Craft burger restaurant & bar (已結業)

每次出旺角都很喜歡到廣華街一帶尋找小店美食，今日就發現了這間食 Burger 的小店，環境不大，座位不多，裝修簡潔，很喜歡小店的服務態度。餐廳除了有十多款的漢堡款式外，還有沙律，意粉，全日早餐及扒類。星期日都有提供套餐，價錢比較抵食，既然餐廳主打漢堡，當然要來一客吧。點了一個烤菠蘿蝦堡配薯條，大大份，賣相吸引。這裡的漢堡有著兩款不同的包皮，牛肉漢堡是用黑糖麥包，雞肉及海鮮漢堡是用芝麻水泡包。所以我這個烤菠蘿蝦堡是用上芝麻水泡包的，外表跟Bagel 很相似，但食落又沒有Bagel般硬，食落有陣陣芝麻香。內邊有大大塊烤得香甜的菠蘿，炸得香脆的蝦塊，蝦塊中真的食到有蝦肉，還有新鮮蕃茄及大大塊爽脆生菜，配上特製醬汁，味道清新，不會太油膩。雖然這裡主打漢堡，但他們都意粉都做得不錯。菠菜BB 蘑菇雞肉意粉，可配沙律/裸麥法包。裸麥法包塗上蒜蓉醬烘得脆脆。意粉的軟硬度煮得剛好，每條意粉都沾上醬汁，簡單配上蘑菇, 雞肉及嫩口的BB菠菜已經很好味。套餐可半價升級咖啡/梳打/沙冰/奶昔特飲。咖啡有靚靚拉花。

同男友去到廣華街試一間新開嘅burger店- Craft Burger and bar restaurant，去到正好食飯時間，要等5-10分鐘左右先入得～餐廳新開張冇耐，所有野都好新淨，而且好有文青feel❤️餐廳主打burger，另外都有提供pasta等其他野食😋最後同男朋友叫左一個burger餐同pasta🔻澳洲和牛漢堡（黑糖麥包）味道：8.5/10價錢：$108（加薯條套餐加多$20）第一次食用黑糖包做漢堡包皮，帶點黑糖既香味，麵包皮烘過口感幾特別亦幾脆口😋和牛就充滿肉汁非常juicy，再加埋半溶既芝士，蕃茄同生菜，好match😍而跟餐嘅薯條亦好好食，而且仲帶啲薯仔皮！正呀🔻蒜蓉腸卡邦尼意粉味道：8/10價錢：$68（連套餐加多$20）一個幾出色嘅卡邦尼意粉，一定有濃濃既忌廉汁再加啲蛋花碎，食落好creamy。意粉口感軟硬適中，好好食！跟餐仲有個沙律提供，都幾足料下😋跟餐仲有兩杯野飲，餐廳特別推介既抹茶milkshake，飲落去好濃既抹茶味，果然好飲呀！而另外一杯就係柑桔蜜，就唔錯呀！

見佢logo 用 漢堡做主題 ，應該漢堡會好食啲，所以我就揀咗佢嘅龍蝦漢堡，佢嘅包都唔差 ，龍蝦都還好吧，整體不過不失。而花生奶昔 嘅 花生味比較淡 可能覺得健康原因吧？ 其實唔想好甜，唔代表要淡嘅 ，有中間架嘛 。但店長/老闆 其實都好有心機，佢都會問一啲foodie有咩改進，而喺旺角嚟講 開咗一間舒適嘅地方，其實都幾好嘅。 希望佢日後有會自己賣點食物。

難得平日放假，去咗屋企附近新開嘅漢堡包店「Craft burger restaurant & bar」嘆返個悠閒午餐～星期一至五中午時段有Set Lunch，七十零蚊起包左沙律/餐湯及飲品，都幾抵食沙律跟餐沙律有羅馬生菜🥬紅洋蔥同車厘茄，色彩豐富，口感爽脆，夠晒健康蕃茄湯品嚐到粒粒蕃茄蓉嘅口感，好清甜呢經典澳洲牛堡配薯條黑糖麥包微微甜的，帶有麥香。夾著豐富嘅配料有：手打牛肉漢堡扒、流心蛋、煙肉、芝士、蕃茄、生菜、洋蔥及自家醬汁等等，牛肉味頗香濃，整體味道同口感層次都好豐富菠菜BB蘑菇雞肉意粉意粉軟硬適中，吸收左忌廉醬汁嘅香氣～菠菜鮮嫩無榨；雞柳啖啖肉，好juicy！鮮奶咖啡及凍檸茶

廣華街Craft burger restaurant and bar餐廳設計整個走簡樸路線，白色牆身，灰色椅背，木系檯面，沒有嘈吵的音樂和過耀眼的裝飾環境著實讓人喜歡。而且地點也方便就腳，就在廣華醫院對面，行街路過食午餐也是讓人能稍事休息的好地方。店家主打漢堡，但是無論是午餐set lunch或單點非漢堡類如意大利粉等等供應。每份set lunch 也包括 沙律或餐湯， 主食及飲品。是日餐湯蕃茄薯仔湯， 微暖而開胃，沙律新鮮。主食當然要叫漢堡，第一個吸引我眼球的是 經典澳洲牛堡材料豐富不在話下漢堡，煙肉，太陽蛋漢堡肉汁滿滿加上半流心太陽蛋一整個大滿足。另外半溶芝士蕃茄紅菜頭生菜芝士龍郁的味道， 番茄的酸甜加上生菜的爽口讓整個漢堡口感豐富不要忘記 那bushman bread, 絕對是加分的一環入口盡是蜂蜜和黑糖蜜，滿滿麥香在咀邊留著，超好吃。另外一份主菜叫了炸魚薯條\超有在倫敦吃炸魚薯條的感覺魚肉裹上薄薄的以啤酒和酵母做成粉漿，炸得香酥多汁，而且，個人十分欣賞炸漿十分薄之餘，切下來之時卻不會散開。魚肉炸到香脆，沾點酸甜滋味的塔塔醬，加上原隻薯仔切條鮮炸外酥內軟的薯條，滿滿一大盤放在眼前

偶爾漢堡包癮發作🤤但一諗到漢堡包嘅高熱量就會卻步😩今日就嚟到廣華街新開嘅漢堡包店，特別在佢嘅麵包係用黑糖麥包，感覺比一般嘅白麵包健康😋《招牌牛堡🍔配番薯條🍟》$78 + $5 （4/5）第一次嚟當然要試咗招牌漢堡先😎本身跟餐嘅係一般炸薯條，但見到加$5就可以加蕃薯條當然要加！🤩份量多，兩個人share都夠，蕃薯條偏幼身，好脆好香口😋黑糖麥包果然令漢堡嘅賣相生色不少，麵包淡淡嘅黑糖味加埋索晒牛扒汁，份外惹味👍🏻🤤牛扒厚度適中，肉質紮實，配菜有蕃茄生菜、同埋我最唔鍾意嘅酸瓜🤭唯一缺點係面頭嘅漢堡包有少少凍冰冰，如果有烘過就更好😌《小食盛盒》 $48 （3.5/5）想試晒佢嘅炸物就要嗌呢個盛盒，雖然油膱味略重，不過水牛城雞翼嘅醬汁好特別，香草味突出，又酸又辣😋👍🏻整體價錢親民，份量抵食，環境亦旺中帶靜，以後食漢堡又有多一個選擇啦👍🏻

近日經過廣華街, 新開左一間BURGER 店, 仲唔收加一, 就一於入去食先蒜香蜆肉意粉餐配沙律$92, 選了少辣，意粉入口油香滿滿，上面有佈滿了細少蒜粒及香草粒，意粉煙韌有致，軟硬剛剛好。這個係我今年內食意粉嘅好食頭三甲, 而且 性價比好高 士多啤梨奶昔, 甜甜的奶昔，上面還有幼滑的cream, AFTERTASTE 好強, 份外滋味另外就叫咗個招牌漢堡, 稱為招牌漢堡真係唔可以睇少佢, 嗰個免治牛肉非常之正, 煙韌嘅口感, 香濃嘅牛肉味道, 非常之juicy, 配搭住個包, 焗得非常之香, 咬落去外脆內軟, 再加埋新鮮嘅生菜, 香甜JUICY 既蕃茄, 口感複雜 細膩

Craft Burger🍔🍟🥤💫 Wanna try❓😋..旺角廣華街，印象中係一街食糖水既街道。但悄悄話你知，最近新開左一間專食漢堡🍔 既餐廳🍴，種類不少，包類可以按自己喜好揀選，而餡料都可隨意添加，tailor-made 一款岩自己心水既Burger。.ll $108Wagyu & Cheese Beef Buger🐮牛肉漢堡🍔 有：芝士、蕃茄、洋蔥、生菜、自家醬汁，加上黑糖麥包帶麥香又微甜，喜歡這個配搭，這個包我喜歡呢。.ll $98Avocado & Crab Burger🦀海鮮漢堡🍔 有：蕃茄、生菜、自家醬汁，原隻軟殼蟹炸香，看似跟你招手一樣。加上芝麻水泡包，顯得額外特出又吸引，適合打卡。.ll $40 eachStrawberry Milkshake / Peanut Butter Milkshake草莓味香香🍓🥛，充滿少女心，味道真的很甜蜜；花生口味🥜🥛，平日很少見呢，都是不錯的選擇。.llSweet Potato Chips / Potato Wedge個人很愛吃🍠 甜蕃薯條🍟，炸至香脆帶微甜，是我喜歡的口感。而薯角亦很香脆味濃，適合喜歡吃香口小食既朋友呢。..下次來旺

唔係講笑終於搵到一間香港達到我標準嘅漢堡包店！我覺得甚至比我之前食過Fiveguys 或者shake shack更加好食😝重點係價錢唔貴，環境又好！呢間餐廳感覺好似係新開嘅，但係都好多人嚟食！除咗漢堡包之外，呢度亦都有得食意粉其他主食！我哋嘅lunch set仲包埋湯或者沙律同一杯飲品。淨係講佢嘅湯先，佢嘅湯落足料，除咗有洋蔥之外亦都有蘑菇等等，唔係淨係開個罐頭就算嗰種。而我哋亦都嗌咗花茶，仲可以叫佢加熱水繼續飲，成個感覺好舒服！佢哋嘅漢堡包最特別嘅地方，在於係佢嘅包係可以選擇黑糖麥包，食落去除咗餡料係鹹之外，亦都可以食得出麥包嘅甜味。令到成個味道同口感豐富左。而佢嘅包入面足料之外，每一樣野都處理得非常之好，就例如佢嘅太陽蛋，或者係佢嘅煙肉，你都食得出佢係落足心機去煮，而且佢嘅肉質都好好，都好厚身。薯條方面真係我哋兩個人都食唔晒嘅多，薯條屬於比較脆身，所以好有口感。我自己仲嗌左一杯柚子沙冰，有子沙冰飲落去唔會好甜，而且有啲柚子皮。如果餐入邊都包一個黑糖蒜蓉包，佢黑糖包真係媲美得上Outback嗰種，好好食而且又唔會好硬身！啲蒜蓉亦都好香好出味。呢個意粉真係煮得好好食，除咗好過蘑菇夠大

🌿店鋪唔算大，但環境乾淨舒適，座位坐落舒服！店員服務超級好👍🏻🍔經典澳洲牛堡即叫即做的Burger😻漢堡包用黑糖麥包，口感鬆軟，唔會淋晒，手打牛肉漢堡扒好大塊而且厚身，牛肉肉味濃郁充滿肉汁，配料非常豐富，夾住煙肉、流心蛋、洋蔥、芝士、酸瓜、蕃茄同生菜，蔬菜十分新鮮再配上自家特製的醬汁，非常開胃！新鮮炸起的薯條熱辣辣香噴噴，脆卜卜唔油膩，薯條係連住少少薯皮一齊炸！超鍾意好滿足💗🧀蒜蓉腸卡邦尼意粉醬汁芝士味不濃不淡，恰到好處，口感creamy，煙肉同蒜蓉腸為意粉帶來口感，意粉咬落彈牙煙韌，非常好吃，附送沙津／麵包，質素不俗！

前幾日經過知道新開張，決定週末和阿女去試下。嗰日去到剛開始營業。这裡新裝修，整潔簡約很舒服。點了經典澳洲牛堡w/ 薯條，小食拼盤（炸魚手指，芝士薯波、水牛城雞亦）。牛堡juicy 好好味，除了生菜芝士等等，還有流心蛋和紅菜頭，很有特色。薯條粗粗的但鬆脆味美，不經不覺就消滅晒（跟餐的薯條我多數淺嘗唔会食晒的）anyway, 餐牌还有很多選擇，下次再試下其他。飲品點了咖啡和奧利奧milkshake, 個人喜歡熱飲多Ｄ（沒有拍照留檔，只得記在心中）

最近新開業嘅🌟Craft burger restaurant & bar 🌟主打漢堡🍔, 而且新張期間免收加一, 好抵食!🤩💕經典澳洲牛堡 🍔$78嘩！好巨型嘅漢堡呀，非常吸引! 😍即叫即整，新鮮熱辣！🍔漢堡扒非常厚身，內裡保持粉嫩, 而且非常JUICY! 😍漢堡扒嘅牛肉味好濃郁, 加上大量肉汁爆發出黎, 真係不得了! 🤗 再配合🥓煙肉, 🍳流心蛋, 🧀車打芝士, 超邪惡呀!😈 另一焦點係餐廳用黑糖麵包!😋 黑糖麵包帶有淡淡黑糖香甜味, 外層微脆, 內裡鬆軟, 能提升整個漢堡嘅味道!💖 勁正, 十分推介!👍🏻💕招牌牛堡 🍔$58招牌牛堡 相比起 經典澳洲牛堡 就會略為遜色! 兩者材料最大分別係招牌牛堡嘅漢堡扒較為薄身, 肉汁相對無咁豐富! 沒有煙肉及流心蛋, 加入了🧅洋蔥及🥒酸瓜, 但味道都唔錯架! 😆🍟薯條 + 🥤汽水 跟餐加$20🧅洋蔥圈 跟餐加$25🍟薯條及🧅洋蔥圈都係即叫即炸, 熱辣辣, 外層脆卜卜, 內裡軟熟, 正!💗💕菠蘿梳打 🍍$19 (跟餐半價)有菠蘿🍍粒粒果肉, 清新甜美! 🥰如果改用粗身飲管就更好, 可以容易吸到菠蘿肉!

廣華醫院對面有間新開嘅小餐廳，裝潢用灰+木色，睇落時尚簡約幾舒服。餐牌簡單主要售漢堡同意粉🤗價錢都算平易近人～人均$100樓下，整體感覺係一間用心及有質素的餐廳🤗呢度嘅牛堡係配黑糖麥包，其實就好似outback果隻！磨菇牛堡 （$65）賣相漲卜卜好吸引😋有齊洋蔥蕃茄生菜芝士+餐廳自家醬汁，味道質感都幾好！漢堡扒較細而厚身，份量唔算好多，女仔食啱啱好。烤大啡菇黑松露意粉（$72）水準也不錯，啡菇juicy，意粉菇菌味香濃，又唔會有過多的忌廉汁浸住。漢堡/意粉+$20可以配沙律/薯條+飲品，兩樣我都推介🤤薯條夠脆，沙律有甜甜無籽紅石榴我鍾意，沙律菜都新鮮多款。+10% 服務費

我就嗌咗澳洲牛堡（$78）（要套餐加嘢飲+$20）（再半價要Oreo奶昔+$20）我朋友就嗌咗煙燻辣牛堡（$72） （要套餐加嘢飲+$20）（轉薯角再加$5）（再半價要芒果沙冰$19）首先講咗我自己揀嗰個澳洲牛堡先啦呢度嘅包最特別嘅係佢哋會用黑糖麥包🥰🥰（Outback任食嗰個）令到呢個burger食落去都會有少少甜甜地係有令一番風味嘅Burger⭐️⭐️同埋佢哋呢度嘅牛肉漢堡扒係超值得讚嘅肉汁超多已經不在話下重點係真係超厚肉同埋超濃郁嘅牛味😋😋（同埋幾值得講嘅係佢哋呢度嘅煎蛋係真係會煎到流心嗰隻，配埋啲蛋汁令到呢個Burger更加加分）最後一個令我覺得幾特別嘅位係佢哋有加紅菜頭落去嗰個Burger入面食落去味道好似幾特別🤔🤔（因為我好少會見到有紅菜頭配合埋Burger一齊食）之後就講吓我朋友嗰個煙燻辣牛堡啦呢個Burger同我嗰個主要唔同嘅地方應該係呢個辣嘅牛肉漢堡扒但係我朋友就覺得唔係好夠辣（佢覺得唔辣嘅嘢對我嚟講已經有一定程度嘅辣度🤣🤣）配埋黑糖麥包之後咁就可以一次過有曬甜同辣嘅味蕾享受😝😝鍾意食辣嘅人不妨可以試吓呢個Burger薯條同薯角都係新鮮滾熱辣炸起嘅（薯條感覺上份量好似多啲

是日假期，經過新開小店，見價錢唔貴，又好耐未食過burger, 勇敢一試叫咗個招牌牛堡set加個小食，估唔到竟然全部食物都好好味，大滿足一點開始多人，仲排隊添希望能繼續保持水準，會再嚟