Espresso Alchemy (海港城港威商場)

营业中

休息中

行街見到開咗新分店，一於試吓！Baileys Chocolate ($68)將Baileys同朱古力融合埋一齊，香甜又易入口，每一啖都結集咗甜酒嘅醇厚同朱古力嘅濃郁，口感香濃順滑。烤雞菠蘿漢堡配檸檬乳酪醬 ($105)烤雞香口，漢堡內有大量蔬菜，新鮮爽脆，加埋檸檬乳酪醬酸酸哋，味道清新開胃。西多士伴鮮漿果雪糕配楓糖漿或自家製焦糖醬 ($69)西多士色澤金黃，好厚身。外層酥脆而內層鬆軟，麵包之間搽咗果醬，加埋香甜嘅自家製焦糖醬，入口酸酸甜甜，甜而不膩。

HAPPY FRIDAY約左閏蜜食下午茶，今次揀左Espresso Alchemy，位於尖沙咀港威商場地下，半自助形式，環境寬敞舒適，到收銀處落單付費後會有專人送餐。牛油果多士配沙律多士烘得香脆可口，切片牛油果夾雜爽甜車厘茄，口感層次豐富細膩!伴碟沙律菜份量極多，爽脆清甜，灑上香脆合桃碎，嚼勁十足。厚切意大利煙肉配卡邦尼意粉煙肉厚切細滑軟嫩，醃得入味，口感一流，卡邦尼意粉加入蛋汁拌勻，入口充滿蛋香，夾雜芝士鹹香，層次豐富，意粉彈牙香滑，味道濃郁，有嚼勁。Flat White心型拉花圖案吸晴，咖啡濃醇，牛奶絲滑，飲落順口。This Town Needs Beer估唔到咖啡店有Heroes Beer!充滿麥芽香，味道豐富，有淡淡果味。

以海港城/港威商場內的餐廳來說, 這間餐廳價錢算是平易近人, 食物味道也不錯. 餐廳面積分為兩邊, 一邊近廚房/收銀處, 而另一邊面積較大, 不過食物由廚房送到餐桌上要經過一個商場開放式路程才到達, 而送餐過程中食物沒有任何蓋子蓋住, 我覺得這點可以改善一下😅排隊入座後, 選定食物前往收銀處落單&付款, 換來一個送餐號碼牌, 返回座位等待食物送到厚切煙肉配卡邦尼意粉粗粗的意大利粉, 厚厚的煙肉條, 醬汁偏油, 味道不似預期虎蝦車厘茄意大利飯這個意大利飯味道有驚喜, 新鮮蕃茄醬汁, 虎蝦彈牙, 味道醒胃蜜糖伯爵茶鮮奶&本期精選單品咖啡-輕輕的蜜糖味, 有伯爵茶味, 淡淡的鮮奶味, 三種味道融為一體, 味道不過不失. 不過我略嫌飲品溫度不夠熱-本期精選單品咖啡, 每兩週更換一款味道, 餐廳亦有印出該兩週咖啡豆的簡介卡另外, 我眼見鄰枱客人的食物頗為吸引, 已經決定下次再次光臨時會點沙律, 西多士&有拉花圖案的熱咖啡品嚐😬

因為有coupon而且看到這間新裝修又遠離商場，所以疫情下這家感覺很空曠和遠離人群，感覺會安全些，聊天也開心點是日我們只點了個黑松露Burger和Pesto chicken pasta，兩樣都非常好味，黑松露Burger的黑松露味很香，Pasta的雞肉也很嫩滑，下次會再來試其它嘢

早上先嘆杯咖啡已是週末例行公事，我要求唔高，只需要一杯美式咖啡，唯一要求是咖啡一定要香，尤其是最鍾意嗅一吓飲完之後杯中的咖啡香。去了以前工作地方旁邊的海威廣場地下，地下開了一間裝修型格的 Espresso Alchemy，兼有早餐及午餐供應。先來杯美式咖啡醒神，齋啡唔苦，真正飲咖啡的我是唔落糖唔落奶的，現在專業咖啡店唔要求是唔會俾這些破壞咖啡原味的添加品。同伴喜歡奶，這杯玫瑰奶茶啱晒佢，底茶是黑茶，很有玫瑰花香。我非常喜歡這個牛肉三文治半蘑菇沙律配檸檬醋醬，一片片牛肉意大利同中國人嘅做法，唔係牛肉製成品，原汁原味；此外檸檬醋醬汁做得非常好，開胃醒神不油膩。同伴的香煎虎蝦配蘆筍辣番茄汁意粉，我覺得意粉太腍，但整體唔錯。

周末放假 plan左去尖沙咀行街血拼之前黎左espresso alchemy食個brunch先青醬雞排沙律🥗份量十足 橄欖油底 沙律菜新鮮爽脆 雞排大大份 啖啖肉 仲有醃製橄欖同乾蕃茄 非常清新嘅沙律香煎虎蝦配蘆筍辣蕃茄汁意粉🍝意粉煮得啱啱好 唔會過硬或軟 識得響蕃茄汁加入辣味 將成個味覺再推多一個層次 虎蝦大隻同爽口 蘆筍係採用bb蘆筍 不過唔夠嫩 檸檬汁烤雞煙肉意大利三文治🥪Panini烤得好香脆 而個餡料都相當豐富 雞肉食唔到有檸檬味 如果芝士可以多啲就好西多士伴鮮醬果雪糕配自家製焦糖醬賣相吸引 不過食落去就有啲失望 鮮果醬帶酸 焦糖醬帶苦 朱古力雪糕帶甜 多士炸得較油膩 加起上嚟食嘅時候唔係咁挾 都係中意港式西多士 或者下次試吓佢嘅香蕉蛋糕鮮奶巧克力/伯爵鮮奶巧克力唔想周末都飲咖啡 所以今日點了朱古力 第一杯milk chocolate 好濃可可味 而且熱呼呼 啱哂冬天飲 追加第二杯就拼Earl grey 溫度不冷不熱 有點失望除左甜品唔岩自己口味之外 其實呢到食物質素都唔錯 同埋價錢相宜 響尖沙咀絕對係個唔錯嘅選擇⚠️自助形式點餐⚠️位置係cheesecake factory對面

今日同女朋友行海港城諗住食嘢嘅時候，就喺網上搵到呢間新開嘅餐廳，見到價錢都經濟實惠於是乎試吓。餐廳嘅位置位於海港城嘅入口，環境舒適，職員安排咗我哋坐靠近玻璃位置，私人空間足夠而且望住街景。我哋點左青醬烤雞三文治、卡邦尼意粉🍝、西多士配楓糖漿及Mocha。首先職員會安排位置，然後比餐牌你睇，諗好想食咩，然後喺counter落單，然後攞號碼牌。意粉唔算貴，但係就普普通通，味道好淡，雞蛋以及忌廉嘅味道唔夠出。青醬烤雞三文治 🥪我會比滿分，十分之好食 適合健康嘅人士。雞胸肉唔會好鞋好嫩滑好入味 ，而且三文治皮係煎過十分之香口，強烈建議大家趁熱食。西多士 飯後甜品點可以錯過金黃色嘅西多士配楓糖漿特別滋味，同時亦都有朱古力雪糕品嚐，兩樣食物都甜甜地，食完真係好開心。

Espresso Alchemy 原來係海港城都有分店，環境裝潢比荃灣店更有格調；撞正今日唔想食咁heavy兼唔想等位，呢間cafe正正係好選擇🥙今次決定試下新野，嗌左卡邦尼意粉, Chicken Panini , Mocha , Iced matcha latte🍵 同甜品，去完counter落單後，就乖乖地等店員上餐就可以啦🍫Mocha (regular):睇到個靚拉花真係心情都靚啲💕打奶creamy順滑，出shot時間岩岩好，所以咖啡飲落完全無苦澀Iced Matcha Latte🍵：唔知係咪因爲無特別落syrup既關係，飲落偏淡，抹茶味不太突出，如果飲開甜拿鐵既朋友仔記得問店員拎果糖額外加啦～🥖Pesto chicken paninih my god 呢個實在太好食，軟包外皮烘得香脆，配上酸甜既蕃茄以及慢煮雞肉，bravo😎💯必嗌呀喂(雖然有啲偏貴⋯)🥓厚切意大利煙肉配卡邦尼意粉：份量超多，兩個人share絕對夠食；意大利粉軟硬適中，醬汁creamy，口感偏淡，如果再香濃啲就perfect池啦～🍯西多士配鮮漿果雪糕配焦糖醬：賣相最岩港女打卡，配埋雲石紅牆呃like無難度☺️食落就

不知不覺，海港城多了好幾間咖啡店，趁着提早收工，同同事在Espresso Alchemy 食了個下午茶，換來一點歇腳的時間。我們選擇了靠近窗邊的位置，自成一角，好似擁有自己嘅空間一樣，不怕被打擾，好好享受這杯來自肯亞咖啡豆的手沖咖啡$70，第一口酸味比較重，再嚐一口的時候，除了帶果香之餘，亦順滑了很多。同事的Tipsy Oolong$68，是餐廳的Featured Drinks ，有點似酸梅酒，又帶著濃濃烏龍茶香，清香怡人，會愈來愈愛上。另外，我們幸運地食到French Toast🍞$69 ，聽講數量有限，售完就冇，看著這金黃鬆脆的吐司，賣相相當吸引，旁邊有些草莓、藍莓，配上自家製焦糖醬，真係好好味。

原來espresso alchemy 係海港城開左分店，今次黎呢邊做嘢就順便黎食下嘢啦。今日食香煎虎蝦配蘆筍辣番茄汁意粉（$123），唔算好辣，番茄汁亦無話好酸，意粉係軟身嘅，蘆筍爽口。虎蝦算大隻。午餐有跟普通咖啡，如果要特別啲嘅咖啡就$10，大杯加$15。我揀左Flat White。呢度有藍莓蛋糕（$31），原來都幾大件，真係好似麵包嘅質地，無話好甜，算幾自然。呢邊嘅座位分兩邊，座位都多架。位置直頭係商場門口附近，好方便。

2020年的最後一日,約了朋友晚上到尖沙咀行街倒數,我預先到達了附近的cafe。本身只係想隨便點一杯飲品，一邊等朋友，一邊看看書。但我突然發現呢間cafe好特別，佢其中一個特色就係酒精咖啡。酒精+咖啡真係前所未聞。究竟飲完會精神左定係微醺呢？🤣我點了一杯Mocha Martini。佢雖然叫martini, 但並不是由gin和vermouth組成的飲品，而是由vodka和Godiva liqueur組成,有強烈的酒精味。配上表面香濃的朱古力cream, 成為飲品的主軸味道。令我忍唔著不停咁飲😂越飲越識享受。友人到了, 點了一杯Honey bee。即是青檸蜜糖梳打水。青檸和蜜糖調配得很好，有甜味的梳打水真係好過普通青檸梳打水好多。酒精、cafe、kindle、雲石檯。chill and posh😌

聖誕節放假，諗唔到去邊度，就突然之間去咗尖沙咀食tea。呢間嘢雖然係海港城，但係其實係港威商場嘅地下，近地鐵站多啲。就唔近誠品嗰邊嘅。附近啲cafe呢都好多人嘅，但係呢個地方呢安靜啲，少人啲。開頭都係諗住飲兩杯嘢飲啦但係去到叫咗兩個嘢飲一個就係抹茶牛奶一個就係Earl Grey Chocolate。個質素都係好唔錯。咁我哋就再試下叫咗個三文魚沙律﹐好飽足。如果做lunch嘅話呢，慢慢食慢慢食感受到佢嘅飽肚呢，都ok㗎。如果你大食的話，就叫一個就唔夠㗎啦。

無數個外賣🥡再外賣🥡後⋯⋯都係時候回到現實生活中，趁住聖誕正日俾個借口出去感受下熱鬧既氣氛💓咁新界女就堅少過海既，近近地又要做吓Christmas sale既例牌行程，咁就碌左去”碼頭City”度眼睛巡視下啦⋯⋯習慣地起身第一餐做大事前都要gear up吓個肚既，何況係假期呢大時大節又唔想俾人据就簡單地搵左間新開既cafe 坐「在芝士蛋糕工廠」前面基本上無理由見唔到，風格上幾開揚，又乾淨企理feel, 半自助mode, 搵位-去counter點餐-再有人送餐鐘意佢有大玻璃二人bench table 位在疫情下自閉地除罩望街景，因只對內街，其實幾爽，唔多人行過，可以話係旺中帶靜既好位咁一起身又Holiday都要飲返杯咖啡開啓下個body 既， 點左個single origin貪佢係隨機，因佢有幾款豆，餐廳會不定期轉款，果然有驚喜！好順， 唔strong, 帶有超微橙味酸，啱晒個feel and view✨但留意比較適合起身飲唔等於襯甜品，明架啦🙊仲有杯sparkling coffee， 這個就一般啦，熱熱地飲都不錯，咖啡味就堅唔太出始終遲食野叫左個大蝦意大利飯頂吓胃，一試就...不錯喎呢

Nice New Coffee Shop☕️ in Harbour City🥳..海港城咖啡店☕️，環境真係好chill 好正💕。而且價錢唔貴，好岩同朋友假日來個afternoon tea🍽，想喝杯Coffee or 吃件Cake or 吃點輕食都唔錯喔。而且價錢不貴，地點位置易找，座位亦坐得很舒服呢。假日就這樣Chill 真係不錯。.ll $45Mocha (Espresso Based)Coffee 一貫香濃，質素一定有所保證🖤。.ll $46Earl Grey Chocolate唔飲咖啡❓朱古力都係另類好選擇，加上伯爵茶 味道更加Rich。.ll $69French Toast Fresh Berries & Ice Cream w/ Mapled Syrup西多士🍞 是其中一款推介甜品。香甜滿有蛋香味，而且Presentation 很吸引，加上雪糕球🍨 更甜蜜。.ll $118Homemade Herbed Beef Burger w/ Truffle Mayo Sauce想來點主食❓一樣有喔。Burger🍔 大大一個，材料都很豐富，一口咬下去夠晒滿足。.ll $123Tiger

禮拜六去尖沙咀。想係逛燈飾之前，吃一個豐富的午餐。看到這家海港城的咖啡店，位置非常闊落，所以就來試一下。我叫了一個三文魚意大利飯，配上熱的抹茶拿鐵。自己一直都是三文魚的愛好者，這個三文魚意大利飯裡面，飯上面配有煙三文魚，和飯裡面新鮮的三文魚肉。意大利飯的口感很好，有濃郁的奶香。而且軟硬適中，配上香濃的芝士，非常開胃。抹茶拿鐵相對而言比預期更加濃，所以會飲到抹茶的甘香和點點微苦，上面的拉花都非常有心思。店員很有禮貌，非常體貼。總體而言，覺得非常舒服，食物質素也很高。