Dodam Chicken (利舞臺廣場)

营业中

休息中

冇諗過8:30pm 都仲有咁多人喺門口等位，果然食好野都係要等下🌟三重芝士脆雞$205上網睇相已經覺得佢好吸引，果然上到台面一Ｄ都冇令我失望。芝士真係超多，熱溶芝士淋喺件件脆雞上面，係好邪惡，但又忍唔住會不停想食！仲有個好脆嘅面包，入面裝住好多芝士醬，夾埋一齊食係好滋味。仲有每人有個夾仔比我地方便咁夾住雞仔食，食落都冇咁麻煩。🌟海鮮泡菜餅 $148呢個泡菜餅份量好多，仲要好脆口。海鮮料好足，點埋辣醬令成個泡菜餅鮮味可以昇華。🌟鮑魚人蔘雞湯$168呢個湯真係surprise，雞肉好滑，仲要有２件雞髀。成條人蔘咁比我地，保到爆。個底仲有韓式粉絲，食完覺得個人好暖

黎呢到梗係食雞。個人喜好 鐘意烤雞 多過炸雞。因為唔會食到炸粉 又enjoy 到個脆卜卜雞皮。我黎親都係食原味 鐘意佢原汁原味🤭外面雞皮脆 一咬就juicy 雞髀 雞翼位都好嫩滑。 同埋夠熱真係好正。烤雞仲配左醃蘿蔔 攞嚟送下雞 食左幾件雞 感覺都冇咁膩。尋日見到有芝士辣撈麵 我地見佢辣度好得意 係2 or 4. 唔知點解無中間🤣我地好黐線咁揀住4 （ 難得兩個咁啱鍾意食辣）碟野勁熱 撈起d芝士好開心 仲有 魚糕 獅子狗。呢碟野真心辣😂 好快就辣到我個咀好晒。平時我食開米線大辣。如果鐘意食辣既 必定要試下！ 係辣到飛起都會追住食既撈麵仲飲左柚子燒酒 好夾🥰🥰

落雨天睇下韓劇，再出去搵下韓國餐廳食下野，正吖！😋三重芝士脆雞（ $205）雞件炸粉唔會太多，夠juice!每食一啖都點下中間的芝士醬，簡直係又正又邪惡，滿足滿足😋照燒汁焗魷魚（$168）魷魚唔韌焗到剛剛好，加上甜甜的照燒汁，好味，好味招牌年糕（$148）年糕煙煙韌韌，仲有魚糕同菜辣度適中黑松露薯條（$78）普普通通

一大班人reu 之選🍗🌟.銅鑼灣有兩間炸雞店個名好似，一間sodam 一間dodam，今次試下後者～拿拿拿🫢我知佢早排因為個熔岩炒飯上咗shit.foodie貼堂架，但因為reu 唔想試伏，於是嗌咗其他嘢🤣其他嘢其實係above average架喎我覺得，有機會觀塘嗰間一時失手.1️⃣三重芝士脆雞（$205）貴係貴咗啲，但個賣相吸睛到唔做cover photo都對唔住自己啦下話🤣佢貼心位係每人有個夾仔，勁方便夾住雞仔食，甚至唔使驚啲手套會漏雞油🐣三重芝士在鐵板底又有，雞面又有，仲有成個芝士缸任yam芝士汁，中間啲芝士好漏，唔建議點咁多。雞件雖然唔係炸到好嫩，但細細舊唔會話食咗兩三件就飽到食唔到其他嘢，過癮嘅一道菜！.2️⃣招牌年糕（$148）最基本嘅煙韌，佢做到，我已經覺得ok，辣度適中唔會蓋過食物原味，又有魚糕同菜等等配料都幾多，夠share！.3️⃣蜂蜜牛油香蒜烤炸雞（$198）啱啱嘅雞無骨，所以想嗌返個有骨嘅平衡返（係咪好廢😂）呢個味好香，少少甜。面頭有啲蔥令件雞清新咗，無咁heavy！.4️⃣U4海鮮泡菜餅（$148）因為佢有好多個餅好似，所以我寫埋係U4😂非常高分嘅煎餅！餅邊超脆不再話下，預

諗住襯平日冇咩人，去銅鑼灣食個晚餐，去到利舞臺，見到呢間韓國餐廳決定一試，自以為8點幾加上平日，應該唔多人，但上到去都9成座位滿。店內裝修走工業風，兩部電視播住k-pop 音樂，2個人可以坐卡位，相當闊落睇餐牌見到好多嘢想試，除左主打嘅烤雞炸雞之外，有泡菜主題餐點，亦有充滿邪惡芝士嘅炸雞&拉麵，紅當當嘅年糕都相當吸引，但由於只有2個人，都要忍忍手，就叫左個韓式海鮮煎餅&原味焗烤雞。飲品都好多選擇，有酒精飲品及非酒精飲品，個人食烤雞&炸物偏好配檸樂好彩一開始諗住叫左2碟先，唔夠再點，因為真係好大碟，份量超足，點完餐等左一陣先上菜，證明係即叫即整，唔會整好哂，夠新鮮 。每逢去韓國餐廳，我都會點海鮮煎餅，但我唔鍾意食咁多蔥，所以成日會整走d蔥，但呢個海鮮煎餅炸得好脆口，連蔥一齊食都好好食，海鮮好足料，我搵到大大隻青口，好驚喜另外烤雞都相當大碟，足足有成隻雞，雞肉好滑，外皮香脆，兩者配合冇得頂，可惜嘅係冇叫一大班人一齊嚟，咁就可以試多啲野食

之前見過依度lunch set好似幾抵食，咁啱好耐無食韓國野，想過下炸雞癮所以就嚟依度食。餐牌選擇都頗多，除左雞之外仲有年糕/飯麵嗰啲，而且雞仲可以揀有骨/無骨同埋炸雞/烤雞。今次試左香蒜豉油雞($72)，揀左有骨炸雞由於個lunchset除左有主菜之外，外面仲有迷你自助吧可以任食泡菜同粉絲，同埋會包杯飲品。 等緊炸雞嘅時候已經來回攞左兩三次炒粉絲，本身諗住出面任攞啲質素可能麻麻，但食落又覺得佢嘅炒粉絲比預期好食，所以都encore左幾碟。之後就係令人期待嘅炸雞！一嚟到見到賣相已經覺得好吸引，同埋側邊仲有沙律同蘿蔔拌碟可以解下膩。佢會備埋手套同桶可以裝骨，都幾方便。炸雞大約有6/7件，全部大大件啖啖肉。佢嘅外皮脆卜卜，內裡食落都幾juicy嫩滑。同埋每塊雞都沾滿醬汁，甜鹹甜鹹非常惹味，搞到我一件接一件食，停唔到手。炸雞分量適中啱哂一個人食，食完之後勁滿足。而且仲有粉絲泡菜任食，所以一定會食得飽。食完覺得佢依度lunch set嘅cp值幾高，下次會再嚟幫襯。

韓國野除咗韓燒、人蔘雞湯、就一定係炸雞同埋拉曬絲嘅芝士。但個人唔太好芝士，不過見到都覺得好吸引呀～🥡 烤芝士牛排骨牛排骨即係牛仔骨，整得好冧，唔會痴住，而且仲非常入味添。配埋一大堆溶化曬嘅芝士，食嘅時候將芝士卷埋一齊食，見朋友食得好滋味。我就輕輕試咗小小，芝士本身唔係好大陣咪果種，配埋一齊都幾match。🥡芝士雞蛋卷又一個爆芝拉絲嘅菜式，一切開入面啲芝士已經開始流出嚟，雞蛋卷上面有少少蟹籽，加埋蛋黃醬同茄汁，正呀。🥡黃金咸蛋黃炸雞識食炸雞一定係食有骨，有骨先至夠香口。每啖都食到咸蛋醬，加埋脆卜卜嘅雞皮，唔錯。🥡魚糕湯去韓國食魚糕，重點一定係可以無限refill 嘅湯。呢個雖然冇得refill，但係兩個人飲都好足夠，加埋入面嘅雜錦魚糕，滿足！

Dodam dododam同女友食晚飯，韓式炸雞係佢首選，所以就去咗 dodam chicken🤣🤣黃金咸蛋脆雞 (半份）上枱嘅時候，陣陣咸蛋香味樸鼻，咬落去非常脆，而唔會油膩，炸雞好怕炸到老哂，但完全好嫩滑，好juicy。食完一舊係好想再食多舊咁吸引芝士雞蛋卷我食雞蛋又係好怕乾啲蛋又嚡口。呢個蛋卷啱啱熟，仲好濕潤，切開嘅時候啲芝士流出嚟，見到都開心，食咗更興奮，淡淡蛋香而芝士都無搶哂主角嘅味道，值得一試烤芝士牛排骨食過芝士蛋卷之後，再食多個芝士牛排骨。個人最鐘意食呢個牛排骨。佢切好哂一片片，每一舊肉沾上燒烤汁而且煮到骨同肉都好易分離，入口嘅時候，牛油香味而肉汁停留係你個口腔到，感覺好滿足韓式魚片湯食咁多重味嘅嘢，飲番個清清地嘅湯，又有我鐘意食韓式魚片，而且仲好多唔同嘅配料。個湯有一個大蔥味，鐘意食蔥嘅朋友可以試一試佢呀

Book咗4點半，全場計埋我哋得4枱客左右(每枱2個人)。諗住咁少人好快食得啦，叫咗3碟嘢，1杯嘢飲。黎咗半份炸雞先，食到口都乾埋，嘢飲都未到，要催先整。😵‍💫然後個海鮮葱餅黎埋食完，第3碟都仲未到，就再催多次。個哥仔話黎緊，點知到枱都唔係我哋本身叫嗰樣，佢就唔聲唔聲拎走返，又唔講自己落錯單🥵再等多大約半個鐘，叫另一個staff跟跟，再過多陣先終於到，9成9嗰陣先重新整過。成程飯應該催咗3-4次單😀自問已經唔係嗰頭落完單要人即刻彈碟嘢出嚟嘅西客，但非繁忙時段黎講，唔expect係咁囉🙏🏻

🐔🐔又係炸雞控出動嘅時候，今次揀咗位於銅鑼灣利舞臺嘅Dodam Chicken。估唔到平日嘅夜晚都幾多人，除咗堂食外，仲有唔少人等外賣自取。🍗🍗人少少只係叫咗兩樣野- 「黃金鹹蛋炸雞」半隻同「韓式海鮮煎餅」一份。個鹹蛋炸雞極度邪惡，一上菜已經聞到陣陣嘅香味，入口真係不得了。鹹蛋好夠味，連埋炸得好鬆脆又嫩滑嘅雞肉真係好夾。炸雞跟埋蘿蔔一齊上菜，佢嘅蘿蔔係紅色，我開頭仲以為係西瓜添，原來係蘿蔔加上紅菜頭調配而成嘅。另外，海鮮煎餅亦都十分出色，煎餅好香脆，海鮮配料豐富，配埋辣汁一齊食，味道好有層次。🍹🍹餐廳環境寬敞，適合一班人食飯吹水飲野，下次有機會再約多幾個朋友，可以去試吓其他炸雞口味同菜式。

呢間對於好鍾意食炸雞的我簡直係有致命的吸引力，d炸雞款式都比較多，適合多人聚會，因為個份量都幾多吓，不過對我來說，我都可以一次過食好多，都不會太膩，最好就自備水或者野飲啦，d野飲唔係咁抵

之前已經食過觀塘店，一直好想再食😆😆今日同朋友傾開，佢話佢都想試吓，所以就再嚟呢間分店食🤣🤣為免人多，我哋提早六點左右就晚餐。明智嘅選擇😎😎，因為一到七點店舖就開始爆滿🙈🙈店舖環境簡潔，座位亦坐得舒服😌😌，👨👩而Staff們都好有禮貌👍👍🗒餐牌既炸雞🍗🍗種類有好多選擇，但其他韓式食物亦都有好多，同上次一樣，選擇困難症上身，花多眼亂唔知揀邊款好😂😂兩個人叫咗以下三樣嘢👇黃金鹹蛋脆雞(無骨)-半份HK$148芝士雞蛋卷-HK$128韓式魚片湯-HK$168上菜嘅速度唔算耐，唔使等好耐已經有嘢食🤗🤗；炸雞我哋揀咗無骨，啖啖肉，半份已經有好多，我同朋友都一齊話驚食唔晒🙈🙈，上枱即刻食，熱辣辣，鹹蛋味唔算好鹹，正🥰🥰。芝士雞蛋卷，切開流心的🤩🤩，芝士流晒出嚟，拎起有拉絲🤩🤩🤩🤩。韓式魚片湯，魚片份量都算多，個湯亦都唔喊，食完炸雞飲一啖湯，感覺好似解咗啲肥膩感😎😎除咗芝士雞蛋卷清左之外，另外嗰兩樣我哋都食唔晒，價錢算適中，食物份量都算大，以一定會再嚟🤗🤗

🤎Dodam Chicken (利舞臺廣場) (銅鑼灣)🧸銅鑼灣波斯富街99號利舞臺廣場18樓A號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️次次行過利舞臺見到呢間韓國菜餐廳都好吸引，但係每一次都係食飽先見到都冇機會行過入去。今日突然之間諗唔到食咩就醒起呢間舖頭😍估唔到佢個餐牌度有咁多嘢食可以揀！-芝士麵包薯條🧀 $108嘩嘩嘩好巨型喎😋薯條係用鐵板上，職員好主動提醒我要小心💖。中間有一個包，裝住濃而不膩嘅半液態嘅芝士醬，唔會好鹹，配薯條好搭👍🏻食食下發現除左薯條同薯角之外仲有我好中意嘅蕃薯條😋-鮑魚人蔘雞湯🐥 $168呢個鮑魚人蔘雞有別於平時個啲糯米雞！今次呢個冇糯米！唔知有冇人同我一樣覺得人蔘雞湯嗰隻雞入邊裝滿糯米好難食🙈我其實只係想飲湯🤣一直都想搵一間餐廳人蔘雞入邊係冇糯米嘅今日當我問店員嘅時候佢同我講話佢哋係用雞髀🍗太岩我了。飲完好暖身，咁到底仲發現有韓式粉絲👍🏻想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysfoodie如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩

今次去食呢間韓式炸雞店，但我選擇了食燒雞，因為感覺冇咁熱氣，同埋我都叫咗個卡邦尼炒年糕，另外再叫多咗一個鮑魚人蔘燉雞湯。入面嘅裝修都唔錯，食物質素都幾好，會再次去的。

今日經過銅鑼灣，朋友話想食韓國菜，於是睇完op食評後就決定黎呢間食啦。果然無令人失望。黎到韓國餐廳梗係要試下佢啲招牌菜，於是試左餐牌推介既芝士辣炒年糕。芝士味濃，而且仲係拉絲個隻，公仔麵吸晒個汁，正呀！之後仲試左韓國出名既人蔘雞湯，湯都幾濃，雞肉滑溜，成條人蔘係度呀。手抓飯開頭點個陣唔知咩黎，上到台原來係紫菜碎、蟹柳碎、蟹籽同沙律醬溝埋一齊既飯。雖然睇落好普通，但食落口都幾唔錯。至於瑪格麗pizza一樣都甘出色，批邊夠薄，pizza都好大塊。