影片
更多
2025-04-01
245 浏览
今日同朋友去咗銅鑼灣Couch Club食飯, 叫左佢哋假日限定的自選便當，第一款我揀咗木魚湯烏冬、椒鹽玉子豆腐、醬油漬溫泉蛋、日式洋蔥炒牛肉同烤牛肩胛。木魚湯烏冬湯底好清香，帶點木魚嘅鮮味，烏冬煮得軟硬適中，唔會太淋。椒鹽玉子豆腐外脆內軟，椒鹽調味夠香但唔過鹹，咬落有啲驚喜。醬油漬溫泉蛋蛋黃流心，醬油味滲入蛋白，簡單但好味。日式洋蔥炒牛肉份量唔多，洋蔥甜甜地同牛肉好夾，牛肉炒得嫩滑，略為有咬口。烤牛肩胛牛味濃但油脂少，非常美味。😋第二款B.Y.O.B.我朋友試咗紫蘇醬油醋蕎麥麵、山葵山藥漬、明太子日式蛋卷、生薑五花腩片同唐揚炸雞配自家製他他醬。紫蘇醬油醋蕎麥麵好清爽，紫蘇味突出，蕎麥麵爽口彈牙，夏天食一流。山葵山藥漬有少少嗆鼻嘅山葵味，山藥黏黏地幾有趣，開胃之餘又唔太重口味。明太子日式蛋卷係亮點，蛋卷軟熟，入面滿滿明太子，鹹香得來唔會死鹹。生薑五花腩片油脂豐富，生薑味解膩，五花腩炆得入味，幾滿足。唐揚炸雞外皮脆卜卜，肉汁鎖得好，自家製他他醬酸酸甜甜，沾一沾更加惹味。🐔飲品我叫咗薑黃拿鐵，入口有薑黃嘅微微辣味同牛奶嘅溫暖，唔係好甜，薑黃味好濃，幾得意。☕朋友叫咗宇治小山園抹茶，濃度啱啱
第二款B.Y.O.B.我朋友試咗紫蘇醬油醋蕎麥麵、山葵山藥漬、明太子日式蛋卷、生薑五花腩片同唐揚炸雞配自家製他他醬。紫蘇醬油醋蕎麥麵好清爽，紫蘇味突出，蕎麥麵爽口彈牙，夏天食一流。山葵山藥漬有少少嗆鼻嘅山葵味，山藥黏黏地幾有趣，開胃之餘又唔太重口味。明太子日式蛋卷係亮點，蛋卷軟熟，入面滿滿明太子，鹹香得來唔會死鹹。生薑五花腩片油脂豐富，生薑味解膩，五花腩炆得入味，幾滿足。唐揚炸雞外皮脆卜卜，肉汁鎖得好，自家製他他醬酸酸甜甜，沾一沾更加惹味。🐔
飲品我叫咗薑黃拿鐵，入口有薑黃嘅微微辣味同牛奶嘅溫暖，唔係好甜，薑黃味好濃，幾得意。☕朋友叫咗宇治小山園抹茶，濃度啱啱好，茶味香濃但唔苦，入口順滑。🍵
柚子牛角窩夫外皮脆，內裏軟熟，柚子味清新，配上忌廉同生果，酸甜交織，幾好味。
张贴
