Cossi (已結業)

朋友需要見系列💁🏻為求西鐵找上了荃灣西附近的西餐。放工就是要找舒適的餐廳坐坐吃吃的價錢相當大眾化我們就點了兩個餐，就是主菜加38元就有餐湯，沙拉跟餐飲。龍蝦湯（另加20元）海鮮味濃，我好喜歡喝很稠的湯。南瓜湯相比龍蝦湯比較清甜。墨西哥脆片配魚柳免費的小食，未免太用心了。免費小食也做得不錯香煎法國鵝肝配美國安格斯牛柳 牛柳叫了5成熟，牛綿綿的，外面煎得脆脆的。 鵝肝跟薯蓉就是絕配吧!北海道帶子黑松露意大利飯 份量很大呢～帶子就是煎了一下面頭，內裡仍然保持刺身效果，意大利飯軟硬度剛剛好❤️

放工約左媽咪喺荃灣廣場嗰頭行街，無意中發現了有一間門面好靚的西餐廳，所以決定一試！食物平均一啲都唔貴，黑松露飯，意粉價錢非合理食西餐頭盤當然5少得沙津，沙津份量多，配埋脆煙肉，同麵包粒，非常香口。沙津汁特別，有少許甘香味道，比起平時喺其他餐廳5同。哩個一定要試嘅紫薯條，炸得好香口，而且係用紫薯，比起普通薯仔無咁肥，食多幾條都唔驚仲有配上佢地舖頭自製嘅蛋黃醬汁，好好味，比起平時食的蛋黃醬更香更濃味待應仲送左炸雞，炸得脆之餘，配埋蜜糖芥末醬，好味道主菜叫左意大利飯，帶子煎得非常入味，外脆內軟又新鮮！略嫌黑椒太多，如果黑松露可以落多啲就好了帶子大大粒最後極力推薦哩個龍蝦汁意粉煮到每一條都係充滿龍蝦汁，好惹味！加埋芝士真係絕配嘅組合食飯時間都幾滿座，所以被安排坐樓上，環境靜得黎又cozy 而且待應招呼周道，食得開心

小妹既朋友住係荃灣眾安街朋友一向都話荃灣食市林立要搵食絕對唔難今次就特登行遠少少 去到位於大壩街既cossiCossi係一間食fusion菜既餐廳小妹同朋友一人點左個set dinner餐包餐包質感柔軟就咁食唔點湯 餐包係口腔發酵 有甜甜既味道如果覺得太單調 可以點下旁邊既千島醬又係另一番風味沙律沙律菜上面有甜甜既雜果清新既沙律菜可以清清腸胃之外為晚餐打開序幕龍蝦湯 +$20作為重口味之人 點少得龍蝦湯小妹喜歡龍蝦湯既原因係因為鐘意佢夠香濃喝一口龍蝦湯 湯既濃度令龍蝦既味道係口中逗留小妹直情唔捨得飲水 怕味道會係口中消失怕太濃既朋友 可以加埋餐包一齊食 中和小小個味道冬陰公香辣意粉 $118喜歡食辣既朋友有福了通常啲餐廳話你知 辣既菜式 一般都係只係帶有小小辣味 毫無刺激感但呢道既冬陰公意粉無令人失望上菜既時候 意粉已經散發住香辣既冬陰公味意粉既辣係似胡椒既辣喜歡辣既朋友絕對唔可以錯過除左意粉之外 仲有墨魚同青口做配料有齊哂冬陰公既元素炭燒美國牛肩扒 $148食rib eye食到悶悶地 想轉下口味就叫左呢個來自美國既牛肩扒之前巴西既黑心肉事件令到小妹揀肉食都有小小要求所以先揀美國出產既

雖然經常在荃灣出沒, 但好少會行過去荃灣廣場果邊, 今晚約了朋友食飯過開黎先見到原來呢度多左好多餐廳!今次試了呢間門面看起來很有格調的Cossi 內裡的裝潢感覺側很cozy, 入門口看到酒吧台, 餐廳有2層, 我們被安排到樓上雅座, 因為樓下已差不多滿座了, 估唔到平日都咁多人!淨睇餐廳的格局以為會偏貴, 看看餐牌價錢就覺得幾合理, 平均百幾蚊一款主菜, 可以加$38轉餐已經有齊沙律,湯同飲品我地叫左2款主菜, 只係轉左一個餐, 咁就可以再叫D小食開心share叫左既主食小食以肉食居多, 要平衡一下所以點左個泰式柚子有機菜生蝦刺身沙律($58)生蝦刺身新鮮, 唔知係咪有機菜係唔同D, 平時食呢款沙律都帶青同苦味, 反而呢度既冇!呢個泰式沙律用了個幾辣既汁, 嗜辣既應該覺得好過癮, 不過本人食唔到好辣餐湯是南瓜湯, 都幾大碗, 2 個人分黎飲都夠, 除了南瓜味還好像帶了點甘筍的甜味, 好飲還是覺得跟餐既沙律比較適合, 有水蜜桃同特式 醬汁既沙律, 個醬配沙律菜幾好食,平時少食生菜既我都食左唔少期間侍應仲送上免費的小食, 是炸魚柳nachos, 剛炸起的好好食飲品也陸續送上, 跟餐可以加錢

上次黎依到食左晚餐之後，朋友仔話想黎試下佢既午餐，我見宜家多左好評，唔通情況改善左？我同朋友倆個人 一齊入左餐廳啦 有個四眼男侍應黎帶左我地坐樓上我地都比較中意樓上既 貪樓上靜d 又可以傾計傾得開心d咁我地叫野食 原先打算叫一份肉眼排同一個意粉 點知意粉買曬我心諗:西餐廳重點係食意粉既 點解可以連意粉都冇架好啦 最後叫左一份肉眼排($85)同意大利飯($65)肉眼排望落好大份 仲有配薯條意大利飯上面有粟米同蟹肉 不過味道就淡d不過呢食物上菜就耐左d 我地1點叫野食 大約10分鐘就上左湯同包 之後就等到45分先有主菜食 其實如果接住有野做既話 可能會唔夠時間食另外仲有覺得個個四眼侍應唔係太友善因為係我地問佢d主菜幾時有個陣 佢既態度好敷衍咁答 另外佢既樣都係好唔耐煩咁加上，我覺得依間餐廳個地下同廁所好"線" 感覺不太乾淨！我諗我唔會再黎！

同朋友去荃灣廣場睇戲後, 一出戲院就想搵餐廳醫肚, 過條馬路附近就已經好多食肆了, 經過見到易拉架個Menu, 都幾岩口味, 西餐黎講都算實惠, 就入去試試。當時都幾多人, 一樓已full晒, 要上二樓, 侍應還細心給我們籃子裝起手袋背包, 枱上亦安放了按鈴, 但全程都好自動波, 勤快地上落送餐。我們點了二個主菜加set ($38跟餐很優惠啦), 有中華沙律, 甘筍湯跟餐包, 餐包加上蕃茄乾配沙拉醬, 開胃好吃。友人轉特飲 Sunrise $28  由小红莓, 芒果, 蕃石榴汁溝成, 口感清新, 開胃解渴。黑松露法式薯條 $48 黑松露味甚香, 薯條亦唔會太油膩, 佐酒一流。後來還附送小食- 蟹肉墨西哥薄片, 配蟹肉蟹籽夠惹味脆口, 還好份量不算多, 不然二份小食已經飽了。炭烤美國牛肩扒要五成熟, 一切開就聞到炭香味, 燒得剛好, 好juicy, 肩位冇咩筋, 好夠彈口, 脂肪比肉眼扒少, 扒餐來講性價比很高的菜式。慢烤鐵板脆皮德國豬手一切開豬手的肉質嫩滑軟腍，外層豬皮爆得香脆又煙韌 ，還有軟組織充滿骨膠原, 口感一流, 咸香惹味; 伴菜另外用碗裝既薯蓉，加牛油打成，仲有碎薯仔粒，增添

放工約埋老友去荃灣廣場睇戲，揀左Cossi黎醫肚。餐廳有2層，將原來的閣樓都打造成餐廳上層增加空間感。 點了2份main，加$38可以轉set dinner。麵包先上，雖不是自家製，但配其特有醬料，頗香脆。 餐湯是羅宋湯，質地幾濃，松露味道都恰到好處。沙律有2大粒帶子，經火燒過，有點焦香，沙律菜新鮮，配黑醋汁，整體不錯。 主菜的炭烤牛肩扒，第一次食，質感好特別，可能醃製工夫獨特，所以食落口唔似食緊牛肉，反倒似食緊一件嫩滑的豬扒。嚐新人士可以一試！另一個係即焗西班牙海鮮，初時以為係焗意大利飯，但上枱見到大大塊炸魚柳，大覺新鮮。魚柳外皮炸得香脆，入面魚肉嫩滑，不錯吃。這菜用鍋上，所以鍋下面仲有青口，番茄味的醬汁酸酸地好惹味，食厭左扒類，不妨來一點魚。餐廳送左個鵝乾多士俾我地，仲以為因為我地靚女送俾我地，原來係惠顧晚市就有得送。甜品我地揀左焗菠蘿金寶，新鮮熱辣辣，個金寶好鬆化，甜度剛子，十分不錯的一個甜品。配上雪糕食，一冷一熱，雙重口感。 簡簡單單的一餐每日大約$300蚊，食得飽飽去睇戲~

前兩天放工後要到荃灣看中醫，剛好媽媽大人那天下午約了她的朋友在荃灣行街嘆茶！-那便順道相約她到荃灣共進晚餐，而爸爸爸大人當晚下班後想回家休息，所以選擇獨自在家“食自己”了-看罷醫生的我致電給媽媽大人時，她原來在荃灣廣場血拼中.......好吧，那麼我就先在附近看看有什麼想吃吧-當晚特別想吃牛排的我，看到了角落的《 cossi 》，門前的餐單菜式好像不錯喔！所以便帶媽媽來看看，她說沒所謂...是我請客就行-好了好了，那就進去吧-店内設有上下兩層，座位寬闊，當中的一角更是"吧檯"，環境氣氛不俗餐單上有不少菜式及特飲喔平日來用膳還有一些不同優惠一心想吃牛的我很快便選好了主菜：“香煎法國鵝肝配美國安格斯牛柳”HKd$180+10%；而媽媽則點了“燒法式羊架配法國芥茉露斯瑪利汁”HKd$158+10%-另外再各加了HKd$38+10%轉了set（包餐湯、餐包、沙律和普通餐飲）及HKd$20+10%的甜品-因為當晚是星期一，餐廳更會贈送小食，我跟媽媽都怕會吃不消會浪費，所以也沒有再散點其他食物了-當晚的餐湯是南瓜湯，濃度適中，有南瓜在湯中，喝吧亦不膩！餐包經過烘熱後，表面微脆，不錯是日沙律 是蟹柳

踏入春季，香港的雨水的確份外多，今天又下起兩來！密密麻麻的細雨，接連不斷，放工後令人不想到處跑，於是，便與同事在荃灣吃晚飯。 雖然，BeautySearch 並非在荃灣這社區成長，但對於荃灣的變遷卻有點點認知，這夜，我與同事來到荃灣大壩街，舊日，這街道車房林立，途人都以猛男居多，所以，BeautySearch 甚少踏足這街道，不過，只從大型商場建成後，這裡開始漸漸起變化，不知不覺，已有很多食店進駐在大壩街，而這次，我們揀選了當中的《Cossi》。 甫進店內，BeautySearch 便被那特色文化石牆吸引著，店子感覺不算很大，樓底卻很高，設有上層位置，可惜未有機會參觀，因我們到來時還未開放，只見後來大伙兒 6位食客步上。下層還設有一個小Bar，男客人都喜歡坐在那裡，似是熟客。 店內還設有大型吊架，用盡每處空間。 BeautySearch 先點選了一杯 「Lychee Punch」H$28，在店內昏黃的燈光下，令人看不清這特飲的色澤。呷一口，味道相當清甜，在桌上的仿燭台影照下，令這兒的浪漫氣氛升溫，可惜，同行的不是戀人，而且是一位女同事！ 同事較餓，所以點選主菜的同時，加

位於荃灣大壩街的COSSI, 晚上的營業時間為1700至2400,所以OT後也可以來這邊吃飯或飲酒小聚。如點了一客主菜，可加$38加配是日餐湯和沙津。是日餐湯為甘荀湯，甘荀味道很足，味道偏清淡，能喝到甘荀的原味，不會感到很膩。另外一客則再加$20升級至龍蝦湯，這湯則較濃烈，湯中更有點點龍蝦肉。逢星期一至四的晚上，更會奉送餐前小食，一人一件。今晚為蜜糖芥末醬炸雞配脆脆TAPAS, 炸雞熱辣辣，加上酸甜醬汁，很醒胃。香煎法國鵝肝配美國安格斯牛柳來到了，點菜時還會詢問需要幾成熟，很細心。鵝肝頗大塊，煎得很香口，口感很正很滑溜，牛柳選了七成熟，所以切開後，裡面也是紅紅的。牛肉很香很有肉味，外面煎得微焦，裡面則多汁juicy。配菜的薯仔蓉、烤蕃茄和沙津菜也配搭得不錯。第二道是煙三文魚、阿拉斯加蟹肉、蟹籽意大利飯，飯面的蟹籽份量很多很滿足，和飯混合後，在口中卜卜聲地爆開，很有趣。整個Risotto很濃郁，除了白汁，還加了一些香草來調味。吃完這飯，感覺就如把整個海洋吃下來。焗蘋果金寶伴呍喱拿雪糕的味道也十分不錯。另外，雪糕還可以選朱古力味，口感香滑，奶味頗香濃。甜品即叫即製，來到時熱度很夠，crum

自從荃灣開多左好多西日餐㕔，好耐冇食Cossi, 今日見menu 有新意粉，試下，味道keep 到，service 都ok, 好friendly.西冷-big portion, 比價性高， 牛味好，quality ok. 但French fries 一般，好fast food feel. 蟹肉意粉-好大份，扺食，味道幾好，不過上次去chief stage 食同一味意粉，人地蟹肉蟹味更濃，人地好味D，不過貴小小，Cossi呢個價錢，算好，會再黎！

放完復活節假之後，五月頭又有幾日假期，作為打工仔，寧舍覺得時間過得快，有假期當然係安排定去邊度食飯。收工同男朋友去到呢間喺荃灣嘅西餐廳，唔知道係餐廳好正，定還是假期關係，8點鐘左右已經幾乎滿座，我地都目擊幾個walk in客完全冇位…好在我地一早預留左位置，否則都冇位坐呀！Cossi雖然有閣樓，但位置唔算多，加上好評不少，想食的話，都建議先行預約，以免撲空。餐廳環境不俗，燈光稍暗，枱與枱之間空間唔算多。我地坐閣樓，餐枱較小，餐廳盡量都分開上食物，唔會一次過出，所以都未至於會遇到放唔落嘅情況。閣樓嘅客人枱上面配有一個小鐘仔，有需要服務可以按鐘，店員好快就會出現。客人多，當日都感覺都店員係好忙，出主菜嘅時間有少少耐，不過佢地態度都好好，又快手。餐牌選擇豐富，有湯、前菜、小食、意粉、意大利飯、意粉、漢堡、扒類、海鮮、甜品，定價合理。而且主菜一律都可加$38配沙律、餐湯、咖啡/茶，都抵加嘅，因為本身餐茶都25蚊~前菜我地冇點呢份小食，不過店員話係送架~有一塊薄脆，上面係炸雞，炸雞新鮮熱辣，炸粉唔厚，雞肉都幾嫩，送嘅冇乜期望下又覺得幾好食喎！沙律、餐湯沙律菜以醋調味，都幾新鮮；餐湯係味道不俗，唔

日日OT無停手，好忙好忙，放工同同事食埋野先返屋企。放得工已差不多九點，附近茶記已收門，行去車站個邊食吧，去了同事話幾正的西餐廳。見價錢唔算好貴，食豪啲慰勞下做得咁辛苦嘅自己啦。由於餐廳一樓已滿坐，安排坐在二樓，雖然不常看到侍應，但枱上有按鈴，有需要時可呼喚侍應的。點餐後加（$38）可轉餐，包括餐湯，沙律同餐飲，再可加錢升級餐湯同特飲，個人覺得是日餐湯已很合口味就不轉了，同事則選擇轉了特飲。是日的雜果菜沙律，新鮮的沙律菜配上橄欖油同黑醋，酸酸地又香口，再加上少量雜味沙律帶來一點甜味，令味道更加有層次。是日餐湯係椰菜花湯，忌廉湯中帶有椰菜花的蔬菜香，特別又好飲。隨餐湯附上的麵包，帶香草味，點一下旁邊的醬料更好吃。還送上鵝肝多士，很香脆的。先來的是同事的慢烤鐵板脆皮德國咸豬手（$148），豬手很大隻呢肉質軟腍但不失咬口，皮炸得又香又脆，皮下脂肪都已成膠狀，食落一點都不膩，少少咸香更惹味。旁邊還附上一碗薯容，是真的薯仔不是開粉的，有薯味同勁牛油味，仲有大大小小不同的薯仔粒，很有口感。自己點了炭燒美國極黑安格斯牛肉眼扒（$198），嘩嘩，好大塊喎餐牌上沒有寫有幾多oz，還以為不到二百元的牛扒也

之前提過在荃灣區超多美食, 而且在我個Food Wish List也佔不少是在荃灣區的Cossi的餐廳幾有格調, 以啞黑色來襯托木材, 分為地下與閣樓兩層, 還設有一個Bar Area...嚟飲杯嘢...Relax吓都幾好我同朋友各自要一份主菜, 同時地 +$38升級為套餐 (沙律、餐湯、咖啡或菜), 點餐後, 店員為我們送上小食 - 鵝肝醬多士 & 餐湯 - 南瓜湯, 奇怪我地無額外加一份小食, 問了店員後得知原來星期一至四晚通都會送小食一份麵包配蛋黃醬沙律係分別由沙律菜 + 什果沙律, 兩種配搭, 好適合我呢類貪心的人😍炭燒黑毛豬扒配蘋果蓉 - $138平時好少食豬, 因為怕好怕的豬腥味, 不過印象中黑毛豬就無呢個問題黑毛豬扒超厚切, 炭燒完之後Size仍然好有睇頭, 而且真真正正用炭火燒, 因為炭火燒會有種特別誘人的香味😋伴碟有烤過的芝士🧀蕃茄🍅 & 薯蓉, 仲有蘋果蓉, 配埋豬扒一齊食, 酸酸甜甜幾得意香煎法國鵝肝配美國安格斯牛柳 - $180Wow...又係一道令人興奮的菜式, 鵝肝的size絕對係令人滿意, 外皮煎得脆脆, 內層細膩滑潤, 加上鵝肝獨特的芳香切開安格斯牛柳,