Cossi (已結業)

由於方便之後去朋友位於荃灣的家，我就特意揀左依一間在荃灣的酒吧餐廳一試，我向來都相信openrice食家的意見。見佢只有笑哈哈，上年落成，新開且無劣評姑且一試。 我覺得大多的人都會因為它的格調不錯，附近食肆不少，但不屬類同而內進光顧，我認為頗適合情侶的餐廳。它是酒吧餐廳，換言知你想只在bar枱跟朋友吹水飲兩嘴也是不錯的選擇。這裡分兩層，我對設有樓梯以木為主的西餐廳情有獨鍾，當然有格調的，這個還可以：）雖是兩層，但上下層數數埋埋都應該不過廿張桌子。由於上下層關係，可能因為地方不大，有個人棟喺樹怕客人吃得不自在？每張枱都設有一個點菜制。你一按侍應生就立即出現在你面前，這一點正是我想讚賞的。由於我有一個好多問題的朋友，問到個女侍應生陀陀令，但對方表現有禮，可能間野新，所以都有d考起佢，佢好樂意問完老闆再向我們解釋。一定畀like啦！ 整體來說，不錯。如主題就已是總結。說食物是一間餐廳的靈魂？我會覺得環境，衛生，服務也不可或缺的。服務態度差食物再好你都不會想回頭吧！

在荃灣廣場旁邊，有一列的車行，沒想到在車行跟車行中間，居然有一間這樣的西餐廳。在抱怨男朋友很久沒有認真帶我吃一頓晚飯的時候，他就默默的把我牽到這裡來，本來心裡還想在這附近都很難找到一間有氣氛的餐廳，進去之後才發現我是錯的喔。走到餐廳裡，有一種跟外面隔絕的感覺，好像走到了外國異地一樣，裝修跟風格都很有特色，雖然店面很小，卻有一條小樓梯可以走到樓上的小閣樓，我比較喜歡坐在小閣樓喔因為真的可以離開市區比較遠（其實也只不過是一小段距離哈哈），但看不到外面的感覺可以讓我幻想一下嘛。餐椅旁邊有一個小箱子可以放袋，侍應都很有禮很殷勤，還不忘為我介紹白酒。雖然閣樓接收得不太好，不過不用擔心因為這裡有免費WIFI，但是我覺得難得一齊晚餐嘛，還是對面的人比較重要喔。先來的蕃茄湯，味道很濃，而且蕃茄味很香，還有一粒粒的蕃茄蓉配著吃，很有口感。有一小點微辣的口味，喝完以後不會太膩反而很開胃喔。男朋友點的是龍蝦湯，我不能吃蝦所以沒有嘗試到，不過聞起來很香，男朋友也說口感很稠，有很濃密的龍蝦鮮味。配菜是我最愛的薯仔沙律，配上新鮮的生菜，還有一小塊脆脆的麵包，不得不說那麵包烘得剛剛好，有麵包跟餅乾之間的口感，配著湯

結婚周年又唔想去太遠，就找了間近近地的餐廳，一入去細左d,但服務唔錯，望雨餐牌就點牛扒，黑豚豬配蘋果蓉，牛扒細心地切成一片片，味道口感不錯，前菜的青蘋果沙律，好fresh.黑豚豬識得配蘋果蓉一絕，因黑豚豬較乾+蘋果蓉就好juice.

趁魚子醬未出世前，我都密密安排飯局，因為要好好享受自由身，以及怕生完有一段長時間沒空見人，今次就和SHER&PATRICK去了COSSI。香炸美式洋蔥圈，HKD36，沒什麼特別，但一人都分不到2個圈…鮮魷魚筒配香蒜芥辣汁，HKD68，雖然份量不多，但個汁幾惹味，令我想不停食。如叫MAINCOURSE可加HKD38升級，有是日餐湯，包和沙律。個湯是洋蔥湯，個味和我平時飲的有點出入，不是不好飲，只是不太想飲…因為一邊飲，我肚內的BB不停反抗…炭燒美國極黑安格斯牛肉眼扒10OZ,，HKD268，也是不過不失，會有牛味，只是我不太LIKE有太多汁在牛排上面。黑松露野菌意大利飯，HKD108，嗅覺不太FEEL到黑松露，但是食落都有少少，個白汁幾合我胃口，只是份量少得可憐，細到我覺得要食兩碟個肚先不會空虛。西西里茄醬燴三肉腸意粉，HKD118，個茄汁做得幾好，不會太假，食得出有新鮮茄肉。只是腸切得太薄，影響了本身條腸的口感，而且令個腸味不夠濃郁…其實店來的服務好，環境都好，食物都可以，就是份量偏細了點，覺得比較純女士聚會比較適合。

好驚喜，上次去食時，係夜晚，加開咗無耐，佢哋走中高級數，嘢食都用靚料，有點曲高，但上兩星期，有朋友叫去食，又見推出Bunch, 咪去試下，嘩，不得了，性價比好合理。全日早餐，88蚊。好味到想即刻食多一個，只可惜已經食唔落。個軟包餐，淨食個包，已經值回票價。飲品就只有咖啡同茶。少d選擇。跟住第二個星期都馬上去多次，貪環景好，音色正，同性價比非常高。午餐個燒豬肉正到無朋友，88蚊就食到晚餐嘅材料，好正呀。軟包什菌配薯條，包軟什菌香無得彈。最平實無三文魚意粉，實在。講完。兩星期都去，真係正先推介。

荃灣廣場睇完戲想食西餐又吾知邊間好。見到對面有間裝修吾錯既西餐廳。入去試下....輕音樂同坐既位置吾迫。感覺良好。待應好快比餐牌同水2個人叫左3樣野轉2個餐再追加1個甜品水牛城雞翼（$48）：差不多十蚊隻。味道還可。雞翼比較細隻。餐湯、包、沙律和飲品（主菜加$38）：包有驚喜（蒜茸包加提子包）薯仔湯都濃，吾係求其餐湯。沙律菜都新鮮。咖啡只可說普通味道冇特別香草煙三文魚意大利粉（$108）：三文魚份量一般。味道吾濃。清清地食香草味。意粉軟硬適中香煎帶子粟米意大利飯（$108）：帶子都新鮮大隻。但粟米係邊食完都吾知。飯都適中口感。份量不多焗玉桂菠蘿金寶伴雪糕（$53）：成餐飯最亮點！好有玉桂同菠蘿味。面既粒粒脆口又吾覺滯..雪糕易溶但夠滑總體黎講吾錯。每人$220還可接受。同老闆都好健談同坐得舒服。期待下次黎食老闆推介既魚同牛扒！

約了好朋友在荃灣聚舊，友人選擇來到cossi晚餐。地點不難找，就在荃灣廣場戲院門口過對面馬路條食街便是，絕對是路痴級也能輕易找到。門外棟了一塊是日晚餐餐牌，但晚餐只有3個選擇，少得很呢~不理了，坐下才慢慢選擇吧，不對胃口可選擇散餐。可能時間尚早，我們入去都沒有客人入座。店內燈光比較暗淡，最入邊有吧枱，可以點酒，所以店內座位其實有限。我們看看其他食物，但種類不多，對於小妹來說是沒有選擇。於是乎在3款晚餐揀2個吧，起碼包沙律、餐湯和飲品。誰不知店員對我們說B餐沒有，改做燒雞。水牛沙律改做凱撒沙律，餐湯只有南瓜湯。我們揀了A餐和C餐，首先送上凱撒沙律（套餐）和蒜蓉包（套餐），面包有4小塊，咬下硬得很，我浸了餐湯才吃到，另外那塊小妹就沒吃了，很硬。沙律混合了醬汁，生菜爽口清脆，反而鍾情沙律。餐湯南瓜忌廉湯（套餐），澆上一圈忌廉，很creamy濃郁，小妹喝過感到罪惡，忌廉很肥的喇！香辣汁鮮魷魚意大利粉，面質幼身彈牙，帶點辛辣味道，份量不算多，2位女孩子份量剛好！另外海蝦帶子意大利飯，飯量偏少，碟子基本上還空間感十足，不過重質不重量，小妹挺喜歡這個意大利飯，帶子圓形飽滿，咬下彈牙，意大利飯軟軟綿綿

好朋友就快結婚了，由於大部份姊妹都係住係荃灣區，於是佢就BOOK左呢間cafe勒~ 地點嚟講其實都幾容易搵，因為係荃灣廣場對面而已，由於我之前好少係呢邊搵食，所以真係唔嚟唔知成條街有咁多野食。個門面令我有種去左美國百老匯嘅感覺。店舖內有二層，我地一嚟到，waiter即刻帶左我地上去二樓，都未嚟得切睇地下o個層有乜~ 二樓有啲似閣樓，嗰度可以放到2張長枱，如果係book 十幾個人係度包場都係幾private 嘅area~由於有好多姊妹未到，所以我地叫左呢客墨西哥脆片，我真係好鍾意留意啲食物嘅汁，佢俾左淡忌廉同一隻綠色嘅醬，由於侍應同menu都無介紹，我都唔知係乜醬，不過我覺得個醬對個脆片味道並沒有太大幫助。脆片還可以~ 我好鍾意啲餐前包係俾意大利黑醋同橄欖油俾我點，因為我真係好鍾意o個種味道~ 每位姊妹都點set dinner，但我同另一位姊妹就無勒，我點左份美國安格斯肉眼扒伴黑胡椒青汁，雖然要300蚊但塊扒咁大都叫物有所值。不過咁，佢嘅配菜得1個美國新薯咁大，仲要分開2半懶好睇咁...仲有啲青瓜黃瓜咁~ 講返件扒，真係幾入味，就算無汁掂到嘅地方，肉都係夠咸同肉味，而掂到汁嘅地方真係好似

因為要帶老虎去覆診，所以又來到荃灣。大壩街一帶的餐廳門外堆滿人龍，大熱天時，撐傘也要排隊去等，何苦？街尾已經有另一個好選擇。店名Cossi給人的感覺非常西班牙，甫入店內便傳來一陣輕快悠揚的音樂。聽說此店是幾位音樂發燒友開設的，可惜四月是音痴，聽不出店內那套古董名牌音響「高音甜、中音準、低音勁」的性能。店內一面頁岩石牆，一片則是原木牆板，下層設有小酒吧，整體給人一種歐陸式溫馨小屋的感覺。這兒的Brunch只限星期六、日及公眾假期提供，一共有七款選擇，價錢由$58至$88不等。假日餐包括一杯餐前橙汁，主菜和餐茶。我們點了火腿芝士奄列和Cossi假日早餐。店員首先為我們送來一杯餐前飲品，橙汁並非鮮榨，似是濃縮果汁居多，不過酸酸的味道同樣有開胃作用。此時已是下午茶時間，男友卻其實未吃中午飯，飢腸轆轆的他可是一飲而盡。這個時候，店員同時端來了餐茶，個人還是希望餐茶不要太早上，如果可以餐後上會比較好。奄列除了火腿和芝士外，其實還有冬菇粒，店方採用的是橙黃色的車打芝士，芝士味後勁濃郁，奄列蛋稍嫌有點不夠結實。伴碟的還有沙律菜、薯粒、車厘茄、和烤蕃茄，個人比較喜歡炸薯角，貪其惹味香口，但今次的薯粒質感

荃灣區食肆林立，有時候真的是花多眼亂。看食評說這家新開的西餐很好吃，於是帶老媽子過來試試。整間餐廳以木作為裝潢主調，簡潔企理不失格調點了個晚市套餐-意式豬寸骨配沙律豬寸骨即係豬仔脾，網上查了一下是豬後腿剔下的。一般來說豬仔脾很鮮嫩，但這次不知道是不是烤過龍了，雖然很腍，但肉質有啲“柴”反而跟餐的餐湯很讚，濃郁鮮甜，一開始只知道是海鮮湯，問了店家才知道是馬賽魚湯，用多種鮮魚熬煮而成，怪不得這麼好喝另一道主菜是蜆肉意粉，蜆肉都算幾多，意粉煮得不過不失，沒什麼出彩之處香草蕃茄煮青口-青口小小的，還算鮮嫩，醬汁煮得很濃，蕃茄味突出；多士的蒜蓉味很香，不錯，焗玉桂菠蘿金寶- 甜品是當晚的一個完美句號，即叫即做，上菜時杯子還熱得燙手。外面小脆，裏面的菠蘿很腍，但菠蘿原本的纖維讓它保留了口感，配合香滑的雪糕，一冷一熱，真的好吃得不了!冬菇蝦膠炸雞翼- 冬菇蝦膠中菜見得多，西餐餐牌上出現冬菇蝦膠真的很搶眼，很好奇是怎樣的一道菜，於是點了一客。開始還以為是炸釀原隻雞翼。沒想到上菜後, 我和老媽子都沒認出這道就是冬菇蝦膠炸雞翼﹐樣子徹徹底底就是一道西餐，咬下去才有淡淡的冬菇慢慢滲出來。炸得太脆，配合香辣的

朋友試完推介，屬於新開，開左3個月左右，但已經食過2，3次，餐廳環境格調同氣氛一流，無論你一個人，二人行定三五成群都可以溶入餐廳既氣氛當中，推介黑毛豬扒配蘋果醬,黑毛豬扒非常厚身,GRILL方式烹調再配蘋果醬微酸帶甜,帶出豬扒味,配菜薯蓉沒有醬,美中不足,，甜品 菠蘿金寶都非常出色,酸酸地,又有水果粒,即叫即整熱辣辣,連食兩個

第一次寫食評 因為呢間餐廳真係值得我擇文一讚 哈哈係荃灣落巴士過馬路既時候 俾佢超級光亮COSSI既招牌吸引左行埋去睇食入左去試食啦我好鍾意飲西式既湯 同男朋友成日試唔同既西餐廳 SOHO既有 旺角既西餐廳都有琴晚 真係俾佢地個「蟹肉蓄茄湯」感動左呀!超級重料!!! 絕不欺場亦點左一個三文魚柳好好食加左個白酒煮蜆意粉呢個又係誠意之作 用新鮮蜆煮 每日限賣超鮮甜既蜆真係係香港既平民餐廳未試過多數都係酒店餐廳吊高晒黎賣店員都好用心介紹呀餐廳裝修都好多details位鍾意你睇幅唔同開紅酒器個幅橫畫可惜我住離荃灣好遙遠既地方唔係實一定成日幫親不過再去荃灣玩一定會再去食!期待會有唔同既新dish食啦

隨著荃新天地和荃灣廣場近年人流越見暢旺，順帶也帶旺了附近的大壩街，以往擠滿著車房的街道，如今已慢慢變成一條小食街。四月底開業 Cossi，便是當中的新血之一。餐廳以北歐小店為設計藍本，淺木色的主調，令兩層高的地方變得有家的感覺。從意大利語字典查看，原來 「Cossi」可解作敬酒，這個名字對一間以 gastropub (酒吧餐廳) 方式營運的餐廳來說，的確非常貼切。在悠揚輕快的音樂下，食客可選擇吧枱位置先喝點美酒，或者安坐於較舒適的餐枱享受美食。午市套餐大概有五六款菜式供應，價錢以所選的主菜而定 ($58-78)。  周打魚湯, 3/5是日餐湯是一款周打魚湯，味道不算特別突出，少許的紅蘿蔔粒、洋蔥粒和魚肉從單調之中帶出多少生氣。  帕爾瑪火腿鮮茄意粉, 3/5近來吃得多肉，因此主菜刻意揀選一款較少肉的帕爾瑪火腿鮮茄意粉。意粉的醬汁調校得不差，加上些少茄蓉、車厘茄和帕爾瑪火腿的鹹香，令口感不會太單調。但麵條的蛋香有點不足，質感也不夠 Al dente，倘若能稍為縮短烹調的時間，效果可能會更佳。偶然看到餐牌上的脆皮流心雞卷，和牆壁上的相片，菜式看似十分芝味，下次必定再來試試。