Cosmos Restaurant & Bar (已結業)

Cosmos Restaurant & Bar 位於酒吧林立的寶勒巷，裝潢簡單之餘不失格調，氣氛不錯。適合人少少傾偈或情侶撐枱腳，是夜携同愛妻來個二人世界。 餐廳經理誠意推介咸豬手做晚餐主菜，聽落不錯，那就點豬手吧！先來頭盤甜蝦金柚野菜沙律，配意大利黑醋汁及紅桑子雪葩。沙律味道清新，配上雪葩酸甜味，作為醒胃前菜確實不錯。餐湯係雞心豆蕃茄濃湯，蕃茄味濃郁，開胃醒神。 雞心豆的獨有味道亦沒有被濃湯蓋過，各有特式。主菜烤焗德國咸豬手，豬手份量十足，肉質不算韌 ，處理過的豬手亦不會太鹹。外皮切下去時，有卟卟脆的清脆聲音，但食起來即有點勁！ 大啡菇野菌意大利飯，大啡菇跟野菌都十分鮮味，醬汁濃淡適宜，不會太黏，好食到實在停不了口！ 最後甜品是朱古力慕絲，朱古力味突出，口感細滑，甜而不膩！

唔知啲好評點黎🤔book左枱限時2個鐘叫左2 set晚餐，一個係a.龍蝦+意大利飯，另一個係f.牛小排+crepe前菜係菜+紅莓雪芭+餐包，餐包咸咸地有香草味，好香好食。a set睇menu感覺比人呃左，原來龍蝦已經mix埋左落飯。味道都幾好，但啲龍蝦汁少少苦，龍蝦幾爽，但冇咩味，份量少。f set個牛小排分量都好少，啲肉質好林，冇口感，完成食唔到牛味。反而crepe 有驚喜，甜甜地幾香。甜品完全係大伏，聲稱係70%朱古力mousse,但一畢起好liquid,流質，好似溶左嘅雪糕，食落成口粉，明顯用朱古力粉沖，哪來70%？好甜一點都冇朱古力苦味！最後比左錢打算坐多陣，因為book果時話限時2小時，但仲有接近1小時佢地就開趕叫我地比錢，想趕我地走（但其實已經比左錢囉），staff超冇禮貌又趕客。唔明啲好評點黎，人又冇禮貌野食又差，整唔好咁好食唔好改咁好聽嘅野食名🙄以後唔會去😭

尖沙咀呢間餐廳，位置鄰近地鐵站, 裝修浪漫每張台面都放左蠟燭，相當有feel有情調，好適合情侶們約會除了它環境好外，它的出品從來沒有讓我失望。蕃茄湯甜甜酸酸的蕃茄湯, 好足料， 夠濃郁，入面有好多蔬菜。飲到有好濃嘅蕃茄味。加上幼滑的口感餐包幾出色，好香，好軟 沙律+雪芭沙律菜新鮮，有我最鍾意嘅油醋沙律汁 ，味道不錯。一小杯雪葩，雪 芭 酸 酸 甜 甜。夠晒開胃。德國咸豬手我地啲主菜送到啦!!!!!!!!!!!!!表皮烤至金黃焦脆💛，入口香脆惹味🤤烤焗得又外脆内嫩, 脆卜卜的外層，仲要有香甜既蜜糖, 包著幼滑的豬手，吃落有點嚼勁, 而不靭，油脂充裕，肉味汁四溢, 好正!伴碟的是芝士焗薯加入了香濃的車打芝士🧀，混合香軟不膩既芝士~每一啖都滋味十足👍🏻。香煎油甘魚 伴鵝肝 魚子油甘魚是我喜愛的食材，製作多元化,  魚油也是分佈得很均勻,爽身得來帶點油香，很不錯法國有三大美食：鵝肝、松露、魚子，它們更是被歐洲人譽為世界三大珍饈COSMO 就可以試到其中二隻, 鵝肝+魚子鮮嫩, 味美，多汁，油脂豐富, 口感潤滑細膩，香味獨特，滑膩且入口鬆化, 可見用料非常高檔配上非常香滑的紫薯,紫薯口感非常綿密

今天同女朋友嚟到Cosmos Restaurant & Bar, 這間是我們喜歡的餐廳之一，喜歡它的地點更喜歡它的出品。餐湯是這個羅宋湯，不會太酸，味道濃郁，把餐包浸在羅宋湯裏面，是我喜歡飲西湯的方法。新鮮的蕃茄片加上沙律菜, 配上水牛芝士，再淋上黑醋，女朋友最喜歡的沙拉。今天我叫了這份蜜糖芥茉子豬手，這份豬手外皮烤得脆卜卜，一點兒也不肥膩，豬手鹹香野味，令人食指大動。原條黑毛豬筋條，用燒烤汁烤焗後肥油減少了不少，黑毛豬比一般的豬肉味濃爽口，回想脆卜卜的薯條，真是大滿足。

Cosmo來過數次，因為它的出品永遠不會讓我失望，而且地方超方便--尖沙咀寶勒巷，東鐡、西鐵、巴士、火車通通都到，約朋友永無藉口唔到。今次叫了兩個晚餐，一個是生啤炸魚薯條，另一個是黑毛豬火腿卡邦尼扁意粉。每人一個鮮蕃茄水牛芝士沙律，新鮮蕃茄和沙律菜配上水牛芝士，再淋上黑醋汁，好味又不怕肥。好的陳年黑醋不會嗆喉，只會把食物的味道提升。是日餐湯是羅宋湯，蕃茄味十足的羅宋湯，令人十分開胃。用啤酒開的脆漿糊，炸出來的魚柳特別鬆脆香口，不油膩，而且外層空氣咁十足。黑毛豬火腿卡幫尼扁意粉，一道看似非常簡單的意粉，但不是家家好吃，這裡的卡幫尼就相當有水準。黑毛豬火腿的鹹香，把意粉提升另一層次。

喺尖沙咀行完街兩口子走左去寶勒巷Cosmos食晚飯，見呢度裝修都幾浪漫又可以飲下嘢同老婆慢慢坐。先上個番茄芝士沙律，仲有一小杯青檸雪葩，夠晒開胃。番茄湯 - 夠濃郁，入面有好多蔬菜，好味又營養豐富👍脆漿炸原條魚柳 - 魚柳肉質鮮嫩，炸漿鬆化，配上他他汁口感豐富好味！A5飛驒和牛軟殼蟹漢堡 - 牛味濃郁，牛肉口感嫩滑；軟殼蟹好足份量又夠鬆化，兩種食材的味道好夾！👍綠茶Tiramisu - 甜而不膩，口感幼滑😋Apple Cider Rita，Coronda Rita - 兩公婆嘆住傾下計，間中都要同老婆温馨下😁

同老公喺尖沙咀行完街兩個人走左去寶勒巷揾食，今次揀左呢間Cosmos貪呢度裝修有情調得嚟可以食下嘢飲下酒慢慢坐。先嚟一個番茄、mozzarella cheese 黑醋汁沙律配青檸sorbet醒神開胃清一清味蕾。番茄雜菜湯 - 濃郁嘅番茄湯入面有好多红菜頭，红蘿蔔粒，用料豐富燒日本A5黑毛飛驒和牛·1664生啤脆漿炸軟殼蟹·漢堡·意大利藍芝士醬·伴美國牛油脆漿粗薯條 - 大大個漢堡，要用刀叉先食到，飛驒和牛牛味濃郁，口感嫩滑；軟殼蟹有蟹味又鬆化😋1664生啤脆漿炸原條魚柳·美國牛油脆漿粗薯條·自家製他他汁 - 大大份，魚柳嘅炸漿非常鬆化，入面嘅魚柳鮮嫩juicy, 配上他他汁👍！Green Tea Tiramisu - 口味creamy, 甜度適中，不俗！Apple Cider Rita，Coronda Rita - 夠晒大杯，啱晒食完嘢之後一邊傾計一邊慢慢嘆！😋😋😋

看到網評很不錯，就想同朋友來試下這個好多料的鵝乾海鮮意粉！的而且理如網評般介紹有好多料而且這店的職員服好好！讚！因為人少關係試唔到好多野食，望到旁邊叫左個大大件雞肉的乾薄餅好吸引！下次一定再來試

今日同朋友去左尖沙咀一帶行街，行到肚餓了。見到一間西餐叫Cosmos，於是就入左去試下。呢到雖然唔算太大，但天花掛滿了燈飾，每張台面都放左蠟燭，入夜後相當有feel，真係加哂分！睇睇個menu先，呢到嘅嘢食頗有設計，平時好少見到，相當特別。嘢飲方面就叫左sparkling water同玫瑰茶。而前菜則叫左餐湯，溫州密柑雪葩配大蝦沙律同兩隻愛爾蘭生蠔。值得一提嘅係，用餐後幫店家填寫返意見，下次光臨仲免費送半打生蠔添！主菜方面就叫一份芝士肉眼同西班牙黑毛豬架。首先黎到嘅係密柑雪葩配大蝦沙律，不得不讚下呢個雪葩，香柑味係淡得黎又甜到入心，好fresh！另外，大蝦沙律嘅份量岩岩好，開到胃又唔會太大份。而餐湯係羅宋牛肉湯，味道偏辣，唔食得辣嘅朋友要注意。隨湯仲有蒜蓉包添！緊隨其後嘅係加拿大生蠔，大大啖肉，都只係10蚊隻，好抵阿！而今日嘅主角係芝士肉眼同黑毛豬架！先講講個肉眼，其賣相真係相當特別，熱辣辣嘅芝士倒在表面， 每一啖肉眼都伴隨著厚厚嘅芝士，相當得別！黑毛豬架亦相當有心思，底部放左一塊厚切菠蘿，配埋香梨味嘅醬汁，酸酸甜甜的，吃起上黎別有一番風味。而兩款主菜都伴送翠玉瓜，茄子同南瓜幫助消化，

放假同朋友們一齊去尖沙咀行街，路過Cosmos Restaurant 餐廳，剛剛入去感覺有D像酒吧！坐落後服務人員遞交餐牌比我得，介紹餐廳的食物主餐係D咩！邊D野好味，邊D菜式值得嘗試！我們聽從服務人員的介紹，點左佢得主菜斧頭扒、披薩和黑松露蘑菇炒飯！斧頭扒比我的印象最深刻，因為佢真係好大喔！新鮮斧頭扒配上燒烤醬汁，各種蔬菜。顯得特別好味，肉感鮮嫩，多汁，有嚼勁！值得推薦給大家！最重佢地服務非常貼心，斧頭扒好大，廚房師傅幫我們分開處理，方便我們食用！感恩！

最近忙住返工返學，好耐都無好好坐底同男朋友拍下拖食下飯。今晚終於有機會可以坐底好好咁傾下計。尖沙咀呢間餐廳位置旺中帶靜，鄰近地鐵站，但環境又唔會好嘈，好啱同朋友一齊傾計。香辣.蒜片.新西蘭鑽石蜆配意大利闊麵。賣相十分精緻，八隻蜆下藏著意大利扁意粉。蜆都算大隻，味道鮮而略帶少許咸味。再試下意粉，面條上沾有辣粉，微微的辣味衝擊著味蕾。原隻貝貝瓜.西班牙海鮮意大利飯。個飯拎黎呃like一流❤️❤️先唔講佢成個瓜上枱咁誇張先，剩係見到啲芝士拉絲拉到高過個人就知幾正🤤🤤打開蓋見到兩隻大虎蝦係面，仲有好多芝士，下面就係好香嘅意大利飯。入面有蝦、魷魚、蜆等等，對於一個完全唔食南瓜嘅人黎講，佢係一個我可以接受到嘅菜式，令我對南瓜改觀。前菜 . 意大利水牛奶芝士+蕃茄+野菜沙律。蕃茄同沙律菜都好新鮮，黑醋配埋啲菜酸酸甜甜好開胃。而個芝士就有淡淡嘅牛奶味，減輕左芝士嘅膩。餐湯。餐湯好足料，驟眼睇都有好多蔬菜係入面。飲到有好濃嘅蕃茄味，有小小酸。蒜蓉包做得幾出色，蒜蓉味好香。

泰式地道燒原隻魷魚$85魷魚內裡juicy，唔乾，上面輕輕燒過，搭配泰式酸辣香草汁，相當滋味。香煎匈牙利鵝肝、西班牙辣肉腸、魷魚、油浸茄乾天使麵。$168內裡有好多多料，有天使麵每一條都充滿橄欖油香，重有鹹香滿滿的辣肉腸，金黃蒜片散發的蒜香，茄乾加上新鮮車厘茄再加埋上面的香草，多種味覺享受，非常豐富。Risotto with portobello,mushroom,wild mushroom in black truffle sauce$148荷蘭大啡菇、黑松露、牛肝菌、野菌意大利飯意大利飯煙韌有咬口，一口再咬大啡菇好juicy漏汁，上面有少少黑椒粒令菇更濃香。牛肝菌散發獨特的香氣，氣味濃郁且肉質肥厚，味道鮮味，口感結實爽口細嫩，再搭配黑松露的香，令意大利飯錦上添花。

食晚又去同好友食好西去！朋友介紹去尖沙咀嘅酒吧式餐廳～Cosmos～，去到環境簡約，燈光暗暗地以紫色燈為主導感覺浪漫有情調，都好適合情侶們約會談心架一坐低首先已有熱情嘅侍應為我地講解揀選主菜可加$68轉換尊尚套餐，會有前菜，頭盤同味蕾更豐富！第一道菜，前菜～藍莓，腰果碎，羽衣甘藍沙律，意大利黑醋汁～食媽我好鍾意呢個前菜個黑醋汁一流！令到羽衣甘藍同沙律菜生色不少！第二道菜，頭盤～鮮蕃茄，烤粟米，低溫烤煙肉，忌廉湯～味道香濃口感豐富，配上有咬口面包，絕！第三道菜，味蕾～ 檸檬雪葩 ～味到清親唔會偏酸或偏甜，用作清清味覺以品嘗接落黎嘅美食！接住當然係超級主菜嘅中一樣～1.巨人燒烤拼盤 $338 （2-3人份量）德國腸拼盤x1份（共5條），美式梛菜沙律x1份，巴西燒烤拼盤:美國牛柳串燒x1串，西班牙黑毛豬柳串燒x1串，虎蝦串燒c1串，燒雞柳串煩x1串，燒大啡菇x1串，燒蕃苕x1串，燒茄子c1串！呢份拼盤眼睇普通其實唔嘢少.而且份量足以夠4個人分享而且串燒都係燒得剛剛好！火候時間都拿捏得好好，唔會太嚡或太生！讚！2.燒西班牙願條黑毛豬肋骨配黑松露脆薯條$258秘製醬汁惹味香甜，令到豬肋骨美味可口

五月是朋友的生日月，所以又有朋友要慶祝生日了，我們其中一位朋友選了這裏作為我們吃晚餐的地方。這裏環境情調很好，燈光比較暗方便我們聊天，這是頭盤，是沙律菜，味道酸甜。這個是主菜之一德國鹹豬手，我還會以為味道很鹹呢，但是卻比我想像中很好，豬手外皮很脆，味道甜甜的，而且肉質很嫩，味道也是打點甜味。這是另外的主菜美國斧頭扒，這要前一天預訂的，幸好朋友預先預訂了，這個斧頭扒比我們想像也是大很多，餐廳還細心替我們切了，而且肉質也很嫩，充滿肉味。最後甜品是綠茶慕絲，有淡淡的綠茶香味，最好的是味道不太甜，很適合入口。

今日系尖沙咀做完野，晚上要搵間好的環境食晚飯，系寶勒巷搵到間bar又有西餐吃，環境又舒適，又有大大部電視機可以波，真是超級正環境又正。加大拿生蠔好creamy,又有少少海水味又新鮮頭盆是沙律和雪葩，沙律菜好Fresh 又配上黑醋好開胃，仲有粒粒芒果肉好甜，又有虎蝦超正。檸檬雪葩酸酸甜甜，又開胃又醒晨。法式洋蔥湯配上法式麵包，麵包浸一浸湯非常美味。巨人燒烤拼盆：德國腸拼盆可以品嘗不同種類的腸，美式椰菜沙律好fresh , 牛柳串燒，黑毛豬豬柳，虎蝦，燒雞柳串燒，燒大啡菇，燒蕃茄和燒茄子各一串，燒到好香又夠味道，呢個份量十足，可以足夠4個人吃。16oz肉眼扒點左7成熟，切開肉眼扒仲有肉汁，牛味濃厚，肉質又不鞋又香噴噴，扒下面又放了一些菇索晒肉眼扒的肉汁超正。最後以甜品作結尾。