Cossi (已結業)

平日好少去荃灣食飯因為太遠了不過因為荃灣廣場有蠟筆小新好朋友太鍾意所以就嚟食啦跟住一個朋友介紹呢間餐廳一去到環境已經覺得唔錯睇埋價錢牌就更好啦已環境同食物來計絕對抵抵抵我哋都叫咗好多款食物介紹下先～第一前菜～有沙律，麵包，同埋黑松露蘑菇湯，仲有龍蝦湯樣樣都好唔錯之後就有Parma ham配哈蜜瓜之後仲有水牛城雞翼再來主菜餓肝配牛扒最後就係北海道帶子龍蝦汁意大利飯全部都一流

呢晚同男友係荃灣周圍行搵西餐食，行過呢間門面裝修唔錯，餐廳坐滿人，而且門口menu係合理價錢，就入去一試啦。餐廳有兩層，下面滿坐，待應安排我地坐樓上閣樓，環境寧靜，爵士樂做背景，座位寬敞。我地叫左兩個餐，待應落完單後會問問係咪share食，d餐具會會放足一set係櫃面。佢個menu選擇都幾多，加$38有餐湯、前菜、包同飲品。餐湯是晚係甘筍湯，甘筍味重，但略嫌未夠濃。前菜係沙律，黑醋酸酸甜甜，好開胃。餐飽都幾特別，法式硬包既口感，配上沙律醬都幾好味。主菜其中一份叫左燒黑毛豬扒伴蘋果蓉，豬扒燒得唔錯，外層有少少脆口，中間煙韌，塊豬扒都幾厚，但食到中間最厚個位就韌左少少。蘋果蓉配搭唔錯。第二個主菜揀左帶子龍蝦湯意大利燴飯，好味！用龍蝦湯整既意大利燴飯估唔到咁好食！一d都唔漏，唔會食到好滯。餐飲我地就無特別，叫左奶茶檸水。呢晚比較大既缺點係主菜等得好耐，唔知平時係咪咁。

小妹今次就去左一間幾好情調嘅餐廳食brunch開始Weekend Holiday...甫入餐廳就被安排到閣樓小桌就坐，如果喜歡靜靜地嘅朋友一定喜歡！睇下餐牌，佢地都有好多不同Brunch選擇...Brunch由一杯細橙汁＋主食＋餐飲組成，感覺好豐富呀！而且餐廳係唔同時段都有推出其他優惠，小妹下次都要試下其他時段黎試下先～而且餐廳內有Free Wi-Fi，落完單等野食時都唔怕悶啦！小妹點了炭燒牛扒焦糖洋蔥脆法包配法式薯條～好開心係粗薯條呀！脆法包烤得非常脆口，而牛肉非常Juicy，完全無「鞋」口感覺，想不到只要Brunch都可以食到這樣有質素的！粗薯條外脆內軟，熱辣辣非常好食～小妹朋友還點了煙三文魚熱溶芝士牛角包配法式薯條，但由於太餓了都忙了拍照！牛角包非常軟身，而且熱辣辣，非常好食，只是芝士熱溶好像差了一點，不太溶，有一點美中不足～另外小妹還外加了雞翼，這個是蜜糖芥末炸雞翼...炸雞翼炸得乾脆香口，再配上甜甜酸酸醬汁，一流呀！但要小心真的非常燙口，上菜後不要馬上食呀～

BOOK左5位係荃灣廣告行過去5分鍾就到附近好多車房都幾難搵去到裝潢好型格佢個SET MENU都幾豐富不過份量得好小沙律清新, 新鮮　湯都幾濃, 夠甜　味道唔錯 MAIN 係羊架, 十分酥嫩, 重要冇膻味, 好多肉汁 幾好 可以一試

一週走到星期四 星期一的活力已經所剩無幾 我需要點小清新來重燃精力－ 今天就來到了荃灣的COSSi 來吃個慢活午餐我們點了炭燒澳洲牛肉眼和忌廉汁海鮮長通粉－ 炭燒澳洲牛肉眼 ($88)隨餐附送沙律/餐湯 今次選到餐湯－周打魚湯周打魚湯稀稀的 而且很淡味 沒有太多鮮味 湯底有很多碎碎的魚肉 不過還是沒有太大的魚味來到主角炭燒澳洲牛肉眼 我點了medium rare熟度剛剛好 一切開肉汁很多 不過吃下來沒太大牛味旁邊的火箭菜沙律的黑醋醬汁過甜吃不到應有的酸味整體來說只是不過不失－ 忌廉汁海鮮長通粉 ($78)這是同行友人點的 上檯時長通粉很乾身而沒有看到太多的海鮮 只看見香草碎吃下去亦沒有甚麼特別的味道 很淡同行友人說像是在吃茶餐廳的出品 有點失望 性價比不高－後記：環境是看得出是別出心栽的佈置 不過對比之下 放在食物的心機即高下立見－

星期日揀左黎呢度食個Brunch吸引我地入去食係因為見到門口既brunch menu，好似幾正咁!叫左炭燒牛扒焦糖洋蔥脆法包配法式薯條，法包入面既牛扒唔會韌，幾好幾好!另外煙三文魚煙肉香草醬忌廉長通粉，雖然用上白汁，但食落唔算膩，反而有個清新既味道係入面，係加左芫茜?好食!Brunch set先有杯橙汁，食完主菜仲有咖啡/茶，服務亦良好，賣單$126抵食呀!

最初知道依間係洒吧餐廳時有點卻步。因為感覺上環境會有不太乾淨的感覺。但今日黎到環境都尚算企理。絕對可以接受。到達時間都晚上9點半。餐廳仲有吾夠一個鐘就關門所以只剩低幾枱客。一直都好想試下。話咁快佢都開左兩年今日終於有機會試🤓每款意粉主菜都可以加$38包埋沙律，餐湯同咖啡或茶。我地兩個都加左做set。我地就另外每人加多$20升級做黑松露蘑菇湯同龍蝦湯。因為兩款都係我地至愛😍黑松露蘑菇湯我覺得味道可以再濃少少。龍蝦湯味道岩岩好但入面只有蝦冇龍蝦😂兩款湯飲每啖湯都有好多小粒粒咬到。入面放左些少薯粒同其他配料。口感又吾錯😋飲到一半餐包就到啦😶外皮非常脆。入面又好鬆軟。點湯食一流👍🏻但個人吾太喜歡個沙律醬。有點兒怪🤔如果配番牛油會好d。跟餐既沙律。普通雜菜沙律冇咩特別COSSi 小食拼盆有3樣野。左至右分別有香蒜牛柳粒。牛肉好淋。咬落都有肉汁而且越咬越有牛味。好味道👍🏻第二樣係田螺野菌酥盒。酥盒脆得黎少少偏硬。個人十分喜歡食田螺😋但感覺上都係配薯蓉會夾d😶但佢味道都吾錯。最後係蜜糖芥末雞翼。新鮮炸起熱騰騰😋芥末味吾會太出所以吾食辣既朋友都一定食到。黑松露野菌意大利飯😋落單時服務員貼心地問需吾需要

一班好友難得聚首，夾下夾下最就腳都始終係荃灣西呢度環境不錯，樓底都算幾高，餐廳不大但空間感都唔錯。仲有二樓不過下次先啦先黎西班牙風乾火腿本伴蜜瓜 68蚊，都算足料，蜜瓜新鮮清甜，火腿都好好味。68蚊都幾抵食。燒大虎蝦龍蝦汁意粉 128蚊，（晚餐湯及沙律加38蚊）大虎蝦只有一隻，比較細份，而且意粉煮得過淋，沒有咬口。Cossi 法式鵝肝安格斯牛肉漢堡配型格田園沙律，沙律好新鮮， 黑醋酸酸甜甜，十分開胃。鵝肝好厚身足料，煎的非常香口，配合濃味嘅芝士，同安格斯牛肉漢堡，超漏，好彩有人share.加上沙律的配搭，整體味道都不錯。免費贈送香焗牛油果蟹肉酥盒。 酥盒焗得非常香口。做得好好。焗肉桂蘋果金寶配雪糕 52蚊雲呢拿雪糕，做得好好，賣相已經好吸引，外脆內軟，而且焗得熱辣辣配上雪糕，冰火口感。一流。必定是回頭店，下次見。

今日去左荃灣廣埸睇戲,去左對面揾食,見到呢間餐有D人排隊,再望吓個餐牌,就入去試吓!先很夠肉味和炭烤味的漢堡$60勁脆的密糖芥苿雞亦$48青口茄汁意粉:個汁燴到個粉好入味沙律南瓜湯,勁有南瓜味好香!餐包

聽朋友講荃灣開左間有氣氛既西式餐廳，作為荃灣友既我梗要去試下啦入去先知道大部分人都book左位，不過我地2個人walk in 入去重有位，唔使等!我地2個人叫左2個主菜，加左錢變套餐，有湯，沙律同麵包! 沙律係雜果沙律，沙律既汁好特別，比平時食既更有香味，另外重有個蟹肉酥送!蟹肉多到流哂出黎，滿足!主菜:黑松露雜菌意大利飯，食落去一d都唔肥膩，黑松露味道好濃，亦好足料!!好好味

今天放假，無須上班，可以抖一抖，於是早一點出來用餐，選址為荃灣。Cossi 是早就留意到的餐廳，可是沒有刻意在哪日去，反正都不是在 list 中，加上放假，才去一趟。餐廳分為地下及樓上，到逹時上層還未開放，故留在地面層好了。除了有磚牆外，還有一個酒吧，提供了酒精類飲品。餐牌只有一個午餐，從中選擇其中一款，當中有漢堡包，灱魚，意大利飯等。先來一個椰菜忌廉湯，湯頭呈橙色，用上紅色煲盛載，湯頭稠結適中，帶有椰菜花的味道，略有草腥味。麵包不脆，只有略硬和柔軟，塗上牛油，增添食味。椰香臘味意大利飯。用上臘味，可謂是中西合壁，而且又有椰汁在內，未吃已有股香濃的臘味香，吃下才知道臘味味道相當濃郁，加上椰香，實在膩得不得了，而米飯加上臘味實是煙靱，不過太過膩了。餐飲為咖啡，剛好為那溜膩的味覺中和一下，皆因咖啡有著咖啡的香濃和甘澀味，為那膩的感覺沖淡。一個意式午餐，份量不多，剛好，加上服務不俗呢。

事原老婆食過呢間話好好味，帶我來試下。點知一試就出事。頭盆法式洋蔥湯都好好味，跟湯嘅蕃茄多士配沙律醬都幾好，感覺連細節都照顧到，以為主菜應該都會幾好啦！點知我老婆叫果個焗怎麼鵝肝精華.....蜆肉......意粉，個名水蛇卵咁長.......好似好高級咁，點知連卡拜尼意粉都不如。首先唔係焗架啦！個碟都唔熱，怎麼鵝肝精華，食唔出有咩鵝肝或者鵝油味喎！成碟野淡某某，有蜆肉冇蜆味！意粉又煮到“林”晒！連我老婆都話難食！跟住我塊肉眼仲離普，用勁多香草醃過，又咸又咩咁........香草太多D味....唉！我都唔知點形容.....一句講晒，難食！老婆話之前食過呢間唔係咁個喎！咁我就唔知喇！我都係第一次黎。不過我就唔想再黎呢間喇！

難得係荃灣搵到間咁正嘅餐廳首先服務態度好 有禮貌 又解決到我需求其次啲野食好好味 嗌咗個西班牙海鮮意大利飯同炭燒黑毛豬加薯餅配蘋果蓉 個意大利飯好好味 飯質又有得揀 舊黑毛豬燒到啱啱好 又唔會太乾 配上甜甜地嘅蘋果蓉一流

食評就睇得多喇，寫呢~都係第一次。見到食評話呢間1點前結賬有八折，咪過黎試下係咪底食又好味囉。結果好有驚喜，所以黎同大家分享下。入到黎見環境唔錯，望下個餐牌，一個 full set 意粉都係六十幾，仲有八折，如果好味就真係幾超值。我地兩個人，叫左英式炸魚意大利香草醬松子意大利粉，厚切牛脷香腸熱溶芝士茄醬長通粉，兩份都跟餐湯，另加$10要多一客沙律。個主菜名超長，唔係影左張單都唔方會寫得返出黎！講左張單先，八折冇錯，$126 for 2 超值！不過1點前埋單就唔係人人得喇！我得，所以會再黎！個餐湯唔錯，濃蕃茄味得黎又唔係幾酸，OK！呢個多士就有驚喜喇！係蕃茄包黎架！配沙律醬，好好味！什菜沙律，不過不失。厚切牛脷香腸熱溶芝士茄醬長通粉：牛脷和香腸冇乜特別，芝士茄醬都幾濃，但係冇乜驚喜，不過不失啦！炸魚意大利香草醬松子意大利粉，就好有驚喜喇！炸魚香脆，脆醬應該係用啤酒開嘅！夠正宗！魚肉又滑又多汁，“正”可惜得兩舊好似少左D.....意粉汁甜甜地幾好味，加上香脆松子仁，食完好有滿足感。整體黎講D野食好有水準，再加上精美上菜器皿，心情都唔同D。

荃灣不嬲出名食野又抵又多選擇🙆🏽 忙碌既日子呢個下午終於可以抽空同屋企人食個西式午餐👨‍👩‍👧 媽咪帶我地去左Cossi食野🍝愛麗絲覺得Cossi係一間幾型幾有Style既餐廳，餐廳有兩層，地下個層有個小形Bar，牆邊都有大大小小既佈置，好似復古風既畫等等。我地叫左三個Lunch Set。先泥既係麵包同蠔忌廉湯。個湯好正，蠔味好重，忌廉都好滑，鹹鹹香香既，都幾Balance，飲落好暖好開胃☺️ 愛麗絲同媽咪都點左個火炙黑椒鮮三文魚香辣蕃茄長通粉（可以揀辣或者唔辣既）。呢個真係要讚😍 首先，三文魚係被切成一粒粒既，而且每粒都有沾上黑椒，同埋應該用火槍燒過，所以食落口感好特別，外熟內生，黑椒味好重，令成舊魚好脆好香口😎👍🏻 至於通粉都好好食，個蕃茄醬唔會好酸，帶少少甜，成道菜都好好味，極力推薦呀😍👏🏼之後要介紹既就係爹啲點既烤雞扒黃薑意大利飯。雞扒係香脆既，不過愛麗絲就唔太中意薑味😳 所以就算個飯煮得幾好，都係有啲食唔慣，不過對中意薑既朋友泥講，我諗都值得一試既😉愈寫愈想去食Cossi Tim🙈😂 丫順帶一提，呢到有Free Wifi Tim咖😂🤓