Coti the Bistro (企業廣場)

营业中

休息中

間唔時要食番餐好的，平時係九龍灣番工都係食開茶記，見之前新間左間裝修唔錯的西餐廳，即刻衝去試吓先，一去到見每個餐均配上餐湯或沙律，並配有飲品，當中配置的飲品冷熱都唔需要額外加錢，而且除左有平時的檸檬茶/咖啡，更加有mocha / 蜜桃茶，都係包括在內滑蛋雞扒飯 完全係性價比高的首選，一上枱見有兩塊大大的雞扒，仲要係好有heart 的煎到金黃色，一咬落去係超juicy 蛋包飯的蛋係旋風式的蓋上係滿滿的飯上，飯入面仲要有燒汁，完全係意想不到，視覺上已經是滿分仲要唔洗$70 一個餐，出糧後係要對自己好d 韓式牛肉飯本身以為是似吉x 家個種牛肉飯，點知牛肉是厚切仲要分量十足，牛肉汁配飯真係令人一啖接一啖，好快食晒，而且男士尼食都會十分飽肚卡邦尼意粉意粉上配上一隻半熟流心蛋，煙肉蘑菇，每一啖都可以食到蘑菇或煙肉，啖啖的意粉掛上濃郁的忌廉

Bookmark咗呢間位於商業區的餐廳，趁周未走去試吓。見網上訂座8時後有8折，當然訂座。走入餐廳前行經長走廊，見一隻隻小乳豬走出來，原來係鄰舖擺酒，第一次見疫情下六人一枱擺酒情況。走廊再行前便是餐廳，空冇一人，心想又阻人收工了。八拆優惠只限晚飯套餐，但晚飯又不太吸引！幸好餐廳彈性大，同時提供了周日午餐及全日餐比我哋揀，但由於周未（又或者係阻人收工時段）所以要最低消費$88，所以揀$88以上食物較化算，所以湯了隻牛及燒了隻羊，送上南瓜湯或青瓜沙律，湯有點稀及淡，一般般，反而青菜夠清新，但柚子片就苦了點，牛先出場，不是厚牛，但味道及火侯都幾好，合乎期望的七成西冷，配上薯條及青菜。擺碟靚。等咗好一陣，小羊膝出場，好大個膝頭，配上意粉及薯蓉，一砌入羊膝就算鬆化，一絲絲的肉，人口鬆軟，醬汁配搭十分出色。特別喜歡羊膝那種軟淋又帶有骨膠的口感，好滿足，意粉不油又不干，唔錯。可惜星期六，日套餐不包飲品！試唔到咖啡！此守獵之選，有幸捕獲羊羔，實在難得！

我每日晏就都見到勁多人排隊，而我自己食過係真係幾好食既。以lunch平均黎計大均$60-$100倒一個人，算係略貴，不過呢lunch set包埋湯同餐飲，都算係可接受既價錢。而野食方面，叫左個扒餐，我最鐘意最鐘意食佢地既薯條，外脆內軟，食個陣仲係熱辣辣。而塊扒既汁都係好juicy ，肉質都唔錯，不過當然唔可以同出面幾百蚊塊扒既質素比喇，同埋有一個唔好既地方塊扒係偏薄既，但係對於我黎講已經叫好好有間餐廳可以食下扒，因為我公司附近冇乜野食，一係就已經食厭曬😕

疫情下已經好耐冇喺九龍灣返工，今日在企業廣場買早餐先發現原來外賣有八折，$30有交易抵過Starbucks！上星期喺附近食飯又迫又貴，於是乎午餐返兜外賣$55有湯、pasta同埋飲品，仲可以喺打風前享受一個陽光午餐。

估唔到係打工仔覓食重地會搵到間咁出色既餐廳環境/ 食物都好滿意星期日黎食早餐餐湯： 南瓜🎃忌廉湯， 好味！唔係稀水牛油果蟹肉他他 ： 份量充足，牛油果配蟹肉加少少柚子汁同spicy 粒粒係面，再配沙律，好好味！ 蜜瓜超甜，呢個價錢食呢個餐抵！雞扒大大塊，仲有煙三文魚，炒蛋，牛油果醬麵包！ 好味！ 必叫！有時間會再幫襯，如果假期飲品可以跟餐加錢食就好，飲品正價貴左d 🥴

哩間cafe環境幾好，成個感覺有d神秘感。食過哩間既早餐，午餐，今次第三次食！Set lunch包湯/沙律，跟飲品，哩個韓式牛肉飯係用牛胸肉，個飯好足料，好多用，底仲有沙律菜，成個lunch都好豐富，最近外賣自取仲有八折🥰

估唔到呢頭都有一d好靚靚既文青風cafe 平日早上8點幾既時間，都有長長人龍買早餐時間尚早，我就坐低堂食喇... 咁就要加一服務費呵第一次試食，就簡單點睇下廚房手藝點左個炒蛋加牛角包🥐 超有驚喜炒蛋熱辣辣，又有蛋香，好滑溜個牛角包亦都無得輸，烘烤好脆，又夠熱混埋炒蛋一齊食亦都好味唯一美中不足....就係杯cappuccino 太慢就黎食曬成個餐都未有🙄🙄🙄不過... 咖啡味都好濃，香！咁算喇😂😂連加一$30.5 高質得嚟仲係茶餐廳價... 不錯啊

裝潢很好, 餐廳漂亮, 一看便知道是用心落重本裝修,  果然是富臨集團, 完全沒有失望, 味道還可, 總知會飽肚就幸福, lunch hour 等45分鐘是可以接受的. 

呢間新新地嘅西餐，環境好似唔錯，價錢又唔算超貴，一直唔明點解成日坐唔滿，話曬都係九龍灣工業區呢啲多人返工嘅位置丫直到親身入去，先發現中伏，仲要係一個隱藏得好深、睇外表點都估唔到嘅陷阱。先睇下呢個早餐，個樣係咪好正？正當我白痴地以為自己搵到隱世美食時，惡夢就開始⋯⋯係隻蛋出事呀！點解炒蛋都可以有一陣咁恐怖嘅味架！係腥味！血！腥！味！好似細個流鼻血然後鼻血倒流入喉嚨嘅感覺⋯⋯童年回憶（陰影）返曬嚟⋯⋯我真係恭喜我自己。其實，我地平時食嘅蛋即係冇受精嘅卵子，以及為受精預備嘅營養，以人類嘅情況嚟講，即係大姨⋯⋯媽呀！點解我要咁聯想呀？呢個世界仲有千千萬萬好味嘅雞蛋等緊我去品嚐架！唔係想玩自己，但真係控制唔到由味覺直衝大腦嘅思緒⋯⋯跟餐果杯咖啡，係我絕望中僅餘嘅一點希望，濃濃嘅咖啡，點都可以沖走果陣腥味掛，答案係唔得，即使將搽牛角包果啲果醬直接塞入口，再飲多枝綠茶，陣腥味都跟足我成朝。咁老老竇竇，啲蛋滑唔滑、牛角包同咖啡又得唔得先？蛋係滑嘅，但滑加腥先係最可怕嘅組合，我寧願佢鞋。咖啡冇咩大問題，我飲果杯係Dirty，附近有太多鋪頭好飲過佢。臨華街Lungo嘅Dirty正好多，有機會再講。牛角包我

最近店做緊折扣外賣自取有折😚經開呢頭 就想博下運氣 睇下今次飲唔飲到上次賣晒既tiramisu coffee原價48 蚊比我想像既細杯左小小第一啖飲係有驚喜！ 面果層tiramisu 好好味！ 再飲多一啖 就飲到下層既齋啡...味道配合得好好！ 就好似吃一口甜品再飲一口咖啡咁！提提大家 飲時要小心朱古力粉飛到周圍係...🤣🤣

大集團果然大集團 颱風落雨都有開除咗中餐原來富臨既西餐廳都唔錯嫁外賣卡邦尼意大利都有堂食既水準Coti 可能好多人都唔識 但其實係大集團富臨既信心保證Lunch time 12點後好多人排隊 大家早d去喇

想人少少， 靜靜地傾吓計，依間餐廳真係唔錯嘅選擇。一入到座位，侍應姐姐就好細心咁樣介紹佢哋個Menu，因為有部份嘅晚餐係可以任食薯條㗎 ！侍應姐姐仲好好，因為係七月份係OpenRice訂位，會有半價，所以佢仲介紹咗點樣叫佢哋嘅Menu先至係有最低嘅價格。佢哋嘅服務態度真係好加分啊！呢度嘅春雞好嫩滑，very good鰻魚滑蛋飯都唔錯嘅！不過就略嫌條鰻魚細咗少少啦牛扒來講就比較薄，唔算好突出侍應姐姐推薦咗我飲一個Tiramisu 咖啡，應該係店裏面其中一個特色嘅飲品。果然唔錯呀！依杯係朋友店嘅玫瑰花咖啡！佢就話覺得甜咗啲

自從嗰日發現呢一間餐廳晚上六點後全單半價之後，事隔一星期，我就帶埋屋企人嚟再食過。原來晚上六點後仲有呢一個美國頂級牛扒套餐，都係無限任添炸薯條，仲跟埋餐湯同沙律，半價後真係好抵，所以又叫返一份試吓。首先就嚟沙律同埋餐湯，我好鍾意佢嘅沙律除咗有沙律菜之外，仲有青蘋果同埋西柚，食起上嚟特別清新。而羅宋湯都好夠酸味，非常開胃。頂級牛扒肉質鮮嫩，仲有沙律菜拌碟，再加上無限添加嘅炸薯條，埋單只係$166.8，真係好抵食！呢個carbonara簡直係誠意之作，因為佢唔單只係白汁煙肉意粉咁簡單，佢嘅煙肉除咗有煙肉碎條之外，仲有一大塊原條嘅煙肉放上面，而且仲加埋一隻溫泉蛋，同埋有啲菌類係入面，埋單$48，真係平過茶餐廳😂呢個啡菇炒滑蛋仲配埋有兩塊多士，原來啡菇係已經切碎咗，我哋就有少少失望，不過見到個價錢，真係唔會同佢太計較囉！開頭我哋諗住點All Day Breakfast，不過店員就推介我哋要個週末早餐，佢話會多好多嘢食，果然係幾精彩，首先就有新鮮哈密瓜，仲有牛油果醬蟹肉多士、一大塊雞扒、炒滑蛋、煙三文魚、仲有沙律菜，真係好抵！其實仲有叫咗其他嘢食，不過已經不能盡錄，影咗張大合照之後就咋咋淋開餐！

係公司附近開咗間新Cafe，一於同同事襯Lunch去試試。餐廳開係郵局隔離，位唔算多，都坐得幾舒服。Lunch有套餐食，價錢由$59至$162不等，會包埋餐湯或沙律。係開餐前食咗份酵母麵包配無花果果醬同埋手工牛油。麵包烘到暖暖先上碟，無花果果醬唔會太甜幾好，不過我稍為覺得牛油可以再香多少少。原條鰻魚滑蛋飯的鰻魚又真係幾大條！雖然唔算好厚肉，不如又燒得幾香，加埋吸收了燒汁的炒蛋，入口滑滑的。蜜糖蒜蓉慢煮烤雞係即叫即燒，所以等咗20分鐘到先上菜。隻雞都幾厚肉，切出黎個時仲要咇晒D肉汁出黎。唯一的缺點係近骨的肉有少少呈粉紅色，可以控制更好個烹調時間。餐飲可以加24蚊轉飲提拉米蘇咖啡，係咖啡的上層用了棉花糖再灑上可可粉，鍾意甜的就唔可以錯過！天然蜂巢咖啡就比較適合鍾意飲咖啡的大家。杯咖啡的濃度可以跟據自己的口味而調配，加上蜂巢的清香，整杯咖啡就更香。==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)

啱啱和客人離開她企業廣場的office, 一齊落樓見到新開的Coti Bistro, 客人建議一起吃晚飯，咁當然very good la開放式的門面，簡潔舒適的環境，微暗的燈光，好適合和友人傾吓計，放鬆吓。Dinner Menu暫時選擇不算多，但價錢卻非常親民，真係以為呢個係lunch menu. 酵母麵包配無花果醬及手工牛油$38~厚厚的麵包又香又脆，配上滑溜的牛油和香甜的無花果醬非常美味。是日餐湯~ 忌廉蘑菇湯蘑菇味道濃郁，creamy又夠熱。美國1855 安格斯黑牛扒$168~配菜有新鮮西柚，青蘋果，羅馬生菜 ，以千島醬作sauce, 酸酸甜甜好開胃。牛扒底部還有炸薯條。1855安格斯黑牛脂肪分佈平均，肉質幼嫩中帶有口感，牛味濃郁，有少許炭燒味，抹上少許牛油又有另一種口味，不錯。蜜糖蒜蓉慢煮烤雞$89~烤雞皮脆，肉質嫩滑juicy, 表層充滿蜜糖蒜蓉和香草味，配菜有紅蘿蔔，薯仔和車厘茄， 還有日本甜咖哩配意粉，好抵食!棉花糖朱古力(凍)$42~ 朱古力味濃郁， 冰涼又解渴 ，加入棉花糖令飲品更有層次。果皮冰糖檸檬冷泡茶$36~加入咖啡豆的果皮令檸檬 冷泡茶除了酸酸甜甜外，還有微