Deep Sea Oyster & Steak

营业中

休息中

尋晚同朋友去山林道試咗間餐廳一入內裝修好有氣氛, 有我喜歡既貓貓裝飾,好鍾意! 睇餐牌好多選擇仲有生蠔食價錢不太貴, 下次要再嚟試, 先叫了燒雞泡魚乾甜甜暖暖的配沙律醬一流,啱晒做小食, 點了燒秋葵上枱熱烘烘好脆口夠新鮮, 點了爆汁日式炸雞真係爆汁香脆,美味! 點了德島燒雞腎唔乾身,讚! 又點了安格斯薄燒香噴噴上枱, 安格斯牛真係好唔同,夠肉味,多汁,好美味,最後點了二柸飲品, 西柚梳打同埋荔枝烏龍茶,二款飲品配燒物一流, 見隔離枱叫了生蠔都幾大隻,好新鮮, 係度可以慢慢用餐，同朋友傾下講下，又一聚腳地，下次要再嚟試下先!

又到左搵飯食時間🥳去完歐洲之後成日都心心念念住法國生蠔所以特登搵左間食生蠔嘅餐廳去止一止癮一入去就見到個大餐牌一共有7款蠔㨂🥳而最重要係竟然有schaller!!!!Schaller 真係無得輸 一有schaller 基本上唔使睇其他即刻叫兩隻食！蠔味好濃郁 加埋海水味同埋少少檸檬汁真係最高嘅享受食完成餐飯之後口腔都仲齒頰留香真係冇得彈鐘意食蠔嘅話 真係一定要試！呢杯並唔係水😆係椰青水💕雖然食蠔好適合飲酒但個日突然好小朋友口味😆 鵝肝多士都好好食鵝肝好大件多士亦都好脆🤫大滿足！燒山藥就正常水準，冇乜特別😆$38有兩串比起其他餐廳都算抵食但係個香辣蝦蝦意粉要讚下👍🏻一碟意粉，有成七隻蝦！仲要隻隻都彈牙，夠晒入味！💕辣度唔算好強勁係比較爽口嘅辣！

呢日朋友嚟左呢間餐廳食晚飯，喺地鐵站行過嚟都幾近7分鐘到就到，一上到嚟見餐廳既環境覺得印象幾好，好有氣氛。尤其喺佢暗暗地又有啲燭光燈飾咁。之後我地叫左好多野食，有小食,串燒同一個套餐。佢既雞泡魚乾甜甜地，唔腥。對於人生第一次食雞泡乾既我，會覺得有驚喜，同埋佢份量剛好，會想keep住食，如果配埋啤酒一流。小食就叫左黑松露薯條，feel到啲薯條係新鮮既，熱辣辣，好脆同份量好足。用既係比較粗既薯條，好有薯味。個醬都幾好食，一齊食唔會覺得好油膩。Set就叫左深海商務套餐，不得不說，真係好食。有餐湯，沙律，刺身拼盤，鵝肝多士，2款蠔（美國同西班牙），而主菜我地揀左安格斯肉眼，仲有餐有既深海拉麵。店員好好，上菜速度配合用餐既速度，可以慢慢享受到啲食物。刺身新鮮，象拔蚌爽口，鮮甜，蠔都好甜同肥美。鵝肝既話好特別，佢配埋蕎頭同醃蘿蔔，可以解膩。安格斯都係跟足我地要求5成熟，唔會太熟同唔會好靭。最特別既係，冇諗過食西餐會仲會有日式既拉麵。佢既深海拉麵，名符其名，好深海。因為一上菜，就聞到好香既蝦味。賣相都好好睇。總而言之，餐廳氣氛好，餐具靚，同埋係每樣嘢食都好食，好難得。有機會嘅話會再去。

位置於山林道既隱世西餐廳環境相當舒服乾淨裝修精緻適合3-4個朋友一齊食飯傾偈😁由於位於13/F所以可以係餐廳既窗望出去見到天空好舒服😌呢度有好多食物選擇😋海膽三文魚他他配多士$148呢個超級好食海膽滿有鮮味上菜時個多士熱辣辣嘅賣上又相當靚☺️推介一定要試👍😋三文魚湯沒想過沒有味精嘅三文魚湯係可以咁好飲嘅濃濃既魚湯味非常有誠意嘅製作推介👍😋鵝肝多士 $98非常之好食多士又熱又脆推介👍😋忌廉白酒煮青口配薯條$188薯條夠熱夠脆個忌廉白酒汁味道十分好好想encore多啲薯條清曬個汁佢😋燒雞泡魚乾同樣好好食非常惹味推介😋燒秋葵一每碟有6條秋葵食材新鮮燒得剛剛好一d都唔油膩整體餐廳嘅食物樣樣都好食食材新鮮同有誠意製作的餐廳今晚係平日嚟試由於我book 6pm所以開頭只有我哋一枱但不久後餐廳都差唔多滿座隔離枱仲order左龍蝦同生蠔好吸引下次同朋友黎會試下餐廳還有供應不同的酒配生蠔同刺身食非常多選擇既餐廳一定會再嚟🤗

咁啱就黎係 Halloween ，所以門口佈置咗啲公仔，好可愛。氣氛幾好，坐得舒服，好啱同班朋友慢慢吹。主要嗌咗小食， 同朋友一邊傾計一邊share。雞泡魚乾，附蟹籽沙律醬。雖然係魚乾，但唔會太乾太硬，唔洗點醬都好食。如果會飲酒嘅話做下酒菜，應該會好合適。串燒即叫即燒好香口。燒牛舌心串，好嫩唔會韌。燒鰻魚，唔係menu入面，係見到佢黑板上面有寫所以叫黎試下。 下次黎可以留意下佢黑板上面應該有啲係期間限定嘅item。雞肉大蔥串 燒得啱啱好 啲蔥仲係爽口，唔會淋曬。怕太多肉嘅，可以叫串燒車厘茄，佢唔會燒到太乾，酸味味refresh下。貪得意嗌咗碟黑松露薯條，估唔到好有驚喜。首先份量好大份，4個人分黎食都好夠。我估佢係用氣炸新鮮炸起，所以唔會好油。而且除咗鹽，仲額外加咗啲胡椒粉調味，剩食薯條都好好食。黑松露醬分開上，唔會搞到啲薯條林曬，不過份量有啲少，點曬都仲有大半薯條剩。美國安格斯肉眼扒，叫咗五成熟，煎得啱啱好又多肉汁。比較特別係上面有炸蒜片，配牛扒一齊食增加口感之餘，亦好夾濃郁嘅肉味。配菜用牛油炒過，好香口。

為慶祝友人回港，揀咗喺山林道嘅一間西餐廳食好野～先試咗個前菜沙律，係松業蟹肉沙律。都幾大碟，而且蟹肉份量都算多，肉質都好香好新鮮，配咗麻醬，好fresh.燒牛舌芯串，燒得好香口，擠上檸檬汁超好味，入口軟熟。牛油炒螺片，螺片好爽口彈牙，好新鮮！牛油炒什菌，不過不失，牛油味好香濃！叫咗友人最愛嘅燒日本原隻尤魚，賣相好靚，嚼頭十足，好惹味～五成熟嘅美國安格斯肉眼，肉質好粉嫩，入口牛味最極濃，又大塊，推介！最後食多個松露蟹膏意粉，都幾creamy, 松露同蟹膏同樣濃味，一齊食都好正！

餐廳裝修簡潔舒適，座位闊落唔擠迫，有落地大玻璃可以看街景。室內燈光昏暗，每張枱都有一盞蠟燭🕯️燃點加上餐廳不停播📻一些輕快的音樂🎶🎵，吃起晚餐來很有氣氛👍，雖然係樓上店但係有很多熟客幫襯，可想而知受歡迎的程度。👍💯餐牌選擇種類好多，有刺身、活海鮮🦐🐟🦀🦪、鐵板燒、扒類🥩、燒烤或炸食物🍗🍟🍤、麵類🍝🍜、沙律🥗、甜品🍮🍨🍧、套餐，有酒精🍾🍷🥃🍻和沒酒精的飲品🥤🧋🧃，每日更有生蠔🦪供應，而且價錢唔貴好抵食。👍💯松露蟹膏意粉🍝$148一上枱已經聞到松露的香味，意粉🍝很有口感唔淋，蟹膏蟹肉沾滿了意粉吃落很creamy，好香好滑好味😋，仲有好多蘑菇碎增加口感，值得推薦！🫶👍💯海膽三文魚他他配多士🍞$148賣相一流好吸引😍，大大嚿海膽鋪在三文魚他他上，海膽新鮮味甜，三文魚撈咗他他醬配合海膽一齊食原來好夾，值得一讚！👍角切魚生沙律🥗$98沙律🥗大大碟，有沙律🥬🥦、青瓜🥒、車厘茄🍅，沙律菜上面鋪滿了魚生碎，有三文魚、吞拿魚、魷魚和蟹子，沙律菜新鮮爽脆魚生碎新鮮，配上日式芝麻醬一齊食好味開胃。😋👍🫶爆汁日式炸雞🐔$88炸雞🐔表面炸得很香脆，話明係爆汁所以一咬落去就有啲湯汁流出嚟，雞肉🐔就算炸過仍然保持嫩滑，

今日帶大家嚟到尖沙咀覓食😋喺山林道入邊原來收埋咗一堆餐廳！見到呢間9點後有7折✨就揀你啦！🌟鵝肝多士 $98鵝肝大大嚿！咬落外脆內軟，入口係滿滿嘅油脂感😋配埋焗到脆卜卜嘅多士，滿足感MAX!🌟1人餐 $498是日餐湯、什菜沙律、生蠔2隻、牛油煎大蝦2隻、美國安格斯肉眼 呢個餐跟咗好多嘢～是日餐湯係三文魚麵豉湯，內有三文魚肉，飲落足料又暖胃🤍沙律菜新鮮，係無咁肥嘅黑醋汁取代沙律醬，清爽開胃✨🦪生蠔分別有西班牙&美國兩款，西班牙嘅食落甜啲，但海水味相對上淡；美國蠔就海水味重，鮮味出😋即使我同我frd唔同口味都啱食！大家唔知邊款啱自己嘅可以問返店員介紹～🦐牛油煎大蝦2隻大蝦生前好似係運動健將咁，操到自己好fit! 食落新鮮啖啖肉，肉質爽口彈牙！🥩美國安格斯肉眼嗌咗5成熟，隻牛生前營養好豐富，食落油脂感拍得住和牛咁癲！食落牛味重，不過呢塊略嫌筋位有啲多🙌🏻薯條炸到脆卜卜，用咗粗薯好有口感🫶🏻仲有炸蒜片同啲蔬菜，可以中和返牛嘅油脂感～無咁漏😛🍸石榴特飲呢杯係石榴汁加梳打水～飲落甜甜哋都幾fresh～

呢間西餐廳比我預期中好食好多！我試咗佢哋嘅蒜香安格斯牛肉薄燒，同埋加拿大斧頭豬扒同蒜香青醬雞肉意粉，每一道都好好味！蒜香安格斯牛肉薄燒啲牛肉好嫩好滑，入口即溶，而蒜香味就啱啱好，加埋燒汁同細嘅沙律，組合得好正，燒汁有啲甜味同香氣，而沙律清新多汁，好平衡同出色。加拿大斧頭豬扒同沙律，豬扒煎得啱啱好，外脆內嫩，保留住豬肉嘅鮮味同多汁。豬扒好有質感，咬落去好滿足！同埋佢嘅沙律都好清爽，整道菜更加豐富同均衡！最後係蒜香青醬雞肉意粉。呢道意粉好開胃。雞肉好嫩多汁，配埋蒜香青醬，味道鮮美同清新。成道菜味道好平衡，每口都可以感受到唔同嘅層次，真係令人忍唔住要再食多幾啖。而餐廳嘅環境都好舒服、好寧靜同有格調，令人好放鬆同舒服。燈飾設計得好靚，營造咗一種溫馨嘅用餐氛圍，好浪漫。坐喺度，食住嘢，真係好chill! 因為食物份量夠大，我實在唔夠位試生蠔，真係好可惜。不過，我下次一定會再去，一定要試佢哋嘅招牌生蠔！聽講佢哋好好食，我已經好期待下一次再嚟！我已經將呢間餐廳加入我嘅食記清單，一定要留意時間去試下佢哋出名嘅生蠔！

靚靚復古裝修扒房 😍上網見到呢度啲生蠔同扒岀名，就同朋友嚟試下。上到嚟嘅感覺覺得裝修好花心思，好有古典裝修氣息😍 好似去咗外國d local 餐廳甘。 美國珍珠蠔N1 見到佢個季節限定餐牌有唔同國家同唔同size 嘅蠔，就揀咗呢一款偏creamy 嘅珍珠蠔一上到枱就例牌試吓用個叉搞吓個裙邊，結果就真係即刻縮 ！ 好新鮮🦪食落去好Creamy 同埋鮮甜， 同時都有淡淡的海水味 唔會太鹹！ 而且N1 都真係幾大隻 同埋好厚肉💯嗌幾隻做前菜啱啱好，大推介👍🏻👍🏻紐西蘭羊架睇相就見到真係啱啱好五成熟，裏面係粉嫩嘅！ 食落口好Juicy 亦有少少羊臊味，調味適中。另外佢side dish 係薯角同埋翠玉瓜+紅蘿蔔+ 菇。 蔬菜就用牛油炒，薯角熱辣辣上。香辣蝦蝦炒意粉🌶️🌶️🌶️食落去酸酸辣辣 有辣椒仔嘅味道 👅 幾惹味不過都真係幾辣🤣唔食得辣嘅話可以試其他意粉 🍝 餐廳嘅環境都幾舒適，好啱情侶拍拖嚟❤️❤️❤️

海膽三文魚他他配多士 $148加拿大海膽好容易會淡味或者變腥 , 而呢款海膽多士嘅加拿大海膽係意想不到咁好食鮮甜!! 係鮮甜有海水味再入口即溶, 加埋三文魚青瓜他他同埋咬落好香脆嘅多士, 2件真係會唔夠喉㗎!!西京燒比目魚 $128魚皮燒得焦香煙韌 , 比目魚肉質嫩滑, 燒得迫出好多魚油充滿魚油香 , 想解　膩醒胃D可以沾沙律醬同埋仲有酸甜芝麻醬沙律配菜法國 Ostra Regal N1 $70生蠔美味新鮮! 蠔身圓潤 入口爽脆 , 甜味都明顯 , 仲有aftertaste一小段法國 Josephine N2 $70生蠔美味新鮮! 蠔身幼滑 入口淡甜 , 海水味豐富濃郁Deep Sea 石榴特飲 $38令人開胃嘅石榴有氣特飲*～**～**～*～**～**～*～**～**～*～**～💌地址：Deep Sea Oyster & Steak (尖沙咀)尖沙咀山林道38號銀座38 13樓A號舖*～**～**～*～**～**～*～**～**～*～**～

‍🧚‍♀️尖沙咀山林道近呢幾年開咗唔小高質餐廳，今日同朋友去食一間西餐廳～🍄蒜香牛油炒雜菇呢道菜牛油味香而不漏，忍唔住一啖接一啖😋😋😋🦆法式鵝肝多士呢個真係必點！！！鵝肝個膻味唔重，表面煎到好香脆，入面又好juicy💓💓朋友平時麻麻地鵝肝都大讚！加上份量都大件，性價比好高！🦪忌廉白酒煮青口餐廳用上紐西蘭青口，細細隻但係比本地青口嫩滑鮮甜😋😋 🦀蟹肉忌廉意粉蟹肉份量好多，加上白汁好掛汁但又唔好太痴口，推推推

同朋友放工去尖沙咀，想搵間西餐坐吓傾吓偈，不過其實我哋兩個都唔太想飲酒，於是揀咗間喺山林道嘅西餐廳，食完再去食甜品🤣同朋友兩個人大概六點半左右上到去，餐廳大概有30個位，發現都應該係Booking為主，到7:30左右已經坐滿。餐廳嘅餐牌好特別，有西餐生蠔牛扒，同時又有日式嘅鐵板燒。於是我哋叫咗啲有星星嘅item😂揀咗個燒牛舌，老實講比想像中有驚喜，牛舌嘅厚度可以保持到佢嘅肉汁，咬落去唔會太un，係啱啱好嘅感覺，一人食一串都好似唔太夠咁😂仲揀左蘆筍炒鮑魚，望落去應該有一隻鮑魚嘅份量，佢都係落咗黑椒同鹽去炒，鮑魚係新鮮嘅，咬落去彈牙。因為好想食魚，所以叫咗個西京燒比目魚，有啲芝麻醬沙律做伴碟，魚燒得非常之香脆，而且調味啱啱好。比目魚本身油脂分布平均，同朋友食完都覺得想再食多啲😂松露蟹膏意粉嘅份量啱啱好，除咗意粉之外仲可以同朋友share其他嘢，而且松露味竟然同蟹膏都幾夾🥰食嘅時候，見到隔籬左右都係飲酒同食蠔，下次有機會都要試下🥰

前排黎銀座38食嘢都已經留意到呢間餐廳，今日終於有時間黎食😋😋同朋友兩個人揀左個深海商務套餐，咁就唔使煩嗌乜好😆🥗被雜菜沙律surprised到，個沙律汁酸酸甜甜又帶點兒辣，好似泰式醬汁，幾開胃👍🏿是日南瓜忌廉湯都夠味。🍣迷你刺身拼盤有三文魚、海螺同甜蝦，海螺肉質爽口，甜蝦都好鮮甜。🦪西班牙 & 美國生蠔美國生蠔較清甜，西班牙生蠔則味道較濃，同埋好大隻好飽滿😆😋🪿煎脆皮鵝肝同朋友一致認為呢道菜係今日嘅mvp！鵝肝一啲都唔騷，而且塊包脆得黎唔會過硬，所有嘢都恰到好處👍🏿👍🏿👍🏿🐄美國安格斯肉眼(五成熟)一上檯震驚到我嘅眼球，塊扒竟然比我手掌仲大塊！🤣除左份量取勝，佢嘅味道都唔錯，如果冇咁韌會再好啲🤣🍜深海海鮮拉麵湯底係黑蒜油豬骨湯～拉麵都幾有咬口，隻蝦🦐肉質爽彈，味道正常。🍸西柚梳打 & 荔枝烏龍茶荔枝烏龍茶個茶味都幾出，兩杯飲品都唔會太甜，幾好👍🏿整體而言，呢間餐廳嘅食物質素都唔錯，環境佈置都好適合情侶dating/朋友聚會😌不過冷氣就稍微凍左啲，嘢食上檯冇幾耐就凍曬了，呢方面可以再改善下～

Deep Sea Oyster&Steak是一家高級且清幽的餐廳，提供了精緻的海鮮和牛排料理。這裡的用餐環境非常舒適，氛圍高雅，讓人彷彿置身於一個專屬的私人聚會場所。他們的主食之一是松露蟹膏意粉，這道菜給人留下深刻的印象。意粉煮得剛好彈牙，搭配蟹膏和松露的香氣，散發出一種濃郁的味道。每一口都充滿了海鮮的鮮甜和松露的香濃，令人回味無窮。在小食方面，燒雞泡魚乾是一道獨特的組合。燒雞的外皮烤得酥脆，內裡卻保持著嫩滑的口感，搭配上魚乾的鹹香，形成了口味的層次感。另外，松露炸薯條也是一個絕佳的選擇。薯條金黃酥脆，每一根都帶著松露的香氣，讓人難以抗拒。而西京燒比目魚則是口感鮮嫩，搭配上獨特的西京燒醬汁，帶來了一種和諧的風味。最後，他們的甜品朱古力慕絲蛋糕絕對是一個完美的結尾。蛋糕慕絲細緻柔滑，朱古力的香氣彌漫在口中，帶來了甜蜜的享受。每一口都讓人陶醉其中，絕對是甜品愛好者的天堂。總結，Deep Sea Oyster&Steak提供了一個令人難忘的用餐體驗。他們的菜品精心製作，味道獨特，讓人垂涎欲滴。加上舒適的環境和專業的服務，這裡是享受美食和放鬆心靈的絕佳去處。無論是與摯愛共度浪漫之夜，還是和朋友