Dodam Chicken (利舞臺廣場)

营业中

休息中

今日約左朋友係銅鑼灣行街，佢突然興起話想食韓式炸雞，上網查查下見到呢間Dodam Chicken 好似幾有人氣，就一於去試下餐廳位置好方便，位於利舞臺廣場18樓，店面裝修乾淨企理，座位夠晒闊落，就算成班朋友一齊黎食炸雞飲啤酒，都坐得舒適睇翻個menu，食物種類都好多，淨係唔同整法既雞都佔左4頁😱😱，如果怕熱氣唔想食炸雞都有烤焗既整法。另外仲有pizza、年糕、煎餅……等等，一定有款岩心水。 咁我地因為得兩個人，所以就叫左個原味炸雞加款年糕試下。 個人食炸雞比較鐘意食原味，最巧功力，又唔會因為d醬汁太多搞到好滯。呢度d 炸雞外層炸得夠香脆，點一點跟埋既辣醬同芥辣，一啖咬落去，超juicy ❤️❤️滿足感超大😆 而且份量岩岩好，唔會話飽到食唔到其他野，超讚！ 另外，我地叫左個韓式粉絲配年糕粉絲，聽完個名好似都飽左一半😂但等等先，佢呢個湯年糕湯底夠過癮，辣度十足。D 年糕浸住係湯入面，夠入味但不失煙韌，唔錯👍🏻👍🏻但重點都係個韓式粉絲卷😯外面紫菜炸得金黃香脆，但一口咬落去，係熱辣辣又煙煙韌韌既粉絲，呢種外脆內軟既感覺，真係好幸福❤️❤️

每一次食韓國菜都好鍾意食佢哋芝士麵包🍞🧀今次就嗌咗個芝士麵包薯條🍟平時多數都係芝士點炸雞 今次就有齊番薯條🍠薯條同薯角🥔全部都炸得好脆 點埋軟綿綿嘅芝士一齊食 真係超級正！！

呢間韓式餐廳身處旺帶，銅鑼灣大商場兼高餐廳樓層，裝修乾淨企理，環境開揚一班朋友一路食住炸雞、飲下啤酒坐得舒適，傾得都開心d 炸雞，個人比較鐘意食原味。最考功力，又唔會因為d 醬汁搞到好滯，可以食多D。呢度D炸雞份量岩岩好，外表炸得夠脆、內裏仍然保持鮮嫩多汁我會比7.5/10分。附送埋辣醬同芥辣，夠惹味另外叫左個韓式粉絲卷配年糕粉絲，係咪聽到都覺得飽😂的確我地最尾都食唔晒，但真心值得一試湯底夠辣夠濃，年糕浸住辣湯依然煙韌，好入味個人比較欣賞佢既韓式粉絲卷，外面紫菜炸得香脆，一口咬落去係煙煙韌韌既粉絲卷，外脆內軟，讚

同媽咪行街買完野就去搵食，去咗呢間朋友介紹，係銅鑼灣利舞臺18樓嘅Dodam Chicken好耐冇食韓國嘢lu, 媽咪話想試d濕嘅，所以就揀左傳統d嘅蔘雞湯俾佢仲要係鮑魚人蔘雞湯tim! 一個湯都可以分到4碗嘅。人蔘味道唔算超重，但都飲得岀，同時又冇遮掩到d雞味。調味唔錯、幾清香👍，入面仲有2隻雞髀🍗、鮮冬菇同一隻鮑魚，難得煲湯嘅鮑魚唔韌👍另外我飲左杯橙汁，試得岀係鮮榨橙汁嚟，都算幾有誠意，上到枱我好快就飲晒都唔記得點影相🤣係幾大杯嘅食食吓有啲意猶未盡，就揀咗個松露薯條，份量都幾大嘅，有兩種薯，係薯仔同埋番薯，炸番薯條配上松露味係幾特別嘅，俾個like佢👍🏻

My friend is a fan of Korean pop culture and food. As suggested by her, we had dinner at Dodam Chicken on 18/F, Lee Theatre Plaza tonight.This is my first visit. After a quick look of the menu, I noted that there were many attractive dishes and drinks to choose. As the portion is generous, my friend suggested ordering a signature chicken dish, a pizza and two drinks to share. As I do not prefer spicy food, my friend ordered Dodam original baked chicken. The chicken was cut in big pieces to

6月19號星期日下午三點，想試下這間出名嘅炸雞餐廳。由於已過午餐時間，店內客人唔多，環境舒服。叫咗原味炸雞，多汁鬆軟，食物唔錯。但係服務態度真係差到爆，尤其係門口收銀嗰位男士。由埋單至俾錢，問咗佢幾個問題，例如利園app coupon 是否可以使用，接唔接受八達通付款。佢全程一句聲都唔出，用極唔耐煩嘅態度指住我部電話，再指向檯面部八達通機叫我俾錢，最後將張單丟俾我之後走人。請問我得罪咗你乜嘢？如果餐廳有監視器，歡迎調出畫面。嗰個員工根本不配做服務行業！

呢間長期都好多人推介嘅韓國餐廳，佢最出名係芝士麵包炸雞，份量多仲好邪惡好好味Tim😋今次order左三重芝士脆雞 & 芝士年糕拉麵。三重芝士脆雞：有三款芝士係入面，炸雞炸得非常脆香，配上濃濃嘅芝士，啲芝士仲要拉絲，真係巧巧味。中間有個麵包，麵包入面充滿流心芝士，每食一嚿炸雞點一下芝士真係好正，炸雞份量都好多👍🏽芝士年糕拉麵：韓式辣醬嘅味道好惹味，辣辣地酸酸甜甜，每一啖拉麵都吸晒啲汁嘅精華，好入味，份量都好多，食完好飽🤣

去銅鑼灣想食炸雞，見到呢間喺利舞臺廣場嘅韓式炸雞店工業風裝修好靚，而且未算好多人等位，就Walk-in去試試～2個人坐卡位空間闊落，餐廳勁播K-pop，店主亦係韓國人，瞬間好似去咗旅行咁，推介俾熱愛韓式炸雞嘅朋友！無骨黃金鹹蛋脆雞（半份）份量非常充足，兩個人都食唔晒，雞肉尚算嫩滑，炸粉唔會太多，黃金鹹蛋均勻地包裹住每件炸雞，無骨脆雞唔使吐骨咁麻煩，又正又邪惡！部隊鍋湯底唔算好濃，如果可以辣啲就更滋味，加入火腿、泡菜、青葱同香腸等，所有食材都散發出淡淡嘅韓式辣醬味，配搭麵條非常豐富～

今日黎開銅鑼灣，朋友仔話想食炸雞，就openrice 下，最後選左呢間dodam chicken,位於利舞臺廣場18a,位置方便極方便在時間廣場出口側，上到去都好爆下，，好彩有一早訂位，唔洗等坐位空間比較寬敞，同朋友傾計食飯一流，如果對kpop有興趣可能都會喜歡這裡,因為呢度整晚都會播放。menu除咗有炸雞之外，也有很多pizza 可以選擇，，飲品選擇都不小，，，炸雞既味道都有好幾種，，，對於我呢d選擇困難証既人真係唔知食邊種好，最後選左triple cheese chicken 同 gorgonzola black truffle pizza。上個刻香味四散，而賣相都好靚，中間係個包放滿好香既cheese,而旁邊全是炸雞。點知我多手食左包蓋先，，竟然還脆口，，而個cheese 汁，好香濃，，正雞既份量都相當足夠，之後要上埋個pizza,嘩，，咩事呀呢餐，全部都甘香既黑松露味好勁，，真係好香好好味，，雖然好似唔係叫左好多樣野，，，但2個人甘樣食，，，真係要捧住個肚返屋企，而真係好好食，，，下次一定要再黎試其他雞同pizza

朋友慶生揀咗食呢間韓國菜，我地自己準備咗個迷你手掌型蛋糕打卡，估唔到職員默默放上三份新碟和餐具俾我地切蛋糕，勁感動！雞蛋卷超好食！佢入面既拉芝同個醬勁夾，係會令人想encore！仲有d蝦籽係上面，好夾呀成件事。叫咗個牛肉炒粉絲就比較唔吸引，都好食既，但比較濃味，而且有d fushion既感覺，好似食緊乾炒牛河咁，好搞笑。仲有一個芝士烤雞，感覺食佢既炸雞會更吸引，因為冇咩特別，中規中矩。Apple cider 係普普通通，咁一jar就方便大家分著飲。

早前同事同我食完韓國炸雞意猶未盡，今日又話去食韓國烤雞，佢話銅鑼灣利舞臺的Dodam chicken，韓國炸雞及烤雞都好出名，想我陪佢去食，我也知呢間餐廳係韓國都好受歡迎，當然樂意奉陪！餐廳燈光柔和，座位寬敞舒適。蜂蜜牛油香蒜焗烤雞，餐廳係用披薩烤箱烤雞，烤雞皮脆肉嫩，烹調不加油兼將雞油逼出，感覺健康，加埋蜜糖的甜味、牛油和蒜的香味，令人食個不停！芝士雞蛋卷，呢個真係好受歡迎，幾乎每枱客人都會叫，蛋做得非常嫩滑，中間嘅芝士軟至流心，配埋惹味嘅醬汁，芝味無窮！

約咗朋友去銅鑼灣時代廣場行吓，提起好耐冇去韓國旅行，突然好想食韓國烤雞，附近利舞台Dodam chicken係韓國過江龍，食物質素同味道都好好，咁啱嚟到梗係要食返餐！招牌甜辣芝士無骨烤雞，烤雞是以Pizza爐烤製雞塊，400度的高溫迫出多餘油份，烤雞冇骨啖啖肉，外皮脆香，肉質鮮嫰，加上甜辣醬汁，甜中帶辣十分惹味，醬汁上鋪滿厚厚的芝士，芝士還可以拉絲！芝士雞蛋卷，嫩滑的雞蛋卷包住流心芝士，芝士亦可以拉絲，再加上茄汁、沙律醬、芥末醬更加惹味！

今次終於約到朋友一齊食呢間韓國還廳, 由於太耐冇出國旅行, 都幾掛住去外國食當地既食物。 講起去食韓國野, 一定係諗起食韓國辣醬, 泡菜, 炸雞同埋人參雞湯。 今次我叫左個雙拼既炸雞（香辣脆雞+韓式甜豉油脆雞）, 味道：我比4.5/5分, 佢唔會好似芝士味咁溜, 一咬落去有好香既醬油味係口入面散發出黎。辣醬都ok 唔會太多/太甜。質感：可能因為我係叫雞髀既部份, 雞肉非常嫩滑多肉汁, 餐廳控制到崎岩好煮熟, 因為雞肉煮過龍會開始變老。另外仲有叫左芝士辣醬炒飯, 味道不錯, 但我覺得不夠辣。仲有個黑松露薯條/蕃薯

今日同家人黎食飯，佢話想食韓國嘢就揀咗呢間就腳嘅Dodam Chicken ❤️飲品方面揀咗yuzu yogurt smoothie ，岀面好似少見啲，杯smoothie 都好大杯，岩哂襯熱氣野食。飲得岀有少少柚子顆粒，柚子味都幾岀，幾特別吓。主食揀左芝士年糕拉麵，真係冇揀錯，好好食！個汁調味調得好好，夠哂香辣，年糕好Q彈，而且就算放耐左未食都冇變硬依然好食。拉麵都幾煙韌，而且夠哂多芝士，有拉絲效果啊❤️雖然碟野都唔細碟，但總想食多d,如果份量再多啲就更好。我地好彩有book 位，約左6點食，坐坐下越嚟越多人，入座率有成8-9成，估唔到都幾多人呢。

韓式炸雞又一好選擇🌟鮑魚人蔘雞湯 ($168)本身對於人蔘雞湯真係一般，因為覺得味道好甘，但呢個湯令我不停飲！材料好足，鮑魚、雞髀仲有冬菇，各樣２件，個底仲有韓式粉絲，非常多。食呢個都覺得有3成飽。而且雞肉滑溜，唔鞋，加分。🌟海鮮泡菜餅 ($148)海鮮泡菜餅好脆口，味道本身都夠，仲要好多塊，件件都長方形party size🌟三重芝士脆雞 ($205)芝士控必點，每舊烤雞都有焗芝士包圍。另外仲有麵包入面裝住勁多芝士，切開之後，D芝士會流曬出黎，同D雞一齊食，好滋味。雞塊仲要冇骨，唔會炸到好老，同埋細細件但又多件，食極都有，都抵食嘅！