影片
招牌菜
食记 (140)
两年前食过一餐之后都好似冇黎食过因为食品的确麻麻早前路经见烧青鱼午巿套餐只要四十五蚊沙田区黎讲算好抵食而且座位舒适决定揾日黎试试结果系失望而回青鱼其实系唔错的 唔算细条但其他的都系平均线以下日式蒸水蛋唔滑 甚至有少少鞋 螺肉正常味道但好多汁令卖相唔好饭好细碗 而且有少少少干水面士汤真系最差有咸味冇面士味海带又唔淋又大块连加一五十蚊唔算贵但食品质素唔值依个价
继续阅读
踩完单车，需要补充能量﹗虽然回程最方便是到沙田市广场，不过又好怕来这广场，因为这里每一天每小时的人流都是多到爆炸，想要揾食更是非常艰难。以为连城广场会少人一些，点知都是好多人(天呀~)，我真是好耐无上来了，原来除了商场格局及商店全部改头换面外，连食肆层的餐厅都换转哂了。但不想再上上落落，便求其找一间食饭。问过几间餐厅，我估是周末关系吧，下午茶都要两点半﹑三点钟。还未够时间，可是我又饿又累，还是主攻午餐好了﹗看来看去，只有DOMON无人等位(所谓中伏先兆﹖)，而且午餐也几经济，不想再行便立即入去坐坐好了。店员见到我们便立即招呼我们入座，随即奉上热麦茶。仔细阅过餐牌后，原来午市套餐都有好多种类，不过我还是选择可以拉面配小食的拉面午餐$62，感觉上抵食些。我劲爱吃葱，所以选香葱拉面，而小食选了日式饺子。香葱拉面真是够多葱，另外配料有紫菜﹑粟米及荀条。猪骨汤看似很浓郁，实在是那猪骨味又不太突出，反而是有点辣；汤质带少许杰身，饮后都感到咀巴有些微黏住，当中油腻度都不低，所以喝了半碗已经好济，并未能'干碗'。我没有经常食日本拉面，不过上次9月在一风堂饮到那个猪骨汤至今仍未忘记，因为那个真是好饮呀。面条弯弯弯曲的，质感带软，挂不到汤汁，唯有用匙羹盛起面及汤一齐进食。叉烧得薄薄的一大片，连带少少肥膏，入口又几松化，不过无什么肉味。煎饺子有三只，皮脆而肉馅多汁，味道不错的。不过三只黏在一起，一夹开就穿皮了。友人吃的吉列猪扒定食$58是非常大堆头，配套有面豉汤﹑沙律和蒸蛋，以及主角吉猪和一碗白饭。沙律是和日式无关系的辣味大豆芽，不过几好食架﹗炸猪扒相当大块，炸物最紧要够热，便好难不好吃了，而且肉层不会太薄，附有少少椰菜丝，不过是'无添加'。套餐可以加$6有汽水，见到是整罐上，抵~~加上有零系可乐便要一罐。和友人SHARE饮，便问店员拿多只水杯，店员以为我要多杯茶﹖便解释话用黎分可乐饮，她听到都没有黑脸还快快手拿只杯给我们。不过可能我们坐埋一角，他们并没主动前来加茶，不过一唔该就会即时前来加。从玻璃窗往外看，对面几间餐厅不断有好多人穿插，反而这里就非常清静，好适合坐下倾下计。最后埋单有几张优惠劵收，也有一句"多谢哂"附送。
继续阅读
同好朋友一聚,因为太肚饿,见到门面ok就冲左入去喇...咖哩猪扒定食..咖哩味道不错,可惜猪扒炸得太干,只系食左一半就放弃辣汤煮东风螺,真系好辣,我食左三只就投降,因为太辣就真系食唔到有海鲜既鲜味烧牛舌..好味,唔太有骚味,烧得岩岩好,唔会太难咬,但鸡翼就不太入味,只是表皮有味,有点儿失望白鱼刺身沙律...好好食,配以麻酱,不错的选择三文鱼+甜虾刺身...够鲜味,惊喜之作整体来说,比我地想像中都可以接受,价钱都尚算公道,服务都几好,有礼貌
继续阅读
讲真 , 80蚊碗拉面话平唔平话贵又唔算好贵 , 不过都唔系咁呀 ?!坐底叫左个牛油拉面 , 我女友就叫左吉列猪扒定食 !落单后唔洗一分钟 , 我碗牛油拉面就已经到左啦 !快 , 真系好快 , 夹一夹旧牛油 , 完全溶唔到 , 我就夹一"注"面啦 , 我顶 ...... 冻嘅 , 唔怪得旧牛油唔识溶啦 !! (好明显之前煮多左放左好耐)同佢个部长讲 , 佢就叫个经理黎 ! 态度衰到好似我问题咁 , 我就问佢 : 乜呢个系冻食黎架咩 ?佢就话 : 先生 , 面煮好左就紧系冻架啦 !哗 , 好野 ! 呢D态度真系 GOOD 到冇朋友 !而且佢仲要系经理黎架啦 ! 我呢D咪叫有怨无路诉啰 !咁我就话咁你换唔换呀 ?!佢就冇出声 , 收左碗野行左去 !到之后黎嘅一碗就正常啦 , 热到出哂烟 , 牛油一路都溶紧 !真心话 , 如果唔讲佢服务质素 , 只讲个拉面 , 我觉得80蚊系OK可接受嘅 !叉烧唔痴牙 , 淋得黎有咬口 , 面又弹牙 ! GOOD !不过个吉列猪扒定食就真系唔洗食都得啦 !块肉溥过纸 , 其他都系炸粉同肥膏 ! 除非你钟意食炸肥膏啦 , 如果唔系就可以唔食架啦 !就算我食 , 我都唔会再食呢一间分店 , 服务态度真系太差啦 !
继续阅读
朋友话想出来打下牙骹仔…闲日又未够7点…人流未系最旺…左行行右行行都拿吾定主意….见Domon就想起蔡澜先生提过数次话佢地拉面好正宗…大家都未试过…咪二话不说走入去试下啦…居然俾下午餐牌我地㖞…六点前仲有交易…套餐只系$33一款拉面加餐饮…价钱都算好公道…!!墙上果然见到蔡生张大照片…推介系牛油拉面…四人一人一碗不作他选…想起都叫笨!!...点解吾点其他口味交换试试呢?!...或者自己未必最爱牛油哩款呢系咪!!...anyway…自己对日本拉面就一定吾够蔡生经验足…系咪正宗就分吾清…对我黎讲起码系要觉得好味道…味噌浓汤底加埋溶化左o既牛油带起稠稠o既质感…面质属柔韧,而配搭材料有清甜粟米, 笋子, 紫菜, 葱花同爽口芽菜…酱油叉烧一大片, 不过稍嫌吾够肥美肉嫰…整体感觉平实ok…餐茶杯奶茶…茶苦涩, 要叫加奶…!!埋单后再八八…晚餐牌同样一碗面变为八十多元??!...坦白讲, 三十多元就吾计较咁多, 如果哩餐我俾八九十蚊…一定会有D愤愤不平架!!
继续阅读