Domon 札幌拉麵 (已結業)

女友堅持去試, ok,見無乜人~ 試下囉~入到去...e... 無開冷氣? 咁焗既?~_~餐牌... 都幾舊下喎~算... 食飯... 點菜...煎餃...似蒸多d喎...只有平面皮見到係有勁輕微煎過, 完全唔得, 唔香口~三文魚刺身...整咩鬼會暖架? 熱食架?串燒雞腎...唔通唔記得落醬? 只係食到雪藏味...牛奶拉麵(女友食)...唔特別,牛油唔香,得個油字...曼魚飯...曼魚係好大塊, 但唔好食囉~ 分分鐘吉之島仲好過佢~ 飯...日本飯係唔駛咁多水, 應該可以只係用筷子就夾得起既~ 佢係完全來唔起囉~ 一來就散...全晚我覺得最好既, 就係我order既coca cola~_~小記,隔離枱都係一男一女去食~ 個侍應收野時見到個女仔食咁少, 多口問左句, 點解食咁少既? 個女既即答,因為好難食囉~ 個侍應唔知係聽唔到定點啦~ 收左碗麵就走人喇~環境唔得,焗得死人~味道...不知所謂~服務...好呀~ 好快呀~ 你仲夾緊已經收你隻碟喇~_~抵食...完全唔抵~乾淨...無客的確係可以好乾淨~