Domon 札幌拉麵 (已結業)

夜晚8點去到連城廣場,見到間札幌拉麵 就入左去.叫左兩個88$套餐,兩個牛油拉麵 ,加兩份餃子,個牛油拉麵 湯底唔錯,夠濃,有豬骨味~~再加上塊牛油,令到整個湯底更加好飲,我自己就試左清湯底,令牛油更入味~麵質彈牙有咬口,唔錯﹗~而我朋友就試左面屎既湯底,佢話味道唔錯,.而餃子我試過咁多間..呢間真係算係好味~塊皮煎得夠香脆,而入面既材料食落去十分入味.食完餃子後,覺得十分好食,我朋友話想再叫多份餃子食,我話好~於是又叫左份餃子,佢有分4隻同6隻,4隻就32蚊,6隻就48蚊,咁我地就叫左6隻,

同屋企人約左黎沙田行街...佢地極力推介e間野...而且我地有coupon當日叫左...4個牛油拉麵 + 一個帶子炒飯...有5罐汽水帶子炒飯..一埋黎..有陣臭味...見到有d焦焦地得好少帶子...飯上面d紅色既薑..幾好味...有d海膽係入面..牛油拉麵...個人覺得個麵比味千既好...牛油味唔會好濃...但係就好香...一個人都食得曬..份量岩岩好個帶子炒飯仲可以..加多樣野食...我地要左...煎餃子..幾好食牙...有肉汁...不過得3粒點解e度咁多劣評既...都唔係咁差ja...

呢晚成10:00pm先來到呢度陪工友食飯﹗來到已經差唔多last order了﹗工友點了牛油拉麵，再配一個佢地話好出名的餃子，我因已吃飯，所以就要左個小拉麵做宵夜﹗餃子先來，睇餐牌佢地話係日本原裝運用入口，來佬貨當然要試下有何不同﹗餃子皮相當薄，認真0的睇呈半透明，咬感香脆香口，餃子肉汁未算多，肉料亦未覺十分鮮甜，合格吧﹗工友的牛油湯麵相當大碗，用料是海苔、日本叉燒、粟米粒大蔥等，湯頭混濁，味道濃郁，但唔知係咪加左粒大牛油落去濃得帶點點苦味，麻麻地﹗麵質彈牙有咬口，不錯﹗反而我個小拉麵用料同個牛油拉麵差不多，不過個湯沒有牛油的影響清甜得多了，反而幾好食﹗食野都係簡簡單單最好﹗整色整水反而失卻原味﹗

去到沙田, 好想食拉麵, 同朋友黎左札幌" 食囉..SET LUNCH - $68有小食 + 拉麵 + 汽水一罐分別叫左..蟹子沙律 + Ankake拉麵 + 可樂 -> 沙律都大碟, 但個拉麵真係淡到無味咁.. 又唔好食!餃子 + 差燒拉麵 + Cream soda -> 我覺得餃子OK, 朋友話個拉麵又係淡到無味咁..結果2個人埋單$150.. 真係好貴又唔抵食.. 真係絕對無下次!!!!

我想講我好耐之前係呢到做過....呢間係正宗既拉麵店..唔好用味千同佢去比...味千係冇得比加上佢地係買『北海道』拉麵...唔係街邊既車仔麵個牛油拉麵d人等成10min先食緊係冇牛油味啦加上個湯低要用清湯先好食(唔識食就問下人)....d麵係日本拎架...我食左咁多間日本料理都冇一間D拉麵係合我心水...:如果你地講到佢咁唔好...我就唔信個個星期會有咁多日本人去食野囉!! 彭

下午路經沙田,順便一到這間札幌拉麵,但好可惜......牛油拉麵,湯底較濃,完全蓋過咗牛油嘅香味,失望,麵質只是一般,完全沒有驚喜,粟米和芽菜有很多,亦出奇地粟米和芽菜都不錯,很香,很爽口.餃子很多肉,肉汁亦不錯.

同個同學仔黎左食拉麵，覺得唔錯... 上黎 check 先知道原來呢度咁多喊面。哈哈，不過唔緊要，每個人都唔有唔同的喜好，在此分享返我既食評先。午餐叫左泡菜拉麵 + 加洲卷。泡菜拉麵配麵豉湯底，覺得佢配料幾夠。泡菜都幾爽口，但唔夠入味，可以再醃耐少少。個麵條好彈牙，唔會好似味千咁.. 一 pat pat。至於個麵豉湯底係偏向濃味的，而我就覺得佢有少少搶左泡菜 d 味。不過呢，就咁飲又幾好味。同埋佢最好既就係熱辣辣咁上，在寒冬中帶來了一點暖意。至於跟餐的加洲卷就同壽司舖的差唔多，但有少少散。d wasabi 同下面講既一樣，冇味。而我個同學仔就叫左鰻魚定食。個蟹籽沙律好食，好多蟹籽同埋沙律醬夠酸，d 菜夠爽口。個炒豬肉同鰻魚都唔錯。總括來說，呢餐幾滿足... 所以這次成了「少數族裔」，比個笑面先﹗

食set lunch 68蚊個試左個牛油拉麵要麵豉湯底ok的, 湯底夠味但完全食唔到d牛油味野菜薯餅幾好味wor i like it 夠香口鬆脆飲可樂但呢度同我想食的拉麵仍然係兩回事以前旅行到日本時食的拉麵,勁肥的叉燒,有成1mm油係碗麵上的湯相信係香港好難搵到.....講返轉頭呢度都幾好味不過68加一 lunch似乎係貴左d想比個good佢,但係價錢上佢又唔值

周日晏晝1點，4個人去到竟然唔駛等位，大家都心知不妙。由于趕時間都入咗去，不過大家都冇乜期望。4個人都叫咗lunch set, 一個拉面加一款小食。叉燒拉面不過不失，味道都OK，不過湯底就偏淡。小食就唔合格喇，餃子仲不如淘大點心；炸豆腐外表唔脆內裡唔熱。印象中Domon絕對唔應該係呢個質素，至少之前去荃灣果間係好好多。希望呢間可以改善一下。

尋日約左死黨同一個男仔frd去沙田食dinner去到連城諗住搵間可以少人d講野冇咁辛苦既店食...方便傾計...行行下見到佢d坐位幾得意咪去望下...見d價錢都算reasonable...就入左去喇...入去時個男仔frd未黎到咪唔叫野食住lor...同死黨係度傾計...d waitresses見我地冇乜意欲去order都冇成日行埋黎問我地....ok啦.....then order野食時都算好manner......我地叫左3個定食: 生薑汁燒牛肉定食 & 燒汁豬肉定食 &{ 唔記得叫咩名} 三文魚籽+三文魚片定食....我食果個生薑汁燒牛肉定食唔錯....係多左d 洋蔥...個男仔frd話佢個豬肉定食麻麻地....食左好少就停左手.....個死黨話佢碗飯算ok....但係飯多過三文魚...食哂d餸都未食完飯.....我仲食左個日式蒸蛋....幾好咪wor呢個又....算唔錯....仲有個凍既薯蓉....怪怪地...唔知食左d咩入口....我個frd話碗miso soup好難飲....搞到我都唔想飲...冇飲到....overall,,個環境幾suitable f

前一排聽朋友講話呢間日本餐廳的拉面好好食 今日我去左新城市買野 隨便去左試下 果時岩岩係下午茶時間 我叫左個普通拉面(下午茶包送飲品) 要面鼓湯底 係佢地介紹的 因為面鼓係佢地主打湯哦 環境也不錯 有個開放式的廚房 唔使等好耐就有得食啦 賣相也ok 個湯係咸咸地(記得蔡生話過咸的才是真正的面鼓湯)不過個湯真係幾香 叉燒很不錯 塊肉不會太厚 咬落去好正 夠香 有肉味 個拉面也不錯 不會太軟 我就唔知係唔係彃牙 不過係正 總括來講 係個唔錯的拉面 值得一試

12-10-2008看過蔡生的介紹，媽媽很想試下牛油拉麵，恰巧來到沙田行街，於是特登來這裡一試。去到時間已經是三點多了，見到有下午茶套餐，有飲品同拉麵都只是三十多元，相對單叫一碗都要接近六十元，真是便宜很多呢!最後我們二人都要了牛油拉麵。不過不知什麼原因，碗拉麵要等好耐才送上，等到我杯飲品都快飲完才來，要改善!牛油拉麵尚算多材料，有一大塊又燒、昆布、栗米、洋蔥同日本蘿蔔。樣樣配料都尚算新鮮，又燒肉質不鞋又香。牛油有一小塊三角形，牛油看似與我們平時配麵包食的牛油，沒有什麼特別。湯底本身是麵豉湯底，咸咸的，加入牛油後咸味減少了，帶有少少牛油香，味道幾特別的，不過個人認為牛油份量可以大番少少，因為太少不能令整個湯都變得充滿牛油味。至於拉麵是粗拉麵，個人會較喜歡幼拉麵，幸好麵質都尚算彈牙。總括來說牛油拉麵算是特別在湯底，其餘配料上同麵上都只是一般，說不定自己屋企都可能整到牛油拉麵。所以個人覺得若果平時單叫一碗就不值了。

之前睇左蔡瀾讚過Domon係正宗日本拉麵後，一直都想試下，今日終於和同事黎呢度食 lunch。呢度既 set包括拉麵，小食和飲品。我地要左三個 set，小食要左蟹籽沙律，煎餃和雞肉蛋飯。三樣小食都幾好味！拉麵方面我地要左叉燒拉麵，Ankake拉麵和泡菜拉麵。叉燒幾唸有香肉味，泡菜唔夠味。拉麵既湯底偏咸，而拉麵好正，我地三個人都同聲讚好！

係 OPEN RICE PRINT OUT 九折 COUPON即係免加一 ~因為我地講明 唔撘枱 / BAR 枱 竟然俾左間房仔我地 ~ 好舒服 !$188 果個2人SET 好唔抵 ~ 因為轉拉麵要加 $10@ = $208 一個2人餐~所以都係點返 一人餐 $88@ 旁蟹拉麵 都 OK ~ 麵底一流, 唔錯 !三文魚刺身一碟得三片 !煎餃子 不知所謂 ! 唔掂 ! 底部更煎燶了 !

一入到去，地方環境幾整潔，不過可能地方太細既關係，見到廚房....... 好，基於蔡瀾先生介紹既關係，我即管黎試一試。午餐有$53拉面套餐+小食，係最平既喇。最終我揀咗個叉燒拉面同煎子，而媽媽揀咗個牛油拉面同炸豆付。 上菜時間都算快，而打頭陣既係炸豆付，唔算油，味道清新，幾好~ 之後再黎既煎餃子，味道幾好，都係唔太油，有內汁，好!! 可惜，反而拉面個湯底太鹹，我自問食得濃味都頂唔順!!!!!!! 面有口感而唔太硬都值得一讚