’s eggs熱騰騰的豬面肉加左薯仔都幾香口同野味，味道偏咸一點夾面包食都幾夾既😋🔸咖啡白朱古力西多士Coffee ganache french toast面包焗得香脆，咖啡味濃加了點朱古力感覺就是mocha toast，賣相靚都幾特別呢，不錯👍🏻

煩囂的尖沙咀， 找到一個寧靜舒適 角落 ， 享受慢活的時光，嘆一杯心愛嘅咖啡和多士， 簡單又享受。咖啡白朱古力西多士$49四塊熱呼呼， 好薄脆多士， 表面 灑上白朱古力粉， 塗上香滑咖啡醬， 香脆可口， 用自家製果占點綴， 甜甜地， 更加滋味。煙豬面肉薯仔炒蛋$63炒蛋滑溜 ，充滿蛋香， 煙豬面肉 爽彈， 口感似煙肉， 但比煙肉更有嚼口， 塗上脆卜卜多士上， 一起吃，口感豐富， 好搭配。Latte 咖啡$36沖泡出我喜歡的味道, 不單止奶 香， 還有咖啡香， 入口順滑， 拉花漂亮， 是心機之作。牛奶朱古力$36朱古力粉來自店內朱古力機做出， 自家製出品， 無添加甜味， 不會太甜， 入口香濃幼滑， 加上漂亮的拉花 ， 做得出色。

這間店鋪,之前係WK商場地庫每次去都冇位....唯獨一次飲過Motcha Latte從始念念不忘,試過多間咖啡店,水準始於有別今日出黎尖咀,點都要黎重溫當年既味道由於未食飯既關係,所以簡左個chicken burger 重點係佢配左個咖啡辣汁,冇得唔試外表份量十足,雞扒大大舊,不老加埋個汁,真係好味呀~~~味蕾夠晒刺激,咖啡味就唔算特出但唔緊要,因為已經好好味配菜既薯仔都不容忽視,都係好味差d漏左杯matcha latte, 保持水準好想知佢用邊隻抹茶粉今餐非常滿意,一個字,正囉!以上食評只反映本人立場,如有雷同,實屬不幸

尖沙咀係一個好繁忙嘅地方，雖然cafe唔少，但都坐滿人，真係想靜下來都唔得！今日比我發現到美麗華樓下地庫有間Cafe好靜，又多位，終於可以慢慢坐下，休息下👍🏻叫咗兩杯咖啡咖啡味好濃郁，奶仲好滑味，加上拉花，好靚！都唔係好捨得飲😂Flat White香港唔係好多cafe會有flat white, 難得有，咁一定必叫不可！Mocha好有朱古力味嘅咖啡，好啱我唔受得咖啡因嘅人！叫啲嘢食先咖啡白朱古力西多士多士康烤得幾好，唔會太窿，你行鋪上糖霜，甜甜地，靚靚地。。。煙豬面肉薯仔炒蛋呢個輕食幾好，淡淡地唔會鹹。豬面肉都幾爽脆。煙三文魚多士賣相幾靚，好似兩朵玫瑰花咁。中間係沙律，呢個輕食，減肥一流！最後我哋都叫多兩杯野飲Matcha Latte 呢個拉花好靚，好似有阿拉丁神燈嘅感覺！Milk chocolate 朱古力好滑，又唔會太甜。同朋友傾吓計，飲吓嘢，不知不覺都兩個幾鐘。其實都幾好呀，晚餐唔一定要大魚大肉，清清地，都係一個唔錯嘅選擇💕

前兩日同朋友放左學，諗住搵個地方傾project，就經過呢間cafe,見啲野食野飲又幾吸引咁就入左去😍我地total叫左兩份野食,同埋兩杯飲品share🙈🙈🙈咖啡白朱古力西多士呢款多士由3塊麵包整成，所以食完都幾飽肚嫁！多士充滿香濃既朱古力同咖啡味，但甜度剛好，仲可以加埋旁邊既果醬食，酸酸甜甜咁變左第二款口味❤煙豬面肉薯仔炒蛋炒蛋除左好香蛋香之外，食落仲好滑，口感一流。再加上爽爽地口既薯粒，口感好新鮮，我地就覺得將所有配料放曬上烘熱多士上面先食既食法係最吸引啦Ice mint chocolate 呢杯飲品一上枱個陣我地已經覺得好靚，雖然份量少左啲啲，但真係每一啖都覺得好濃郁Ice cappuccino呢杯泡沫咖啡既奶泡做到好綿好滑，而且咖啡飲得出係低糖/無糖既，所以唔會沖淡左咖啡既香濃味道❤️

前幾日同朋友黎左呢間cafe試一試，total叫左三杯飲品同一份野食share🙈煙三文魚多士呢一份煙三文魚多士既份量超大，中間再有黑醋汁沙律🥗，多士上面鋪左一層超厚嘅蛋沙律，再加埋三文魚，口感超夾，食落都覺得好creamy Iced cappuccino & Iced latte呢兩杯飲品感覺上都係冇乜落糖，所以更加可以飲得出咖啡嘅香。泡沫咖啡嘅奶泡夠綿，飲落口感一流。latte既奶同咖啡比例啱啱好，同時飲得出好香嘅奶味同埋咖啡既香濃雲南熱茶除咗咖啡之外，我哋都決定叫杯熱茶試試，熱茶除咗好適合打卡之外，一飲味道已經覺得好濃，飲落比起坊間買到嘅烏龍茶甘香得多🤘🏻🤘🏻

收完工唔太肚餓，陪女朋友來飲下咖啡☕️環境都幾有設計感，座位寛落，坐得都舒服，可以假日來慢活一下燒三文魚多士$75有三文魚，碎蛋同蕃茄係上面，多士鬆軟三文魚薄薄一片，三者配合都不錯，另外好中意佢配埋既火箭菜，加上黑醋，好味又健康👍🏻女朋友作為甜品控，又點會錯過呢個咖啡白朱古力西多士$58😻有新鮮果醬做伴碟，多士好鬆脆！咖啡味好香濃，帶有少少甜甜地，不錯😋有心思既拉花，味道甘甘地，夠奶滑，會令人想慢慢細味☕️

今晩心血來潮想食個 light dinner，就嚟咗位於尖沙咀的 Espresso Alchemy。閒日晚上較靜，所以好容易就揾到梳化嗰邊嘅位座。Latte ($41)呢杯咖啡好有奶香味，而咖啡味都好濃郁，真係唔錯。煙豬面肉薯仔炒蛋 ($58)賣相好有食早餐嘅感覺。煙豬面肉好香，配埋香滑嘅炒蛋同埋炒到微脆嘅薯仔好夾。旁邊仲放咗烘到香脆嘅多士，食完好飽呀。咖啡白朱古力西多士 ($58)不過飽都想食埋甜品。用咗咖啡粉溝上白朱古力查多士，底下仲有甜甜嘅莓醬，味道中和。

今晩放工後來到美麗華這間咖啡店品嚐咖啡和輕食，以前我也來過，覺得它們的咖啡很好喝，所以今晩又來。我點了 Flat White ($42)， 咖啡非常濃郁香滑，比例也做得很好，少奶多咖啡。我還點了個小食煙三文魚多士 ($75)，這是即叫即烘的多士，放了新鮮爽口的蕃茄和開胃的蛋沙律，最上面則放上煙三文魚。因為多士夠鬆脆，所以口感良好。碟中間還放了沙律菜。咖啡白朱古力西多士 ($58) 也很特别，是用了咖啡粉混上白朱古力用做多士醬。這樣甜得來也帶點咖啡的甘香，推介！

最近工作實在太忙，OT過後都想自己食好啲，走到這間Coffee Shop食一啲輕食，享受下一人的時光！餐廳設有半開放式，除了有各款咖啡☕️作為主打之外，仲有小吃及主食選擇～ 煙三文魚多士以香軟的法包作底，上面鋪上新鮮蕃茄、蛋沙律及重點的煙三文魚，煙三文魚味道唔會過咸，層次口感都十分豐富，一個人吃兩件其實都幾飽！咖啡白朱古力西多士吃了的咸點，我就點了這個同事推介的咖啡白朱古力西多士，多士十分薄切，中間夾著兩層有咖啡味的朱古力醬，好特別，唔會太甜，上碟時灑上糖霜好有心機！朱古力這杯朱古力真係跟咖啡幾可亂真，拉花特別美～朱古力味濃郁，入口甘香，不會太甜！

上網見到呢度嘅咖啡好似唔錯，做完嘢就過嚟食少少野🐣呢度嘅裝修令人覺得幾舒服relax,人流唔算多，其實值得打卡📸餐牌係皮革封面，好似一本書仔咁，嘢食種類主要都係沙律同埋多士~至於嘢飲方面就係咖啡啦☕️燒豬面肉薯仔炒蛋$58個蛋夠滑身同香，薯仔亦都爽脆，豬面肉味道比較鹹，有少少似臘肉嘅感覺，值得一提嘅係麵包好鬆軟！會令人想一食再食嘅感覺😆配埋喺麵包一啖咬落去，又真係幾夾喎😋另外叫咗個咖啡白朱古力西多士$58白朱古力味唔太突出，相反地咖啡味好出，西多士脆身，咬落啖啖咖啡香，我鍾意啲買果醬一齊食，甜甜地又有咖啡嘅甘香，好特別🤩Cappuccino ☕️一個好靚嘅拉花，第一啖飲落去奶滑，之後慢慢品嚐到咖啡嘅甘甜，果然同連鎖店嘅不一樣🙈

下午放假，想搵個地方靜靜睇下書，行下行下就黎到了美麗華商場，在商務買左書見到樓梯旁邊有間咖啡店☕️好似幾唔錯。咖啡店除左有各式咖啡，仲有好多野食選擇。點左杯latte 就坐下來睇書，我坐左入店入面靠牆的沙發位，幾好坐，又冇人吵住，很好。杯latte好香，賣相一流！現磨的咖啡特別濃郁，同奶的配合好好，口感好滑。另外點左份煙三文魚沙律蛋多士，估唔到咁大份，好滿足！煙三文魚好肥美，魚肉好厚，最欣賞系佢既沙律蛋，蛋白的口感好正！黑醋沙律菜好健康，超滿足！其實已經好飽了，不過想點一份甜點送咖啡，坐多陣睇下書，所以又點左一份咖哩白朱古力西多士。原來佢地用左自家咖啡豆現磨混入朱古力里做餡。西多士烤得香脆可口，真的好好味！

今日提早左放工又想食d輕食，所以就黎到美麗華一間寧靜的咖啡店。咖啡店位置位於底層，遠處見到角落的位置有一點雅緻的感覺，裝潢也比較偏向美式風格，舒適至極。恰好地，去到的時候還有輕食下午茶。咖啡白朱古力西多士港式西多士就食得多啦，估唔到西式的西多士加入咖啡口味同中間夾住朱古力醬別有一番滋味啊。而且擺盤好美觀，面層更灑上糖霜粉。整碟味道也不會過膩或者過甜。煙三文魚多士套餐還包括了一客煙三文魚多士，個人覺得系超水準的。底層多士系用上法包，跟住鋪上煙三文魚和沙拉菜，加入碎蛋沙拉，整個味道好突出，層次豐富，而且味道好夾。煙豬面肉薯仔炒蛋吃過兩款飽點之後，個人蠻期待呢個煙豬面肉薯仔炒蛋，整個感覺就好似食緊all day breakfast甘，好滿足。薯仔預先煎香，加入烤過的豬面肉粒炒蛋，十分香口美味，炒蛋的質素相當唔錯，吾會過老又好滑溜。熱牛奶朱古力飲品方面，呢杯熱牛奶朱古力面層拉花有心思，打卡一流。味道方面，朱古力也恰到好處。不會過甜，帶點微澀的朱古力是最正宗的。熱鮮奶咖啡來到咖啡店當然也要試下招牌咖啡。點了一杯經典鮮奶咖啡，好香濃咖啡味，味道調校得剛剛好，喜愛咖啡的朋友也萬勿錯過喔。

今日同朋友兩個打算靜靜咁傾吓計就搵咗依間係學校附近嘅Cafe 一入到去就見到木製的枱凳 加上柔和嘅燈光 十分舒適放鬆 絕對適合同朋友嚟小聚一下每張枱都預先放咗一支水同餐具 另外餐牌都好特別第一頁係用皮革整嘅 好有質感之後我哋叫咗煙三文魚多士 同埋咖啡白朱古力西多士 另外再加多左杯熱朱古力 首先送上嚟嘅係煙三文魚多士 煙三文魚嘅顏色好鮮艷同埋超級足料 配搭中間嘅蛋沙律真係好夾 唔會話太單一或者太鹹 另外旁邊嘅沙律菜都好開胃之後就到咖啡白朱古力西多士呢個配搭好新鮮 可以當甜品黎食 白朱古力平時就覺得好甜 但係配搭烘培過嘅咖啡味一齊 就互相中和番 係好新奇嘅組合！而杯熱朱古力我最欣賞就係佢嘅拉花 心心拉得超級好睇朱古力味道好濃郁 唔會好甜又有好多奶食完之後好似已經食咗前菜主食甜品咁樣 好滿足呀！