Cova Ristorante & Caffe (利園一期)

营业中

休息中

昨晚食完飯,我們行去Cova 買了一件芒果芝士蛋糕,回家送甜酒.芒果芝士蛋糕- 雖然要$40一件,但味道實在太好,不用一分鐘便食完了.食完還未夠喉.芒果味很濃,芝士又唔會太甜,而且好滑,實在沒有什麼可說的好.

最近0係cova 食晚飯竟然有蛋糕送，平日一個半磅既蛋糕都要百幾二百蚊，宜家只要4位用餐就有得送，仲要款式任擇，真係勁抵，間唔中去cova做生日都幾有情調cova。不過記住一定要預早訂位~

星期日母親節帶住媽咪去cova hi-tea，好彩一早訂左位，附近都係d一家大細一齊黎慶祝。媽咪最鐘意食tiramisu，帶佢去cova食就最岩，tiramisu tart, tiramisu cake，再嗒返杯cappuccino，即時心都甜晒。其實唔洗一定等過節既，weekend去歎一歎真係幾爽！

星期日幫朋友慶祝生日，搞手買左個cova出品既blueberry chesse cake，淨係個樣已經好得，中間層cheese好香好軟滑，夾埋面頭既藍莓，有口感之餘又有生果既清甜，真係好鬼盞﹗十幾個人分每人都係廿蚊，但係已經好飽--- 即刻表態下個月自己生日又要cova蛋糕(0^.^0)

早幾日去左grand hyatt 試下佢地既dessert buffet，種類真係幾多，但係我始終都係鍾意cova既甜點蛋糕，每一件都好精細，軟滑可口，令人有一試再試既衝動。百幾蚊就可以0係高級既cova餐嘆到頂級甜品，絕對係抵﹗

雖然cova貴為老字號，但係食物方面絕對唔守舊，耐不耐就有全新菜單，差唔多次次去都有新驚喜。今次個人認為最值得推介既係fresh turbot filet，好鮮味，肉質軟滑但係又一d都唔林。而frog leg既risotto亦都唔錯，飯粒之間好黏，不過入口後每一粒都可以清楚區別到，恰到好處。十分抵讚﹗

星期日下午想tea 一tea，就買了幾款小糕點回家吃Coconut Mousse Cake - 表面的白朱古力太甜Moka Delight - 冇乜特別，Moka 味不足Blueberry Crumble - 好味，crumble 夠脆Raspberry Tart - 係最好味嘅，但係Ｄ吉士唔夠文華的香滑。我都係鐘意文華餅店多Ｄ。

我最鍾意就係復活節，一來我係基督徒，二來周圍都用蛋黎佈置，同我個名一樣，所以我都會選擇送復活節禮物比我既朋友。cova原來唔止朱古力好味，連做蛋都有一手。早兩日見到佢地有3隻超級巨蛋，成2,800g，真係大過一個人頭，我諗食得既復活蛋都無邊度有咁大隻，雖然成二千幾蚊，不過好似賣淨一隻咋。唔揀d咁大隻既，我就選擇左一d有毛毛公仔+得意packing 既復活蛋，聽講入面仲有神秘禮物，送0個個開心，收0個個實仲高興！

Joyce 小姐request 想食tiramisu, 我當然要搵間最正俾佢啦....原本想去"沙巴天尼", 不過佢話同friend去過, 所以我就轉o左來Cova啦!一入去就已經令我地好驚訝, 出乎意料地high, 好浪漫呀!我地一人叫一個set din然後share 食....佢一定食龍蝦tiramisu啦! 果然係好正好好味...而我o既蝦沙律都唔錯...我主菜叫o左個羊架, 好有羊味, 我俾o左一件佢食佢都話好正....佢就叫o左個pasta, 不過因為有海膽所以我都只係試o左少少...不過都幾好味...最後o既甜品先至係我地o既主菜...個tiramisu 超幼滑!! 我地都覺得最驚喜係有d咖啡豆o係入面!!好脆好香, 絕對係我地食過最正o既tiramisu...我見阿Joyce 食得個樣咁滿足笑得咁甜....絕對值回票價...另外一樣我地要讚o既係果度o既侍應好有禮貌, 我地問佢d酒叫咩名o既時候, 佢竟然拿兩支酒出來俾我地睇!!十分之好服務呀!!

之前成日以為cova 只有coffee同cake，0個日個客提議去cova食晚飯先知原來佢仲係一處fine dining既好地方。龍蝦湯頭盆，羊仔肉maincourse，加上靚紅酒，可口甜品，真係一絕。

日前第一次同一位內地生意人見面，聽同事講其為人講求享受，有得食先有野講，所以我都一早做定功課，睇下去邊度食飯可以食得有頭有面，連明星都成日到既cova餐廳我諗應該會有信心保証，加埋大家既推介，我就約個客去0個度開會。佢一入去已經好似好滿意咁，不時問我0個度既裝潢同水晶燈0係邊度買，國內有冇佢地既分店。對於芒果龍蝦湯更是讚不絕口，我都覺得幾好，龍蝦味濃得黎又保留返香甜既芒果味，仲有d蝦肉做咬口。一講開食個客就滔滔不絕，同佢傾生意就更加易埋推。不過甜品部份係最美中不足既地方，先前又飲酒又叫主菜，搞到無乜位食甜品，見到款款都咁讚，個客仲主動話約我下次再食過所以一個合適既用餐地方真係好重要...

年初五老闆與太太請我與他的前任秘書一起吃Lunch Buffet賀新春，入座前我經過bar，看見那些精緻甜品便滿心期待。估不到原來還有主菜，主菜有兩款，1)龍蝦Pasta 2)芒果汁焗龍蝦，除了老闆外，我們三位女仕都選擇芒果汁焗龍蝦，開邊半隻龍蝦加上芒果汁，味道新鮮，賣相也不俗，可能由於還提供Buffet Bar，所以龍蝦size不是太大。由於我們過於投入談天，不是待應提醒我們，我們也忘了吃甜品，這時只餘下少量款式的甜品，我們錯過了很多美味甜味實在可惜呀! 下次一定要嘗試下午茶buffet以補償今次的損失呀!環境很優美，最難忘是那盞大大的水晶燈，及四周的油畫，很有歐陸味道呀!

雖然情人節都已經過左幾日，但我都忍唔住要0係度講講。早在兩個星期之前我已經乖乖地順應女朋友既要求，0係cova 訂左兩位。高級餐廳既價錢，不過節氛唔錯，一入門口就有2位作意大利打扮既職員帶我地入去，坐低無幾耐己經有得食，6個course 既燭光晚餐，單是氣氛已經十分浪漫，加上大廚們精心炮製既佳餚，完全係物有所值。到用餐一半既時侯，先前出現過既意大利哥哥姐姐再出黎派朱古力，仲有抽獎助慶，節目都可以話係幾ok。畢竟情人節都是氣氛緊要麻~

初三赤口--- 沒有特別節目，又不用四出拜年，便偕太太到cova吃一頓晚飯，剛坐下經理便為我們送上最近才登場的新餐牌。最令人難忘的是那個龍蝦湯，我們對餐湯的要求特別高，因為美味的餐前湯會另胃口大增，對之後的主菜亦充滿期望。不負所望，新鮮的龍蝦湯有淡淡的薄荷味，配上爽嫩的鮮蝦肉，口感一流，期後細意品嚐更有一份清甜，好渴得我們眼睛也笑彎了。

星期日老公生日，一早book定位慶祝。地方轉左環境裝修過，係比以前grand好多。驚食唔晒又想食多道甜品，所以叫了一個三道菜的set dinner(每道菜都有好多選擇)、再加一道主菜及一客甜品。菜未到先上麵包，芝士條及芝麻餅好香口，怕食唔落其他主菜，忍口每款只食一舊，反而剛焗制的法飽，唔多吸引沒有麵包香味。老公還叫了一枝細紅酒飲，雖然係cova品牌，但佢話幾fruity，口感唔錯喎。頭盤選了出名的lobster tiramisu，要另加三十蚊。經理好好知道我o地share食，已事先將一份為二，分左兩件都唔細。最初好猶豫揀唔揀，因為食開tiramisu都係甜，心理上覺得咸的好似怪怪的。點知一食立即愛上，好鮮龍蝦味，中間加左鮮龍蝦肉，食完後口仲留有龍蝦香，真係以為剛剛食完龍蝦咁，好食過佢出名的傳統tiramisu。第二道係pasta-海膽帶子香檳扁意粉，有一pat細細海膽，唔鮮味仲有d苦苦地，而帶子大粒又多仲彈牙tim，香檳味就食唔到，反而食到落了少少檸檬皮，唔苦反而有D清新感覺，意粉煮得好正宗，有D人就可能食唔慣較硬身的。再另加的主菜係燒羊扒配朱古力汁，羊扒要求三成熟，外層燒得略脆，內裡