Cossi (已結業)

同友人係荃灣廣場睇完戲，就去左對面條街食晚餐，見到有間裝修得唔錯嘅西餐廳，就入左試下。有d想食炸薯條，所以就嗌左個蒜蓉薯條，蒜蓉味好似有d重，蓋過左薯條嘅味道，但薯條好有薯仔味，好香口。之後我嗌左個黑松露野菌意大利飯，d飯非常軟熟，好香菇味同黑松露味，有好多菇菌，好足料。我朋友就嗌左呢個帶子粟米意大利飯，帶子真係原隻帶子，我都忍唔住食左少少，哇！啲粟米好甜，好好味！

話說朕之前諗住食呢間COSSI，點之WALKIN得BAR枱位，我就梗係唔食啦。點之今日六點鐘經過佢門口，無人，我就梗係入去試吓啦。一入去上左閣樓，得我一枱，爽呀！我Order左個炭燒黑毛豬扒伴蘋果蓉同埋西班牙海鮮燴飯。轉埋做Set另外喺5pm-8pm happy hour 仲送小食一個，香脆炸魚粟米片配墨西哥蕃茄沙沙。主菜－炭燒黑毛豬扒伴蘋果蓉，炭燒外脆內嫩，又唔會太乾身，仲有少少彈牙既感覺，再伴埋蘋果蓉，酸酸甜甜挺開胃的。西班牙海鮮燴飯－意大利飯幾廷身，個汁同埋個飯配合得恰到好處。－－－－－完－－－－－

今日同朋友慶祝生日友人建議嘗試呢間餐廳怎知比左個驚喜我地！我地去嗰日係星期二佢地就送左個Sasa(?)比我地其實係炸魚柳 味道好香口配合埋底下塊餅味道好夾原來佢地星一二三都會送小食的之後叫左個set dinner頭盤蜜桃沙律蜜桃甜甜既味道令到啲沙律菜唔會太淡而無味呢個係煙三文魚意大利飯啲飯好軟生 而且三文魚份量亦多 味道好夾唔會話好"lau"友人就叫左野菌意大利飯友人話飯亦係好軟生而且菇味散發到飯粒令到整碟飯很香口之後我地點了甜品唔記得叫咩名只記得是$53是菠蘿的甜品而酸酸的味道提味令整份甜品的味道齒頰留香這間餐廳值得一試！

荃灣給人的印象是傳統舊區，想不到在小區中，特式小店正悄悄地掘起。這天，我在這條車房林立的大壩街，遇上Cossi。食物水準不俗外，還嚐到令人一試難忘的菠蘿金寶呢 !               Cossi主打意菜，同時是一間酒吧。聽說餐廳由幾位音樂發燒友合資經營的。以淺木片與原石推砌的牆壁，甚有原始感，加上外國名信片、古董喇叭、特式擺設，洋溢着濃濃的北歐風情。店內播放着令人放鬆的輕音樂，既是寧靜的酒吧，亦是情調浪漫的西餐廳。          翻開餐牌，選擇貴精不貴多。主餐牌中的主食均可加$38配沙律、湯、飲品。如想輕怡一點，可點小食配甜品。餐前小食是Focaccia，香軟的意式包釀入蕃茄乾，美味!特愛那麵包蘸醬，酸酸甜甜的，整個組合比一般餐廳的牛油麵包來得特別。隨後上桌的是油醋沙律，沙律菜新鮮爽脆，一道小清新。是日餐湯是蕃茄湯，嚐一口，是鮮蕃茄打成的，酸酸甜甜的，令人胃口大增。       主餐上桌速度稍慢，終於主菜出場了。我的選擇是栗子南瓜意大利飯($88)，是一道純素菜式，今天的我想清怡一點。想不到味道清新之餘，南瓜的甜香完全滲進飯中。意大利飯帶濕潤，醬汁帶動增加了Creamy的口

因為上之食過覺得唔錯，又覺得小店幾有心，就推薦比另外一個fd 再試其他菜，點知大失所望今次坐上面，環境service 都照舊唔錯叫左個$68牛柳粒，唔唔到肉勁老，完全overcooked,又無點調味，omg依個時候已經有點唔好意思，因為我之前講到呢間野飲品雖然麻麻，但食物水準唔錯點知上第2碟意粉已真係出事白酒煮蜆pasta 完全無調味過咁，直頭食到佢本身d pasta 既味， 蜆仲有d 腥， omg, 仲衰過自己煮 如果唔識煮呢個菜就唔好放係menu la!!!! 完全係伏！最後叫左既黑松露risotto 好彩挽留番小小分（雖然呢度菜好難煮得唔好味）呢個pasta幾香，味道唔算好濃。個人覺得正宗risotto 一向偏硬，但佢迎合左大部分港人口味，只係硬一點，口感剛好。overall, 今次太失望，都有d 唔好意思recommend 左我個fd 來.短期內唔會再來，希望餐廳有人留意openrice comments , 改善番幾道菜既水準啦

今日約左fd 來食dinner, 645pm 來到，成個場得1枱有人。但waiter 就安排我地坐廚房隔離既細枱，仲講到明8點前要走，我心諗駛唔駛呀？你地係唔係好生意到咁好彩之後其他waitress 態度加番分。所以之後來都係book 定枱可能好dd.我地試左個龍蝦汁帶子risotto 同香蒜pasta, 前者香濃非常，食到後期會有點膩。我口味比較重，所以幾喜歡，但口味清淡既就唔推薦啦。pasta 都很不錯，不過唔記得影相香草味好match ，pasta 軟硬適中，食落幾fresh 我地其中一個轉左set, 比左soup n salad....不過我麻麻地今日soup, 係西蘭菜xx湯,唔岩我口味。但我食野前太渴，當水飲左，飲完都無印象係咩味salad soso la,bread 好脆，都幾match source(有d cream cheese feel) desser 叫左apple crumble, 唔錯幾好味，但我覺得裏面提子rum 酒味唔夠濃。i like 佢出面焗得幾脆既面我地一開始仲order 左ice choc, 但waitess 可能係新人，落錯左hot choc,

20150702（星期四）18:30 晚餐預定座位時沒有提到有限時的情況，入座時才說8點要交枱，當時餐廳只有兩枱客人，我們問可否給一張可以座久一點的枱時，負責的長髮男子説全晚預定已滿，沒有一張可座久一點的3人枱給我們！食物水準像快餐店，凱剎沙律冇芝士，點心併盤的牛肉粒過熟，很硬！炸雞翼比麥當勞還差！結果未到8點便走人！轉另一間意大意餐廳Gusto Cafe，食物味道與招呼完全使我們滿意！

有心小店好開心，無意來到這裡食父親節晚飯職員好有禮貌沒有點套餐，也沒有黑臉父親節也沒有坐地起價這是我近期給最多tips 的一間risotto，店員見有老人家，特地把飯煮得更軟些份量足夠，芝士味道香濃白酒煮活蜆，蜆好鮮意粉彈牙，classic 之作燒法式野生春雞老了一點，不過香草味好濃整體okapple crumble好開心，正宗的做法，非常的熱上枱食完令你心花怒放總結：一定會再來，希望我能遇到更多有心小店

前幾日二人行去左Cossi試下果度D Brunch Set Menu，果然無令我地失望！下面係餐廳既menu我地叫左C餐同E餐，而每一個餐都會跟一杯鮮橙汁。清新酸甜，幾開胃！E餐到左啦！係一碟黑松露煙肉忌瘖汁長通粉。個忌廉汁煮得好香，唔會太濃，又唔會好杰，煮得岩岩好，食落去又會傳來一陣陣淡淡既黑松露味道，配上煙肉忌廉汁就唔會搶左佢個味，Good!我比較鍾意食爽身D既質感，而佢地D意大利粉亦都煮得岩岩好，好滿意！之後就係C餐，香脆煙肉、有機栗米、清香意大利包配法式薯條意大利法包個外皮幾鬆脆，配上生菜，粟米，同煙肉，都幾好食。隨餐既薯條同出面食果D水平差唔多，因為係即炸，所以都幾好食！因為包同薯條既配搭幾「濟」，所以有沙律菜可以減低個飽腹感，不過，如果可以加埋dressing會更加好！而最後可以叫一杯餐飲，我就揀左熱咖啡。個環境都幾好，唔會好似係商場餐廳咁嘈，係可以同D朋友傾計既地方。而且物美價廉，所以值得一試！

在荃灣廣場睇完戲，商場內人好多，又全部都係連鎖食肆，便轉去出面的大壩街搵食，上 openrice 搵，這間一致好評，咁就去試下喇！近商場正門那幾間都人頭湧湧，但在街頭的這間就相對清靜不少。一推門，一位男侍應（可能是老闆）就誠意招待，樓上已經坐滿，他便著我們坐在近門口的位置，還禮貌地說明了用餐時間。其後，陸陸續續有人入來，有些是已預約的，有些要坐吧枱。用餐時，有兩次唱生日歌，有一次是樓上約 8-10人慶祝生日，可見這餐廳有一定的捧場客。食物方面，先來頭盤（周打魚湯、雜果沙律、小麵包）。全部都很美味、新鮮；小麵包是烘過，熱辣辣又脆卜卜，正！接著是，主菜一：西西里茄醬雜腸意大利粉，茄醬底，味道正常；雜腸有三款（辣肉腸、豬肉腸、雞肉腸），每一款都不錯，這道菜有 75 分。主菜二：黑松露雜菌意大利飯，味道佳，意大利飯的質地好，整個菜恰到好處，有 80 分。最後是肉桂香蕉金寶。嘩～ 這個超讚！很少有香蕉金寶，當然要試喇！有香濃的肉桂香味，配上香蕉，原來是上佳之配。下次要試吓菠蘿金寶先得。總結， 全部味道俱佳，尤其是甜品。不是旺區，價錢上有優勢（較平），絕對可以再來，及推薦大家。亦見鄰座叫的扒，很吸

係荃灣食過咁多間餐廳Cossi的確係一個唔錯嘅選擇，環境舒適，服務員細心的給一個收納相，放客人的隨身物品講番食物，Cossi給客人得大自由空間，所以主菜，意粉，意大利飯+$38，都可以轉set dinner 黑松露湯是升級版，再加$20味道不錯法式田螺是整晚分數最高的牛排比較薄身，但很有牛味，不錯燒蝦帶子，味道比較清淡陪碟的燒薯皮及燒翠玉瓜，不可不試甜品，蘋果蘇，也很不錯

餐廳開在車房附近，相信都未必影響到客人的心情。原因很簡單，一入到餐廳就feel到佢地既用心。佢地係會留意客人既各種需要而提供協助。講返食物，午餐價錢都合理。我地叫左個燒雞扒配法飽同豬肩肉黃薑意大飯。燒雞扒配法飽:雞扒本來都幾滑同香，點知發現有啲位唔熟。同佢地講返，之後再做過一份俾我地。豬肩肉黃薑意大飯:值很推介！啲肉嫩滑有肉汁，啲飯唔太硬，又唔太漏，好香薑蓉味。個味好夾。餐湯方面，係蘑菇湯，我覺得太咸只飲左少少，侍應見到問我係咪唔岩飲，我話太咸，佢話換個沙律俾我，不過我覺得飽飽地所以冇要。下次黎，可以食下晚餐。

第一次寫食評，係荃灣終於捕獲有質素既西餐廳，中環區質素睇得食得，午餐價錢由65-98'不論廚房樓面裝修音樂都係有心機有要求既。叫左客炭燒澳牛7成,份量足，汁較得好，絶對無姐左牛既炭燒味，無搾，好juicy,另外個意大利反唔使講，十個讚，加油努力好好保持水準

開咗一段日子，終於去試吓。分兩層以木結構為主，裝修格調很好，坐得也舒服。服務很好，侍應的反應很快也有禮。食物水準就較一般。主菜改餐（多了沙律、湯、啡茶）要加38元，我們改黑松露湯要再加20元。凱撒沙律都係一般，幾條菜葉加少少醬咁，普普通通。湯有黑松露香味，口感也不錯，可讚。叫了蜆肉意大利飯，蜆肉有少許海腥味（不是難吃那種），我鐘意。不過啲飯太過淋，透晒心，唔似意大利飯，可能就香港人口味。黑毛豬扒，肉質好淋，幾乎冇牙都食到。肉不乾有汁，質感不錯，不過冇味，不但豬扒冇肉味，連醬都乜味，就只係鹹鹹地。豬扒似是燒的，但沒有一點焦香味，燒得好的肉扒應該表面有微焦，內有肉汁。咖啡水準也不行，只是不難飲的水平，有點失望。這餐廳價錢在荃灣區中不算低檔，環境和服務也不錯，只是食物質素有待改善。

呆等左個幾鐘，大佬終於出到黎車我去食飯😤。諗住求其食一間，落車個刻被cossi門口餐牌吸引左一下😍，再猶豫諗緊既時候，餐廳門口吸緊空氣既蘇志威撘訕話呢間好味吖試下啦。好！就聽佢一話試下啦。果然無失望仲喜出望外添。😄。沙律菜加熱辣辣既麵包配蒜蓉醬👍。黑松露雜菌意大利飯👍飯既硬度適中，吾會煮到淋patpat。都幾大碟，開心share食會無甘濟。。安格斯牛扒👍材料品質好，medium well都一樣鮮嫩。個side dishes 焗薯真係好好味，大讚！(本身我吾太好食焗薯都覺得好好味😁)。蜜蜂芥末醬雞翅👎雖然雞翅熱辣辣，但個皮炸得太厚了Cossi食物好味之外，上菜速度正常(並不是那些一次過將啲食物堆上枱)，環境舒適，服務態度一流，一定會再encore😄