Cossi (已結業)

之前本身想食秘 但好多人等位就轉左食附近既cossi💃🏻唔洗等即入 2個大食人類點左黑松露薯條🍟安格斯肉眼🐮龍蝦西班牙海鮮燴飯🦂西西里茄醬燴三式肉腸意粉🍝加左沙律同湯同野飲😂全部都好好食！！男朋讚risotto既龍蝦好食到不得了😂平時佢最鍾意中菜日本野 西餐麻麻⋯都讚到話100分😂😂而我就覺得黑松露薯條係最好食既！！(所有有黑松露既都100分😂）安格斯肉眼係炭燒 會有輕微炭苦味 但還可以接受！

我們前後到過這裡兩次一次在平日晚餐時間，人不算多，環境氣氛不錯！點了豬手、帶子黑松露飯、蘋果批。套餐有湯、麵包及沙律。豬手味道不錯，皮脆肉嫩！其實吃豬手很怕吃到太油膩及肉很「痴骨」不過這裡豬手都沒有以上兩個問題豬手用烤的，不會像外面油炸豬手這麼油而且食到最後都不會痴骨，值得一讚！另外，帶子黑松露意大利飯都好食，帶子新鮮，黑松露味濃，配上意大利米口感不錯而甜品apple crumble 用了青蘋果，味道酸甜，吃完飯再吃也不會覺得膩！十分推薦～另一次午市來到，但食物相對上次晚市失色！西班牙豬肩包保持水準，但將薯條換成薯角會更加分至於煙三文魚香草醬長通粉，味道不錯，但三文魚並不是完整一塊，而是三文魚碎，所以有一點失望。

話說同一班中學同學敘舊，大家都好耐冇見，由中學到到而家大家出嚟工作，可以去食一啲比較貴價小小嘅嘢食，有朋友介紹荃灣呢一間西餐廳話食物嘅質素好好，價錢又唔係話好貴所以就決定一行七個人出嚟食飯啦，但係因為呢間鋪頭嘅地方實在太細啦所以呢就需要係一個半小時就需要交枱，我哋齊人之後呢就要快快手揀嘢食啦。我哋呢就全部都係單點冇套餐因為我哋知道之後會去食糖水。首先我哋嚟咗個黑松露薯條做小食先，黑松露味都好香，薯條都好脆不過個份量就細咗少少，每人大約食到2，3條就冇晒啦。凱撒沙律：分量都係偏小嘅可能因為我哋有七個人咁多啦每人都係分到兩三條菜兩三粒麵包粒就冇啦，不過味道都算好嘅菜都叫做新鮮，麵包粒亦都好脆。巴馬火腿意大利飯：我哋冇叫到要幾多個月份嘅巴馬火腿，佢自己就送上左呢一碟，因為我哋嗌完之後先至發現原來個餐牌上面係有分幾多個月嘅巴馬火腿嘅，巴馬火腿都幾鹹香不過就油份偏少，意大利飯都幾creamy入面仲有洋蔥粒同埋腸仔粒，不過我哋都一致覺得配腸仔粒呢一個配搭係有啲奇怪，有別於一般嘅意大利飯。德國豬手：肉質比較鞋，不過皮就炸得好脆，值得一提嘅係佢旁邊嘅薯蓉，好滑好香，不過一樣啦個份量都係偏小所以兩三啖就

臨時來一餐簡單的週年晚飯，就近近地去荃灣食，餐湯夠熱，味道ok,前菜沙津都幾好，呢間豬手唔算好大隻，都冇酸菜伴碟，但都算脆皮肉嫩，豬肋排味道一般，而且有D老，比難難咬開，另外點左一碟魷魚小食，炸粉太多，整體一般，但服務好好

今日星期日就約咗舊同事去食tea，但係荃灣廣場啲餐廳又覺得食嚟食去都係嗰啲，最後就去返我之前覺得唔錯嘅小餐廳食個high tea。去到好彩仲有兩個位唔使等，我就可以去食今次再一個長通粉一個漢堡同埋一個甜品 。佢哋價錢唔貴都係由六十幾至八十幾蚊，前菜會係一杯凍嘅橙汁，可以令到你開一開胃。長通粉冇諗過材料偏小，但係醬汁十分好味。而漢堡即係類似係法國多士，烤出嚟都幾脆口，但係牛肉就少咗啲，同埋比較鞋身，最後我哋每人都係咗杯咖啡，只屬正常。因為之後我哋都想再傾計就叫咗一個甜品，金寶菠蘿 ，菠蘿味好香又夠甜，而且仲有少少脆口。整體嚟講個甜品都唔錯，呢個價錢嚟講都抵食同埋坐得都舒服。

同老公去荃灣食晩餐，上OpenRice搜尋到呢間咁就試吓啦😊去到7:00待應問有冇訂枱，我地話沒有，佢安排咗近門囗2位比我，然後告知8:30交枱，我同老公都覺得已很足夠👌點了2個set dinner,一個西冷7成熟，牛扒味道幾好有炭燒味😋另一個豬排個醬汁稍為甜咗d😯。我另外多叫了一個黑松露薯條，呢個唔得，炸到過唒火喉好很乾，應該係放咗好耐番炸的😒同埋晩餐包埋餐湯沙律同餐茶！我初初唔知道餐包埋沙律，點菜嘅時候order沙律,個侍應好好話俾我知個餐已經包埋，所以我沒有再重複點個沙律。而且食完嘅時候，有個侍應走埋來問我啲嘢啱唔啱食，都算有不錯嘅服務嘅👍🏻

同fd 一行4 人黎呢間聚會總共叫左1個前菜加3 份主食前菜係蜜糖芥末雞翼，蜜糖芥末味唔多覺有，但炸的火候適中主菜方面有芝士黑松露野菌意大利飯，平時d意大利飯得一，兩啖就食曬但呢度可以分到4份，每人都有3-4啖，而且價錢都只係$98,幾抵食，不過芝士味同黑松露味就唔太出另外仲有叫左藍青口意粉，青口有d腥，整體味道普通最失望係黑毛豬排，份量少，而且有「火農」味，可能係燒得太耐，配菜薯蓉仲好食過主菜btw, 每份主菜加$38 就有湯，包同飲品，價錢都合理雖然訂位時話張限時1.5 hrs, 但最後都冇趕我地走，可不防一試

當連鎖食店已進攻我們的小社區，小店更顯難能可貴Cossi面向荃灣廣場側門，基本上整條街也是形形色色的小食肆。當晚時間尚早，在附近的Stella's之間選擇了Cossi，因為似乎menu菜色選擇比較多，價錢亦便宜少許。由於沒有訂位，只能坐bar枱，不過本人亦偏愛bar枱可以一眼關七先點了一杯mocktail-Miracle($28)，其實真的很便宜，即使這只是一杯無酒精飲品。味道是番石榴，菠蘿跟提子汁的混合，底部有罐頭椰果粒，味道酸甜，合乎預期。小食點了香蒜薯條，來到時有點意想不到薯條竟然是港式茶餐廳的曲曲粗身薯條，加上蒜香粉，簡簡單單，但新鮮炸起，豈會不好吃？另外點了BBQ醬燒豬肋骨，份量適中，肉質軟嫩，雖然肉的部分不算多，但也吃得滋味。近骨位的部分更加誘人，剛剛熟，十分好吃。如果有機會一大班朋友到訪，必點豬肋骨分享！意大利飯軟硬適中，菌類的份量亦不少，但飯的味道偏甜？！有點不習慣，但詢問店員拿取額外黑椒調味料時，才比較容易入口。整體上環境，食物，店員服務也很滿足，一定會再來。

今日係同女朋友既周年記念日特登揀左間環境同格調都好適合既餐廳 – COSSI 我地點左一個餐再加一個主食再加一個小吃SHARE炭燒美國極黑安格斯牛肉眼扒套餐加左38蚊轉個餐, 會多左一個餐湯, 沙律同麵包最令我有驚喜既就係個麵包, 因為佢個醬真係無得頂我問個店員係咩醬黎, 佢話係自家製既超香同超MATCH WITH個麵包!! 講返個主菜, 牛扒勁大塊, 我地叫左五成熟, 一切就馬上一分為二食落口感唔錯, 而且牛味好重, 好鐘意, 有少少牛既UN度, 但係口感唔差, 而且塊牛除左大塊之外仲好厚下, 五成熟仲見到入面紅紅地, 可見廚師掌握得剛剛好 慢烤鐵板脆皮德國咸豬手未上台已經聞到香氣傳過黎, 因為仲係鐵板上面, 上到台仍然都係ZI ZI聲,SIZE有拳頭咁大, 而且只有一條直骨, 輕輕一切就成條骨可以拎到出黎因為仲係好熱辣辣, 所以非常易切, 一切就聽到SIP SIP聲, 係皮太脆所以先會發出呢種聲音!! 正, 一食果然係皮脆肉嫩, 我覺得最佳既食法一定係一口一塊肉, 要有皮同肉一齊食, 咁樣個口感最正!! 蜜糖芥末酥脆雞翼即叫即整大雞翼!! 蜜糖芥末味唔單止係皮上面, 連肉都食到同聞

上次去荃灣食Ruby 嘅時候，無意中發現咗呢間小店，見到個樣好似好OK咁，所以今次就專登過嚟試吓。鋪頭唔係好大，分開咗兩層，最後我地被安排坐二樓。初頭以為呢碟係餐飽，但隔咗一陣，真. 餐包出現咗！原來，上一碟嘅鵝肝多士係送嘅！估唔到送嘅都咁重手，令到我地有啲喜出望外！叫完Main Course，只要加$38 ，就可以upgrade 做餐，有湯、沙律同飲品。湯方面，只要加多$20仲可以轉做黑松露蘑菇湯。作為一個黑松露粉，忍唔住比多$20upgrade! 飲落除咗好香黑松露外，仲會食到滿滿嘅蘑菇，好滿足！第一次去西餐廳食沙律會食到中華沙律，不過呢個新配搭都幾OK! 唔錯！前菜我地仲叫咗呢個白酒忌廉煮澳洲南青口$68，青口都幾大隻，配埋個白酒忌廉Sauce, 味道幾夾。終於到主菜啦，呢個係焗安格斯牛肉漢堡煎蛋$78。最鍾意佢隻太陽蛋，切開之後蛋汁滲晒落個包到，食落特別滋味。炭燒黑毛豬肩柳配蘋果蓉$138 係男朋友叫嘅，其實我本身唔係太喜愛豬扒類食物，因為十居其九都好韌，但點知呢個豬肩柳都幾有驚喜！食落唔會韌，同埋同個蘋果異常夾，令我對呢啲豬扒類食物有新睇法！最後到甜品啦！不嬲都好鍾意食Ap

今時今日o既荃灣已經跟自己細路時o既轉變好大….雖然仍有批舊有建築可尋…如沙咀道球場、楊屋道街市、荃灣廣場、大會堂等……最主要係多左大型商場、新樓盤、百貨同埋左穿右插o既行人天橋唷!!…更多o既係開多左好多不同元素o既食店餐廳…令區內更多姿多彩! 亦令人眼花瞭亂…但响心目中仍不脫一份人氣混雜、老舊鄉土o既新界味…一種親切又熟悉o既感覺…喜歡與不喜歡之間…大壩街...幾乎就錯覺好似赤柱條大街咁...揚揚一列餐廳...只係未見滿街洋人但充滿洋氣...西餐廳都走型格路線...有多國菜式選擇...放在路邊o既大餐牌、室外雅座...只欠沿海風光...周六中午...面對著王少清中學o既COSSI就只一個女客在玩手機遊戲等餐到............兩層, 樓底高...黑色主調, 簡單o既餐桌椅...內側設有吧檯...整體感覺簡潔舒服的...服務生奉上Brunch餐牌...大至有A至H咁多項...聲明在先, 今日冇燒豬手!!...主要係漢堡、法包、牛扒、意粉之類...同朋友都選了相同的...點餐後...先送上小杯包裝橙汁...等左約10分鐘吧...主菜上尼...賣相也不俗啊...法包脆脆的...炭

見到食評好似唔錯就同朋友嚟試吓，點知真係非常失望店員安排我地坐樓上，我地食到無耐諗住加order，點知按鐘按咗15分鐘先有人嚟，一嚟就話我地只有20分鐘要交枱，而且態度仲好惡劣，我地同職員理論，最終都比我地order碟雞翼，碟雞翼唔洗5分鐘送到，個職員仲專登同我地講先比人地碟雞翼比我地，等我地可以快d食完，咁即係要我地快d食完快d走。唔係我地唔想快d食完，係佢地阻住我地落order囉。嚟d餐廳食一次肯定唔會再嚟。

荃灣太多有服務的餐廳，不要選擇呢間，第一次在openrice search呢間用餐，呢間算是趕客，無服務都唔緊要，唯一最客氣是比較肥的女人，按多次鐘無人理,個長髮的是男人居然是last order,隔離的熟客邊飲香賓可以不受時間限制，我們飲兩杯白就急忙趕我們走，對客人不公平對待，請老闆必須要檢討，好好培訓員工，在消費高低之下，都要受公平對待。

同男朋友去完荃灣一田大戰後，決定去荃灣廣場就近既西餐廳覓食。經過cossi 門口餐牌價錢唔貴，食物選擇豐富，環境望落幾有北歐風，決定入去一試。入到去發覺樓底好高，有層閣樓，我地被安排到閣樓用餐，唔好以為閣樓會無人理，每張枱上面都有一個呼叫鐘，有需要服務可以按，店員就會出現。店員態度非常好，好有笑容，餐廳都好有心思，逢星期一至四既晚上，會奉送餐前小食，今晚為蜜糖芥末醬炸魚柳配墨西哥脆片, 炸魚柳香口魚肉嫩滑，配合甜甜醬汁同脆卜卜既墨西哥片，很醒胃。之後小食叫左個蜜糖芥末酥炸雞翼，雞翼有4隻，炸得香脆，裏面的肉卻能保持鮮嫩多汁，甜甜蜜糖味有有小小芥辣感，食得過癮，又唔會膩之後叫左2個套餐，套餐包含餐湯，餐包同沙律菜南瓜湯，飲落似真係用南瓜磨製，好足料，味道濃郁👍🏻而沙律菜店家大方用上火箭菜，配上芝麻醬，新鮮開胃烤安格斯牛肉配鵝肝漢堡， 鵝肝好大塊，煎得很香口，口感好滑溜，再配合肉味濃郁既安格斯牛，整個漢堡多汁juicy， 絕佳配搭👍🏻男友搶埋我份黎食🤣仲要配合大大碗醋味沙律，令人食完禁邪惡既漢堡都覺得健康唔膩北海道帶子 脆銀魚龍蝦汁意大利飯，因為有些客人唔鐘意意大利飯太硬身，叫時店員會問意

湯味道很好，麵包好軟熟.服務態度和藹，效率快，坐得舒服，又有酒飲，非常pro. 仲有樓上雅坐,,又有免費wifi.牛肩扒好味，羊架無蘇味，也好好食，總括全部都非常好。