Domon 札幌拉麵 (已結業)

其實，想去呢一間野好耐架喇...因為成日雜誌都有賣廣告話呢一個間野係香港最正宗既拉麵店..見到冇咩人，咁咪入去試下囉..XD*叫左$68果個餐，有3樣野揀..其實都係幾抵架!!一碗拉麵+ 一個小食/飯+ 一杯野飲..我叫左個牛油拉麵+ 雞軟骨+ 橙汁...老公就係牛油拉麵+ 餃子+ 雪碧...不過，3樣野之中，雞軟骨最好味..正!!!個牛油拉麵都OK啦..得舊牛油放落去就話係牛油拉麵..有D牽強喎...=.=而個餃子好大朕麻油味呀...不過都幾香..都係好普通囉..其實咩香港最正宗既拉麵店，佢D麵最衰過上水果度間八八番，味千都好食過佢= =湯底...還可以啦..不過，去過一次，唔會有想再去既感覺囉...講到服務，唔差...哈哈，我會俾高D分囉..

一早起身就要入沙田幫手推泥頭，真係攞命，好不容易捱到放飯，凍冰冰的天氣下成身大汗走左入新城市搵飯食﹗同工友來左呢度，點了兩個午市套餐，工友的是大蔥拉麵配豆腐，我的是泡菜豬肉飯餐﹗大蔥拉麵真係好多蔥，工友最愛臭口野岩哂佢﹗湯底夠濃，麵質彈牙有口感相當不錯﹗豆腐送到埋台已經唔多脆所以覺得麻麻﹗我的飯餐泡菜勁多，岩哂我送飯，食落仲要夠辛辣，好惹味﹗飯粒夠彈性日本珍珠米，唔錯呢﹗配的麵屎湯就鹹左一點﹗整體都ok好味﹗有機會會再來食呢﹗食食下工友先發現漏左個地鑽0係九龍工地，又要返去羅，真係......

17號陪朋友到沙田買禮物比佢女朋友, 順便食埋晚飯, 嚟左呢間, 食過都唔只一次架喇, 造好又唔係, 又唔係唔好, 但諗唔到食咩時都會嚟呢到...今次食左:1. 吉列豬扖咖喱定食- 朋友既, 香噴噴, 應該唔錯2. 雞肉雞蛋定食- 雞肉好少, 蛋幾滑, 都ok3. 串燒雞軟骨- 燒到過左火, 好大陣"燒窿"野未, 唔得以前係靚妹做waitress, service好唔得, 而家轉左阿姐, 好好多....但佢d set唔包野飲, 此終略貴, 呢個price有其他好d選擇

相信這麵店已賣斷給香港人，入到去總覺得不是日本模式經營的，當中包括：中途要客人轉檯、有下午茶餐供應、要人客埋定單及在雜誌登廣告等...但那下午茶時段的細碗牛油拉麵，著實不差。湯底是偏鹹了點，但也帶有明顯的湯鮮味，具日本風味，而溶在湯的半小塊牛油亦是飲得出的北海道牛油...再加小量芽菜粟米叉燒作配菜，作為下午茶攝胃之物已令我滿足。以這價錢再送罐裝飲品，確是起值。

同老婆睇左飲食雜誌, 話什麼正中札幌拉麵, 重話"蔡先生"推介, 又話常有日本人去食, 諗住應該會幾好, 所以同老婆外父一齊去回味一下北海道既feeling, 點知...d麵質唔得, d湯只係暖既, d飯...係珍珠米黎咩?! 嘩.........味千拉麵既一般grading都無....重話咩正中札幌拉麵?! 燒雞泡魚好似魷魚絲咁! 無肉汁! 燒鯖魚d肉勁粗"鞋", 唔係講少, 吉野食好過佢多多聲, 咁既價錢比d咁既質數, 真唔掂! 賣單後侍應仲想博懵唔找錢, 我地3個人食左$261, 比左$270, 等左好耐同佢地講未找錢, 竟然攞9毫子返黎! 如果你話間舖好多人忙中有錯就話姐, 成間舖座唔滿一半都搞錯野, 真係好唔掂...其實我入去時見到咁少人, 重要係星期日既下晝, 都心知不妙......今次真係多謝蔡先生既介紹!!

4/12/07女朋友一直想試札幌拉面,lunch時間,見冇乜人,就入左去試喇!!lunch set(一個拉麵一個小食)$48,可樂加五蚊!牛油拉麵+ 餃子鮮味,d面幾正中,彈牙的!小食就唔太理想,太油了!!!唔好味"服務一流,呢個價錢~係物有所值的~

今晚同男友黎試下二人套餐有兩個拉麵+三個小食拉麵=好咸..d麵唔"un"既..但有好多配菜吉烈蝦=好食喎...熱辣辣..外層唔會太厚..仲食到隻蝦三色刺身(甜蝦+三文魚+x魚)=麻麻地...其實無味餃子=賣相都ok..但無咩特別..個汁都無味張好細...食野時好唔放便可能我地坐埋邊加上好多射燈所以男友食到成身汗..食完無幾耐就好口乾啦..

要了碗細的清湯底豬肉拉麵，麵條和豬肉像超市雪藏貨，完全沒有特別之處。芽菜和蔥因爲新鮮，反而成為整碗麵的主角。湯有味精，食後口渴。索價$48，還加一，貴，不值。飯後有牛奶公司雪糕送，安慰獎乎？

女友堅持去試, ok,見無乜人~ 試下囉~入到去...e... 無開冷氣? 咁焗既?~_~餐牌... 都幾舊下喎~算... 食飯... 點菜...煎餃...似蒸多d喎...只有平面皮見到係有勁輕微煎過, 完全唔得, 唔香口~三文魚刺身...整咩鬼會暖架? 熱食架?串燒雞腎...唔通唔記得落醬? 只係食到雪藏味...牛奶拉麵(女友食)...唔特別,牛油唔香,得個油字...曼魚飯...曼魚係好大塊, 但唔好食囉~ 分分鐘吉之島仲好過佢~ 飯...日本飯係唔駛咁多水, 應該可以只係用筷子就夾得起既~ 佢係完全來唔起囉~ 一來就散...全晚我覺得最好既, 就係我order既coca cola~_~小記,隔離枱都係一男一女去食~ 個侍應收野時見到個女仔食咁少, 多口問左句, 點解食咁少既? 個女既即答,因為好難食囉~ 個侍應唔知係聽唔到定點啦~ 收左碗麵就走人喇~環境唔得,焗得死人~味道...不知所謂~服務...好呀~ 好快呀~ 你仲夾緊已經收你隻碟喇~_~抵食...完全唔抵~乾淨...無客的確係可以好乾淨~

對上一次去Domon尖沙咀店巳是五年前了,事隔幾年估不到已開了幾間分店。平時甚少到沙田的我,今天因為老公有要事必需與我一起到沙田處理,處理過後,我們順便到沙田新城市廣場醫好我們的五藏隊。老公帶了我上foodcourt後,看到他望無頭緒應到那處醫肚之際,我便當起響道來。或許因為蔡灡曾推介過此食店,兼且我以前吃過又覺得不錯,便挑選了這一家。或許是人多的關係,我們只能坐bar枱,但為了食,我們也不太介意。一般的日式餐廳bar枱可看得見壽司師博正在搓弄壽司或切魚生,但這張莫說是魚生玻璃櫃,完全是甚麼也看不到,櫈是矮身的那種而枱卻是很高身,基本上,要站着才能看得到師博在bar枱內。那個設計像做樣給食客們,好像不想食客在監視着他們似的，當時我心想可能他們不希望不太乾淨整潔的一面又或是不純熟的搓壽司手細暴露於人前才作出此設計罷了。我們order了一個燒鯖魚套餐、軟殼蟹壽司及牛油拉麵套餐(套餐包括雞軟骨串燒)。說回那條燒鯖魚,雖然是燒,但絕不乾身,不單有魚味,還很juicy,加點他們的秘製醬汁及檸汁能提升魚的鮮香。老公一向是魚痴,吃魚十分嘴刁，他說此間所炮製的鯖魚別具水準。至於軟殼蟹壽司,不像外面吃的

一個人叫O左個拉麵餐，碟煎餃子叫做ok. 皮算薄，但其中一隻煎燶了... 主菜牛油拉麵，雖然有一大片牛油，但毫無牛油香，叉燒得一塊，味噌湯底唔好味，麵條嘛... 還是不要提了。連埋加一，埋單差不多一百元... 至於服務，不用等位，但食食下野會有人從你身後無聲色地伸出手來收碟... 又不是等碟用，咁心急做乜？係都出句聲ar 唔該！

星期三晚約咗嗰有痛腳嘅朋友食飯，所以唔想等位便”貢”入去．當晚點咗個２人套餐（＄１８８）２個主食加３個小食．主食２嗰都叫咗拉麵味道一般，但３個小食（燒雞泡魚干十分可口，剌生新鮮，餃子一般嗰味道怪怪地）整體十分可口．服務ＯＫ啦，環境麻麻地唔知點解冇冷氣（都走先有）．

I can't believe that Mr. choi lan will say this shop is the best and traiditonal 拉麵in HK.It's just better than u order 拉麵in mongkok siliver dragon.If you want to taste the original 拉麵and u can affort this price, pls goto exchange square 札幌...this is real jaopanese 拉麵

以前去過T.S.T & 荃灣店覺得一般啦, 但未至於難食. 今次試沙田店, 真係要用難食嚟形容. 我叫左麵豉湯叉燒拉麵, d 叉燒又"鞋"又'韌'又無味, d麵又' 腍', 個湯又唔香..... 收呢個價錢得呢個質數......... '差'. 我老公食豬軟骨麵, d豬軟骨都ok, 起碼唔會又"鞋"又'韌'又無味, 但個湯&麵都係唔掂. 去過日本食拉麵o既朋友就會明白呢d質數絕對唔能夠稱得上正宗日本拉麵.

我平時都有呢開呢度睇食評..但從來冇發表個食評..但今次真係一定要講講..真係千奇唔好去...難食到爆=.=158蚊...刺身...又細舊..又唔新鮮..冇水份..冇鮮味..得雪味...算把la 仲要有骨<--- 去食真係小心仲有個叉燒拉..乜野正中...又係難食..難食..難食~~叉燒"鞋"到爆服務都係差..差..差