Cossi (已結業)

午餐只是80元，就有高質素的咸豬手。豬手面脆脆，而內裡的肉很嫩滑但有點咬口，配上不解油膩的醬汁，味道實在太好。午市份量足，只是晚市三分一價錢便有晚餐的享受，是我放假常來吃的地方。

很耐都無出街食飯喇！難得約到公司同事收工去食飯兼講下辛酸事，就試下黎呢間食。餐廳環境十分唔錯，有個閣樓仔用餐區，樓下有吧台。被安排坐了上層，台與台之間距離都OK。朋友叫了Sunrise，而我果杯係Love Breeze！飲落去不太甜，帶點雜莓味，十分推介！每人送左個鵝肝醬配麵包，麵包脆口，鵝肝味濃，加上黑色的酸甜汁╴好醒胃！首先我地叫左個泰式柚子帶機菜生蝦刺身沙律，賣相一般，味道清爽，柚子不會太酸，生蝦都多，都足料！但辣左少少。之後就小食系列，講工作辛酸點少得小食呢！！！水牛城雞翼雞翼都大隻，味道偏濃味，肉質滑，熱辣辣上台，如果配啤酒食更好！黑松露薯條，粗第薯條我至愛，加上黑松露分佈得好恰到好處，香氣十足！同朋友食不停！食到忘記左影相添！呢知烤美國水牛城BBQ汁豬肋排非叫不可，D肉又滑又多肉汁，配菜又不差，滿分！其實食到都飽飽地，最後都叫埋呢個北海道帶子黑松露意大利飯簡單賣相，多少少裝色會無咁單調。值得一讚係食物水平不錯之外，服務態度真係好好好好呀！依家真係好少餐廳做到架喇！

我那個識飲識食的好朋友今日又帶我出街食好西！ 因為他說這間店子坐得舒適而且價錢平民化得嚟食物有一定程度水準！絕對吃得過！ 所以就算是荃灣那麼遠， 為了吃好西，一於出動！ 這裏地方四正，而且空間感好大，因為這裏有上下兩層。上面一層是半層，所以地下嗰層樓底比較高。 這裡沒有固定的set dinner ，因為所有主食可以加38蚊變餐，餐包括一份沙律，餐湯，咖啡或茶。 餐湯是我十分着重的那一part,所以加多了少少錢upgrade左做龍蝦湯~鮮豔的橙色是超濃郁的標誌，加上香濃蝦味，都唔錯！ 沙律大大碟，不欺場喔！而且是我最喜歡的雜果沙拉，配上大量蔬菜，在我心目中還正過名貴的黑松露耶！ 餐包也有供應喔~配以特色的蛋黃醬挺好吃呢！ 主菜前先來點小吃醒醒胃吧！不妨考慮芥末蜜糖脆炸雞翼~ 在炸得金黄色的脆皮雞翅膀上淋上特色的芥末蜜蜂醬，一陣辣一陣甜，好惹味！ Main方面，選擇了烤安格斯牛肉漢堡煎蛋~選擇它除了喜歡吃漢堡外，還有那價錢也是超抵！無記錯是78蚊已經吃到！還附上大盤菜更是錦上添花，令人喜出望外！ 那動L的太陽蛋超級大隻，將那塊預先已經烘得脆脆地的漢堡包沾上蛋汁同吃，唔，直頭停唔到口！

今晚係荃灣經過Cossi, 見到門口外嘅餐牌幾吸引, 難得紅日又唔使等位, 就入咗去試侍應好有禮貌咁帶我地上2樓, 座位唔迫, 成個環境都幾舒服, 令人好放鬆。食物飲品方面好多選擇, 我同友人都揀咗好耐先揀到食咩 (冇影晒成個menu因為太多頁)最後決定要2個小食同埋2個主菜, 再加$38有埋餐湯、餐包、沙律同餐茶。落完單後等咗幾分鐘已經上餐湯、餐包同沙律今晚嘅餐湯係紅菜頭忌廉湯, 淨係聽個名已經覺得好特別, 唔係平時常見嘅白湯紅湯 (雖然筆者同友人一開始都飲唔出係咩湯, 後來問返侍應先知)。餐湯個味道有啲似雜菌忌廉湯, 夠味而且唔會好稀;餐包都好好味, 夠新鮮, 好軟唔韌;沙律冇乜特別, 菜幾新鮮, 美中不足係筆者唔鍾意黑醋, 所以就叫左走醋, 可能因為咁樣令到個沙律食起嚟有啲寡。如果可以提供芝麻醬式沙律醬會更好~接住就即刻上咗2個小食: 黃金紫薯脆條配自家製蛋黃醬 & 法式蒜茸金磚包個蒜蓉包好正, 外脆內軟, 好夠蒜蓉味;蕃薯條略嫌唔夠脆, 同埋唔係好夠味, 覺得可以加返少少鹽會更好, 用嚟點蕃薯條嘅蛋黃醬亦稀咗少少。雖然咁講, 但筆者本身好鍾意蕃薯條, 所以都係食晒, 哈哈。緊接

今日食lunch又去咗成條街都係食肆嘅大壩街，今次揀咗Cossi。呢次已經係我第三次幫襯佢地。我只可以講以咁嘅價錢有咁嘅質素嘅西餐係非常之超值。餐廳嘅裝修都幾有格調，燈光好柔和仲有配合埋播英文歌喺度食嘢嘅環境係正嘅。今日我哋叫咗一個自家製安格斯牛肉芝士漢堡包同埋鮮蝦阿拉斯加蟹肉粉紅汁意大利粉。個餐未上之前就有兩杯好細嘅橙汁畀你飲下。 呢樣嘢喺外國係好興嘅，但我就選擇食咗嘢先飲嗰杯橙汁。冇幾耐個意大利粉就上菜，首先要讚嘅就係佢嘅意大利粉係一啲油都冇。個汁係用蟹肉攪碎咗嚟煮蟹味係非常之濃，配落啲意大利粉度我只可以講好多五星級嘅大酒店都食唔到咁好食既西餐。另外個安格斯牛肉漢堡包，個bun有烘過好脆同埋熱。另外個牛肉餡味道唔錯，整體咬落去好有口感。要額外講下佢伴菜既火箭菜用既意大利黑醋既味道係一绝。唔太酸而且有小小甜味，混落火箭菜非常之好食。最後就係杯餐飲我叫咗熱奶茶。佢哋用嘅係西式紅茶同一般茶餐廳嘅港式奶茶係唔同。我嘅至愛一定係港式茶餐廳嘅奶茶。但係佢哋嘅紅茶比我想像中好飲！同埋最值得讚嘅係佢哋嘅奶係分開上，但係有煮熱咗。所以加落去啲紅茶都好唔會整凍杯茶。另外要話比你地知係星期一至五辦公日去

復活節假期前就和好友大吃一番於大壩街上的一家精緻西餐晚餐選擇很多先來選擇小吃頭盤黃金紫薯脆條配自家制蛋黃醬炸過的紫薯蕃薯很香口自家制蛋黃醬更是重點朋友選了意大利芝士牛肉丸蕃茄醬味道極濃郁由於是全牛肉制作口感比較硬身由於是閒日每人敬送小吃就是兩塊是肝醬多士加二十元升級至龍蝦湯龍蝦湯極濃郁鮮味朋友說這是喝過最美味的龍蝦湯之一聽朋友說這裡的扒類質素甚高我就不猶豫地點了燒法式羊架七成熟剛好肉質十分嫩滑羊味十足是高水準的一道菜配菜也絕不馬虎薯蓉吃得出是手工壓制而不是用粉溝出來還配有我喜歡的白蘑菇朋友要巴馬臣芝士黑松露煙三文魚意粉我試了一口芝士味的確濃郁非常歡談中不知不覺間已過了兩小時離開餐廳我還念念不忘那嫩滑無比的羊肉下次有機會真的想試他們的牛排

平日較少到荃灣食飯, 只是好耐無見的友人住在荃灣, 便係佢帶路下去了Cossi食晚飯. 店內的裝修幾精緻. 先點了兩款小食, 意大利流心芝士牛肉丸和黃金紫薯脆條配自家製蛋黃醬. 意大利流心芝士牛肉丸. 上枱時已被賣相所吸引. 牛肉夠鬆軟, 牛肉味不俗, 再配上芝士, 雙重口感. 若芝士再多一點, 更好味. 黃金紫薯脆條配自家製蛋黃醬. 蕃薯切成幼條狀, 炸得夠脆身, 但炸粉又夠薄身, 不但適合作為小食, 用來佐酒也是不錯選擇. 只需要點主菜, 便可以加$38配餐湯, 沙律和飲品. 主菜點了炭燒黑毛豬扒伴蘋果蓉. 我想飲龍蝦湯, 所以額外加了$20. 湯夠熱度, 湯質感稀杰適中, 龍蝦味還算可以. 每位客人均奉送炸雞一件, 估不到味道也不錯. 沙律是水果沙律. 估不到份量幾多, 蔬菜幾新鮮和爽脆. 炭燒黑毛豬扒伴蘋果蓉上枱. 肉質幾軟身, 不會太乾和硬. 豬扒是厚切, 較有咬口, 口感較佳. 配菜也不要錯過, 有我愛食的薯蓉. 飲品是熱咖啡. 另外, 見到餐牌介紹, $20有精選甜品. 我也點一份試下. 朱古力蛋糕配雪糕. 朱古力夠香

工作中午餐來到旺區，可以唔使食茶餐廳， 揀咗呢間西餐廳，兩點幾去到唔使等位，店面唔大，磚牆深色桌皮椅，最入一個大酒吧，好西式餐廳格局，店員又全套黑色侍應制服，幾專業嘅應覺！不過店員提醒三點落場（當時兩點幾）即刻落單，食物陸續上菜！餐包：烘得香脆嘅提子包好香，連平時我唔喜歡夾乾果嘅麵包都覺得好味，醬汁撈咗黑椒，好香又夾麵包！好味午餐餐湯：甘荀湯，同事飲午餐沙律：黑醋汁沙律，蔬菜新鮮！以無甘味嘅菜為主！油醋汁好濃！什果撈少許沙律醬，仲有水果原味！好味！炭燒澳洲牛肉眼扒（$85）賣相靚，牛扒炭燒到有格格紋，牛扒幾肥，煎完啲肥膏出晒油好肥美，做到要求嘅5成熟，肉質好淋，牛味重，加啲黑椒汁辣辣地，唔會蓋過牛扒本身！波浪薯條好脆，有薯味！點茄汁好味！拌碟蔬菜新鮮，加咗油醋汁，酸酸地開胃！好味！香焗安格斯牛肉醬茄子芝士意大利粉（$65）同事食烤蜜糖司華力腸茄醬長通粉（$65）同事食，佢比咗少許腸我食，皮脆肉嫩，蜜糖汁剛好甜甜地吊出香腸嘅鹹香！好味精選甜品：檸檬芝士（跟餐加$20）方塊蛋糕太細件，慕絲滑但無乜芝士味！檸檬酸味又無，呍呢嗱雪榚幾大球，香滑但無乜呍呢嗱味！士多啤梨爽脆酸甜！ok朱古力蛋榚（

味道極度一般，我同屋企人行過見倒人少少，於是準備入去食嘢，點知比個四眼哥哥侍應攔住，話要set 枱，咁好啦，唯有响門外等啦，到可以入去嘞，就發覺根本頭先張枱都已放咗有關餐具，唔知set咗乜嘢枱，好唔明點解要客人响出面等下午十二点時份，只可柯打brunch set嗰九款餐以我就柯打咗三個唔同嘅餐，C, D, H 餐H. 牛扖肉眼扒呢个係我叫三个餐之中較好食嘅一个，牛扒雖然叫咗七成熟，但仍軟、林、夠味b，煙三文芝士牛角包得一塊超簿嘅煙三文，夾落牛角包中，煙三文，無味又簿，完全唔覺佢存在過响個包喥，個牛角包，只可以講話唔難食……d，蜜糖芥末豬肩加脆法国包食物賣相係得嘅，但點知啲西班牙豬肩又老又硬兼乾身，至於個法包，又凍……又好硬，完全食唔倒有脆嘅效果每个餐都会跟薯条，呢个就幾好味，另每个餐会跟送餐前每人一杯橙汁及另再有咖啡或茶……但我差不多食到一半，要追先比嗰三杯橙汁，侍應仲要再三確認我係咪無飲過，侍應稱，因为客人一點單就会拎比客人喎我追得，梗係無啦……激死橙汁夠凍杯咖啡都ok嘅另收加一服务费總括嚟講，環境係幾好幾靓嘅，但食物方面，睇埋價錢，其实係同區地方，用相同價錢或更少，你可以揾倒更

放工後相約好友到荃灣找地區美食，沿著大壩街閒逛，看到型格裝潢的<Cossi>，木色簡約風的門面，襯托著光亮招牌，吸引著我們走進餐廳。室內環境十分舒適，餐枱之間的位置寬闊，食客享有自己的私人空間。閣樓位置還有數位雅座，適合十多個朋友包場開派對。餐牌上的選擇琳琅滿目，眼寬肚窄的我們選了小食<意式白酒煮蜆>、主菜<新鮮龍蝦配龍蝦汁長通粉>及<香煎法國鵝肝配美國安格斯牛柳>。不得不提星期一至四，餐廳會送出一款精選小食，使我們大快朵頤。蕃茄湯+中華沙律點選主菜，可$38變成套餐，蕃茄湯+中華沙律是今晚的精選。紅彤彤的蕃茄湯，入口柔滑、香甜，相信蕃茄湯加入忌廉煮製，味道Creamy、可口，十分醒胃吸引。中華沙律加上一般的沙律菜，清涼爽脆，加上一點點小芝麻點綴，口感十足。餐包+精選小食上菜速度剛好，餐包+精選小食緊接其後，搽上蛋黃醬，滋味可口。精選小食是蜜糖芥末炸雞，香脆迫人，油香在雞皮下慢慢滲出，加上甜甜的蜜糖芥末醬，我心樂透! 意式白酒煮蜆 $68意式白酒煮蜆的蜆肉肥美，浸泡在滑溜的白酒忌廉汁中，蜆肉吸引了白酒汁，香氣四散，入口淡淡

難得約咗友人入嚟荃灣睇戲，睇完戲見到對面呢間西餐廳，裝修得好有特色👍🏻餐廳有兩層，地下果層好有外國feel，而樓上果層私隱度高啲，好適合搞私人party！我哋睇完戲都好肚餓，於是就叫兩個main dishes，另加$38就有埋餐湯、餐包、沙律及飲品！餐湯係南瓜湯，很香濃，好飲👍🏻👍🏻沙律係櫻花魷魚沙律，幾特別，唔錯唔錯👍🏻👍🏻呢個炭燒黑毛豬扒伴蘋果蓉，豬扒好厚，口感唔錯。而蘋果蓉係以新鮮蘋果打成，頗特別！另一個main dish 係香焗即捕魚鮮燴西班牙海鮮，有魷魚、青口同一大塊魚柳，好豐富👍🏻👍🏻百零蚊就有咁豐富嘅一餐，的確唔錯！

今晚放工約了男朋友到荃灣食晚餐。。。今次約了在近荃灣廣場那邊。。這邊其實都有很多不同的餐廳。。。因很多餐廳都已經食過。。。想試一點未曾試過的食店。。。在荃灣廣場對面街發現了一間門面已經很有情調。。。而且門口看到menu食物種類多款式。。而且價錢合理。。所以便入餐廳內進餐了餐廳有下層及上層。。我跟男朋友被安排到上層用餐。。餐廳空間感很大。。而且我很喜歡這裡的燈光。。營造出一個舒適及有情調的環境。。坐得十分自在。。而且會看到下層更有水吧。。可以清楚看到店員調飲品。。。而上層都有數張餐枱。。很有自己的私人空間。。menu上真是有太多不同食物種類。。所以我都花上了一段時間來決定點選什麼如果點正餐。。可以以38數配以是日餐湯+餐包+salad+餐飲。。。真是超值由於我跟男朋友都想試一點特別湯，所以便再額外加了20蚊。。我們轉了黑松露雜菌湯和龍蝦湯。。餐廳所使用的器皿都很有格調。。。十分配合我們所點的餐湯，salad，餐包。。放到滿滿一整桌子了。。我所點的黑松露雜菌湯很香。。。散發著濃濃的黑松露味。。。而且湯質很creamy...仲清楚會看到很多黑色點點。。。黑松露粒子龍蝦湯很鮮味。。龍蝦味十足而

一年半了，苦待了在這家公司足足一年半的時間，該時間逃脫，卻想起原來一直以來都沒有跟L&D的導師真真正正吃餐飯，這晚不要跟我客氣。Cossi就在荃灣大壩街，就在荃灣廣場對面，鄰近荃灣西鐵站。木系裝潢，品味與格調之選，設上下兩層，幽靜之餘也蠻具情調。任何主食加$38元即可轉套餐，包括沙律，餐湯及餐飲(咖啡或茶):是日餐湯可選蕃茄湯，不帶期望，誰料卻帶來驚喜，蕃茄味鮮且濃，酸中帶甜，亦甜中帶酸，味道新鮮真實，不是簡單以茄膏打成的湯底，造功蠻不錯! 炭燒黑毛豬扒伴蘋果蓉($158): 經常也說，優質豬鞍的滋味甚至能超越牛扒。黑毛豬扒質素甚佳，肉味鮮濃，不沾醬汁也不感單調。但伴紅酒汁，亦能勾出其鮮味，出色! 至於肉質方面: 黑毛豬扒富肉汁，肉質滑嫩，亦帶半點爽，頗為美味。餐飲揀選熱咖啡，咖啡豆質素蠻佳，味濃而不苦澀，亦不帶酸，我蠻喜愛，蠻欣賞。

甚少於荃灣區出沒的我 跟老公睇完戲shopping完後 當然要找個舒舒服服的落腳點抖抖 醫醫肚 想不到 行吓行吓 見到這格局不錯的西餐廳 就決定試試。餐廳內有點浪漫 有上下層 我們被有禮貌的侍應帶到上層 被安排好坐位後 我們已急不及待點餐 分別點了龍蝦湯及黑松露湯 味道很出很濃 也點了我愛吃的豬手配薯蓉 外皮脆脆 不肥膩的豬肉 很好美 而老公的牛扒 也要讚 因老公平時愛鐵板上 故只要5、6成 但這餐廳是碟上的 要熟點 故完全配合到 而黑椒汁是另上的 啱晒不愛多汁吃的他 其它我們點了的小食也算不錯 係雞翼辣了點。這裏都彼適合跟情侶、閏蜜來聚聚，氣氛幾好，但眼見都有坐上8人大枱招呼客戶。 吃飽很滿足，再來的話，要試試意大利飯及意粉，看來很吸引!

荃灣食市餐廳選擇極多，聽聞這𥚃有好嘢食，昨晚一班人仍不知食什麼好後，就決定不防到Cossi一試。這𥚃環境氣氛舒適、食品新鮮、待客服務細心、上餐適時。但最沒想到的是我們竟入了一間有水凖的意大利餐廳。昨晚點了不同食物，其中推薦👍🏻'德國脆皮咸豬手'，烹調適中、味道很好、以蕃茄配搭大大減低了只吃肉的單一口感。👍🏻'熱熔芝士西西里茄醬燴三色肉腸'，平凡中的驚喜。👍🏻'煙三文魚、亞拉斯加蟹肉、蟹籽意大利飯'，很特別的口感。👍🏻'龍蝦西班牙海鮮燴飯'，海鮮新鮮。👆🏻👆🏻share最好👍🏻。 特色飲品👍🏻...值得一試的意大利菜。🤔😋