影片
更多
2005-02-07
21 浏览
星期日老公生日，一早book定位慶祝。地方轉左環境裝修過，係比以前grand好多。驚食唔晒又想食多道甜品，所以叫了一個三道菜的set dinner(每道菜都有好多選擇)、再加一道主菜及一客甜品。菜未到先上麵包，芝士條及芝麻餅好香口，怕食唔落其他主菜，忍口每款只食一舊，反而剛焗制的法飽，唔多吸引沒有麵包香味。老公還叫了一枝細紅酒飲，雖然係cova品牌，但佢話幾fruity，口感唔錯喎。頭盤選了出名的lobster tiramisu，要另加三十蚊。經理好好知道我o地share食，已事先將一份為二，分左兩件都唔細。最初好猶豫揀唔揀，因為食開tiramisu都係甜，心理上覺得咸的好似怪怪的。點知一食立即愛上，好鮮龍蝦味，中間加左鮮龍蝦肉，食完後口仲留有龍蝦香，真係以為剛剛食完龍蝦咁，好食過佢出名的傳統tiramisu。第二道係pasta-海膽帶子香檳扁意粉，有一pat細細海膽，唔鮮味仲有d苦苦地，而帶子大粒又多仲彈牙tim，香檳味就食唔到，反而食到落了少少檸檬皮，唔苦反而有D清新感覺，意粉煮得好正宗，有D人就可能食唔慣較硬身的。再另加的主菜係燒羊扒配朱古力汁，羊扒要求三成熟，外層燒得略脆，內裡
地方轉左環境裝修過，係比以前grand好多。
驚食唔晒又想食多道甜品，所以叫了一個三道菜的set dinner(每道菜都有好多選擇)、再加一道主菜及一客甜品。
菜未到先上麵包，芝士條及芝麻餅好香口，怕食唔落其他主菜，忍口每款只食一舊，反而剛焗制的法飽，唔多吸引沒有麵包香味。
老公還叫了一枝細紅酒飲，雖然係cova品牌，但佢話幾fruity，口感唔錯喎。
頭盤選了出名的lobster tiramisu，要另加三十蚊。經理好好知道我o地share食，已事先將一份為二，分左兩件都唔細。最初好猶豫揀唔揀，因為食開tiramisu都係甜，心理上覺得咸的好似怪怪的。點知一食立即愛上，好鮮龍蝦味，中間加左鮮龍蝦肉，食完後口仲留有龍蝦香，真係以為剛剛食完龍蝦咁，好食過佢出名的傳統tiramisu。
第二道係pasta-海膽帶子香檳扁意粉，有一pat細細海膽，唔鮮味仲有d苦苦地，而帶子大粒又多仲彈牙tim，香檳味就食唔到，反而食到落了少少檸檬皮，唔苦反而有D清新感覺，意粉煮得好正宗，有D人就可能食唔慣較硬身的。
再另加的主菜係燒羊扒配朱古力汁，羊扒要求三成熟，外層燒得略脆，內裡肉質好新嫩好juicy一刀可以切開，沒有一舊肉係韌同有根的，而食羊扒我鐘意加D黑醋，感覺上可中和肥膩。
甜品一個三色榚，朱古力同士多啤梨味好似係Haagen Dazs，沒有特別。另一個甜品係blueberry cheesecake，餅身係cream cheese，唔算太溜，而餅底夠鬆脆，不過始終比唔上mango cheesecake。
张贴
