Espresso Alchemy (美麗華廣場1期)

营业中

休息中

▫️主食▪️雜菌扁意粉配芝士及黑松露醬$108 未吃已在遠處傳來陣陣黑松露香的氣味.氣味濃郁多汁的😎但可惜的是扁意粉🍝煮得太腍有點過龍.吃下全是碎濕濕&腍啤啤的.口感不太好.連叉起來都很易斷掉🤢吃下沒有太多的味道. 雜菌有雜菌味道.意粉有意粉味道.忌廉有忌廉的味道..全不入味🙄各有各的精彩😩不過，唯一稱讚的是雜菌的份量很多的😍▫️飲品▪️蜜糖伯爵鮮奶$42飲品就真的不錯👍🏻不錯的👍🏻😍香醇而濃郁的伯爵茶配上輕盈自在的鮮奶泡沫😶‍🌫️好喝得一氣呵成停不下來..😎順滑的質感是不錯的選擇🤩

選了這間cafe因為影出來好似好靚，但環境就正正常常吧，沒驚喜不過食物不錯，之前會食嫌左All Fay Breakfast 但今次見個breakfast有牛角包，又有主打個咖啡toast，咁我就叫左，真係幾好食，份量也不剛好。平時我不太好牛油果，但今次個牛油果杯又味道和份量剛好杯朱古力出奇地好飲，earl grey和chocolate味互相調和，不會太甜

星期五黎到海港城人山人海, 有時想搵個位靜靜地食餐飯都好難, 知道cheesecake factory對面有間咖啡室就去碰下運氣, 睇吓有冇位!去到嘅時候好好彩仲有一張枱, 咁我哋就即刻叫嘢食, 呢度係叫咗嘢食俾咗錢先至去搵位! 係度見到個個都好relax咁樣傾計飲野, 飲咖啡或者係咖啡溝出嚟嘅酒, 我就叫咗杯薄荷朱古力! 薄荷味好香同朱古力好夾, 唯一就係覺得佢細杯左d, 好唔夠喉😝跟住叫咗兩個main course, 一個就係虎蝦意粉, 佢係有三大隻蝦, 啲蝦真係好大隻!!!! 個意粉有好多汁包住d意粉😋呢個質地啱啱好係好彈牙架!!跟住嗌左個烤雞菠蘿漢堡配薯仔粒 個烤雞漢堡超大個, d雞皮仲會脆脆地好好味 佢仲有好多蔬菜係個包入面，再配埋菠蘿好refreshing, 薯仔粒辣辣地好惹味, 忍唔住一啖接一啖咁食😋跟住甜品叫咗個香蕉蛋糕, 佢個香蕉蛋糕好軟熟好香香蕉味, 同埋入面仲有啲nuts, 身為一個香蕉蛋糕嘅fans覺得好滿意!!!估唔到呢間coffee shop整嘅主食都咁唔錯, 下次會想試埋佢其他野同埋杯milk chocolate! 呢度仲有d咖啡豆買, 下次要買黎俾媽咪試

次次Lunch hour都見到好多人排晒隊 所以早餐落咗嚟試呢間cafeMenu 菜式選擇多早餐嘅選擇都豐富揀咗 牛油果多士沙律 配熱Latte 味道唔錯 咖啡亦都拉得好有心好靚

四月同兩個朋友食過一次，覺得環境ok 食物質素好，所以早幾日再訪。講左食物先😋今次encore左青醬雞肉長通粉，一上枱都係熱辣辣，sauce濃郁，雖然好邪惡，但真係幾好味。雞肉都不會鞋口，好快會清左一碟🤣記得上次食虎蝦蕃茄意粉，意粉硬度適中，蕃茄味唔好太似快餐店咁太甜。牛肉burger個包係幾香脆，但牛肉就冇嘜牛味，有d太硬太乾，可以唔洗試。飲品方面，latte個奶打得好，夠香滑，而且好balance。最後，服務認真麻麻。係cashier order burger個陣，因為預會share，所以問一句想切開，點知waiter 冷冰冰一句，”我地冇依個服務wor”，加態度都幾串。其實食客又唔係係到反工，冇啦啦又點知冇😓😓menu又冇寫。黎過一次，都知係半自助，要自己拎水。因為今次坐近出餐位，見有個位同自助拎水個位一樣，所以我地行去睇杯，點知又被d waitress 話唔拎得，要我地出反去拎。無言。之後到上burger，想要個碟仔分，waiter就叫返我地去自助個到拎。omg 個到得d超細碗仔，最後又係我地去反出餐位拎碟仔…除左有個waitress態度好d，其他勁黑口黑面…自問真係keep住

Disappointed? No Way!🎈Espresso Alchemy/This place will not let you down./青醬雞排沙律🥗Pesto Marinated Chicken Salad ($79)雞肉嫩滑唔鞋 呈粉紅色 調味得岩岩好😌沙律菜份量好多 加上lemon vinaigrette dressing 好開胃女神三文治🍔Green Goddess Sandwich ($78)由牛油果 青瓜 蕃茄 水牛芝士集於一身品嚐到健康嘅味道😉頂層麵包來茶想一層青醬整體食落清新 配合埋水牛芝士同牛油果 滿足嘅感覺出晒嚟🥰意式芝士餅Tiramisu ($49)呢個甜品一定要推介比咖啡控☕️Espresso汁比餅乾吸收哂 餅乾同杯底完全係成杯tiramisu嘅精華 真係會越食越興奮😆Iced Cappuccino ($44)顏色分層得好靚 面層泡沫滑膩 底層咖濃分層飲完之後將佢攪勻 會微微中和咖啡嘅苦味同牛奶嘅順滑口感🥛Cafe Latte (L) w/ oat milk ($44)🍼用左燕麥奶 所以比牛奶更能帶出咖啡嘅甘苦咖啡滑身 飲落飽足感會黎得比正常牛奶咖啡慢

一連幾日假期，約左朋友去唔同coffee shop，齊齊過返個慢活假期，打下卡HEA下~今日下就黎到尖沙咀美麗華商場，揀左呢間口碑甚佳既Espresso Alchemy。餐廳環境好闊落，位同位之間唔會好迫，有空間感。牛油果多士配沙律一大塊超長穀麥多士，烘得非常香脆～面層舖滿濃厚香滑牛油果蓉，再夾雜些蕃茄粒，份量十足！麵包咬落香脆得黎好軟熟，成個配搭都好夾，口感層次非常豐富！伴碟沙律菜新鮮爽脆，仲有清甜車厘茄、紅椒等等，清新組合，色彩繽紛，賣相好吸引呢！香煎虎蝦配蘆筍辣蕃茄汁意粉即叫即製意粉熱辣辣上枱，醬汁微辣、酸香又開胃，夠哂惹味~三大隻虎蝦鮮味十足，爽滑彈牙！意粉煮得剛剛好，掛汁力佳，煙煙韌韌好有咬口，配埋爽甜蘆筍、蒜粒等，有驚喜!最後叫左杯CAFÉ LATTE同HOMEMADE LEMONADE，LATTE細緻順滑，入口香醇而不膩；LEMONADE爽甜夾雜微酸，清涼解渴!

Espresso Alchemy @尖沙咀📍尖沙咀彌敦道132號美麗華商場B1層B116號舖去完Donki買完野 想搵地方食下野就過咗對面美麗華 地庫有呢間比較隱蔽既cafe 裝潢以木調為主 感覺幾舒服就試下😚▫️厚切意大利煙肉卡邦尼意粉 $95超中意佢地既厚切煙肉😍 肉脂豐富 又唔會太鹹👍🏼 濃稠度啱啱好👌🏼配埋蛋黃醬同芝士粉簡直一流 意粉口感黏稠 好掛汁好creamy！😋▫️雜菌扁意粉配芝士及黑松露醬 $98黑松露味好香 味道又唔會好嗆 雜菌份量十足！扁意粉口感煙韌 入口充滿蛋香味🤤 🍫Earl Grey Chocolate (Regular) $40朱古力味同伯爵茶味balance得唔錯😋朱古力香濃得尼又飲到伯爵茶嘅茶香味 唔會cover到 整體甜度都適中👍🏼🍵Matcha latte (Regular) $37拉花手工唔錯 抹茶味幾香 口感順滑 冇咩抹茶粉粒👍🏼 但係可惜奶味唔係好夠～🍞咖啡白朱古力西多士 $49多士脆卜卜🤩香脆又甘香 甜甜地既咖啡味🤤👅好味：4.4/5💲價錢：3.8/5🌟性價比：4.3//5👀環境：4.4/5👥服務：3.8/5

放假訓到好晏先起身，約左幾個朋友食LATE LUNCH，去左Espresso Alchemy美麗華分店，質素一貫穩定，好值得推介！餐廳採用開放式設計，水、餐具自助，燈光柔和，以木色為主調，有兩大張長枱同幾張圓枱，坐得舒適唔會覺得好迫~女神三文治個名好有趣，原來係以牛油果、青瓜、蕃茄、水牛芝士等組合而成，外層麵包烘得酥脆，好有麥香，水牛芝士柔軟幼滑好香甜，再夾雜香濃牛油果蓉、清爽青瓜、蕃茄片等，每一啖口感都好豐富，飽肚感十足。香煎魚柳伴香茅薑黃醬魚柳煎得剛好，入口鮮香十足，無骨啖啖肉，細膩又嫩滑!配香茅薑黃醬，更為惹味。香蒜青醬雞肉長通粉蒜香夾雜芬芳青醬，濃厚惹味，雞肉肉質軟嫩多汁唔乾柴，配埋彈牙有嚼勁長通粉，好正。飲品我揀左CAFÉ LATTE，轉OAT MILK，入口特別滑順香濃!

那個滿心喜歡 期待著跟心深愛著的你見面的心情終於終於等到了這一天多累也好 也想要早早起來準備好一切再睏也好 不睡也擺 只想跟你多見見面昨天閒閒的時間比較多 難得看親愛的或許在忙只好自己打發時間別騷擾別人忙他的於是在Open Rice發現有家這樣都餐廳在商場內所以今天希望親愛的能花些許時間來陪在下來一下我們8：00多便到了他們星期一至五9：00才開始供應食物嗯 沒關係 其實早早就說明了只是在下想要的太多只好先點一杯飲料 慢慢等著麗江雪茶 $55就是我們常說的太白茶入腹溫暖 味苦凜香美同時帶有淡淡的青味層次豐富 鮮明期待已久的早上九時正餐單看了很久 選擇不少看了又看選了再選其實 好像都已經不重要了在下就隨便點了份All day Breakfast $138親愛的也是早餐包一杯飲料 親愛都選上了 Mocha 也幫在下點了杯一樣的早餐裡面有炸薯角 腸腸 煙三文魚牛油果沙律 咖啡醬多士 牛角包 炒蛋賣相 味道 氣味 一切都很合適卻其實沒有很適合是多士不喜歡在下了還是在下總要求太多 得一想二本來以為有點醬應該很容易吃不過後來還有點幹哽的感覺把三杯茶都喝光了幸好還有親愛的為在下點上的跟餐Mocha另

喺尖沙咀想食個 early lunch 順便飲杯靚咖啡，嚟咗呢度，點知原來午餐由11:30開始，仲差少少時間，見仲有早餐賣，咁我就買咗兩個早餐食😆買咗 $78嘅「檸檬汁烤雞煙肉意大利三文治」同埋 $65嘅「蕃茄芝士奄列」，跟早餐包 Regular Size Espresso Based Coffee, 揀咗一杯 Mocha 同一杯 Flat White；另外加一杯 $65嘅 Tipsy Lemon，裏邊有 Vodka, Cointreau, Fresh Lemon Juice😋-「意大利三文治」同「蕃茄芝士奄列」簡單得嚟幾好味😋- Mocha 有subtle 嘅朱古力香味😋- Flat White 好香滑😋- Tipsy Lemon 裏邊有我鍾意嘅 Cointreau，有淡淡嘅橙香味🍊，加埋新鮮檸檬汁🍋，非常清新😋；中午前飲杯有伏特加嘅雞尾酒真係好爽😆

呢間第二次嚟，因為第一次真係好一般嘅experience，可能係因為nutty blend嘅關係，但友人話佢再訪覺得唔錯所以試第二次；海港城分店好大好多空位，環境夠晒靜 絕對可以坐好耐做野，work-friendly, 同朋友嚟坐低飲野食嘢吹水都ok!🤩___ ___ ___ ___ ___ ___ ___ ☕️ iced americano (fruity) $40真係好飲好多， 高質口感fresh d， 因為呢杯野令我對佢印象好返，可以再去要叫返fruity blend☕️ latte (nutty) $42第一次唔知佢有得間fruity blend，上手明顯過熱，望落顏色有啲淡，個奶泡太熱唔甜，加上nutty有啲偏燶嘅味，飲到一半放低左☕️Sparking Black $45同普通espresso tonic 冇分別，夏天飲好清涼，唔想飲ice black就可以叫呢個記得出聲問先有得轉fruity，因為menu都冇state，本身係nutty嘅豆嚟，自己比較鐘意fruity豆😂佢fruity blend 較好飲

這間CAFÉ現在分店愈開愈多，以前經常吃荃灣那間分店，價錢頗划算沒有收取服務費。每間分店的裝修也略為不同，裝修也充滿打卡的味道，這次坐了電梯下的咖啡豆格仔櫃旁邊，簡約得排得整整齊齊，不錯的拍照背景。店內是以先付帳再送餐形式，餐具店員也會送上，其他碗碟、食水則出面自取，餐具也洗得很衛生，沒有污漬。香煎虎蝦配蘆筍辣番茄汁意粉 - $123三隻去殼去腸的開邊大虎蝦，煎得好惹味，肉質鮮甜帶點韌性，入口爽身彈牙。意粉份量和硬度適中，掛滿番茄汁帶點鮮番茄肉，酸甜又帶點微辣，綠色的小蘆筍軟嫩，略增添口感。香蒜青醬雞扒長通粉 - $118雞扒是以慢煮的雞胸肉切片，口感好鮮嫩，充滿肉汁毫不乾柴。九成熟的長通粉煙韌口感最佳，中間掛滿惹味的香蒜和清新的青醬，還有點芝士黏著醬汁，零油膩感。Iced Mocha - $46同時擁有咖啡的豆香氣，又有朱古力的甜味，以及牛奶的順滑感，整體感覺極容易入口，又口感豐富。Honey Bee - $46摻有蜂蜜的檸檬水，半片青檸獨有的酸味特別爽口，帶酸酸甜甜味，口感極清新舒暢。

來過這家數次，買咖啡或者lunch。老實講，咖啡和食物的質素都不俗，但幾乎次次都卑服務人員的態度勸退，試過一次被大聲喝斥量左體溫先。。。但係他們的體溫計擺係好不起眼的位置。。。當然會去量，但態度可以溫柔少少嗎？ 最近一次到訪，坐係角落 問服務人員要紙巾，他離開紙巾位置好近，而我坐係裡面的角落，他還是非常認真貫徹店鋪制度叫我自己出去拎。。。

刚从旁边的渣打银行走出来，正想找地方吃早餐。早上10点多商场内很多食肆还没开门，这家咖啡店又在银行旁边，便直接走过去。咖啡店内空气有点闷，便走到外面坐，空气会好一些。早上有套餐，大部分是70多元，虽然比一般茶餐贵，但环境绝对不差。今天吃得比较健康，牛油果多士配沙律，多士的面包是带坚果的全麦包，烘完马上吃会比较脆品，至于牛肉果就不用说了，肯定是健康食品，面包上放了不少，虽然有点淡味，但还是不错的。至于放在多士旁边的沙律，确是有点淡，但符合健康原则。这里环境不错，虽然在扶手电梯旁边，但没有嘈杂的声音，可以慢慢享用食物。