Espresso Alchemy (海港城港威商場)

营业中

休息中

Espresso Alchemy 係海港城開了分店，裝潢比起美麗華商場分店高級，又多一個選擇了。虎蝦車厘茄意大利飯意大利飯口感好豐富，生與熟之間，粒粒沾滿醬汁和芝士香。虎蝦足足有三隻，爽脆鮮甜。跟套餐只加十元可享cappuccino ，奶泡堅挺，啡味濃厚，比例相當精準。非常喜歡呢度啲咖啡，另外加多一杯手冲咖啡。來自Brazil的咖啡豆。有一小杯磨成粉的咖啡，嗅一嗅，有一股酒香，隔了一會兒又感覺一陣奶香。咖啡味道好濃，回甘持久，隱約飲到朱古力味和奶味，有驚喜！

📍Espresso Alchemy (尖沙咀)🔍廣東道3-27號海港城港威商場地下G104號舖-----上次食呢一間餐廳係朋友仔升職話要請我食飯，今次食呢間餐廳就係我轉咗工請返佢食飯😂。不過地點就由尖沙咀美麗華分店轉咗去海港城😊，新嘅海港城分店裝修以暗寶石綠為主，靚得黎帶淡淡高雅感。-餐廳分為兩個部份，一個部份係喺店內，另一個部份係半露天用餐位置，整體感覺幾舒適，做到coffee shop應有嘅休閒感-由於太遲黎到，本來想飲嘅朱古力、咖啡同特色酒品都賣晒，只好叫咗一杯honey bee，本來以為係普通梳打，點知飲啦又好出色冇失望，味道非常清新，同之後食嘅panini非常夾。-✨Panini✨「意式夾餅」$69酥酥脆脆嘅包，乾身而柔軟，內搭大量芝士，但口感卻非常輕盈唔飽膩，除了芝士，脆如薯片嘅煙肉亦係戲肉之一，再加上粒粒清新嘅檸香雞肉，啖啖都令人回味無窮，做個意大利人🇮🇹真幸福。-✨Smoked salmon toast✨$85煙三文魚包裹住熟度剛好嘅牛油果番茄蓉🥑，捲成一朵綠色的花朵，非常eye catching，加上清爽沙律菜，感覺好light，食埋柔韌有致嘅toast，對於唔係特別

上年小編就試過美麗華個間海港城新開左分店酒紅色佈局雲石桌子襯托開放式Cafe 🍽點可以唔黎呢😙佢位置一啲都唔難搵喺正Cheesecake Factory對面🙊落單叫完會有店員送過嚟而且免+1 CP值高 環境舒服🌸仲有好多打卡位💋小編平日去所以唔使等位💫六日應該要排隊等一陣🙈想試既bookmark定喇 😋 ———————🍵Macha Latte Regular HKD38 👅味道: 👅👅👅👅上次試過佢嘅摩卡同咖啡 🤪今次黎試吓抹茶拿鐵佢唔甜好濃郁嘅綠茶味 😚茶好濃唔稀飲到底仲有啲綠茶粉嘅口感讚 👍🏻🥪Panini -Pesto Chicken Cheese HKD 69 👅味道: 👅👅👅👅上網見到有好多Foodie推青醬烤雞🐔青醬烤雞意大利三文治不得了一於試一試佢呢個三文治🥪就咁睇都已經幾足料😌配菜有蕃茄有芝士有雞肉仲有啲青醬三文治個包皮都幾厚口感唔錯有專人拎過嚟仲係熱辣辣嘅♨️———————(Max 5)🤑性價比：🤑🤑🤑🤑🗺環境：🗺🗺🗺🗺👩🏻‍🍳服務：👩🏻‍🍳👩🏻‍🍳👩🏻‍🍳👩🏻‍🍳————————📍Espresso Alchemy 🔍尖沙咀廣東道3-27號海港城港威商場地下G104號舖

📍Espresso AlchemyEspresso Alchemy對咖啡愛好者毫不陌生。在海港城開設了新分店後，一直未拜訪，店舖位於港威大廈地下大堂位置，幾開揚。➖➖📌  厚切意大利煙肉配卡邦尼意粉 $98好足料，有好多厚切既意大利煙肉，好有咬口，如果煎香左表面會更可口。醬汁又好creamy，意粉夠曬掛汁。➖➖📌 檸檬汁烤雞意大利三文治 $69滿滿內餡，雞排味道都好好，啖啖肉。連埋香脆既煙肉。檸檬汁酸酸甜甜幾開胃，調味相當得宜。Panini包經烘烤後仍濕潤度足。➖➖📌 西多士拌鮮漿菓雪糕配楓糖漿 $69感覺唔會太油膩，可能因中間係士多啤梨果醬適，適合同朋友share。點埋朱古力雪糕同埋楓糖漿更正。➖➖📌 熱抹茶鮮奶 $38有濃厚既抹茶味，味道適中唔會太甜，入口又幾滑，無粉粒，拉花好靚。➖➖📌 Sparkling Black $49Espresso with lime soda，好清新既感覺，幾易入口。➖➖地址： 尖沙咀廣東道3-27號海港城港威商場地下G104號舖➖➖推介指數👍🏻👍🏻👍🏻👍🏻抵食指數👍🏻👍🏻👍🏻👍🏻(5個👍🏻為滿分)➖➖           

假日想嘆個靚嘅午餐，周圍都好多人。呢間新開嘅咖啡店好彩等咗一陣就有位。入咗去之後已經有好多人排長龍，當然唔少得要叫返咖啡啦。呢度嘅咖啡香濃，飲落好醒神。另外叫咗個漢堡包，漢堡包份量非常之大，牛肉漢堡牛肉非常之厚身，而且幾Juicy. 調味又好相當唔錯, 入面啲沙律菜幾清新。牛肉三文治我幾鍾意食，呢一類型嘅包烘得香脆，而且入邊嘅牛肉份量夠多，口感非常豐富，味道亦好食！最後叫咗個甜品法式多士、甜而不膩 ，好食🤤

呢間食過幾次呢間cafe~分別荃灣/尖沙咀美麗華及海港城都有分別，今次係海港城食，而餐牌都有新增既菜色選擇！賣相～味道～價錢都係CP值唔錯既一間cafe，今次一如以往都有叫到熱門菜色青醬雞扒沙律～keep到水準之餘，仲有新驚喜添~...▫️ 【青醬雞扒沙律】⭐️⭐️強烈推薦⭐️⭐️呢一款既青醬雞扒沙律，食過幾次，次次黎到呢間cafe都必點!~減肥人士食都係唔錯樣選擇啦！雞扒好嫩口，完成無鞋拾拾感覺，配淡淡的青醬~味道唔錯，同埋份量真係相當多~一個女仔真係食唔晒~而且沙律都唔少，仲配左醃製蕃茄仔，醬汁係黑醋加上欖欖油，食落去好開胃！正呀~~~..▫️ 【西多士伴鮮漿果雪糕配焦糖醬】以$69黎講～真係好有誠意！賣相幾靚～西多士食到牛油既香味，但食落唔油膩，而西多士夾咗士多啤梨醬口感又多種一個層次～最欣賞係佢唔配搭好多配料比你一齊食～有埋朱古力雪糕同藍莓，仲有焦糖醬～真係岩晒鍾意食甜品既人！整體唔錯～～..▫️【烤雞菠蘿漢堡配檸檬乳酪醬】 ⭐️⭐️強烈推薦⭐️⭐️呢個係意料之外咁好食呀！！最欣賞係佢個漢堡包～十分鬆脆軟熟，好香又好食！個烤雞都好厚又大塊，，配埋酸酸甜甜又juicy既菠蘿，整個口感同味都都好開胃，同

最愛酸meimei開胃彈牙虎蝦辣蕃茄汁意粉～～～好耐都冇出去 行吓街食吓野 趁着週末 就同左大嚿嚟到海港城行街 買返個靚袋準備疫情過後 可以孭返工用 大概行到四點幾之際 我哋就開始搵地方食晚餐 冇錯由於限聚令嘅關係 而家出街食飯都會係四點幾就食晚餐 食咗幾次之後 好似都慢慢習慣咗～～～行吓行吓就見到原來海港城港威呢邊都開咗Espresso Alchemy 好耐之前睇佢哋嘅尖沙咀另一間分店食過覺得幾好食 今次又見到呢度有新鋪 啲位置好似幾好坐咁 所以我哋就餐牌都冇睇就直接行咗入去食飯 ～～～香煎虎蝦辣蕃茄汁意粉：有三隻大大隻蝦 食落好爽口 而且剝晒殼 非常方便食用 雖然價錢買好貴 但係分量都比得幾多 酸酸mei mei 嘅蕃茄汁 個份量幾啱 食落好開胃 有種越食越餓嘅感覺添～～～香蕉蛋糕、藍梅蛋糕：質感好鬆軟 而且唔會過甜 同Latte超級夾 加上我地個Latte叫咗燕麥奶 所以甜度再低多少少 配蛋糕就剛剛好 兩款蛋糕裡面 香蕉蛋糕質感會再實多少少 個人黎講覺得兩款都唔錯 但更愛香蕉味多少少 🍌～～～All day breakfast :超級豐富嘅全日早餐裏面有大大隻牛角包好酥脆 仲有

之前去過美麗華分店 覺得唔貴又好味 知道海港城開咗新分店 同朋友又再嚟食過👯‍♀️新店嘅門面係係圓拱形設計 而入面同美麗華一樣坐得咁舒服 座位間隔好闊落 空間感好充足✨今次order咗兩個lunch set◾Spaghetti Carbonara w/Pancetta Affumicata Bacon◽Pesto Marinated Chicken Salad◾Flat White◽CappuccinoCarbonara食得個汁出落咗薯仔嚟調配 所以特別香 意粉亦都好有咬口 最大亮點當然係厚切嘅Bacon 佢嘅醎香同carbonara係絕配🍝而青醬雞排沙律份量十足 沙律菜同蕃茄仔都好新鮮 原塊雞排配埋青醬好清新 肉質仲好嫩tim🤤本身lunch set有配brew coffee 我哋加錢揀返自己最愛嘅☕都好抵食

慘啦慘啦慘啦，越來越多人知道呢間咖啡店，搞到我今次幫襯要排隊，今次我就坐咗喺呢個窗邊位，用嚟打卡都唔錯俾大家睇睇我今次叫咗啲咩嘢食先有兩杯飲品、兩個主菜、一件甜品左邊係朱古力，右邊係咖啡，全部食物都有職員送上面前，大家就可以坐定定安心等食兩杯都係靚靚心型嘅拉花令人好治愈，放假同朋友嚟coffee shop聚下認真唔錯鍾意伯爵茶嘅朋友就一定要試吓，香濃嘅朱古力味加上伯爵茶嘅味道，令到口感會更加豐富咖啡迷嘅我就揀咗杯mocha青醬長通粉係我每次必叫嘅食物，濃郁嘅青醬味配上好有咬口嘅通粉，令人食唔停口鍾意creamy嘅朋友就要試下呢款卡邦尼意粉最後我哋仲叫咗呢款手做蛋糕，非常鬆軟，外皮香脆

今日約咗朋友去尖沙嘴小聚，呢排見到好多人食呢間Espresso Alchemy，一於跟佢哋去試一試先！今日星期日中午去到都要排一陣隊。餐廳環境係開放式，可能要坐門口位。西多士配鮮漿果雪糕配楓糖漿今日最有驚喜嘅係依個french toast! 之前見好多人都嗌依個，搞到我好想食！兩塊toast好有蛋香，軟綿綿，煎得好香。裏面會有果jam內餡，甜甜地，好味！旁邊配有士多啤梨同藍莓。仲跟咗一球朱古力味雪糕，可以點下toast，凍冰冰，口感幾得意。厚切意大利煙肉配卡邦尼意粉卡邦尼意粉睇落唔多，但其實好大份，最後食唔晒！意粉都幾多sauce，但偏油。意粉質地唔錯，煮得啱啱好，唔會過硬或者過淋。佢啲煙肉真係厚切，好大粒。煙肉唔會好肥，好香，幾有咬口。意粉上面仲有啲芝士粉添！虎蝦車厘茄意大利飯意大利飯有三隻大虎蝦，啲蝦都算彈牙。成個意大利飯嘅味道偏酸，蕃茄味濃郁。飯入邊夾雜洋蔥條，好脆，增加口感。裏面仲有幾粒車厘茄，鍾意食蕃茄嘅一定要嗌！特濃巧克力唔好睇依杯巧克力細細杯，味道真係好濃，如果大杯一啲可能會飲唔晒。佢就好似你食咗一粒朱古力，朱古力溶咗嘅狀態。成杯飲品較杰身，朱古力味苦苦地，好香，好正！

行街行到攰食個tea先👣1. Baileys Chocolate $68個拉花整得勁靚 酒味幾濃 未撈勻嘅時候飲一啖會先飲到上面朱古力嘅甜味 之後就會飲到baileys 酒味嘅後勁 之後撈埋一齊飲就冇咁明顯 不過酒味依然濃烈 係幾特別嘅 酒鬼可以試2. 手工沖調咖啡 $75揀左個哥倫比亞嘅咖啡 有陣陣嘅果香味 帶有少少咖啡苦澀味同酸味 都幾唔錯 佢仲有個咖啡粉放係到俾你聞 3. French toast $69邪惡之選 佢可以揀焦糖醬同楓糖醬 我揀左後者 個多士好香 入面仲夾左士多啤梨醬 配埋個朱古力雪糕 同啲水果 好滿足 真點甜蜜蜜Overall推介指數：4/5味道質素唔錯而且特別 唔係到到都飲到呢啲嘢飲 行街行到攰想坐下 入黎就啱哂

又到新年，去行下街，置吓新裝，行到攰攰哋食個lunch，嘆杯啡先！喺呢間cafe開將冇幾耐已經幫襯過，野食質素幾好，咖啡啱我口味。嗰陣因為啱啱開將，唔洗等位，今日再去就再等一等，好彩一邊傾計一邊等，好快入座。好貼心咁有個紙口罩夾，方便客人除口罩。All day breakfast ($138)，海港城限定，可以揀煎蛋/炒蛋，我就揀咗炒蛋。蛋炒得夠滑，但唔會油，亦唔會水，啱啱好！其他都食得出高質— 薯仔有點辣，煙肉不會太dry，蕃茄新鮮，蜜瓜甜，牛角包鬆軟不油。Pasta - Tiger Prawn ($123)，意粉充滿蕃茄味，甘荀甜，虎蝦鮮。質素一如既往嘅好（因為之前都有點評過，就唔重覆了）。Long Black ($33)，nutty不苦不酸，啱我口味！次次黎都必飲咖啡！唔係第一次食，真心推薦，雖然價錢唔係話好大眾，但質素真係好

-同朋友勁內無見齊齊升喱做人妻👯‍♀️來個第一個人妻gathering 先Shopping 完就去左海港城嘅Expresso Alchemy食個late lunchhhhh呢度比起美麗華分店更開揚🤩裝修都幾特別有顏值up 嘅雲石枱我地二個都心有靈犀咁叫咗The habour city all day breakfast alchemy ❣️❣️❣️❣️牛角包同炒蛋都相對地出色本來想試埋toast 不過太飽留返下次試🤩我地試左Latte 同cappuccino 都幾好味🤩下次要試埋其他特別d 嘅咖啡Like cold,brew 等等

好耐冇試過放假，今日同老婆同埋個仔去左海港城食lunch，應該話食brunch 先啱，試咗一間Cafe (Espresso alchemy),真心推薦比大家，我自己叫咗個Double espresso,有時係有啲咖啡室裏面嘅對我來講都唔夠濃，呢度嘅完全啱晒我口味，我仔仔叫咗個熱朱古力，我老婆就叫咗一個熱mocha, 我叫咗個雞胸沙律，全日早餐同埋一個蝦意粉，先講個雞胸沙律，啲雞胸肉超嫩滑，旁邊仲一個好大嘅沙律加咗啲欖油，超級健康，全日早餐就有炒蛋煎蛋俾你揀，每一個牛角包，兩條腸，蘑菇粒，兩塊煙肉再加一件生果，超級豐富，由於個牛角包太好味，我食完再encore，我老婆就食個蝦意粉，濃郁嘅蕃茄味再配少少辣汁，3隻蝦再加啲露筍，呢間餐廳絕對會再返嚟！

最近發現海港城開左間新cafe🥰Cafe裝修好令，門面用左圓型拱門裝修，視覺感不錯，打卡一流📷Cafe內的裝修都帶點復古的味道，唔錯😁你到Cafe當然要飲飲佢哋嘅咖啡☕️今日點左Ice latte 同Ice Mocha ☕️ latte豆香奶滑，Mocha 朱古力🍫味濃，兩杯都不錯👍🏻青醬雞肉忌廉長通粉🍝好有驚喜😍首先，長通粉份量夠多，性價比好高，雞肉亦好嫩滑！而且青醬汁同忌廉汁比例夾埋的好好，食哂成碟都唔會太膩😋煙三文魚帶有咸味同煙燻味，配上軟硬度剛剛好的意大利飯，非常夾👍🏻不得不睇呢度的意大利粉煮得很不錯，不會過入淋身😌今次唔算試左太多野，所以已經plan好左下次黎試下Burger同三文治🥪😋😋😋