Day and Nite by Master Kama (已結業)

之前已經同朋友係Master Kama度食過龍蝦包，最近諗起呢間餐廳，於是有約朋友去睇吓有咩新野食我哋叫咗個龍蝦芝士Mac n cheese，有好大個蟹鉗同埋好多好多好多嘅芝士係上面，重要嘅嘢要講三次Master分享盤，裡面有炸芝士條，雞軟骨餃子，仲有好多其他小食，基本上你點呢一份已經試晒所有小食，而且每樣都係兩三件，唔會試唔晒馬糞海膽茶漬飯，海膽超級好味，不過對於我呢個唔係太愛吃飯嘅人來講，飯量比較多咗啲，如果可以略為減少更好龍蝦茶碗蒸，我覺得都係去返日式餐廳食茶碗蒸比較好，唔太特別呢度坐既位都幾舒服，同朋友黎食飯傾計都開心

風吹雨成花 時間追不上白馬12年前既拍拖餐廳已換成其他餐廳了。 今日心血來潮, 去找尋當年拍拖既感覺。原來變左以龍蝦為主題既餐廳, 故人舊地重遊, 我地叫左蟹宴慶祝一下。侍應告知蟹唔夠, 部份會以龍蝦肉供應。 好野, 咁可以食哂我最鍾意既兩種肉了先黎前菜, 有6種咁多, 我最鍾意呢個蜆肉。 老公就全部都好鍾意食。等左15分鐘先有個鍋, 我地就用餐廳既蟹公仔係咁影相。 幾搞笑。因為用紙火鍋既關係, 個容量有限。我地食左3個鐘先食哂。 先煮左菜因為想快d食, 其實每次都要等10分鐘先滾到架。 可以影住相傾下計先。途中, 侍應會送上蟹蓋同蟹飯。 老公都好鍾意食, 因為蟹蓋有好多芝士呀。 原來龍蝦打邊爐係勁好味食。 加上蟹肉, 咁食落啖啖肉好正好正。 海鮮又多到暈。 食到最後個湯底再煮菜係勁鮮甜。最終以甜品做句號。 我地食到人地收鋪都未食完。 侍應好盡責好有耐性。以呢度為標誌住我地拍拖既歷程, 係一個唔錯既選擇。

兩公婆去撐檯腳，本身諗住上黎Day and Nite by Master Kama食龍蝦（上次食完覺得超級好味，真心推介），但今次黎到發現好似轉左食蟹，我地諗都應該唔會太差，所以就唔轉地方，食蟹都無問題~ 而事實證明蟹餐又真係幾好食，好彩無走寶。今次叫左個The Holy Crab. Two $588套餐，兩個人食就夠哂，前菜有：蟹肉玉子燒、蟹子日式凍豆腐、虎蝦配芒果慕斯、柚子醋海藻沙律、酸辣羅勒海蜆、海鹽枝豆。之後就有好好味的芝士蟹肉釀蟹蓋，焗到熱辣辣，入口非常香滑同濃郁，惹味到不得了。鱈場蟹海鮮火鍋，先煮海鮮再煮菜，食材夠新鮮，個湯煮完出黎都好清甜。蟹雜炊，入口好黏稠，有D似BB食的粥仔，味道相對就清淡少少。

龍蝦包 HKD188；不專業評級：7.5/10麵包好重奶香💗 有啲似美心啲排包 作為 #麵包控 既我 估計係烤之前應該係超軟熟偏空氣感的包🤔 而烤完的口感好乾脆😍 佢係外脆內軟 外乾內濕😍💗 麵包入面除左夾啲生菜 當然唔少得主角—龍蝦肉🤤 肉質鮮甜👍🏻 份量亦唔少 起肉起得好好💗 唔會搞散哂啲肉 而且入面仲有好完整的龍蝦夾肉😍 入面本身就配有少少醬料 所以就算唔再加醬汁都無問題🙆🏻‍♀️ 而我就屎忽痕加左少少🤪 效果令整個三文治濕潤啲🙈 而且因爲加埋檸檬的關係 有種好清新的感覺 就算唔係熱食都唔會覺得有龍蝦既腥味💗.吉列牛排配忌廉蘋果咖哩撈烏冬 HKD148；不專業評級：6.5/10表面有層忌廉 綿密厚滑🙆🏻‍♀️ 底層就係撈左日式咖哩汁既烏冬 咖哩味好濃郁 微有辣味👍🏻 配料方面有幾舊紅蘿蔔🥕係烏冬入面 食完唔會好濟 無之前食過 #旺角 #吉列牛忌廉烏冬專門店 咁濟👍🏻不過吉列牛就 #專門店 做得好啲🙊 呢間既牛煮太熟了😭 搞到有少少韌 不過佢只係沾左薄薄一層的炸粉 所以唔會一食就成口粉味😏 抵讚‼️.水蜜桃荔枝茶 HKD48；不專業評級：6/10又係漸變系飲品🙈 上層係荔枝味 下層係水蜜

這裏的環境簡單舒服，而餐廳裏擺放了一些龍蝦毛公仔，實在貼題吸引。我點了芝士龍蝦三文治，和黑松露意粉.三文治相當多龍蝦，非常好食；黑松露意粉又出色，這裏價錢又親民。

我見這間店9月做流心芝士龍蝦三文治買一送一優惠 (一至五6pm前), 便特登過來一試。店裡剛坐面人，我們只點了兩份三文治，由於這裡的飲料都幾貴, 所以我們只要了兩杯清水。由於其他人也是剛點了菜, 我們等了約15分鐘才上菜。這個三文治外皮香口，咬下去滿口都是芝士, 很有滿足感，美中不足的是裡面的芝士不是真的流心。三文治入面有幾舊明顯的龍蝦肉, 雖然份量不多, 但龍蝦肉味道很鮮味。整體配搭不錯。這份三文治還配上薯條及少量沙律菜，想不到這個薯條炸得很出色，很脆很香口，薯味也很突出，反而比三文治本身更出色呢。由於有買一送一優惠，點一份三文治要$118, 再加一$12，最後埋單$130，每人只須$65，但是如果沒有優惠我覺得就有點貴了。

去完屯門分店Girlboss by Master Kama，這次回歸旺角。裝潢以淺藍色為主調，牆邊有龍蝦公仔裝飾。晚上繁忙時段客人不少。龍蝦包 Lobster Roll $188先點一客限量供應的招牌龍蝦包。鬆軟麵包內夾滿啖啖龍蝦肉，如果用牛油烘一烘麵包會更香。每份龍蝦包均配沙律及雙色薯條，即炸薯條和蕃薯條，炸得香脆可口，蕃薯條微甜，如果粗一條口感更佳；檸檬牛油醬清新幼滑，拿來蘸薯條或龍蝦包同樣出色。吉列牛扒配忌廉蘋果咖喱撈烏冬 Fried steak with apple curry cream udon $148想不到會在龍蝦專門店找到吉列牛和忌廉烏冬！！非常驚喜 。一大塊吉列牛扒，外層鬆脆可口，牛扒啖啖肉，頭尾部份略韌，中間口感較佳。牛扒煎至約七成熟，中心呈嬌嫩的淡粉紅色。烏冬上鋪了滿瀉的忌廉汁，幼滑濃稠，掛汁度佳，烏冬爽滑彈牙，日式咖喱香甜不辣。本來怕搭配蘋果會有點怪，其實吸收了咖喱汁和忌廉汁後不太吃得出是蘋果，比較像薯仔和蘿蔔。$148買到吉列牛及忌廉烏冬兩份主菜，很划算。馬糞海膽茶漬飯 Sea urchin ochazuke set $168擺盤精美，充滿和風，配菜有醃蘿蔔

一行5人喺旺角搵食，過半數人到咗就入得！·👑 焗牛油粟米 🌽（$48）10/10分上菜時已經聞到好香濃嘅牛油味，粟米粒鋪滿整個焗盤，焗成一塊大餅咁。表面焗得好香脆，牛油滲透至每粒粟米粒，每一口都非常滋味！🤤食到唔想停口嘅菜式，推薦！👍🏻·⚠️ 焗盤非常熱，要小心唔好掂到！·另一款我會俾滿分嘅菜式！·👑 吉列牛排配忌廉蘋果咖喱撈烏冬（$148）10/10分吉列牛排🥩、忌廉、蘋果🍎、烏冬，特別嘅配搭，估唔到會咁好味！食之前將忌廉同烏冬撈勻，勁多忌廉，好邪惡😈 ，但好好味呀！吉列牛排都好香口，呢個菜式一定要encore！🤤·👑 芝士肉醬薯條（$78）9/10分薯條同薯片嘅份量好多，配芝士肉醬食，作為芝士控嘅我，又點抗拒到呢！🙈·呢度有唔少菜式都同龍蝦有關，我哋叫咗其中一款試下。·👑 龍蝦芝士 🐲🦐🧀（$208）8/10分賣相討口，大大舊龍蝦，好多芝士，味道唔錯，但略嫌龍蝦殻有d難拆開，食起上嚟有少少唔方便。·另外都試咗其他小食，水準平平穩穩！·👑 章魚燒 🍡（$48）8/10分·👑 關西大阪燒（$65）8/10分·👑 Mint-Lemonade 🍸（$58）9/10分·整體嚟講，食物質素算高，

呢間餐廳已經想試好耐，同事都有介紹過，咁啱今次朋友聚會有朋友提議試下，終於嚟到。雖然呢間舖頭係樓上舖，但都無阻佢既人氣，嚟到已經見到好多人等緊，我地都等咗幾個字先入到去。聽講呢度最出名係龍蝦包，所以點都唔放過要叫一個。龍蝦包($188)，包幾香脆，入面既龍蝦肉好多，味道又同個包好夾，好味又抵食。佢仲有連埋個薯條，除咗薯條入面深色啲個啲係蕃薯條嚟，好特別呀！烤墨西哥芝士脆片($68)，好香脆，入面仲要有好多醬！龍蝦玉子燒($88)，龍蝦肉係入面，都幾多，連埋玉子好夾好好食！巴馬火腿水牛芝士薄餅($148)，佢係用薄皮做既薄餅嚟，芝士味好香濃！龍蝦芝士Mac N Cheese($208)，大大舊龍蝦係上面，入面仲有幾多用添，個通粉好creamy好濃味，作為芝士腔好鐘意！西班牙烤乳豬($268)，呢個比較需時整，所以都要等左陣先到，一路等都好期待，嚟到果然無失望，隻乳豬勁大隻，啲用又好軟滑，煮得好好！個配菜有粟米薯仔椰菜頭等等，都好好食。

第二次黎食，樓下門口好多人排隊 (as usual)，好彩朋友早左到攞位。上次同幾個朋友散叫左d 幾個小食同主菜，今次黎到就叫左份二人餐，雖然有啲貴，不過望落好豐富，睇到都流哂口水。一黎會先上6份唔同既小食，叫「六小鉢」，特別記得「酸辣羅勒海峴」、「虎蝦配芒果慕絲」、「蟹子日式凍豆腐」好好味，又開胃。然後就係蟹粥。平時食飯慣咗食十分濃口味嘅嘢，好少食粥，但係呢份粥當（正式）開餐前食，等個胃陣間易d開始消化，而且十分鮮甜，又多蟹肉😍😍登登登，跟著第一個重頭就，「芝士蟹肉釀蟹蓋」，好cheesy，再加埋面頭嘅三文魚子、白飯魚乾點綴口感 🤤🤤🤤跟著先開始食真主菜：「海鮮紙火鍋」D 海鮮好新鮮、又大份，就連d菜都放得咁靚，岩哂IG打卡而且我第一次食紙火鍋，好神奇，中間仲有隻蟹腳壓穿左張紙，侍應好專業，一聽到少少聲就會即刻過黎幫手處理，因為高溫紙火鍋張紙會少少敏感，所以如果有需要嘅話，侍應都會幫你換過個新嘅爐，完全唔使擔心

重來此餐廳吃它的龍蝦包。先前曾經和朋友來過這間餐廳吃他們出名的龍蝦包, 我認為非常好吃, 所以今次又再來吃了!我點了一個龍蝦包, 我朋友則點了半份烤蒜蓉牛油龍蝦來吃。龍蝦包旁邊會配上炸薯條和沙律菜。我要求了沙律菜的醬汁另上, 店員也很熱情, 服務態度也不錯, 接受了我的要求。龍蝦包用上厚身的麵包, 烘過的麵包充滿牛油味, 咬落外脆內軟熟, 裡面夾住鮮甜多汁的龍蝦肉和醬汁, 很有口感, 食完好滿足~薯條很香脆, 吃下吃下會不知不覺食哂所有薯條。

果日同朋友到旺角，想吃龍蝦，甘就來到Kama餐廳，朋友推介的。 我地點左章魚燒、是非一般的章魚燒，入口先是紫菜的脆，木魚的香、足料鮮甜、彈牙的章魚粒加上燒汁是絕配第二個點是烤蒜蓉牛油龍蝦，主菜就是主菜，龍蝦的肉鮮甜爽口再配上濃郁牛油及蒜的惹味，更突顯龍蝦的鮮，還有配菜炸甜薯和馬鈴薯好好味哎第三個點是龍蝦茶碗蒸，賣相是不是好吸引呢！分量雖然不算多，但勝在材料夠精挑，嫩滑的蛋香，龍蝦的鮮味，好回味第四個點的是龍蝦湯，賣相好精致，好濃的龍蝦味，配合芝士是一流的好味

依間店係佢開佐無耐已經想食，但差不多次次經過都見到好多人等位😕 今次就襯住有優惠同book佐位黎試😆 上去時匆匆望到門口個牌見到話'龍蝦三文治售罄'，即刻好失望😕 因為最想食果個無貨😞.入到去間店唔係話好大，但環境都感覺舒適，限時食一個半小時。最想食果個無佐😕除佐龍蝦類，仲有啲日式既料理簡，但食物種類唔算太多，反而小食類偏多，我地簡menu都起碼用佐半個鐘😂 .龍蝦芝士mac n cheese $208佢有得簡要通粉／飯，我地簡佐要通粉。份量無想像中咁大，用鐵板上見到滿滿既芝士已經覺得好邪惡🤤 一食落口真係好creamy😍，同埋佢真係拆佐d龍眼肉落啲通粉度，唔洗自己拆得咁辛苦。唯一要拆就係個蟹鉗，反而就咁食有d so🤔 .意式龍蝦海鮮薄餅 $188反而覺得pizza無乜特別，醬料蓋過咗龍蝦咩，仲有少少燶底同鹹佐啲😕，不過咬落好脆口，而個龍蝦頭無乜肉食🤔，依個有d失望.UNICORN DREAM / COOKIE AND MINT $58好有少女心😍 完全係為佐相機食先呃like所以嗌🙈。兩杯都係沙冰黎，一飲第一啖真係凍到傻佐😂 綠色果杯係薄菏朱古力味，另一杯就係類似糖果味。原本仲怕好伏

鍾意食龍蝦嘅朋友一定唔會放過位於旺角嘅Master Kama。佢地其中一碟最出名嘅菜式就係呢個龍蝦包啦。烘左嘅排包包住滿滿嘅龍蝦肉同火箭菜，再淋埋檸檬牛油汁，突出到龍蝦爽彈肉質同佢嘅鮮味😆Earl grey soufflé with green tea ice creamMaster Kama 除左龍蝦出名之外，原來甜品都好正。呢個伯爵茶梳乎厘分量同其他店舖相比大一d，表面香甜乾脆，裏面濕潤鬆軟。同綠茶雪糕係有d nuts 一齊食更加發現佢哋係一絕配。而且伴碟都好靚😍

之前已經同朋友食過依間以龍蝦包聞名既餐廳，今次再相約朋友來吃飯Nutella chocolate $45去到餐廳太口渴，先點了一杯朱古力😅見到咁多綿花糖係面都覺得甜，岩哂我朱古力味道好濃Mac n cheese $208因為上次食過龍蝦包，今次一於試下其他菜式先點了這個芝士龍蝦🧀🧀🧀芝士份量極多，差不多完全蓋過了下面的飯，撈飯食好正！主角龍蝦雖然份量不多，但肉質鮮甜馬糞海膽茶漬飯 $168 見到餐牌上有海膽，我地都毫不猶豫點了這個茶漬飯 偷偷吃了幾啖海膽，估唔到又幾新鮮啵～份量也不少呢！之後就加上昆布湯，令飯食落更加清香master 分享盤 $168小食盤份量都不少，足夠三四人分享！食物包括有章魚燒、芝士薄餅、雞軟骨餃子、芝士條、芝士雞翼、薯條！岩哂我地芝士控🙈🙈 當中既芝士味雞翼幾特別，我地都未食過鋪滿芝士碎既雞翼，味道又幾夾啵！雞軟骨餃子亦都好吸引，炸到香口既雞軟骨加上餃子皮好有口感！！Menu上仲有好多龍蝦菜式，不過我地食完都覺得海膽先係今晚既主角！