Ember (已結業)

餐廳前身為 M1 Bar & Restaurant,食物質素有保証，樓底夠高，坐得舒服，同朋友慢慢食，傾足成晚。當晚係星期一，好surprise竟然都有live band。Blushing Berry $88好多新鮮藍莓同士多啤梨，好refreshingAround the world $98有啲藥水味脆炸墨魚鵪鶉蛋球 $88好特別嘅combination，外脆內軟，鵪鶉蛋黃好creamy，配honey mustard好夾。印度咖喱燒牛舌串 $88有四件厚切牛舌，肉味香濃，香料好惹味，唔點汁都得。墨魚餅煎蛋漢堡 $128又一個特別嘅combination，墨魚餅比漢堡扒light d，醬汁酸酸甜甜，薯條好香脆，不過漢堡個包唔夠熱。南瓜汁捲紙通粉拌烤鱸魚 $148南瓜汁好香甜，拌彈牙捲紙通粉很美味。烤鱸魚肉質嫩滑，可惜調味太重手，偏咸。

上星期同中學同學去左呢間位於銅鑼灣告士打道地舖嘅酒吧Ember happy hour, 睇到隔離枱嘅食物非常吸引, 而且睇睇menu價錢又唔貴, 所以決定呢個周末同老婆過黎食返餐。我同老婆今日係時代廣場睇完戲行過黎都未到7點, 周未呢個時間酒吧客人比平日放工時間明顯少d, 店員好熱情咁招呼我地坐係餐廳近窗邊位置。Ember裝修型格時尚, 燈光效果更令餐廳非常有情調, 顧客不乏外國人, 店員的中英文都非常流利, 而且服務懇切, 好有禮貌。👍由於我地今日只係朝早11點左右飲左一餐茶之後已經冇食過野, 肚已經餓到打鼓, 不過呢度嘅食物選擇都好多而且好吸引, 所以我地先點左兩杯Mocktail飲住再揀食物。我點左一杯Country Flavour, 菠蘿味都好濃, 混有益力多, 味道清新自然, 老婆點果杯Healthy drink就有橙汁同鮮茄汁, 味道略帶酸味, 非常醒胃。😊最終我地點左一客鵝肝做前菜, Main course就點左老婆最愛嘅西班牙黑毛豬, 另外仲有一客Pasta, 兩個人應該好夠食。香煎鵝肝多士配無花果醬 $138鵝肝比預計大件好多, 而且好厚身, 入口油香撲鼻, 配香脆嘅

之前佢叫M1個陣,都食過幾次,個陣覺得好好食,最近發現佢改左名,但整間餐廳格局都冇變,所以都入左去食烤雞西班牙肉腸PIZZA個PIZZA,上面有好多芝士,能做出拉絲效果雞肉Juicy,餅底微脆鑊仔麻辣西班牙黑毛豬粒係佢未改名前都食過類似既食物,個陣覺得好正好惹味見到新餐牌仲有呢類食物二話不說就點左果然同樣惹味麻辣味道都幾刺激,辣味唔會嗆喉肉粒幾嫩滑而且都入哂味豬手豬手份量非常大,絕對唔係兩個人可以食得哂豬皮非常脆身,豬肉則嫩滑軟身加上底下既酸菜,正好中和肉類既油膩感

放假返舊公司探一班好耐冇見既舊同事, 放工後諗住一班人係附近食少少野、嘆返杯, 吹下水。佢地推介灣仔新開呢間Ember酒吧, 開於銅鑼灣旺區再行過少少比較靜既告士打道, 暫遠離一下鬧市, 大家就去這個地方relax一下吧~ 呢間酒吧更設少量室外吸煙區, 店內面積不算很大, 但很開揚, 裝修設計亦很時尚, 旁邊設一個酒吧區, 放滿多款酒類用以調酒。酒吧內設有live band, 但當晚無緣欣賞, 酒吧中沒有播放嘈吵音樂, 令人有種慢活享受。食物方面, 沙律、小食、主菜還有Pizza、意大利粉、burger等等...而且款式配搭都很特別。當然要試一下這裡的人氣推介小食啦!【脆炸墨魚鵪鶉蛋球配蜜糖芥末汁】 HK$88呢款炸物一點油膩都沒有, 表面脆口, 墨魚丸鮮甜彈牙, 還帶少許細細粒墨魚肉, 包住一整粒鵪鶉蛋, 蛋黃香從口中慢慢散發, 外脆內軟, 正!!【印度咖哩燒牛舌串】 HK$88厚切牛舌表面香煎, 但不會太乾身, 拎起牛舌串還感到有點墜手, 份量十足。牛舌保持到肉汁, 質感很林, 不點任何醬汁都可以食到原汁原味, 但絕不可以忽視旁邊兩款醬汁, 味道帶少少辣, 令其更加惹味! 確實又一

星期二三係一星期最辛苦嘅兩日，收工去飲杯野食少少野，真係可以令人振一振作。而且個餐廳環境好舒服，燈光微暗，九點鐘會有live band唱歌，配上悠和嘅音樂，好Chill。講番食物，我叫左個慢煮三文魚藜麥木瓜沙律($148)，不嬲都好熱愛慢煮嘅食物，因為真係好滑，個三文魚係入口即溶，藜麥木瓜沙律都好Fresh，健康得黎又好味。朋友就點左個忌廉汁藍青口（$138），青口配上濃濃忌廉汁，好creamy。我地再要左個雞肉黑毛豬芝士pizza($158)，份量都好多下，皮薄得黎又脆，整得好出色啊，不過我地2個女仔食唔哂，take away左三件。食西餐又有音樂聽就緊係要加番杯酒啦，Riesling 就係我今晚嘅選擇喇，唔會太酸，配上禁正嘅環境真係好chill。朋友就相反要左杯名叫Healthy drink嘅飲品，蕃茄味較濃，又有少少yougurt嘅味道，幾特別嫁。最後餐廳嘅員工服務都好好。埋單$500 幾蚊，唔算太貴，大家可以試下啊。

而家去酒吧都唔一定係飲酒既食餐飯 聽下歌 都係一個唔錯既選擇Ember是under M1 group 的餐廳～Sauteed Blue Mussels $138首先來的是musselsmussels很大隻 食落非常鮮味份量都幾多 不錯吃北海道鮮帶子煙肉蘆筍蒜片X.O.醬鮑汁扁意粉 $168這個意粉有三大隻帶子 夾左大量蒜片而且食落鮑汁味幾重食落仲帶點辣 幾惹味的大家可以試試Grilled Pork Lion Steak $168再來是豬鞍 這個豬鞍是西班牙黑毛豬是不用全熟也可以安全食用的豬鞍食落很軟腍 味道不錯Country Flavour Juice Combo整體來說食物質素也不錯唯讀是等候食物的時間有點長都推介大家去食的～

早前曾在此餐廳品嚐過它的鵝肝後感到念念不忘，便趁今天有空再到訪。原來它已易名為Ember，裝潢仍保此不變。它位於灣仔與銅鑼灣地鐵站之間, 從銅鑼灣地鐵站步行至餐廳約七分鐘。餐廳外設有戶外吸煙座位, 非常適合三五知己聊天喝酒。室內坐位相當充足, 而且晚上八時半後會有現場樂隊表演, 十分有氣氛。我們先點了鵝肝多士, 剛煎好的鵝肝在上檯時芳香撲鼻, 上層放以淡味的無花果代替重酸味的紅莓, 個人更為喜歡。鵝肝入口即溶，吃罷後感到相當滿足。如果能再加片脆煎風乾火腿味道會更加昇華。主菜則點了安格斯牛肉漢堡, 漢堡扒驚喜萬分, 不但厚身大塊, 而且充滿肉汁, 相當滿足。比較特別的是用墨黑色的墨汁麵包作漢堡包, 可是墨汁味不算突出。整理味道滿意, 以$138而言的確是物有所值。最後點了pizza，烘至剛好的批邊薄而香脆, 對比其他餐廳的厚批更為吸引。而飲品則點了兩杯mocktail, 分別是healthy drink (右)和juice combo(左)。前者帶yogurt酸味，感覺健康。而後者則橙味突出，帶點清檸汁的清新，值得一試。

Ember這間餐廳是M1集團旗下的食肆之一，一定有品質保證。所以今天我和哥哥在這裏經過，便去relax一下，吃個晚飯。M1集團旗下的餐廳多不勝數，看到這個杯墊就已經一目了然。這裏環境十分優雅，燈光昏暗，很有情調。外面更有少許窗邊位置，把車停下，在這裏喝個一兩杯，也是挺不錯的選擇。這裏環境夠大，坐得舒適。我們被安排坐在窗邊的高桌椅上。我們先點了兩杯飲品，再慢慢細看餐牌。這裏更有live Band，為食客帶來不少歡樂，更可以寫上小字條點唱呢！Juice Combo $70這杯mocktail是用了菠蘿汁，香橙汁和水果汁調配出來的特飲，很清新。香橙汁味道很出，果味香濃，但也不會過甜，加上足夠的冰粒，凍冰冰的，飲落很清涼。Pina colada $78這個是用菠蘿汁調配出來的甜酒，一開始的酒味不太濃烈，果味先出，入口之後酒味慢慢滲出，很不錯。墨西哥芝士焗粟米片配酸忌廉牛油果醬及番茄沙沙 $108香脆的粟米片上鋪滿了芝士，每一片粟米片拿上來都有拉絲效果。芝士很香軟，加上脆卜卜的粟米片，味道很夾。旁邊有三個醬汁，分別是酸忌廉，牛油果醬和番茄沙沙。酸忌廉很清新，牛油果醬香滑，番茄沙沙就酸酸甜甜，配上

男友話要慶祝相識一周年，於是又被人巧立名目咁呃左去食好野😋呢間叫ember既餐廳（定係酒吧？）雖然位置比較偏僻，但亦都少一份熱鬧繁囂，適合鍾意慢活既人。餐廳內裝修頗有特色及情調，雖然燈光昏暗，但每張枱都有一盞燈比客人，仲可以自行調整光暗度，貼心得黎都幾浪漫😌食物方面都有唔少既選擇對於我地呢啲食量不大又咩都想試既人黎講，小食拼盤就最適合啦👍🏻佢呢個拼盤有兩樣比較特別既野第一個就係呢個炸墨魚鵪鶉蛋球，印象中係第一次見西餐用鵪鶉蛋！不過估唔到又炸得幾好，不油膩之餘咬落仲幾Q彈😋第二個係呢個辣肉腸鷹咀豆，上到黎既時候仲係暖笠笠，淋落法包度一齊食口感岩岩好！要飽肚既話都係少不免要有個pasta,呢個XO醬帶子扁意粉係一個唔錯既選擇，意粉彈牙，XO醬既調味少辣，更加刺激味蕾。大廚用左適量既橄欖油，令意粉唔會太乾😋兩杯mocktail都幾好飲埋單一人三百左右，價錢合理。

今晚約了朋友Happy Hour，本來只想飲杯嘢便回家吃飯，但傾吓計、飲吓嘢，開始感到肚餓，朋友提議叫一些小食。看過餐牌後，原來這間酒吧餐廳食物種類都幾多，分別有沙律、餐湯、小食、意粉、意大利飯、披蕯、漢堡、甜品和各式扒類等等，愈看愈肚餓，最後決定在這𥚃吃埋晚餐。坐在餐廳內，面向偌大的落地玻璃，一邊吃喝、一邊望望街景，感覺很 chill很 relax!烤西班牙黑毛豬扒 (HK$168)👍👍👍👍這個是烤西班牙黑毛豬扒伴荷蘭豆燒手指薯配燒汁，豬扒烤得剛剛熟，顏色粉嫩，肉汁豐富，入口嫩滑，一點都不覺得粗糙。伴碟的手指薯和荷蘭豆很新鮮，同時亦可平衡豬扒的飽滯感。烤澳洲羊架及芝麻燒羊柳 （$298）👍👍👍👍👍這個主菜有除了有羊架外，還有羊柳，伴季節時蔬配XO燒汁。兩款不同部位的羊肉，各有特色，羊架比較薄身，肉質較羊柳有嚼口；羊柳較厚身，肉質比較細嫩。羊架和羊柳烤至五成熟，羊柳的表面放滿芝麻，令羊柳增添香氣和脆脆的口感，伴以芥末和薄荷啫哩同吃，令羊肉味道提升。伴碟的還有露筍，bb甘筍等。Country Flavour ($70/HH)👍👍👍👍這杯Mocktail 用了菠蘿汁、益力多、西瓜糖漿，很有

✿╮❤╭✿ ✿雜感女生 好味日記✿ ˚*•✰。Ember．一杯聚舊情。✰•*˚ ✿✿Dolce Vita @ 銅鑼灣✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 明媚的灣仔，黃昏的涼風，到此飯聚 見的是舊人，聚的是舊情 原來，世事真的巧合，在街角遇上朋友，即時找家店子坐下 時間過得真快，一恍之間，多年不踏進灣仔這條街 再續前緣，果然是看人物，看心情！ Ember 位於告士打道，有戶外位的酒吧餐廳 不少外籍客人在店外吞雲吐霧 閑食飲酒，我和朋友入內傾談 設計有特色，晚上夜一點更有樂隊表演 與朋友在此歎杯Moctail也甚是快意 Juice combo 勁量菠蘿汁、橙汁的味道，甜得可口 Blushing Berry 士多啤梨沙冰式的設計，有椰子香氣，whiffed cream 混在其中 鮮奶油份量真的不算多，卻透著氣息，適合愛奶香又怕胖的女生 啤酒酥炸魷魚圈 香香的脆皮底下，包裹著嫩口彈牙的魷魚 口感與味道就是與酒精很夾！ 煙三文魚pizza 整體味道屬偏重，餅底香脆 邊位很是脆口，鋪滿了很香的MOZZA

身邊的朋友特別喜歡喝酒，每一頓飯都無酒不歡，受了朋友的影響，偶爾也會淺酌一小杯，今晚放工一同去酒吧喝杯酒。酒吧名字Ember是匈牙利文，有「男人」意思。不過這家酒吧當然男女都接待，哈哈！餐廳位於地舖，樓底高，空間感十足。吧台後面有一盞盞幾何圖形的浮突燈，酒架陳列各式各樣的酒。右面有一排高桌椅，另一邊則有小型舞台供樂隊演奏，坐下來解開西裝的衣扣，摸摸酒杯，聽聽音樂，世間美事。⭐️healthy drink$70以橙汁、番茄汁和乳酪混合而成，入口有淡淡酸奶味，餘韻有橙汁的酸甜。⭐️dry martini$78點一杯dry martini沾一下007的光，入口頗嗆，真不是每個人都帥得起。⭐️西班牙黑毛豬扒菠蘿煙肉漢堡配BBQ汁及薯條$108薯條炸得香脆可口，毫不失色。這客漢堡包真的很酷，墨黑色的麵包，貫徹這間酒吧的風格。夾層有菠蘿、芝士、番茄、蔬菜和豬扒。嚐一口一手不能掌握的漢堡，精萃在於這塊豬扒，黑毛豬扒有別於一般吃的豬扒，多了一分彈牙，一分嫩滑。⭐️北海道鮮帶子煙肉露荀蒜片XO醬鮑魚汁扁意粉$168這道扁意粉有多種口感，既有蒜片和煙肉的惹味，又有鮮帶子的鮮味，兩種混合，口感豐富濕潤，令人滿意。⭐️

今星期六晚都要返工至8點放工要同老公fever 一下！揀左銅鑼灣告士打道既ember! 出面同入面都裝修得好靚！香蒜橄欖油虎蝦，麵包好香脆，蝦好新鮮，蒜香味同蝦好夾美國安格斯牛肉漢堡配薯條嘩！厚到呀！好正呀！牛肉好新鮮！包都軟熟！燒德國咸豬手原來都有配薯條，豬手好脆，配酸菜食都好好味呀！仲叫左份西班牙黑毛豬火腿pizza 🍕，簿簿地，勁正！仲叫左兩杯飲品- juice combo and orange juiceJuice combo 有🍍🍊🍇🍋.......全晚仲有人自彈自唱添，都唱得幾好嫁。錦上添花！叫到多晒，飽到爆！但都食得晒！過左個輕鬆的晚上呢！有得食有得飲🍺有得聽歌！滿足！開心！

去完花展係銅鑼灣食d野，肥仔想飲酒又要靜靜地，見到呢間唔錯就去食。環境幾靚。個天花梭好似蜂巢。睇下menu先。62度低溫慢煮烤西班牙黑毛豬腩肉串$88肉串烤到好香脆，肉味香濃，肉汁豐富。見到好多肥豬肉!! 真係好滿足。美國安格斯牛肉芝士漢堡配薯條$138牛肉好厚而大塊，六成熟剛剛好，仲好鬆化，牛肉味好濃。薯條炸得好香脆，一個人一定會飽飽。北海道鮮帶子煙肉蘆筍蒜片XO醬鮑魚汁扁意粉$168意粉醬汁特別，好中式的味道，有fusion的風格。意粉爽口，同個鮑魚汁好夾，帶子鮮味十足。mojito薄荷味不重。最後埋單都飽飽，安靜既燭光晚餐。

餐廳樓底高，傍晚時分戶外光線滲進餐廳，配合室內柔和燈光和輕柔音樂，格調時尚，環境舒適。輕煎北海道帶子鮮果沙律帶子兩面煎得微微焦香，以粒粒青蘋果碎、新鮮無花果、藜麥墊底，帶㸃酸甜。把旁邊的岩鹽蘸在各配料上同吃，味道更豐富。北海道鮮帶子煙肉蘆筍蒜片XO醬鮑魚汁扁意粉帶子大粒鮮嫰，加上蒜片、露荀和煙肉，香氣十足。扁意粉彈牙掛汁，十分惹味。烤澳洲羊扒配法邊豆及燒新薯羊扒肉質腍滑，充滿肉汁，羶味微，有烤焗香。蘸上薄荷汁，別有一番清新滋味。以法邊豆和新薯作伴菜，吃後很有飽足感。