Dodam Chicken (利舞臺廣場)

营业中

休息中

今日約左朋友係銅鑼灣見面，同佢黎左利舞臺既dodam chicken食韓國菜。餐廳面積好大，可以容納到好多食客，而且座位都闊落，坐得舒服。我地二個人點左人蔘雞湯、芝士炒年糕同瑪格麗特pizza。人蔘雞湯好大碗，而且都好足料。人蔘大條得黎唔會好苦，有回甘既味道。而紅棗、景蔥都足料。仲係用原隻雞黎燉。芝士炒年糕係人氣必點，年糕唔會太辣，煙韌程度適中。至於pizza, 係薄脆批底，yummy!最後未夠飽，點左韓式手抓飯試下，點知有驚喜。

🇰🇷 🇰🇷 Dodam 🐔 🇰🇷 🇰🇷韓國過江雞 佢地都斷犀利 玩雞玩左咁多年依然咁受歡迎 👏🏻仲要越過渤海南下 令港人唔使飛到韓國都可以食到地道韓式炸雞 美食裏面個範圍都幾大側邊主要係卡位夠闊落 就算坐足四個人一台都綽綽有餘佢有啲area好啱一班朋友gathering或者family gathering呢點幾欣賞燈光就比較偏暗 自助吧近門口位置一個set lunch韓國炒粉絲以及泡菜係任食配埋一致韓國飲品 自己去雪櫃拎蜂蜜牛油雞 選擇左無骨啖啖肉 蜂蜜再加牛油原來可以咁香另外叫咗個金沙炒飯 👍🏻

行過利舞臺，到咗午餐嘅時間，即管睇吓呢度嘅餐廳，dodam 午市套餐其實好平，一個餐70幾蚊已經配上飲品同小食。我勁鍾意食香口野，所以叫咗一份鹹蛋黃炸雞，食落Juicy，外皮脆卜卜，肉質都幾滑！加上旁邊仲有爽口嘅蘿蔔解下油膩，令人相當滿意嘅。另外食辣亦都係我嘅愛好，所以亦都叫多咗一份韓式泡菜年糕，年糕口感煙韌，辣度唔係好高，絕對可以接受！裏面配料仲有蘿蔔，雞蛋，椰菜，相當豐富。女朋友再做多咗份芝士雞蛋卷，嚟到嘅份量真係驚為天人，蛋香好濃郁，裡面嘅芝士拉到長長一條，芝味四射，加上特別嘅韓式燒烤醬，入口好正！

疫情之下繼續冇得飛去韓國，唯有嚟呢一間非常出名嘅韓國餐廳食返餐！！鹹蛋黃炸雞炸雞炸得香脆而不油膩，加上鹹香嘅鹹蛋黃碎，滋味萬分。雞件相當大件，午市套餐都絕無戲場，餐廳亦都可以俾你選擇無骨，但小編覺得有骨會比較嫩口。加上旁邊仲有一份沙律，非常清新。招牌年糕實在太懷念喺韓國一串串喺街邊咁食，所以叫返一份來止口痕。年糕份量都幾多，口感煙煙韌韌，加上魚糕片索哂微辣帶甜嘅醬汁，如果嫌唔夠泡菜，仲可以自己加添。芝士雞蛋卷澎湃嘅芝士一拉即現，面頭嘅蟹籽鋪到滿瀉，蛋香徐徐漂來，厚實得來又滑溜，食完仲好快有飽腹感！每個午餐都跟上飲品同韓式小食任拎，餐廳嘅泡菜完全係自家醃製嘅味道，勁好食！

而家因為疫情大家都有兩年冇去過旅行，銅鑼灣有一間過江龍韓國菜，入邊嘅職員大部份都係韓國人，有一種置身韓國嘅感覺🇰🇷芝士年糕拉麵（🌟95.63/100）💲168用鐵板承載住，所以嚟到嘅時候都仲滾燙燙，內有韓式魚糕，年糕，拉麵和泡菜，旁邊仲有拉🐷嘅芝士，一定要趁熱食如果唔係啲芝士就會凝固，中間有一隻熟蛋，攪碎連醬汁一齊食會更加滋味，但係唔食得辣嘅朋友仔，可能會覺得太辣，但係鍾意食辣嘅，一定會深深愛上😍😍牛排骨湯（🌟98.66/100）💲195必點嘅菜式，嚟到嘅時候仲係沸騰ing 🤤牛排骨都有5，6塊，牛骨味超級濃郁，內有不同的菇類，食炸雞或者燒雞嘅朋友仔，可以叫呢個湯你中和油膩感白雪芝士烤雞（🌟96.99/100）💲195因為怕炸雞容易油膩，所以小編鍾意食烤雞多啲，有一隻雞嘅份量🐥，芝士粉灑上面，愛芝士嘅一定心心眼😍咬落去仲食到滿滿嘅肉汁，唯一美中不足嘅係芝士粉唔算多，雞都係原味嘅烤雞，但係依然食到芝士鹹鹹甜甜嘅味道

每次諗到lunchtime食咩好依個世紀難題都好容易自動忽略韓國菜，成日覺得韓國菜永遠都係大大份又貴貴地，夜晚食飯先會醒起佢，今次終於發現到抵食嘅韓國菜set lunch！〔推介！〕❝蜂蜜牛油香蒜脆雞❞ ($72 +10% → $79)每次食炸雞都必點嘅口味，蜂蜜炸雞本身已經係perfect match，依到嘅蜂蜜調味剛好，夠甜而且同雞肉本身調味平衡得宜，加埋蒜香係完美！雞肉嫩滑多汁，上枱個時熱辣辣，要小心咬落去個下肉汁會係旁邊噴出黎架～❝芝士蛋熔岩泡菜炒飯❞ ($75 +10% → $83)一上枱已經知道係igable嘅菜式，lunchtime都可以打卡太開心了吧～芝士蛋滿滿包圍住炒飯，多到滿瀉，每一口都有拉絲芝士同滑蛋配襯。泡菜酸度偏高，面頭有紫菜做拌飯增添味道層次。附送一碗鮮菇湯，香濃足料，幫手中和泡菜嘅鹹酸。set lunch仲包含一罐飲品同泡菜﹑粉絲等（自助形式），加加埋埋都係$80，係港島黎講非常抵食。𓂃𓈒 𓂂𓏸 Dodam Chicken 𓏸𓂂 𓈒𓂃銅鑼灣波斯富街99號利舞臺廣場18樓A號舖港鐵銅鑼灣站A出口，步行約2分鐘抵達每日營業 12:00 - 21:30𓂃𓈒 𓂂𓏸

/餐廳環境/係平日嘅下晝1點去食，可以因為疫情關係，餐廳唔太多人，座位之間嘅距離都好闊落，因為少人，食客之間距離都好遠，好安全。/服務/服務員都好nice，語氣好友善。最值得讚嘅係佢地嘅上菜時間非常快！啲食物上枱時係熱辣辣嘅又好新鮮，證明食物唔係一早整定，所以廚師同店員都好有效率！/食物/黃金鹹蛋脆雞 $78鹹蛋加炸雞係大滿足組合！鹹蛋唔會太鹹，但極香鹹香，加上嫩滑嘅炸雞，超滿足！炸雞嘅脆皮唔會太厚，新鮮炸好真係好脆口，而雞肉亦唔會乾，jeng!蜂蜜牛油香蒜焗雞 $72焗雞嘅肉質真係一流，超多汁又嫩滑！再加上外表甜甜嘅醬汁，分量雖然好多但都食得晒😋免費自助bar枱外面有泡菜同炒粉絲係自助任夾嘅，叫左套餐嘅可以自己係雪櫃攞飲品或者沖柚子蜜/總結/食物分量大，但價錢唔貴，加上味道一流，感覺比連鎖炸雞餐廳抵！CP值高！

同大食朋友健完身，就黎到呢間位於銅鑼灣嘅Dodam Chicken食下午茶。呢間餐廳開喺18樓，窗邊景觀唔錯，但因為我地黎到嘅時候，窗邊位已經坐滿同被人卜左，所以冇得坐。呢度嘅菜單設計幾好，主打菜式都有圖示。1. 韓式炒牛肉粗粉絲第一樣點左個粉麵，粉絲炒得煙靭爽口，有少少甜味；牛肉薄切，口感有d似肥牛，份量適中，可能因為大家都肚餓，所以上枱唔夠3分鐘就已經清晒。2. 韓式海鮮煎餅煎餅香噴噴，餡料好豐富，有蝦、菜甫、蚵仔，配埋個酸酸辣辣嘅醬汁，食落好似台灣蚵仔煎，不過呢碟唔會太鹹，好食好多。3. 雙重芝士麵包辣烤雞呢道芝士烤雞可以話係今日嘅主角，滿滿嘅芝士鋪滿成碟烤雞；中間嘅麵包仲裝有熱辣辣嘅芝士醬；烤雞底下仲有又甜又辣嘅醬汁，拮起一件已經黏滿芝士同甜辣醬嘅烤雞，再浸入麵包芝士醬，咬啖又嫩又滑嘅烤雞肉，芝士同辣醬搞埋一齊，口感豐富又滿足！埋單每人180蚊含加一，雖然貴左少少，但食物質素同個環境絕對值呢個價錢，不論係咪對韓式食品情有獨鍾，都非常推介大家黎食！

-{銅鑼灣韓國菜🍲}依間係友人嘅打手成日都去食😙今次8個人黎試左好多野食🤩🤤三重芝士脆雞🤤($198)係熱溶芝士加淋上面嘅芝士醬同埋麵包入面嘅芝士醬！個雞好夠脆有夠雞味😜但雞冇乜汁要個芝士搭救👖褲評: 7.5/10🤤芝士年糕拉麵🤤 ($158)芝士成碟都係😚不過要襯熱食凍左少少啲芝士會凝固🥺食唔倒辣嘅唔好試😂係超邪惡嘅選擇！食得辣嘅朋友覺得好好食🥳👖褲評: 7.8/10🤤海鮮煎餅🤤 ($148)好夠脆而且唔油🥰好足料好多海鮮😝配埋個醬汁perfect!!👖褲評: 8/10🤤蜂蜜牛油香蒜脆雞🤤 ($72)有夠肉汁 蜂蜜味同牛油都食倒😜但香蒜味唔出👀👖褲評: 7/10🤤芝士蛋熔岩泡菜炒飯🤤 ($72)個芝士又係好快凝結左 個泡菜味亦唔夠 一般👀👖褲評: 6/10🤤黑松露卡邦尼年糕🤤 ($72)年糕有夠煙韌🤑黑松露味都夠出😛個汁亦creamy☺️👖褲評: 7/10🤤韓式湯冷麵🤤 ($72)有蛋同雪梨片配搭 冷麵汁酸酸地好開胃😚個麵偏淋身食落唔錯👻👖褲評: 7.5/10🤤黑松露薯條🤤 ($78)有蕃薯條同薯條 不過松露味冇乜👀👖褲評: 5/10平日Lunch set好抵食！仲

今次嚟到銅鑼灣利舞台呢度搵嘢食 平時多數食嚟食去嗰幾間估唔到入邊原來仲有好多唔同嘅食肆經過見到間食炸雞嘅心頭一起就入咗去試吓啦🐥🐣入到去店員好明顯有一個係韓國人嚟嘅但係禮貌都好好仲主動介紹出邊嘅配菜 聽侍應講出邊嘅泡菜同埋麻油粉絲都係自己整嘅味道有少少唔同 麻油粉絲更加係非常好食 我哋不知不覺都食咗幾碗 大家記住試下三重芝士脆雞 $198🍗🍗🍗炸雞係以鐵板形式上嘅 底嗰度有好多嘅拉絲芝士 炸雞上面就有左少少芝士醬 炸雞中間就有個農夫包入面有好多溶咗嘅芝士 撈埋炸雞食 又邪惡又忍唔到口🤤🤤🤤 值得一讚嘅係鋪頭用嘅係無骨炸雞所以我哋食落去就唔使揀骨啦 啖啖肉！ jeng黃金鹹蛋脆雞$78🍗🍗🍗如果大家晏晝嚟呢度食嘅話建議大家可以食佢食晏晝餐呢個價錢但係炸雞嘅份量都幾多 我哋選擇咗無骨炸雞 炸雞頭鋪左少少鹹蛋黃粉甜甜地鹹鹹地幾開胃架都 值得一讚嘅係大家嘅份量幾多我哋兩個人叫咗兩份炸雞都真係食唔晒大家可以選擇兩個午餐share食總括嚟講呢間嘅炸雞店位置喺銅鑼灣都幾方便另外價錢亦都唔算貴尤其是係晏晝午餐更加係可以接受嘅價錢喺銅鑼灣來講 如果大家唔想成日食kfc叔叔同埋其他連鎖韓式餐廳嘅話都可以嚟

Dodam Chocken 位於利舞檯18樓 地點好方便，銅鑼灣一出就係啦 約咗朋友平日8:30食，冇諗過平日夜晚都咁Full😂竟然全場滿座🤎到步後店員有禮貌地問有冇預約，好快就帶我哋入座 我哋兩個人坐一張四人枱，非常寬躺😍第一碟上嘅就係蕃茄卡邦尼炒年糕($148) 意外地好食😂食落有少少似肉醬意粉嘅味 年糕好煙韌，軟硬適中， 配料仲好豐富添！真係大滿足呀！第二碟嘅海鮮煎餅($145)好足料😀餅邊仲好脆🥳配合有少少辣嘅汁💝推薦一大班朋友Share食 兩個人女仔食，份量有啲多😂我哋兩個人心思思想食多幾款但又驚食全碟叫唔晒😂店員推薦我哋可以揀雙拼款😆叫咗香蒜烤雞和白雪雪烤雞($238)雖然等咗一陣，但係上碟時熱辣辣💛香蒜濃郁都推薦比鍾意蒜香味重嘅朋友 白雪雪其實係芝士粉嚟😆覺得有少少單調, 如果係淋上芝士汁就好🤣食落啖啖肉又Juicy🥰份量仲好多添整體我最鍾意食海鮮煎餅😂 下次多幾個人一齊食，想叫三重芝士炸雞😍建議大家預早book位🤪

之前同男朋友嚟食過晚市，最近成日睇完僵屍校園就好想食韓國野，所以決定再黎食Dodam😝平日lunch time 都不算多人，可能因為而家疫情，所以都不用排隊！我地睇左menu, 發現lunch set 好抵👍🏻因為會包free 2款小食 同每人一罐嘢飲☺️見到都覺得好興奮，有free kimchi 同粉絲 😍lunch 福利😋我選擇了韓國海鮮湯麵，呢個lunch 會包埋脆香雞肉，味道都香濃，麵都好有彈性，而且仲有好多海鮮，包括青口，蜆同魷魚😆炸雞都好香脆👍🏻我男友就揀左牛排骨湯配飯，呢個就要等耐少少先到，因為都要時間煮。但出到黎有香濃既牛味係湯入面，而且入面有三塊牛排骨😍我地兩個lunch 加埋都係$200有找，而且環境舒服，坐係度慢慢食，再任拎小食。我會下次再黎食lunch menu😋👍🏻

嚴寒的天氣，需要些豐富營養的食物，炸雞🐔＋薄餅＝👍👍。我們點了黃金炸雞＋黑松露蘑菇薄餅 ，葷素搭配，一輩子不累。😘😘主菜未上桌，先喝杯熱柚子茶，還有黑糖薑母茶，韓式泡菜和粉絲任吃不限，餐廳寬敞的座位，加上大屏幕裡韓國的小鮮肉小鮮花載歌載舞陪吃，賞心悅目，胃口特好。😋黃金炸雞🐔很快送到，好大一碟，剛炸好的雞塊，鮮香嫩滑，豐潤多汁，燙嘴的雞塊，滿是蛋黃的鹹酥，吃得停不下來。😍跟著黑松露蘑菇薄餅上桌，薄薄的餅底，鋪上蘑菇番茄🍅醬和黑鬆露醬，香香脆脆的，還多送了雞塊。冰寒的日子裡，胃口特別好，來這裡是選對了地方，午餐特別大份，價錢💰也特別便宜，兩個人吃得飽飽的，暖暖的，吃飽飲足。😊今天是2022年2月22日，我們下午2:22還在吃😋😋😋😋。Lucky Day。

銅鑼灣有好多唔同嘅韓國餐廳，我哋每次都只係會去Dodam Chicken食。點解呢？因為佢哋無論服務，裝修，以致食物嘅款式，全部都係好正宗韓國，鍾意食韓國嘢嘅朋友，相信一定唔陌生，而且都會成日去食。我哋叫咗一個原味嘅炸雞，一個牛骨湯，再加一個燒魷魚，同埋兩杯嘢飲，埋單都係$600左右，食到好飽。首先講吓個炸雞，佢哋有得揀有骨同埋冇骨，識食嘅就一定要揀有骨，因為咁樣先至可以食得出個風味。佢個外皮炸到好趣，但係入邊一啲都唔乾，非常之嫩滑。然後到個牛骨湯，佢入邊除咗牛骨之外，亦都加咗好多唔同嘅食材落去，例如有冬菇，金針菇，粉絲等等，成個湯出嚟已經變咗白色，非常之濃郁。其他食材吸收左牛嘅濃郁味道，而且啲牛亦都吸收左其他食材嘅鮮味，互相配合得非常之好。跟住就要講下個燒魷魚，佢係原隻魷魚攞去燒，仲要唔係細隻嘅魷魚，係非常之大隻，我哋都有少少擔心食唔晒。不過最後因為佢實在太好食所以我哋全部食晒。食得出係非常之新鮮，咬落去仲係非常之彈牙，唔似一般餐廳燒到成隻都乾晒。無論下一次定係之後幾多次，我哋如果要食韓國嘢嘅話， Dodam Chicken都一定會係我哋嘅首選，所以大家都要去試吓啦。

今日天氣稍涼，我同朋友決定要懷緬下喺寒風中暢遊韓國嘅感覺，所以決定試吓呢一間韓式炸雞店。店內嘅佈置充滿着韓式炸雞店嘅情懷，電視播放住K-Pop嘅MV，等音量不會太大，方便與朋友傾偈，我們被安排到卡位坐，坐得好舒服。由於天氣寒冷，我即刻點左韓國海鮮湯麵暖暖個胃仔先，跟其他嘅韓式湯麵一樣，都是辣辣的，暖胃之餘又醒胃，令跟一碟炸雞上，食湯麵都有得試吓佢個炸雞。由於我哋係食午餐嘅關係，每款午餐都可以到自助吧自取泡菜及韓式粉絲，絕對食到你飽，還可以到雪櫃取一款飲品，注重保暖嘅我，選了自己沖熱柚子茶。另外，朋友就點左蜂蜜牛油脆雞，佢個脆雞絕對值得一讚，首先個份量大，每件雞的size亦唔會太細, 外邊嘅脆皮充滿着蜂蜜牛油香，咬落去個雞係啖啖軟熟，食得出雞嗰種新鮮感，亦食得出佢同一般快餐店炸雞嘅分別。朋友一邊食炸雞，一邊飲啤酒🍻，爽！個短短的45分鐘，令我哋有一個小小嘅韓國炸雞體驗之旅。埋單前，我哋還多點了一客脆炸雞回家，十分滿足！