Dodam Chicken (利舞臺廣場)

营业中

休息中

之前尼食依間餐廳都係食焗雞，就想試下食佢依度嘅脆雞，不得不說佢依度辣嘅菜式真係好啱我口味，例如：熔岩無骨雞、芝士辣撈麵、蜂蜜黑蒜麻辣無骨脆雞。蜂蜜黑蒜麻辣無骨脆雞（單點$198），份量多，雞肉肉質外脆內嫩，雞味濃厚，麻辣度6.5分，內有花椒、辣椒乾、辣椒、蒜片，食落好惹味，蜂蜜味道較淡，蒜片口感薄脆。醃白蘿蔔（跟餐$0），口感爽脆，味道酸甜，應該有使用紅菜頭汁醃製白蘿蔔。檸檬汽水（單點$40），味道酸溜，飲落好清爽。熱美式咖啡（單點$30），味道偏向Fruity、不苦澀。

order左一隻原味炸雞，欠雞上髀兩件，唔夠一隻份量。炸得過火，太濃！只有雞髀滑溜，其餘肉質韌。海鮮煎餅太油膩，煎得過火，煎餅裏面仲有蠔殼，但魷魚和蝦都幾足料。

🍗炸雞係一樣好神奇嘅野食，每隔一段時間就會好想食佢🤤🤤 今次就嚟到好出名嘅Dodam Chicken, 好多朋友都推介🐔 今日係星期二，但成場都爆哂，超多一大班朋友仔去食👯‍♀️🕺🏿💃🏻🥤Strawberry Milkshake Smoothie 食得炸雞，一定要叫返杯酸酸甜甜嘅飲品解下油膩🕺🏿 今次就叫左士多啤梨🍓，真心好好飲😋完全唔係糖精artificial味，連唔鐘意飲甜野嘅男朋友都覺得好正🤪 食炸雞必備！🐔黃金咸蛋脆雞呢到嘅雞真係好滑好juicy, 雖然係用咸蛋整，但係意外地個碟冇咩油😍😍 雖然真係好高卡路里，但食呢個雞真係值得！😋😋 咸咸地脆脆地，我同細食男朋友一個人都差2舊就食得哂（我地唔小心叫左一份😅）🐷邪惡拉絲豬肋骨呢個豬肋骨好淋好好食，配埋bbq 醬真係好開胃，芝士份量都好足！記住一定要襯熱食呀！🍗

聖誕節就是要吃Comfort Food，佳節當前便與友人來到銅鑼灣利舞臺廣場的韓國過江龍【Dodam Chicken】大快朵頤。芝士麵包薯條（$108）份量巨型，一客有齊香脆炸薯條、甜糯美味的蕃薯條和外脆內軟綿的薯角，口感與食味多層次。提子麵包內盛著溶岩狀的水牛芝士與忌廉芝士，非常吸晴。Mozzarella Cheese拉絲度高，伴以滑潤微酸的Cream Cheese，芝味香濃而不會太膩。提子麵包烘得香脆，不像坊間以農夫包做成的麵包盅般乾硬，蘸完芝士醬，忍不住把那香甜鬆軟的「器皿」也吃掉。辣卡邦尼ROSÉ炒年糕 ($148)以茄醬、忌廉、辣椒醬烹調而成，如玫瑰般粉嫰的「玫瑰辣炒年糕」最近在韓國爆紅，看到餐牌上有"辣卡邦尼ROSÉ炒年糕"，當然不能錯過。玫瑰醬汁濃稠，辣度不高，加上酸甜蕃茄汁，開胃惹味。年糕盡吸醬汁精華，Q彈滑溜，嚼勁甚佳。配料有煙肉、魚糕、竹輪、麵條、椰菜和洋蔥，煮得軟淋入味，加入車打芝士更添奶香。Yuja Yogurt Smoothie ($58)/Hazelnut Smoothie ($58)吃了大量香口辛辣食物，來杯Smoothie中和一下剛好。"Yuja Yog

雖然呢間出名食雞，但係我今日冇食雞反而食其他，估唔到都好食😋😋今次叫左芝士年糕拉麵同海鮮煎餅，野飲就叫左瑪格利酒海鮮煎餅 $145煎餅好大塊，海鮮都好多，有蝦同八爪魚！餅煎得好香脆，沾埋秘製醬汁更加好食😋Yuja cocktail makgeolli $128芝士年糕拉麵 $168柚子瑪格利酒啖啖柚子香，甜甜地好易入口！係一大壺咁上，同朋友share岩岩好芝士年糕拉麵都好足料，入面竟然有芝士獅子狗😋年糕好煙靭配埋韓式醬汁👍🏻👍🏻👍🏻只係拉麵分量就唔算多芝士係最底，食到最尾會食到焦香芝士

本身見咁多好評，價錢又好進取，都好有期望，但食完係好失望。首先講飲品，叫咗strawberry yogurt smoothie + 柚子yogurt smoothie。58蚊杯，都算大杯，前者正常，後者係藥水味。食物叫咗人蔘雞湯，完全顛覆我對人蔘雞湯嘅印象，入面得兩隻雞脾、幾粒菇、一隻鮑魚同幾條粉絲，無乜蔘所以兜湯係無蔘味，完全可一不可再。另外叫咗海鮮泡菜煎餅，依個幾好都幾脆，材料都幾多。仲有叫咗甜辣芝士烤雞，餐牌寫可以揀辣度，問店員有咩辣揀，佢答我「正常辣囉」，我真係黑人問號咗，正常辣即係有幾辣？？？味道係ok嘅，微辣甜甜地，有獅子狗係入面都幾有趣。食完依三樣嘢同朋友都覺得唔夠飽，再叫咗芝士泡菜溶岩炒飯，飯有少許硬，味道亦過咸。如果價錢around100蚊我會收貨，但差不多200蚊一道菜我就真係唔收貨。特別想講佢上菜係極慢！！！食完一樣等勁耐先有另一樣，所以成餐飯個感覺係食得好空虛，唔知自己食咗乜，亦唔太飽唔滿足嘅感覺。服務亦好麻麻。四個人埋單過千蚊，唔值。

好耐無去韓國旅行，臨近聖誕，想去旅行嘅情緒又發作，既然去唔到韓國旅行，唯有食韓國美食啦！今次就選左Dodam Chicken，餐廳位置夠大，岩一邊食飯一邊傾計。三重芝士炸雞真係睇圖都流哂口水，佢分別係炸雞鋪滿芝士，鑊底又鋪滿芝士，仲有麵包入邊又有芝士！如果喜歡芝士既話，真係岩哂！炸雞唔會話好厚粉，幾個朋友分享就啱啱好！甜辣烤雞烤雞唔會太老，入邊既肉好鮮嫩，入邊有埋年糕，泡菜，唔會太辣，個汁適合配搭烤雞！半半薄餅薄餅好香脆，唔會食完好油膩，特別推薦黑松露！

銅鑼灣既利舞台美食林立，我搵左呢間正常整多既韓式炸雞店，感覺一下韓式聖誕。店員既服務非常有禮，而且好細心留意你既需要，定時都會幫我地反下d芝士以防痴底。老闆係一位韓國女士，同佢用英文溝通，感覺十分親切。店內環境好大，樓底亦算高，加上聖誕佈置，十分出色。半份 Honey butter chicken $145店家可以比我選擇 有骨雞 或 無骨雞，我揀左有骨，因為肉質會比較鮮嫩。外皮好甜好脆，又唔會好油，非常好食，下次一定要叫全份食。烤芝士牛排骨 ＄228食完呢份即刻會好飽，有大量芝士，再加埋牛排骨食真係一流。部隊鍋 ＄182我第一次食，感覺比想像中豐富好食好多，當中既材料我最鐘意係腸仔，有時唔一定要貴既食材先好食。

又去「Dodam Chicken」試下其他食物😗.海鮮泡菜餅🌶🌶新鮮炸起🔥🔥好大份😍😍😍食落脆卜卜😋😋好香口😆有蝦🦐🦐魷魚🦑🦑而且有好多泡菜，只係微微辣😬又唔會太油膩☺️☺️.招牌沙律薄餅🍕🍕個名幾特別🤪🤪🤪除咗面頭有沙律之外🥗主要係用沙律醬調味🤍另外有菇菌🍄三角椒🫑🫑雜菜絲🥬🥬同埋芝士🧀🧀批邊鬆脆帶微甜🤤🤤.食完飲杯梳打飲品就最正😬😬

行街經過利舞臺，想食韓國嘢，就上咗呢間，覺得幾好味，推薦比大家😋😋蜂蜜牛油脆雞（有骨）$148原本怕太多嘢食，只叫了半份，但發覺後悔叫得太少，因為實在太好味，蜜糖味同牛油味恰到好處，唔會太甜但牛油香好重，外脆內軟好味好味。部隊鍋 $182有時去啲餐廳食嘅部隊鍋都超級大份，永遠都食唔晒，而呢間既部隊鍋份量啱啱好，所以所有配料都可以清得晒，當然啦，前提都係因為佢好味。呢隻辣，唔好講笑，真係有韓國嘅味道。烤芝士牛排骨 $228芝士嘅份量好多，識吃既一定要將芝士包牛排骨一齊食，芝士嘅香味加埋牛肉味，配合得天衣無縫，唔好睇佢牛嘅份量唔多，但都好飽肚

閒日8:30嚟到銅鑼灣一間出名嘅韓式炸雞食嘢，冇諗過咁夜都仲咁多人，等咗差唔多30分鐘先入到位。喺聖誕節餐廳都裝飾得好有聖誕氣氛，又不斷播唔同嘅kpop音樂，韓國歌迷一定好鍾意。叫咗兩個呢度嘅招牌菜，本身驚全部叫炸雞會太濟食唔晒所以叫咗一個烤雞一個炸雞。雙重芝士麵包烤雞 $205本身以為只係嗌呢個加兩杯嘢飲兩個人唔夠食，點知一上到嚟其實份量都好驚人。佢除咗烤雞塊之外仲有獅子狗同韓式年糕。中間有一個用麵包裝住嘅Home make cream cheese。 成道菜唔算好辣嘅，而且有好多Mozzarella Cheese, 保證每舊雞都可以比芝士包住，拉絲效果非常好。 佢裡面都會有泡菜同洋蔥，令到道菜好香又唔會話食到好寡。 芝士醬香濃，中和翻辣味，唔食辣嘅朋友都唔使驚。好彩叫只係叫咗半份原味炸雞， 個度都起碼有十幾夠。佢包一個醃蘿蔔同埋兩個醬，分別係韓式甜辣將同埋蜜糖芥茉醬，咁就唔使驚話食原味食到厭。外皮炸得好香脆，肉質嫩嘅同保持到肉汁。不過就略嫌鹹咗少少。佢仲有好多唔同嘅飯同麵，可惜今次兩個人食真係食唔到咁多，有機會一定會嚟試吓。

近排去咗銅鑼灣食呢間韓國菜 唔知好唔好食呢😚👅𝑆𝑎𝑙𝑡𝑒𝑑 𝐸𝑔𝑔 𝑌𝑜𝑙𝑘 𝐶ℎ𝑖𝑐𝑘𝑒𝑛 (𝐵𝑜𝑛𝑒-𝐼𝑛) (𝐻𝑎𝑙𝑓) $148呢個係鹹蛋黃炸雞 超級邪惡🤤炸雞卜卜脆 外脆內嫩 入面嘅肉質唔會太鞋 食落鹹鹹地😛不過略嫌鹹蛋黃味都唔係好出 同埋冇起沙👅𝐵𝑢𝑑𝑎𝑒 𝐽𝑗𝑖𝑔𝑎𝑒 (𝐾𝑜𝑟𝑒𝑎𝑛 𝑆𝑎𝑢𝑠𝑎𝑔𝑒 𝑆𝑡𝑒𝑤) $182呢個推介大家一試‼️呢度嘅部隊鍋真係整得唔錯 好食過好多韓國餐廳 湯底夠濃郁 有少少辣 好惹味😋同埋都有幾多配料 有齊傳統嘅腸仔 午餐肉 芝士 泡菜同年糕 好好食🥰👅𝑆𝑒𝑎𝑓𝑜𝑜𝑑 𝐾𝑖𝑚𝑐ℎ𝑖 𝑃𝑎𝑛𝑐𝑎𝑘𝑒 $148薄餅煎得夠鬆脆 同埋都有幾多魷魚🦑 唔錯總括嚟講 呢間韓國餐廳都算唔錯😋不過環境就有啲嘈 但係大家經過銅鑼灣不妨一試😚😋 好味：8.01/10🤑 價錢：7.87/10🤗 服務：7.68/10😝 環境：7.20/10😚 衞生：7.32/10🤩 整體：8.00/10

好掛住韓國既炸雞，冇得去韓國，唯有喺香港食住Dodam Chicken先。餐廳位於利舞臺18樓。三重芝士脆雞 $205喜歡食芝士嘅你一定要叫👍🏻👍🏻👍🏻炸粉唔會好多，炸得香脆，雞件Juice。最正嘅係麵包入面嘅芝士醬，每一口炸雞都要點上芝士醬，100分👍🏻原來麵包係提子包，推介一定要食個包，提子包配上芝士醬簡直是絕配，麵包很軟熟，好正。真係好邪惡🤣🤣招牌甜辣芝士無骨烤雞 $198除咗有烤雞之外，還有芝士獅子狗，年糕和泡菜。芝士獅子狗勁好食😋半半薄餅GORGONZOLA + MARGARITA $158批底係薄，勁正，很香脆。凍柚子 $38

尋晚同朋友們試過✨Dodam Chicken✨後，覺得呢間都幾好食，唔錯🤤🤤💫招牌年糕 $148呢款年糕最啱啲想食韓國年糕，但又怕好辣既人！因為少少辣，幾惹味😋而且裡面有啲魚糕係入面，幾好食👍🏻💫三重芝士脆雞 $205一上枱勁吸引。我地即刻拎個生日牌同壽星女影下相先🤣 所謂既「三重芝士」就係中間個麵包裡面有🧀cream cheese，🧀mozzarella cheese鋪係底，再有🧀cheddar cheese淋係炸雞上面😱😱 再將炸雞沾上麵包裡面既cream cheese，成件事即刻變得好邪惡👻 但真係好好味🤤🤤 💫 海鮮泡菜餅$148呢個泡菜餅煎得好脆口❤️ 食落唔似出面食既有好多粉漿既感覺，而且裡面有好多海鮮，會令人忍不住想繼續食🙊💫 Mango Juice $58比想像中大杯，係鮮榨芒果汁，好香甜、好飲👍🏻烤雞同炸雞款式都多，亦有pizza同其他韓式小食及飯麵，下次要再試吓其他菜式先😆😆====================推介度：❤️4.5/5CP值：👍🏻4/5好味指數：👅4.5/5====================

呢一間位於銅鑼灣嘅韓國餐廳 見到佢餐牌上好多選擇 主要都係食一啲炸雞烤雞 就算唔想食雞都好亦都可以食一啲韓國嘅傳統食物 嗰日我就嗌左人蔘雞湯同埋兩款炸雞，仲有部隊鍋添！人蔘雞湯味道都幾濃 而且入面有成條人蔘 真係好足料 佢啲雞有成兩隻雞髀髀咁多 都幾入味 冬天飲番一碗成個人都暖返哂而佢嘅炸雞我哋嗌左個蜜糖蒜香有骨雞 佢嘅蜜糖味好香 個人都幾鍾意食呢一款 而且佢啲雞嘅骨唔會好大 完全係啖啖肉餐廳食飯就梗係要飲吓嘢啦 呢度都有幾款酒精飲品 亦都有燒酒等等