○de▽ 鯛白湯らーめん

营业中

休息中

💋 鲷白湯拉麵 ($138) + 櫻木煙燻糖心蛋 ($15)呢間拉麵店同上次介紹既座銀雞白湯拉麵係同一個集團，而且地點都喺附近😗 魚白湯一樣採用打泡既方式，魚味超濃郁，仲會食到攪碎咗既粒粒魚肉🥰🥰 不過食到最尾幾啖個湯濃到重口味既小編都飲唔落 🤣 而且個人覺得個柚子醬麻麻地，亦都唔鍾意湯入面加咗洋蔥粒 🧅 糖心蛋就同座銀一樣出色，好香煙燻味 🤤 另外要注意鋪頭位置較少，平日中午12:15去到都要等半個鐘先有位😭（📈推薦程度：7.5/10）結論：記得早d去排隊啦😜

早排行行吓上鴨巴甸街，見到一條長長嘅人龍排到入後巷，於是即刻上前睇吓。原來係一間拉麵店。見到咁多人喺午飯時間都唔介意排隊等嘅情況下，就梗係派埋一份啦。喺排隊嘅期間望入店入邊，見到人哋食緊一個出晒煙嘅沾麵，排完隊一入到去就當然係即刻叫啦。而朋友就叫咗一份普通正常魚湯拉麵，再加多咗一份排骨，一齊分享食。個沾麵一嚟到，出晒煙咁，當然就係好開心咁影相先啦。佢唔單止個外表靚吸引，從真係有內涵。個煎麵湯底好濃郁，再加上個麵底係有少少凍嘅拉麵，再沾落去個湯底度食，啱啱好夠晒味。而個魚湯拉麵，就係個湯底好好味，有魚鮮味但又唔腥，食下食下唔覺就飲晒啲湯。至於個排骨，唔油膩，配埋個麵，一個豐富嘅午餐就集齊晒啦

呢間中環人氣拉麵店～主打白鯛湯底！食飯時間一定大排長龍，每次都冇機會等到位食🥲🥲🥲🥲今日因為公司有活動，所以3點先食lunch! 即刻同同事諗到去食呢間人氣拉麵店！😍😍😍😍去到雖然唔駛排隊，但沾麵已經sold out! 所以大家都一齊點咗白鯛拉麵食～餐廳需要係外面點餐機先選擇同付款，然後再入坐～餐廳座位比較少～但非常有日本簡約風設計感～濃濃的白鯛拉麵上枱🍜 好香呀！第一次見到白鯛湯底嘅真身，好特別，竟然有泡沫係上面～味道真係好濃好濃！好濃魚味～然後碗邊有一撇黃色柚子味嘅醬，應該係比大家食到膩嘅時候再加入到湯底食～✅✅✅呢碗拉麵好好味，但日日食應該會好膩～食悶咗豚骨拉麵、雞湯拉麵⋯絕對要一試白鯛拉麵！😉😉

由呢間拉麵店開業已經開始幫襯直到而家永遠都係好多人排隊🚶🏻‍♂️🚶🏻‍♂️🚶🏻‍♂️每個月都好掛住佢嘅湯所以每仲月總會食一次🍜主打三款拉麵包括❗️鯛白湯❗️鯛清湯❗️鯛沾麵食過咁多次都係覺得鯛白湯拉麵，所以試過哂三隻拉麵之後都會揀返鯛白湯。鯛白湯拉麵($138)🍜🐟鯛魚湯底好新鮮😋，好鮮甜好濃㴟creamy嘅魚香味🐟。拉麵上面仲放咗洋蔥同鯛魚肉粒同埋一片薄薄地嘅叉燒重有切成魷魚遊戲形狀嘅露荀⚪️🔺今日食起嚟個面底林咗少少比起之前，我鍾意食硬一啲嘅拉麵因為比較有咬口🍜而係碗邊嘅係一啲柚子醬，當你差唔多食完個拉麵嘅時候啲湯都會比較濃味。如果呢個時候就可以加入適量嘅有柚子醬去中和一下。👅拉麵店嘅炸雞都都好食。但由於今次只係一個人食所以就冇叫到🥲推薦？🟡🟡🟡🟡🟡本人認為鯛魚湯好食過soba，姊妹拉麵店soba都係勁多人排隊😂🎈○de▽ 鯛白湯らーめん地址: 中環鴨巴甸街13號地舖

大阪過江龍🍜一早已經book mark咗😜今日嚟到中上環食lunch😋中午12點已經開始排隊🥲❣️鯛白湯拉麵🍜喜歡柚子口味嘅朋友一定要試😆湯底充滿着濃濃嘅魚湯但一d都唔腥，特別之處係亦都有淡淡的柚子味，面裏面有魚肉碎，洋蔥，叉燒，旁邊黃色嘅係柚子醬，用黎中和一下👏🏼❣️鯛沾麵，聽說會好快賣哂，所以一定要試😎伴住乾冰上嘅麵一上枱就好eye catching👀❣️呢度嘅麵同一般嘅拉麵好唔同，有啲似中國嘅刀削麵，原來咁樣係有更加強嘅掛麵效果😍淡淡食落去都好似飲緊一小啖湯咁樣，麵質非常之好👍沾麵湯頭裏面都有洋蔥叉燒粒魚肉碎👏🏼❣️唯一問題係食到最後面開始凍湯亦開始凍感覺有啲冷冰冰😅大家一上枱唔好掛住影相，要好好趁熱食品嚐😊❣️煙燻糖心蛋🥚淡淡煙熏味，食得出廚師用心處理👍❣️舖頭地方唔算大，繁忙時間一定要等位，但店員都好有心機每枱介紹😃💚💚💚💚💚

行左一陣終於去到Ode▼鯛白湯らーめん傳聞呢間拉麵要排長龍等位，店舖招牌拉麵有3款 1.鯛白湯2.鯛清湯3.鯛沾麵店內既座位吾算好多，餐枱會有指引教大家食拉麵既先後次序，仲會提供圍裙同濕紙巾，幾貼心-鯛白湯拉麵 $138 賣相好吸引，鯛白湯湯底呈乳白色用鯛魚配合其他材料餚岀濃郁，鯛魚湯湯底即使飲完都吾會口渴，碗邊有柚子醬比每位拉麵殺手享用，可以配合一齊食令白湯既味道升一個層次，麵身較為硬，系會回頭既拉麵店之一！

又黎一間排哂隊既拉麵店，排到門口職員就會比menu 你睇完就即刻比埋錢，一坐低就好快有碗熱辣辣既拉麵食得😉 鋪面座位好少，坐bar 枱可以望住廚師煮麵真係好有風味。1️⃣鯛清湯 $138一心黎到係想叫沾麵，但沾麵既沽清速度實在太驚人😖 今次就試住鯛清湯先啦😬原來食麵都有指引嫁，建議1分鐘拍攝時間，因為驚個湯凍左，對我乜都相機食先既人黎講絕對係一個超溫馨提示🤣試第一啖個湯真係非常清甜鮮味，再配上餐廳手工製既牡蠣油，完全變左另一個口味，濃濃既牡蠣油好香而不膩真係好正呀😝配料方面就有嫩滑既叉燒，鯛魚肉，荀片仲有兩塊好好味既鯛魚皮😋2️⃣日式炸雞 $48小食選擇不多，我就求其叫左個炸雞，聽講個炸雞係拎過獎嫁😬炸雞係即叫即炸，所以要時間等。有3大舊但賣相就普通d，皮脆有肉汁，但味道就好似淨係得面頭既咖喱粉🤔

說是大阪過江龍，鯛魚湯拉麵日賣百多碗，年中試業期間中午便排長龍。早前趁假日慕名來試，店剛開，不用排隊。在門外售賣機落單後便獲安排入座。白湯拉麵湯底濃郁，鹹度適中，魚肉叉燒沒有太驚豔，麵底是較腍身，個人偏好有口感的拉麵，整體中規中矩。沾麵的麵附以乾冰送上，視覺滿分，麵底是闊面，大範圍地掛汁，不錯，不過如果偏硬一點較好。湯底沒強烈鯛魚味，反有點像平常的鏗魚沾麵湯汁，而且湯汁不夠熱，沾幾次麵便全涼了。炸魚皮沒特別，可以不用浪費金錢了，反而炸雞配上咖哩粉是有點喜出望外，值得點。

知道呢間過江龍拉麵店成日都要排長龍，甘啱去開中上環做野，就即刻約朋友去試吓過左lunch 最繁忙時間，等左十分鐘就入得店舖係先買野食後入座。因為鯛魚沾麵係限量的，幸運地最後一碗比我地食到，唔係又要等下次鯛魚沾麵 - 非常打卡able， 有乾冰制做效果，一黎碗麵就相機食先。鯛魚湯好濃厚，湯底有魚肉，麵係粗類似刀削麵，可惜麵係涼既，有痴埋一舊舊的感覺，總結都不錯鯛魚白湯拉麵 - 麵係掛湯，鯛魚湯濃，都好多魚肉，食完好有滿足感炸雞 - 熱辣辣，好有肉汁，好食過好多食雞專門店食完好有去完日本的感覺

星期日晚餐時路過呢間拉麵店，見到係唯一一間有人排隊的餐廳，於是好好奇上網睇下，咦，原來都幾出名幾多好評，好啦咁就試下啦。由未入到去到準備食侍應服務態度都好好，好用心咁解釋不同拉麵的特色同食法，有被款待的感覺。朋友的白湯非常濃厚，同我叫的清湯係完全兩種感覺，侍應介紹時話如果覺得太濃可以加碗邊的柚子醬，個人覺得加落個湯到會比就咁食好，就咁食會有少少柚子的苦味。我叫左清湯，湯底有好鮮甜的鯛魚味，上面啲鯛魚煎得好香，最最出色係佢個炸魚皮點蠔醬，之後個蠔醬仲可以加埋落湯吊個鮮味出嚟。食日本拉麵個湯真係精髓，呢間個精髓好掂！

本身鍾意魚湯加上這間是過江龍店，一定要試吓，先點餐俾錢後入坐，店內坐位不算多，當日無哂沾麵，叫了鯛白湯及鯛清湯，我自己比較like鯛清湯，魚味出啲，清啲，鯛白湯我覺得比較䶢，另外叫了糖芯蛋同日式炸雞，兩者味道不過不失，價錢方面並不便宜，不過也值得一試.

大阪過江龍拉麵，開業一年Lunch Hour都係要排隊。大概1:40到達，等咗廿分鐘左右入去。因為排隊期間已經點好餐，所以坐低唔夠10分鐘啲嘢食已經到啦主打三款鯛白湯拉麵 $138鯛清湯拉麵 $138鯛沾麵 $148拉麵爽口彈牙，魚湯夠濃唔腥但味道唔太令人有深刻感覺。沾麵上枱冒煙，視覺滿分，波浪寬麵掛到湯係幾特別。感覺比湯麵🍜好一點。但冷氣太大，個湯好快凍晒🥺估唔印象最深刻係炸雞，皮肥肉嫩，如果可以淨係嚟食炸雞我都會認真考慮😂

今次特登黎到中環試一試依間過江龍，夜晚黎入座唔算好多人，係出面部機買完就可以入座。餐廳環境都算幾光猛，可以直接望到廚房煮麵，感覺幾正，但鋪頭入面座位唔算多。碗麵一黎到就即刻出哂煙，好岩打卡用! 因為我冇睇過評價，唔知道原來佢個麵條有少少似台灣拌麵果一種，食落非常掛汁，好有驚喜。而個沾麵汁就好濃，可以食到魚既鮮味，入麵仲有d魚粒，幾好味。整體餐廳環境同食物質素都算中上，但沾麵黎講，$148就略嫌有少少貴，未試過鯛魚湯沾麵可以一試!

○de▽ 鯛白湯らーめん (中環)📍中環鴨巴甸街13號地舖濃濃嘅鯛魚白湯拉麵，我比較推薦湯拉麵，好食過沾麵～日式嘅湯底永遠比到好驚喜嘅感覺出嚟，因為你睇落去佢好似清到冇乜味，但係當你呷完第一口，你味蕾就會感受到佢嘅爆炸力！拉麵旁邊有一抹柚子，自行決定加唔加，好清新架～沾麵個湯底好濃，好足料，濃到直頭用匙羹筆一啖湯你係會見到有渣，好似紅酒有沉澱物咁樣真係不得了！唔食魚嘅朋友都絕對可以一試，完全無腥味㗎😋

平時lunch hour行過經常排長龍，咁岩有日夜晚見無人排就即刻去試！建議夜晚嚟會唔洗等太耐！員工非常友善，有介紹menu。地方唔太大，但都有位置可以放好個袋。亦有條圍巾仔唔怕湯汁彈到整污糟件衫。鯛魚湯做湯底唔係好多地方有，今次試左個沾麵，一上就出哂煙好好效果，影相一流✨麵質剛剛好， 唔會太淋，足以掛到湯，淡淡都食到濃厚鯛魚湯味！沾麵汁平時好怕會好快凍，佢地都做得夠熱！麵分量亦夠食，非常滿足。下次要試埋佢地既湯拉麵！