Espresso Alchemy (美麗華廣場1期) (已搬遷) 新店位置

Expresso Alchemy 喺尖沙咀美麗華地庫，除咗有出色嘅咖啡之外，食物都幾好味㗎！Latte (Large) $42有漂亮的拉花，奶泡滑溜甜美，咖啡味濃香帶回甘，Good！青醬雞排沙律 $79雞排份量都幾多，而且相當軟嫩，青醬帶出肉的甜味！沙律菜夠爽脆，仲有好多我好鐘意嘅油浸蕃茄！Alchemy精選早餐 $128香滑嘅炒蛋、好香口嘅香草焗薯、爆汁嘅香腸、酥香嘅牛角包、油份充足嘅煙三文魚、仲有咖啡白朱古力夾心嘅西多士同埋特色牛油果醬，超級豐富！咖啡白朱古力西多士 $49咖啡白朱古力西多士加上滿滿的糖霜，有特色得黎仲好甜美！

早上要去尖沙咀一醫務所複診，去見醫生之前，先吃飽飽，所以去了吃早餐。人流不算太多，座位空間充足，感覺舒適自在。先在收銀處點餐，完成付款後，自行找個座位鞍座即可。餐廳提供免費Wi-Fi，接收不錯。今天點了all day breakfast，飾物種類豐富，有牛角包、炒蛋、香腸、焗薯粒、多士、三文魚和牛油果。牛角包剛剛烘過，溫熱而鬆脆。炒蛋細滑可口。香腸和焗薯粒當中加入了黑椒，香辣滋味十分醒神。多士中間的coffee ganache，味道香而不膩，也很切合咖啡店的主題。牛油果口感綿密軟滑，好此道者不能錯過。三文魚營養豐富，用作早餐的話，很適合用來補充身體所需營養。飲品是格雷伯爵朱古力，我選擇了以燕麥奶作為替代品，味道較平時所飲到的略為清淡，不會過甜，是個人喜歡的口味。

📍青醬雞排沙律雞排肉份量夠大又好嫰唔會鞋口，加埋青醬既味道幾好味😋旁邊既沙律菜夠爽口，仲有新鮮蕃茄仔同蕃茄乾酸酸地挺開胃👍🏻👍🏻有時諗唔到食咩既時候，食下喱個沙律都唔錯😆😆

上個禮拜日瞓晏咗 但又唔想就咁嘥咗個假期 所以就約咗朋友去尖沙咀食個late lunch！Espresso Alchemy有幾間分店 今次就嚟到尖沙咀美麗華商場嘅分店～木系型格裝修配合半自助服務 加上上菜速度快 令成個用餐過程都好舒適！·Turkey, Tomato & Cheese Panini $68Panini表面有烘過 口感香脆 加上熱辣辣嘅火雞肉、番茄同邪惡拉絲 係tea time唔錯嘅選擇喔～·Spaghetti W/ Tiger Prawns & Asparagus in Spicy Tomato Sauce $123份量都幾多 有三大隻鮮味十足嘅虎蝦 加上有蘆筍同軟硬度剛剛好嘅意份 令口感更有層次 微辣番茄醬亦唔會好膩口👍🏻·Coffew Ganache French Toast $49估唔到有四件多士咁多！每一件都非常脆口 白朱古力同咖啡味濃厚 點埋碟入面嘅嘅果醬就可以中和咖啡微咁嘅味道～·Hot Rich Chocolate $31咪睇佢細細杯 其實濃度極高 飲落似融化左嘅朱古力 冇添加任何糖同牛奶～·Honey Earl Grey Latte $45好ig abl

第二次再來 Espresso Alchemy食物質素依然高企👍🏻暫時食過嘅，樣樣都好好味😋✅厚切意大利煙肉卡邦尼 $95好好味～厚切煙肉好香好惹味蛋汁好好味，亦唔會好膩✅青醬雞肉三文治 $68本身我都鍾意Panini，pesto chicken 又係好好味嘅嘢～好夾，烘得好香脆✅咖啡白朱古力三文治 $49都幾特別，好脆好香咖啡味～就唔係好食得出白朱古力，但係有少少朱古力味～整體配合得好好✅自家香草牛肉漢堡配黑松露沙律醬 $108好大個，牛肉好香，好多生菜，而且好新鮮👍🏻👍🏻👍🏻全部都好好味😋講完

今日去到尖沙咀行街見到美麗華廣場入面有一間分店👁👁之前係荃灣都食過，就想去試吓香煎虎蝦配蘆筍辣蕃茄汁意粉$123虎蝦份量都唔少而且新鮮彈牙😋😋 意粉軟硬適中，配上辣蕃茄汁，香口而且味道豐富火雞胸蕃茄芝士意大利三文治$68呢一種意大利panini，係我好鍾意嘅一道菜色🤩火雞胸配上蕃茄同埋芝士，係夏天最佳輕食芝士蛋糕配Alchemy咖啡醬及可可脆粒$35芝士蛋糕帶有濃重的奶香，甜膩中帶點芝士味，咖啡令到整體味道冇錦膩，可可脆粒又令口感層次更豐富Ice cappuccino$44即使係凍飲，咖啡味依然香濃🤩🤩 奶泡濃郁宇治抹茶鮮奶$46幼滑嘅鮮奶配上濃香味甘既宇治抹茶🍵味道非常配合

第一次食Weekday lunch time 一個人嚟食，都要等15分鐘，而場內九成係OL。服務員帶位入座後自己出counter買野食，等送餐嚟而餐廳限時90分鐘(with food) or 60分鐘(drinks only)點左一個lunch set- 青醬雞扒沙律$79- 熱伯爵茶朱古力(大)(+$15)份量好大！菜同雞扒都好足料！（我見好多食客都會點嚟share）沙律好新鮮！包括火箭菜沙律菜蕃茄仔乾蕃茄等等雞扒好嫩，一啲都唔鞋！而且雞扒上碟係暖咖！以為成碟都會凍冰冰，所以好驚喜！個青醬汁令人好開胃！伯爵茶朱古力呢杯係大size, 唔太甜，伯爵茶味好重！唔錯！😋服務員係有禮貌的👍🏻整體不錯，如時間許可下，想要一個輕型lunch,呢度係唔錯嘅選擇😊

1. Smoked Salmon Two-ways Risotto ($123)呢個risotto有驚喜！！開頭見呢碟叫smoked salmon，諗住都係面頭求其放兩片煙三文魚就算，點知原來係成碟risotto都撈滿三文魚粒，係每一啖都會食到三文魚肉！而面頭嗰兩片煙三文魚亦係大大塊，真係好正(⁎⁍̴̛ᴗ⁍̴̛⁎) 另外個risotto幾有口感但唔會太硬，濕得嚟唔會有稀爛嘅感覺，超級好評！！2. Spaghetti Carbonara with Pancetta Affumicata Bacon ($95)呢間係偏creamy，而佢正嘅位係佢嘅煙肉全部都係厚！切！相對平時嘅carbonara，的確係令口感更豐富，估唔到連一款咁common嘅意粉都可以令佢變得咁不平凡(((o(*ﾟ▽ﾟ*)o)))整體而言，高質足料又份量多，推薦！！！

Tiramisu $49呢個tiramisu賣相都算唔錯 而且食落都幾濕潤同細滑 不過佢就偏重咖啡味 相比平時就冇咁膩 鐘意咖啡既朋友相信會鐘意呢個😚評分: 7/10🌟Iced Matcha Latte $46呢度黎飲品既速度係神級 一落完單返位坐低未夠30秒就黎咗😹 但可能因為咁質素有啲麻麻 飲落偏甜同好多茶粉粒🥺 呢點希望店舖可以改善🥲評分: 5/10🌟Iced Milk Chocolate $46呢杯朱古力都有啲粉未溶晒既問題 相信叫熱飲會好啲 而味道方面就偏淡 所以唔會太甜🙈 但都會淡淡既朱古力味 希望店舖可以改善下粉粒既問題 整體效果應該會大大提升✨評分: 6/10🌟Coffee Ganache French Toast $49呢個toast放咗一陣食都仲少少脆 而且個擺盤都唔錯 加上有香濃既咖啡味同幼滑既白朱古力 🍫既甜味中和咗咖啡既苦味 整體配搭算係唔錯 加上呢個價位當tea食都幾適合 不過不失😆評分: 8/10🌟The Alchemy All Day Breakfast $128w/ scrambled eggs, baked potatoes, smoked salm

如果一間餐廳只係覺得自己係尖沙咀地段食到優勢而唔需要提供服務，咁呢間做到 。食物上餐枱時，張枱唔太夠位，男侍應等你拎開啲野再放低。另外，一班人食飯，希望同事幫手影張合照唔會浪費一分鐘時間，而呢間餐廳男侍應令人眼介大開，你客氣問佢可唔可以幫手影張相，佢同你講佢唔得閒。令到我朋友同我一齊對望再講唔會再幫襯。多謝你提供左咁優質嘅服務，可能你覺得人工低工作量大而比唔到服務，咁，我建議你搵過份工或者你考慮下自己適唔適合做服務性行業。其實食物質素唔錯，份量都相對恰當，唔會大大個碟但細細份量，樓面咁樣害左個廚房，你真係要多謝呢位樓面同事。 趕客首選餐廳。

懶洋洋的下午，與C到美麗華商場地庫，hea逛小丸子及蒙奇奇專門店。沒有遊客的尖沙咀，確實是假日好去處。Cafe店瑟縮於一角，下午茶時段，店內仍座無虛席，稍等片刻，才被安排入座。昨日才在堅尼地城飲了一杯水準不俗稱的咖啡，今日，想來點淡味咖啡。小妹的蜜糖伯爵茶鮮奶$45，以高身窄口的玻璃杯奉客，貌似牛奶多點兒。相反，C的牛奶朱古力$37，賣相更似咖啡。因此，小妹差點兒拿錯了！呷一口，伯爵茶淡淡的，奶味香濃，口感幼滑。答應了母親大人回家吃晚飯，故點了一客輕盈清新的女神三文治$78，配料有牛油果、青瓜、蕃茄和水牛芝士。店員預先把三文治一切為二，碟子中間放有沙律菜，方便同朋友開心齊分享。住宿舍的C，準備把下午茶與晚餐一併解決。因此，她點來了一客厚切意大利煙肉配卡邦尼意粉$95，且吃了小妹一半的女神三文治。卡邦尼意粉，表面灑上大量芝士粉，再混入香口濃稠且惹味的醬汁，以及厚切鹹香煙肉，啖啖滋味。相對而言，意粉顯得有點兒heavy了！幸而，C幾乎全KO了。壓軸，來一客白朱古力芝士蛋糕$49作結。香滑富芝香的芝士蛋糕，上面撒滿了蘋果脆片，下面乃富牛油香氣的曲奇碎，口感不俗。

今日同朋友去左尖沙咀行街，行到攰攰地又醒起MIRA有間CoffeeShop想試，就即刻過左去。餐廳座位大部分都係開放式，令人哋覺得會chill啲，另外係喺廚房附近都有幾張隱蔽啲嘅梳化枱。因為假日太多人，得返梳化位。食物嘅種類都好多，想輕食又得，肚餓當午餐或晚餐都可以。<泡沫咖啡 Cappuccino (Regular)，$37><鮮奶朱古力 Milk Chocolate (Regular)，$37>個拉花都幾靚，而且個味道幾好，好岩我口味，好香嘅奶味但又唔會好甜。最重要係飲到底都完全無朱古力粉／渣。<香煎虎蝦配蘆筍辣蕃茄汁意粉 Spaghetti with Tiger Prawns & Asparagus in Spicy TomatoSauce，$123>虎蝦好爽好好食，配左個辣辣地嘅蕃茄汁，開胃得嚟又幾惹味。特別值得一提係個意粉整得好煙軔。<芝士蛋糕配Alchemy咖啡醬及可可脆粒 New York Cheesecake with Coffee Ganache and Crumble，$35>呢個芝士蛋糕好有驚喜！香濃

友人跟我都好喜歡呢間咖啡店，環境，服務都理想，可慢慢聊天，食物質素好，最重要係咖啡掂👍。一向都會嚐試不同品種咖啡豆，今日呢款比較有果香，酸度高，飲後餘韻強。果香着重於提子，黑加侖子那種濃且甜。那餘韻個多小時後仍然在口腔內，不錯。友人飲凍薄荷咖啡，薄荷味夠特出，又不失咖啡的香。牛油果多士是我的至愛，滿滿的牛油果醬鋪滿整件多士上，還有粒粒口感，絕對推介。伴碟沙律菜清新健康，正！法式多士不是一般茶餐廳的多士，薄薄的麵包，塗上咖啡朱古力醬，甜度適中，不膩，好快就整碟吃清了。

落雨濕濕，係最岩就係搵間coffee shop打發下時間🌧今日再次黎到Espresso Alchemy，順便食個early light dinner係美麗華商場既basement，有大大個廣告牌，好易認～照樣都係睇完menu想食乜，再去counter落單📝兩杯飲品分別係Ice chocolate同蜜糖青檸梳打落雨個天陰陰沉沉，嗌翻兩杯甜野飲下，心情都舒暢啲～今次嗌左2個意大利軟包，其中當然包括我all time飛佛——青醬芝士雞肉！另外個煙肉芝士都好好味，感覺相對比較飽肚😋香煎蘆筍虎蝦蕃茄意大利粉茄味超濃，意粉軟硬度今次烹調得岩岩好，條條分明，咬口彈牙，配埋大大隻蝦肉，滿足滿足😎最後甜品方面則嗌左朱古力Toast，外皮烘得香脆，而夾心嘅朱古力醬份量亦啱啱好，唔會過甜👍🏻抵讚！

Looking for a nice coffee shop in TST? Check out Espresso Alchemy! They have two chains in TST, one in harbour front and another in Mira Place. I went to the one in Mira Place, and the interior design is just divine 😍 love the open concept and it’s spacious! 🌟☕️ Earl Grey Chocolate - if you’re an Earl grey lover I would try this out. It was like tasting a sweet Earl grey but has that hot chocolate texture. Thought this was an interesting taste and would order again! .🍵 Matcha Latte - can’t go wro