銅鑼灣呢邊好食嘅嘢真係好多，今次就嚟咗試日式便當。餐廳整體裝修明亮，枱同枱之間嘅分隔距離都好適當，環境又唔會太嘈，無論係自己一個定係同朋友一齊食都好適合。
1
B.Y.O.B. Build Your Own Bento自選便當（假日）（$128）
佢呢個便當套餐，可以自己揀主食、蔬菜同埋肉食，選擇好多，總有一款啱你。
3
2
6
我今次就係揀咗木魚湯烏冬做主食，佢個烏冬上面有好多紫菜啦個湯亦都唔會太鹹，配埋小菜嘅玉子豆腐同埋秋葵，整體嚟講係一個比較清新同埋健康嘅感覺。
重點肉類，揀咗就揀咗手打雞肉餅配牛油香蒜日式菇汁，唐揚炸雞配自家製他他醬。手打雞肉餅裏面配咗一啲爽脆嘅蔬菜，成個口感同埋味道都好正。唐揚炸雞即炸即食，配埋啲沙律醬食到舔舔脷。
濃縮咖啡配雪糕（$48.0）
食完正餐當然要配返個甜品啦，佢用手機app落單好細心咁有得俾你選擇後上。咖啡好香濃，微微嘅苦澀味配上雲呢拿雪糕嘅甜，今餐帶嚟一個圓滿嘅收尾。
