影片
更多
2021-05-10
1741 浏览
筲箕灣「形薈 Lime Gala」早排進駐咗好幾間新食肆，之前幫襯過 1/F 嗰間日本料理，最近留意到地下轉角位又新開咗間西餐廳「Dirty Skillet」。店舖以「Messy Eating」為概念，希望每位到訪的客人，都可以暫時放下儀態，盡情地享受面前嘅美食，聽落又幾有新意喎，一於去實地考察下。餐廳的環境好別緻，以馬戲團風格作裝潢，室內設有仿製 Merry Go Round 嘅影相位，唔使去「Disneyland」都可以感受到遊樂場嘅歡樂氣氛，啱晒鍾意周圍去打卡影靚相嘅朋友仔！食物選項很豐富，以 Sharing Plate 為主，除咗 Pizza、漢堡、意大利麵等之外，仲有 Shake Shake 海鮮、牛扒、生蠔、火焰芝士等供應，即使是挑食的朋友，都可以喺餐廳搵到啱口味的美食。點咗墨西哥脆餅配四川麻辣手撕雞 ($98) 同 Dirty Steak ($380) 各一客。Taco 烤得好香脆，入面的配料下得非常慷慨，除了手撕雞外，仲加入咗大熱嘅牛油果醬，番茄粒、sour cream 和莎莎醬等。手撕雞整得好入味，咬下啖啖肉，四川麻辣醬汁配上嫩滑雞肉，夠晒惹味。另一客 Dirty 牛
筲箕灣「形薈 Lime Gala」早排進駐咗好幾間新食肆，之前幫襯過 1/F 嗰間日本料理，最近留意到地下轉角位又新開咗間西餐廳「Dirty Skillet」。
店舖以「Messy Eating」為概念，希望每位到訪的客人，都可以暫時放下儀態，盡情地享受面前嘅美食，聽落又幾有新意喎，一於去實地考察下。
餐廳的環境好別緻，以馬戲團風格作裝潢，室內設有仿製 Merry Go Round 嘅影相位，唔使去「Disneyland」都可以感受到遊樂場嘅歡樂氣氛，啱晒鍾意周圍去打卡影靚相嘅朋友仔！
食物選項很豐富，以 Sharing Plate 為主，除咗 Pizza、漢堡、意大利麵等之外，仲有 Shake Shake 海鮮、牛扒、生蠔、火焰芝士等供應，即使是挑食的朋友，都可以喺餐廳搵到啱口味的美食。
點咗墨西哥脆餅配四川麻辣手撕雞 ($98) 同 Dirty Steak ($380) 各一客。
Taco 烤得好香脆，入面的配料下得非常慷慨，除了手撕雞外，仲加入咗大熱嘅牛油果醬，番茄粒、sour cream 和莎莎醬等。手撕雞整得好入味，咬下啖啖肉，四川麻辣醬汁配上嫩滑雞肉，夠晒惹味。
另一客 Dirty 牛扒亦非常吸引，牛扒以煎鍋盛載，上檯時還「滋滋」作響，真係未食先興奮！牛扒每一塊都切得勁厚身，入口甘香鬆化，夠嫩滑又多汁，對鋸扒有要求的食肉獸而言，絕對食得過。
估唔到連伴吃的配菜都一樣咁高質，幼身長形的薯條炸至色澤金黃，熱辣辣又夠脆口。旁邊的蒜頭花亦非常美味，入口帶陣陣蒜香，軟糯又香甜。
飲品點咗酸甜清爽的 Passionfruit Lime Soda ($48) 同 提神醒胃的 Tonic Coffee ($48)，兩款都好 IGable。其實仲有一系列嘅邋遢飲品都好想試，不過都係留肚食甜品。
甜品有 5 款，點咗伯爵茶·薰衣草·檸檬戚風蛋糕 ($65)，件蛋糕賣相好精美，以鮮果同淡忌廉作點綴，真的令人忍唔住馬上拍照。質感相當對辦，內層氣孔綿密，彈性十足，食落口感好鬆軟，茶香亦恰到好處，香味清新又突出，不會過濃，非常討好。
张贴
