Cosmos Restaurant & Bar (已結業)

又黎到月頭, 響尖沙咀開完會，已經過咗食飯時間。週圍搵位食飯無難度，月頭要對自己好d。又黎到寶勒巷， 睇到佢個餐牌， 唔錯！就食佢！話咗要對自己好d， 我要咗個F - 燒美國特級牛柳 燒虎蝦 焦糖菠蘿 牛油汁炒法邊豆 紅酒雪梨汁前菜我要咗湯， 今日係南瓜湯 配 麵包南瓜湯 好足料， 麵包好脆， 可惜麵包細舊咗d。 我係麵包控， 麵包好食，但我想要大舊d吖。主菜黎喇 - 燒美國特級牛柳 燒虎蝦 焦糖菠蘿 牛油汁炒法邊豆 紅酒雪梨汁， 個名好長， 好彩有影底，唔係我都唔記得牛柳， 我要咗7成熟，切開都ok。相中紅色唔係血係紅酒雪梨汁， 個汁甜甜地啱晒女仔，牛柳肉質都鬆軟。 睇完件牛柳，都唔好漏咗2隻大虎蝦。都唔細隻喎。幾有蝦味。啖啖肉餐飲要凍檸茶， 味道一般水準。$108食餐晏， 尖沙咀黎講， e個質素又唔算貴。

今晚第一次來此店食晚餐，在門口時見都多人光顧，覺得唔會差得去邊，大概晚八點入座，點菜時已經這樣沒有，那樣沒有，最後點了三個菜，每樣都要等半小時以上才上枱，最後一個係特色拼盤 本身係有炸蝦，薯條，魷魚鬚，雞翼，豬肋骨，落order 時候，職員話炸蝦無哂改生蠔，o 唔ok，咁我地無所謂反正都食，但啲個拼盤係等左接近有45分鐘都未黎，成個過程不斷等，我已經等到好似未食飯咁啦，最後我地追單，但拼盤黎到。。。我完全見唔到生蠔，個職員話無話用生蠔替噢，我話你頭先有同事唔係咁講架，佢叫番原先同我地落單個職員，佢話唔好意思。生蠔都賣哂。而家個豬肋骨都切多左一條rib，下，我同朋友都感到O咀及有被欺騙，同埋個魷魚鬚睇個樣係乾黎架囉 仲衰過女人街個啲

星期日晚例行跟男友外出晚餐，記得寶勒巷有不少酒吧和餐廳，但我不喜歡有室外位置又開著門讓人吸煙的店，所以看到這家Cosmos我覺得可以喔~看球賽當然不能沒酒，所以他們的酒吧不小。不過當晚沒賽事，所以大影幕在播mv~ 左： Stella生啤 78，右：Perfect Match 68飲生啤是男友的指定動作，夠冷，味道甘甜，好爽的~我就點了mocktail，青檸、西柚、紅莓汁配七喜，味道清新，果然是perfect match方便的可點晚餐，但主餐牌也有好多選擇，所以我們都點些。餐湯是南瓜忌廉湯，質感杰身，有南瓜蓉吃得到，味道清甜口感綿密。餐包有濃郁香草味道，配牛油最適合不過了。散叫了鮮蝦藜麥沙律伴芝麻汁，清爽沙律菜除了黑醋汁還有芝麻醬可點。蝦好新鮮，咬下去爽口彈牙，味道好鮮藜麥就在沙律菜的底部，混了蕃茄碎粒和香草，讓沒甚麼味道的藜麥更滋味。小粒的藜麥頗有口感呢！我倆都好喜歡鵝肝，所以忍不住點了香煎法國鵝肝配黑松露忌廉飯，一上菜時一大片鵝肝躺在上面，讓我倆都唾㖡欲滴忌廉飯內的材料好多，香味撲鼻的黑松露量毫不手軟，還有露荀，野菌片等，配合creamy的飯真的好夾~鵝肝切下去厚厚的一件讓我倆慢慢品

今日同太太 慶祝我哋拍拖12週年嘅紀念日 專登搵咗一間有格調嘅西餐廳慶祝, 嚟到呢間叫做cosmos嘅餐廳酒吧餐廳以暗暗嘅燈光格調為主題既浪漫又有情調 都幾適合同朋友你談心事而餐牌上嘅菜式都幾多選擇 不過我兩公婆好快就揀定咗自己想要嘅菜式。前菜送上嚟嘅係燒北海道原隻魷魚， 淨係睇賣相已經十分精緻， 我哋覺得呢個燒魷魚最大嘅特色係唔會太煙韌之餘， 又保留咗魷魚嘅鮮味， 唔使點醬汁已經非常正， 而點左佢嘅秘製醬汁亦有另一番風味!飲品方面由於我鐘情與啤酒調，所以點左一杯1664啤酒， 而太太就點左一杯apple ginger ale, 我杯啤酒好飲就唔使多講啦,而太太杯飲品味道得幾好飲， 唔會太甜!餐湯方便我哋點咗大蒜薯仔忌廉湯， 係今晚嘅是日餐湯! 而餐湯好得意咁喺表面拉咗花， 好似飲咖啡嘅感覺 ，望住杯咁靚嘅餐廳真係有少少唔捨得飲! 而呢個忌廉湯嘅大蒜味唔算濃烈， 味道配合得恰到好處， 分量不多不少啱啱好!來到主菜， 送上嚟嘅係冬陰功軟殼蟹忌廉意粉， 有少少似泰式西式fusion菜嘅感覺， 由於我兩公婆都好鍾意食辣，所以呢度菜對我哋嚟講正是心頭好， 冬陰功酸辣嘅口感配落去軟殼蟹意粉真係非

這次和閏蜜共進燭光晚餐的餐廳水準稍高，於是想介紹這大家！這是一家位於尖沙咀的多國菜館。這裡既是酒吧又是西餐廳，一來可以品賞到高級又創意十足的多國特式西餐，二來這裡是個可以吃過飯後不顧忌地談心聊天好好地方，正是酒吧的特式，適合⎡口水多過茶⎦的閨蜜和情侶呢！餐廳燈光昏暗，每張有客人的枱都會有一個蠟燭(這裡照得不太清楚哈哈)，牆上有電視，播著輕快有節奏感的歌，餐廳內芬圍輕鬆，不會太隆重，適合盡情談天說地喔！不講其他太多，先回歸正傳，說說這裡的菜式吧！先介紹這個蝦藜麥沙律，大家可能很少接觸藜麥，其實藜麥的營養價值相當高，可以抗氧化，保持心臟健康還有吃後容易有飽腹感，是非常天然的健康食品。這裡的沙律，有彈牙爽口的鮮蝦肉，加入了醋醬，和沙律菜，加入藜麥，既有咬口又非常醒胃！吃過沙律後有龍蝦湯，十分香濃龍蝦味，細滑之中還會吃到微微的薯仔蓉，配上橄欖包，將香味昇華。冬蔭公軟殼蟹意粉，這個配搭出奇地夾，咬一啖冬蔭公意粉，然後再吃一口軟殻蟹，冬蔭公味不會蓋住軟殻蟹，冬蔭公香料的香帶出了軟殼蟹的鮮味，剛炸好的軟殻蟹鬆鬆脆脆，水準出色！來到今天的重點，鵝肝肉眼，厚厚的肉排，牛味濃郁，七成熟肉質鮮嫩，尚有肉汁，

個晚有個朋友約左我黎呢間酒吧餐廳食飯呢度既環境氣氛都唔錯啵而且都幾爆場，好彩朋友一早book左檯雖然有set點可以平啲，但朋友原來已經鎖定目標要食其中一款意粉，所以我地嗰晚就決定散叫食物一齊share我地首先要左個“ 鮮蝦藜麥沙律伴芝麻汁”HKd$78+10%份量適中，而彈牙既鮮蝦有4隻，我地每人有兩隻岩岩好之後就係朋友今晚主要嚟到嘅目標：“泰式冬蔭功軟殼蟹忌廉扁意大利粉”HKd$138+10%呢個扁意粉雖然係以冬蔭功調味，但因為加入左忌廉，所以都唔會好辣，好易入口！而且扁意粉煮得爽彈，入而仲有唔少雜菌添一個沙律加一個意粉當然唔夠我哋食啦，所以我哋再嗌多個main course：“烤美國黑安格斯肉眼牛扒”HKd$288+10%牛扒我地要左5成熟，肉質亦算嫩腍，味道不錯而伴菜既露筍好嫩身薯蓉仲好creamy添食到一半，我地想嗌飲品既時候已經過左happy hour嚕，我地又唔係特別想飲酒，所以我地都只係叫左啲普通飲品朋友要左杯“凍檸茶”HKd$42+10%；而我見天氣涼返咁多就想飲返啲熱野，所以就要左杯“熱朱古力”HKd$48+10%，杯熱朱好濃呀，仲可以自己加淡奶添呢晚朋友仲話為左答謝

呢間係近寶勒巷街尾的 BAR & RESTAURANT 招牌大大的，離十丈遠都見到~ 和朋友找地方食飯吹水，咁就呢間啦~  呢度係吧同餐廳混合體，DINNER 時間大家都選擇先醫肚 睇下餐牌，都好多野食喎~ (呢度仲有SET LUNCH 添) 見到餐牌既相都好吸引呀~ 話哂叫做吧，當然要點番杯 drink 啦~ Virgin Colada 味道清香，甜度適中 LIME SODA 口感清新，一新耳目 最重要係，飲品唔會CAFE 個D死甜，真係似番LOUNGE 的飲品 先黎一個沙律 鮮蝦藜麥沙律伴芝麻汁 HKD 78 首先當要讚下個大蝦 佢唔同平時整沙律就咁落D雪蝦 而係調過味，煎過，仲熱的大蝦~ 超級爽口彈牙 就係食呢幾隻蝦都抵哂~ 藜麥係近年流行的沙律伴侶 佢本身其實無咩味，但有勁多纖維 藜麥其實有3種，平時見得最多係白色，因為最易熟，又快淋 紅色同黑色其實質感較硬，煮既時間要耐D~ 師傳無偷懶，懂得用紅黑兩種，比白色的白藜麥來得爽口 登登登 今日的主角 瀑布芝士配紐西蘭肉眼扒 HKD 248 上枱時係一塊牛扒，之後會淋上如同瀑布的芝士 加左塊芝士，點覺我覺得好似蛋黃哥冚左

年輕的時候也很喜歡跟三五知己到酒吧飲酒聊天，暢談夢想與及人生大計... ...長大後，很少去酒吧，覺得有點吵耳吧! 適逢一班舊同事相約晚飯，他們訂了這間位於尖沙咀寶勒巷的Cosmos Restaurant & Bar餐廳播放著音樂，還有暗暗的燈光，整體氣氛實在非常有情調!不過，實事求是，醫肚要緊，哈!初時我還擔心酒吧會以飲酒為主，食物選擇未必多，沒想到這裡的食物選擇也很多呢!在餐桌上看到瀑布芝士肉眼牛扒的宣傳，愛吃牛扒，又愛芝士的我們，怎會不瘋狂? 尤其是「瀑布芝士」這四個字，聽著便能令人失控!蟹肉大啡菇，啡菇真的很大隻，內裡有很多蟹肉，每咬一口都是蟹肉跟芝士大蝦藜麥沙律配芝麻汁，菜好鮮，配上芝麻汁超好味! 一碟有很多隻大蝦，蝦肉夠彈牙夠鮮味，是醒胃之選!冬蔭公軟殼蟹忌廉意粉，西式配泰國冬蔭公汁，是FUSION菜吧! 有一種特別味覺衝擊，新穎!鵝肝配黑松露忌廉飯，好大件鵝肝，好肥美重點來了! 瀑布芝士肉眼牛扒! 店員將又厚又香濃的芝士蓋在牛扒上，天呀! 好邪惡!!!!!!! 但，我中意! =P 牛扒肉質很嫩，芝士很香，芝士拉絲令芝士FANS尖叫呀!總括來說，酒店餐廳沒有我想像中的嘈吵，

We made reservation for dinner and there was just a few people when we arrived. The restaurant was small with soft music which is good for relax and chit chat. We ordered grilled Angus rib eye and roast pork knuckle. The steak was perfectly grilled while the pork knuckle was average. However, there is room for improvement in service. When we requested if can cut the knuckle for us. The waiter refused by saying they were busy and cannot help!🙁

話說平日我好少去找酒吧式餐廳食飯的，因為如果遇上球季真的會吵到不得了！但今晚既然是朋友的特別推薦，那就不仿一試啦！室內燈飾比較昏暗，沒有球賽的時候餐廳其實還滿有氣氛的！鮮蝦藜麥沙律配芝麻汁除了有好多鮮蝦之外，仲有健康的藜麥和搭配芝麻汁，食落好開胃！焗釀芝士蟹肉大啡菇 $68泰式冬陰功軟殼蟹忌廉扁意粉 $138第一次食用冬蔭功製成意粉醬汁，意外地惹味。意粉中還加入了忌廉中和了酸辣的味道，整體感覺也很合適。而軟殼蟹也炸得極為香脆！我們點了這個廚師推介瀑布芝士配紐西蘭肉眼 $248拉絲芝士簡直是芝士控最愛。餐廳廚師會先把芝士預先溶化，再由店員即場在餐桌上把芝士傾倒在牛扒上～看見就令人流口水而且牛扒的肉質還超軟嫩的～香煎法國鵝肝配黑松露忌廉飯 $138黑松露味算幾突出，味道也不錯，要是再乾身一點會更棒！最後甜品是香草蛋糕

尖沙咀真係好多野食Happy Friday 飲野前梗係去食野先呢間店之前行過都成日見到好多人今次就試下依間先因為天氣又熱，我地都好口渴所以第一時間叫左野飲先Apple juice $35Green Apple Soda $48跟住我地就開始點菜先飲個意大利雜菜湯雜菜湯入面好足料味道香濃、旁邊伴隨的麵包用香草整成所以唔駛搽牛油都好好味瀑布芝士配紐西蘭肉眼 $248店員先將芝士倒在肉眼扒上見到厚厚既拉絲芝士睇見就好吸引將芝士同肉扒眼一拼切開再一齊放入口，口感好好，芝士亦愈食愈香香煎法國鵝肝配黑松露忌廉飯 $138食完扒梗係要叫番個飯食黑松露忌廉飯之前都食過類似食呢度煮得唔膩之餘廚師亦將鵝肝同飯配搭在一起令個飯增加鵝肝的陣陣香氣整體環境都唔錯，店員服務都幾好，下次會再黎

最近發現寶勒巷開左好多新食肆，以後嗨尖沙咀行完街食飯唔驚冇野食啦！😬今日係結婚週年紀念日，晚餐我同老公揀咗嗨呢間西餐食。Set Dinner 選擇唔多沙律菜新鮮，仲有健康之選嘅藜麥薯仔忌廉湯好好味，香草包太乾素食主義者最愛👍🏻呢份魚柳，色香味三樣都冇😓失望之極最後叫左支苹果酒，飲完之後心情靚曬！呢到嘅食物雖然一般，但環境唔錯，D侍應都好Nice。

首先，依間嘢很定唔係好架啦，差又差唔晒。起碼d人有最基本嘅態度。以及亦都頗有情調。好，講完好嘅方面，就等我批評下佢啦！弊點太多，依到就唔一一列舉啦。咁我就講吓d令人最難接受嘅啦。一，分量唔夠。相信任何一個人都上抱住期望入到入一間餐廳享受晚餐，亦都想滿足地走返出嚟，但係，如果份量唔夠，又點滿足呢？用$328嗌咗個聲稱係十安士嘅q牛。但係佢送到嚟個陣橫睇直睇都冇十安士，最多有六安士。好啦！叫佢俾d包我又唔肯，搞到我要餓住走，真係令人太失望。其實，單單依一點就可以令人卻步，其他衰嘢我就唔一一列舉啦！總的來説，依間鋪頭我真心唔建議去，去唔去就你決定啦！

假期前約了朋友到寶勒巷的Cosmos Restaurant & Bar，這是一間酒吧形式的餐廳，燈光調校得很有情調，播放著輕快的跳舞音樂。 最適合假期前夕，放鬆心情與朋友好好吃一餐。我們點了蟹肉大啡菇，大蝦藜麥沙律配芝麻汁，蘑菇配黑松露忌廉飯，冬蔭公軟殼蟹忌廉意粉，瀑布芝士肉眼牛扒，及特飲荔枝梳打等蟹肉大啡菇，蟹肉很多，啡菇仍非常厚肉，吃起來很滿足。大蝦藜麥沙律配芝麻汁，大蝦多隻，蝦肉結實彈牙，再配芝麻汁，感覺清新。瀑布芝士肉眼牛扒，店員在我們面前將厚厚的芝士覆蓋在肉眼牛扒上，看見已經相當吸引。總結:Cosmos Restaurant & Bar是一間有酒吧氣氛的餐廳，最適合假期前，與朋友摸酒杯底的晚膳的餐廳。

第一次食評就係比左比呢間餐廳大失所望加食物一般水平都達唔到標。。。話說收工之後同朋友一齊食生日飯，Book咗呢間，原本都好期待，因為見到好多食評都係好評，諗住一定唔會係伏點知。。。（自己想像有幾失落）海鮮意大利飯。。真係好難食好唔新鮮，啲飯有陣怪味，我怕我自己覺得係姐，所以叫埋朋友試，佢哋食完之後吐返出嚟我哋都一致認同有種洗潔精嘅味道，啲海鮮好唔新鮮，尤其是啲蝦（臭味）。呢個牛扒係我食過以來最難食，諗住＄288冇死，牛扒可以差得去邊，我叫左5成熟，除左佢硬到乜咁，我同我朋友每人試小小，竟然一切開全部都係肥肉。。等於淨係食咗一半（唔記得佢詳細個名， 淨係知道佢係豬肋骨）我未試過食豬肋骨係難食到咁，切開一條條嘅時候，因為啲肉煮得太熟，連咬都咬唔到，啲肉粗到不得了，好差好差好差（重要嘅事情要講三次），永遠不會回頭！如果有得俾10個差我會比100個。- 浪費左我20分鐘寫食評 （但為咗其他人唔好中伏係值得架）