Cosmos Restaurant & Bar (已結業)

尖沙咀一向都是吃喝玩樂，購物的好地方，平日很喜歡約閨蜜行街shopping兼搵食。今日就嚟到位於尖沙咀寶勒行的Cosmos Restaurant & Bar. 我喜歡到Cosmos吃西餐或飲兩杯酒, 就是貪這裏地方就腳而且出品有一定水準。今晚士應為我們介紹了三道菜，第一個是頭盤「日燒汁原隻魷魚」，魷魚原隻燒好上桌，樣子胖呼呼的很討好。魷魚鮮味彈牙不黏牙，燒汁野味。第二道是「鵝肝配松露忌廉飯」，這是道意大利飯，用上忌廉芝士慢煮，意大利米吸收了香滑忌廉後，每粒米都香滑飽和，灑上松露及配上鵝肝後，整個飯層次豐富😊😊瀑布芝士肉眼扒，六成熟的肉眼扒，淋上半溶芝士醬，芝士控一定不可以錯過！淋上芝士後的牛扒，看到已經流曬口水

呢排天氣好凍所以好多時候都係同一大班朋友去打邊爐～但打得太多次實在太悶所以今次決定選擇去尖沙咀食西餐! 朋友揀左呢間喺尖東既Cosmos  一入到去餐廳個感覺好有情調 好啱情侶去 靜靜地可以同另一半好好咁傾計～睇咗佢個set dinner menu 但朋友好似無咩興趣 所以就散叫啲大家想飲想食既野 我哋淨係叫咗一杯mocktail share飲perfect match $68 味道清新 西柚味濃 唔錯頭盤呢就叫左燒原隻魷魚 $85好香好好味 個汁好濃 加埋小燒焦香味 好開胃~ 作為魷魚控 對呢隻魷魚好滿意無諗過咁大隻 !跟住就到呢個鵝肝配松露忌廉飯 $138 上場喇 鵝肝size唔算細 口感軟滑 好香 再加埋濃濃忌廉味 成個飯好多重味 但美中不足係好似暄賓奪主 搶左黑松露味 而且飯粒可以再整得硬身啲最後主菜終於到喇 呢個瀑布芝士肉眼牛扒 $248 有勁多芝士!!!! 我地將芝士mix埋牛扒一齊食 但我地都覺得 芝士加落同配菜一齊食效果好好多 因為芝士味都幾濃 會搶左牛肉既鮮味 咁樣會有啲浪費～ 不過如果創意黎講 呢個菜式係ok ga! 配菜份量幾多～

自從有小朋友後，去博物館既次數真係好多 加上買左年票後真係好抵去， 最重要係唔洗排隊直入呢下爽呀嗎 係聖誕前約左朋友交收之後， 帶左小朋友去博物館玩完之後 就去左寶勒巷搵食， 之前聽朋友介紹左呢一間既西餐廳Cosmos 它家外表表現係一個酒吧款式， 但係唔係有足球賽時，它亦係一間比較有情調既西餐廳 今次我就利用開飯啦平台訂位，入座時有折架 咁唔想叫得貴，就當然要叫套餐啦 我地就分別點了兩款套餐，每款套餐都會附上 牛油汁焗雞心豆，羽衣甘藍沙津(配阿拉伯芝麻醬) 真係沙津都唔係一係只係食菜咁簡單， 雞心豆同羽衣甘藍真心少食， 但係估唔到係好食既，重點食完都有少許覺得飽肚感 真係想用黎減肥既朋友記得可以試一下 仲有南瓜忌廉湯配餐飽一塊 普普通通啦唔係太特別 首先我們點了這個 大啡菇配以黑松露,牛肝菌及野菌意大利飯 $188 首先大啡菇內配以利用橄欖油炒的蒜片 把大啡菇切開讓蒜片配以充滿濃濃的菌香既意大利飯 一齊食，蒜片既香加菌類既香加濕度剛好既意大利飯配合得非常之好 略然要說的就是它的份量不多，要是女生說它可以夠飽的 但跟男生吃就未必可以是飽肚，也許只可以說它剛好 另外是店員推介的

繁忙的尖沙咀也總可以有讓人喘息的地方及時候，一些小街道就是這個好地方，而當中都不乏有質素的小餐廳。這餐廳的環清靜，很適合一小撮朋友溫馨談心時聚會，食物也很不錯。先來一碗蕃茄湯，很濃的味道。在冬天喝一口，整個人都有很溫暖的感覺。之後來一個魷魚西班牙辣肉腸扁意粉，魷魚很鮮，很甜，很美味，加上辣肉腸的惹味，叫人越吃越開胃。而扁意粉的質感很好，軟硬適中。再來一個海鮮主菜：虎蝦配新西蘭比目魚。大大隻的虎蝦肉質結實，彈牙，絶對夠新鮮，而且有很甜的蝦味。而比目魚也是很嫩滑，也是新鮮材料才可有的表現。很滿足的一餐。

我係第一次打食評...因為感覺實在太差唔知間餐廳既好評係咪買返黎24號晚book jor 8點食聖誕飯，果日全日得一set 聖誕餐簡，$588一位再加一都算果晚唔多人黎食，一半台係吉的講真食物性價比好低，食物質素都麻麻餐廳環境咪一般過一般員工都同間餐廳一樣，是是但但，又求求其其完全零笑容，呆呆地咁...成餐飯又貴又差都算...d 野食好咸下，個餐唔明點會唔包野飲？迫你另叫，都算，諗住叫水算，點知要$10杯...真係當自己高級餐廳？

諗住聖誕食下西餐 見啲食評唔錯就諗住試下我去到已經10點幾 佢得番個宵夜餐牌 入面得大約8個選擇 其中得兩三個係主食最近是但揀咗個意粉同一杯Smoothie佢話Smoothie暫停 咁我話我再睇下之後諗住叫杯咖啡算 佢又話夜晚咖啡茶都暫停最後決定唔飲野算數個意粉泥到一食... 無味既 完全唔知自己食緊咩諗住問佢拎啲芝士粉調下味 佢竟然答我無芝士粉試問一間有得賣意粉既西餐廳點解會連芝士粉都無？？？另外坐低時每枱會有蝦條 食哂職員都唔會主動refill比你

今日有朋友從國内過嚟，香港購物係肯定㗎啦，帶左佢行旺角，尖沙咀，見好肚餓之際突然唸到寶勒巷有好多野食，之後選擇呢間cosmos餐廳酒吧。餐廳整個環境比較昏暗，有情調，見到好多都係一對對情侶，但都適合同朋友談下心事。燒原隻北海道魷魚賣相十分吸引，以原隻魷魚呈上，肉質地唔會太煙韌，保留魷魚鮮味香煎法國鵝肝配黑松露忌廉飯原本以為只有少少鵝肝配搭在飯中，但一上菜後睇到一整塊鵝肝鋪在忌廉飯上，而旁邊布滿芝士碎，鵝肝煎得十分香口，入口即溶，配上黑松露忌廉飯真係一絕瀑布芝士配紐西蘭肉眼首先店員會將個芝士淋上肉眼扒上，整塊芝士覆蓋肉眼扒上，本身芝士味唔重，唔會搶左肉眼扒嘅味道，d扒肉質很嫩，好味道

見佢做左優惠有平雞翼食，已經想黎試好耐，終於有機會黎試，未夠鐘已經有人龍排係門口，基本上入滿客都唔洗再等位，有排都唔會有位一黎就梗係要叫雞翼，一盤12隻單骨雞翼，第一輪已經叫3盤，之後再追加，最後叫左9盤，所有雞翼都係炸嘅，但炸粉份量好好，唔會太厚，但又夠晒脆。個雞翼本身無乜味，全靠點醬，佢有3隻醬，一隻蛋黃醬，哩隻最穩陣，無得輸。一隻紅色嘅應該係辣醬，但無乜味亦唔太辣。最驚喜係綠色嘅泰式醬，係一食就覺得泰國口味，同埋係勁好食，我地一枱7個人一致認同哩個綠色醬最正，瘋狂追加個醬黎點!除左雞翼，佢宵夜時段嘅其他特價小食都有驚喜，個蜆雖然細份啲，但佢個汁好好味。另外啤酒任飲又係另一賣點，可以就自己時間，想任飲2，3，5個鐘都得，價錢又抵，2個鐘飲到2杯己經抵過平時散叫2杯最抵讚係服務好好，我地走左之後以為自己漏左野係餐廳，即刻打番去問有冇發現漏野，佢現場唔見，但之後第二日再幫我搵，搵唔到都不忘打番俾我話我知，真係好窩心

跟朋友兩個人想去飲返杯，順便食埋飯，所以去了尖沙咀的酒吧街。餐廳已經有聖誕節菜單，不過只限23-27日，但其中25已經full了。先點了一人一杯飲品。朋友要了杯啤酒，我就點了杯cocktail。烤西班牙黑毛豬：黑毛豬是肋骨部位原條上枱，表面燒到有點焦脆，切落去有點似切豬梅頭，非常軟腍而且肉汁豐富，每切一刀都有大量的肉汁流出，黑毛豬不會太油膩，肉質軟腍帶有濃郁的豬肉味及少許豬油香，旁邊配有果醬，甜甜的果醬正好能減輕油膩感，另外還有紅酒煮梨，有濃郁的肉桂味，中和飽滯感。鵝肝黑松露忌廉飯：鵝肝外層煎得微焦，帶點香脆，裏面不會煎得太乾，帶有油份甘香，入口即溶。黑松露香氣撲鼻，味道濃郁，意大利飯軟硬適中，帶點煙韌，忌廉汁不會太濃稠，剛好掛在飯粒上，每淡有都香濃的黑松露味。總結：食物味道不錯，黑毛豬真是必食之一。

今晚接老公放，去了位於尖沙咀寶勒巷近尖東那邊的Cosmos。餐廳七點多都幾乎全滿，我們叫了一個小食及兩個主菜。原隻燒魷魚魷魚很大隻，表面燒得有焦香，帶點脆口，肉質軟腍煙韌，有燒汁香味及帶點甜味。泰式冬陰功軟殼蟹忌廉扁意粉意粉以大量的蒜片及少許的辣椒杍，以及大量的橄欖油炒成，軟硬度適中，帶有蒜香同時都幾辣，非常惹味，軟殼蟹一大隻，炸得很鬆脆，不過幾油膩。瀑布芝士肉眼牛扒牛扒份量十足，有兩大件，表面煎至微焦，上枱後淋上mozzarella cheese，非常邪惡。牛扒點了七成熟，裏面呈粉紅色，牛扒肉質軟腍，肉汁豐富，表面帶點焦脆，mozzarella 的味道有淡淡的芝士香味，不會蓋過牛肉味，而且軟腍煙韌，配搭甚夾。Lychee Heatware甜甜的荔枝味，酒味不會太濃，杯邊沾上一些白糖。Hoegaarden Rosee 甜品比一般啤酒高，加上有些果香，味道不錯。總括而言，食物質素中上，價錢中等，同朋友人少少去傾下計都唔錯。

係香港食西餐，要好食又唔貴嘅，呢間係我心水環境唔錯，食物質素ok個餐湯好味好濃前菜又靚又好食risotto 我最中意，好香蘑菇味 美中不足係黑毛豬，完全唔似slow cook，似over cook但整體黎講係唔錯第一次黎唔失望，一定會再黎

今個星期已經連續出左幾日尖咀食飯。不過今晚諗住同男朋友提前慶祝聖誕嫌睇燈飾，所以㨂左近尖東既呢間餐廳食西餐😚。其實今日主要為左一道菜而來，等陣先揭曉😍餐廳環境唔算好大，不過幾有情調，昏暗既燈光加上藍藍紫紫既燈飾，同聖誕佈置都幾有氣氛。本身6點幾黎都未係好多人，不過去到七點零已經差不多爆滿了。Set dinner 價錢都算抵食，不過今日唔係好肚餓同埋有d 重點野想食，所以最後都係散叫lu。Mocktail 好多口味都好想試，我同男朋友都唔飲酒，啱晒。✨perfect match(右/$68): 主要係西柚，橙，雪碧。飲落西柚味都幾重，酸酸甜甜幾開胃。✨virgin colada (左/$68): 呢杯真係好好飲，我超鍾意。好香椰奶同菠蘿味。原來菠蘿同椰子係可以咁夾😚。*兩杯野飲飲到尾都keep 到個味無比冰溝淡，抵讚頭盤叫左個燒原隻魷魚✨燒原隻北海道魷魚（$85): 魷魚幾厚身，食落好彈牙，唔會韌同乾👍🏻。魷魚鮮味之餘亦帶點焦香，感覺有種炭燒風味。魷魚鬚個焦香味更加強勁，而且燒到微微脆好正。重頭戲黎喇，登櫈！我今日就係為呢個瀑布芝士肉眼而黎😍，芝士同牛扒兩樣都係我既最愛！✨瀑布芝士配

我朋友一直都想試下cosmos, 所以今次我陪佢黎多次cosmos食 menu 隻顏色好靚 今次我同朋友叫左荷蘭大啡菇·牛肝菌·野菌意大利飯 + 原隻貝貝貝瓜·西班牙海鮮·意大利飯+ 法式烤乳豬·蜜糖芥末子醬。荷蘭大啡菇·牛肝菌·野菌意大利飯因為我本身好中意食菇同埋意大利飯，所以就叫左呢個。驚喜位：大啡菇下面仲有好多好多唔同既菇。喜歡食菇既朋友必點 法式烤乳豬·蜜糖芥末子醬呢個法式烤乳豬個皮好脆，就算我朋友遲左好耐黎，佢都話仲係好脆 我本人覺得個醬都唔錯 原隻貝貝貝瓜·西班牙海鮮·意大利飯雖然呢個都係意大利飯，但食法好唔同。我覺得貝貝貝瓜食落跟南瓜無咩分別，唔知係咪同類。裹面d 瓜肉真係好多，鐘意南瓜隻味既朋友必點。而裹面有好多唔同既海鮮，份量比想像中多，有我最中意既蝦。Around the world special本人覺得呢杯酒精好濃。左邊係apple ginger右邊係pussy foot 我覺得pussy foot 好creamy, 應該係因為奶既關係，顏色就3杯都好靚

這已經是第二次光顧，對上一次是朋友生日，我們在這裏一起吃生日飯。Cosmo Restaurant & Bar位於尖沙咀寶靳巷，行街shopping後醫肚，地方非常方便。燒原隻魷魚，魷魚新鮮彈牙，以日式燒汁燒烤，唔痴牙鮮甜，但有少許鹹。魷魚肉厚彈牙，雖是西餐廳，但卻用上日式料理燒汁，魷魚邊邊有少許燒焦，另魷魚更香。鵝肝配松露忌廉飯，用上意大利米，廚師把忌廉鷄湯以慢火細煮燴入飯內，米飯吸了濃濃的忌廉後，再加上松露，最後放上一片鵝肝。整個飯好吃到不行，盤子上一粒米也被清光瀑布芝士肉眼扒，牛扒煎至六成熟，上桌時，士應淋上芝士，愛芝士的我看見已經流口水😋😋😋Corona Rita, 女孩子都是喜歡好看的東西😘

今年聖誕同屋企人去過一個熱辣辣聖誕，丟低愛人唯有同佢食番餐正既，預早慶祝一下～一早預先搵咗呢間叫Cosmo餐廳，見佢OPENRICE評分都唔錯，一於將聖誕大餐交俾佢7點鐘入座已經有幾枱客，陸陸續續都有客入黎，入座率都有8成。餐廳氣氛輕鬆又帶點浪漫，因為有個開放式BAR枱，現場仲有流行音樂，無論拍拖定一班朋友都好岩入座之後都有職員介紹菜式，服務唔錯～菜式有SET DINNER可以選擇，選擇都好多，無論喜歡海鮮還是食肉獸都會搵到啱食既～但今次我反而揀咗MENU上既頭盤同主菜仲有廚師推介頭盤： 燒原隻北海道魷魚 ＄85真係原隻架而且一上枱已經有一陣陣燒香味，望落去都幾厚肉，唔會有DRY既感覺。喜歡脆口帶少少燶燶地可以食鬚既部分，魷魚身有一定厚度但燒到剛剛好，煙煙韌韌，我鍾意～魷魚下面有少少生菜做拌碟，可以解一解油膩感主菜： 瀑布芝士配紐西蘭肉眼 ＄248我地ORDER咗5成熟，見到木碟上有扒另一邊係用咗細鐵板放咗熱溶芝士， 職員貼心幫手將芝士淋埋上肉眼扒到，仲有少少配菜，望到都覺得正～由於小妹唔食奶類，對奶類既臊味好抗拒，見到咁多芝士有點卻步，但都要試下食落口芝士一點都唔臊而且令肉眼扒多咗一