影片
更多
2020-08-19
64 浏览
今日喺美麗華睇完樓鬼咁肚餓，趁六點前病毒未開眼，落地庫睇吓有乜好食先。一落到去伴侶就俾呢間 Espresso Alchemy 嘅咖啡香氣迷惑，二話不說就坐低咗，餐聽裝潢高檔舒適，受恵於限聚令嘅關係，坐位空間相當濶落。Ice milk chocolate，唔好啡嘅我原本諗住嗌杯 Craft beer 超吓，點知賣哂，就唯有嗌杯乖孩子凍朱，殊不知塞翁失馬，焉知非福，杯乖孩子好味到痴線，將頂層嘅牛奶慢慢搞勻，睇住啡白兩色慢慢融和，有牛奶味又有朱古力味，未去到個 main 我已經忍唔住飲哂，幾乎想即刻再叫多杯添啊。Smoked Salmon Salad in Balsamic Vinaigrettte，煙三文魚沙律，材料有煙三文魚、羅馬生菜、車厘茄同埋 Sun-dried tomato，沙律菜十分新鮮，除咗意大利黑醋嘅香氣之外隠約仲好似有少少蜜糖嘅香甜味，同個煙三文魚嘅味道好夾，特別鐘意佢加咗我至愛嘅 Sun-dried tomato，令整個沙律更富層次。Pesto Penne w/ Chicken Fillet，香蒜青醬雞扒長通粉，青醬係伴侶嘅至愛，當然要嗌番樣青醬嘅 item 嚟孝敬吓佢，
一落到去伴侶就俾呢間 Espresso Alchemy 嘅咖啡香氣迷惑，二話不說就坐低咗，餐聽裝潢高檔舒適，受恵於限聚令嘅關係，坐位空間相當濶落。
Ice milk chocolate，唔好啡嘅我原本諗住嗌杯 Craft beer 超吓，點知賣哂，就唯有嗌杯乖孩子凍朱，殊不知塞翁失馬，焉知非福，杯乖孩子好味到痴線，將頂層嘅牛奶慢慢搞勻，睇住啡白兩色慢慢融和，有牛奶味又有朱古力味，未去到個 main 我已經忍唔住飲哂，幾乎想即刻再叫多杯添啊。
Smoked Salmon Salad in Balsamic Vinaigrettte，煙三文魚沙律，材料有煙三文魚、羅馬生菜、車厘茄同埋 Sun-dried tomato，沙律菜十分新鮮，除咗意大利黑醋嘅香氣之外隠約仲好似有少少蜜糖嘅香甜味，同個煙三文魚嘅味道好夾，特別鐘意佢加咗我至愛嘅 Sun-dried tomato，令整個沙律更富層次。
Pesto Penne w/ Chicken Fillet，香蒜青醬雞扒長通粉，青醬係伴侶嘅至愛，當然要嗌番樣青醬嘅 item 嚟孝敬吓佢，由於廚師將個香蒜青醬個濃稠度控制得相當之好，致使個長通粉嘅掛汁能力都十分一流，香蒜同青醬呢個配搭無肯得輸，再加上洽到好處嘅 creamy 程度，同埋睇佢唔出咁滑溜嘅 Chicken Fillet，係一個十分之高質嘅長通粉。
Tiramisu，臨尾以呢個 Tiramisu 作甜品，估唔到一個 Tiramisu 都能夠為我帶嚟驚喜，首先個甜度啱啱好，係我最鐘意嘅甜度，最出色係佢個啡色嘅點綴，帶有少少焦糖化同少少花生嘅香氣，為今餐完美作結。
张贴
