Cosmos Restaurant & Bar (已結業)

先order飲品，再慢慢研究menu。happy hour 3-9pm 7折，晚市優惠任飲只需98元，還有大screen看直播、電視，絕對是酒桶們、球迷們的佳音。La Blonde5, 9 Corne，比利時金黃啤酒。入口苦，麥味重。經典的Pina Colada，想當年第一杯嚐的cocktail，就是它了。Rum與菠蘿汁椰奶冰，甜甜的滋味。Pacific Rock Oyster優惠價10個大洋隻，抵到爛。入口creamy，海水味淡。Dinner Set 中看到有想吃的，那就吃set。前菜：很精緻的三小件，看得賞心悅目。牛油果煙三文魚＋意大香青瓜芒果蝦卷＋煙肉腸卷從輕盈的食物循序漸進的吃至濃烈的食物。Second course： 鮮木瓜密瓜碟飯前吃點水果，開胃。Third course：黑松露菇茸湯配蒜蓉包蒜蓉包金黃香脆，蒜味濃又不會致口氣。餐湯散發陣陣黑松露味，難以抗拒。Main course燒香草羊架香草脆面蓋過大羊的騷佬味，肉質軟稔，色澤帶嫩粉紅，熟度完美。德國咸豬手，配柚子蜜糖商家很周到的預先切割，食用方便。豬手烤得皮脆肉滑，沾上柚子蜜糖，酸甜中融合咸香，吃下沒有膩滯感。桃味Ge

朋友約食飯，隨意揀左間餐廳去食，一入去就feel都無咩冷氣，問一位貌似老闆人士，對方笑答："唔好意思， 我地開左三年，d冷氣係有d問題，黎緊有部新冷氣ga la~"。。。我們無言因有朋友正在過來，就點些東西喝喝涼快一下吧，貌似老闆人士介紹企飲plan，無所謂，就點了些飲品，等呀等呀無野飲，問問另一位waiter，對方笑答："呢度得我同另外個女仔係waiter，其他人落既單我唔跟ga wor" 我們再無言。。。說回食物。。。fish & chips︰普通味道，無特別。。。德國腸拼盤： 腸是冷的，唔，好彩腸原本是熟的吧德國豬手：已經對呢度既食物無咩期望，所以都無咩失望，豬手都係凍ge燒春雞：用了一個鳥籠盛載，waiter說來來來，拍照吧， 我們一笑置之。。。今次個雞終於係熱ge，感動。。。坐着坐着 越來越熱，還是走吧，請waiter 哥哥埋單，對方揮一揮手，點一點頭，跟着入了水吧洗杯。。。請問洗杯跟埋單有何關係？？？ 我們再跟他說埋單，終於肯移玉步到收銀撳張單出嚟，整個過程我們再度無言。。。好少寫食評，因為懶，但呢間餐廳真心一絕。。。總結：食物唔好食，環境無特別，服務唔多好。。。完！

因為朋友生日，為左有個難忘既生日，同佢揀左呢間氣氛唔錯既餐廳燭光晚餐，除左環境舒適，食物都非常有水準，很不錯呢！ 餐廳播放着外國流行音樂, 營造輕鬆感覺。我地兩個女仔叫左一份鳳尾蝦木瓜沙律， 佢唔同平時整沙律就咁落D雪蝦， 而係調過味，煎過，仲熱的大蝦~ 超級爽口彈牙！配上木瓜，就算無沙律醬都夠fresh! 再黎前菜生蠔，即開即食，好鮮味啊！脆皮燒德國咸豬手，外皮脆口亦不黏牙，肉質很嫩吃來不會過鹹，吃得開懷！ 配點蔬菜同吃味道較平衡之餘也可減減油膩感！ 來自法國的春雞其實並不太細隻，由令令的雀籠端上，賣相立時變得高貴。春雞味道不錯，而且甚為嫩滑。把春雞剖開，裡面的雜菌立刻呈現眼前， 就如錦上添花一樣，讓這菜式的味道來得更立體，我也更加喜歡。飲品好正, 分別Mango freeze 和Virgin Colada! 最後當然是慶祝環節，餐廳非常貼心，播出生日歌，帶動全場食客都一齊唱，氣氛超high! 甜品「芒果拿破侖」的芒果可能因為並非時令的關係，味道較酸，而酥皮就頗為酥化，勝在氣氛搭夠！

這裡同朋友Happy Hour 加食晚飯唔錯呀! 同朋友第一次來這裡是因為看到飽肚的德國咸豬手 雖然已切才serve 已經很好，但如再切得細點兒size 的話便會更易食。 但普遍都滿意食品: 因為 $10起每隻生蠔質數都很好，很軟身又唔腥而且其他食品包括starter的牛油果卷，三文魚卷，軟殼蟹卷每殼都是我喜歡的，朋友亦很滿意蕃茄湯最後，我和朋友都很喜歡水蜜桃味的雪糕，很香，很特別的甜品總結: 因我不吃牛，朋友不吃羊，所以職員很貼心才為我們介紹能share 的咸豬手及煎三文魚，謝謝職們亦有耐心及專業既態度了解我和朋友的意見及進步的地方。 祝Cosmos 生意興隆，客似雲來

約咗朋友堆睇足球直播，方便大家地點揀咗去寶勒巷，見到呢間餐廳氣氛幾好，所以入咗去。職員們好好服務同招呼，介紹餐牌d食物，食嘅中途又會自動換碟，值得一讃！！氣氛好，又可以安排播生日歌俾客人。每人叫咗個dinner set，職員好好提我地加$98可以無限任飲，任飲選擇仲適用於全部種類，包括啤酒、紅白酒、Cocktail、Mocktail、汽水、果汁、咖啡。叫咗兩隻生蠔，大大隻，新鮮creamy，正～前菜賣相好精𡟹，所以影相相機食先。蘑菇忌廉湯好香濃。品嚐香脆既德國咸豬手，大大件，大家一齊share食，好香口，分極都仲有食唔完咁。紐西蘭肉眼扒配波士頓龍蝦，又係大大塊，選了medium，肉質不會過生或太熟，微微紅色鮮嫩，軟硬適中，牛味香濃，正，推介！！ 龍蝦都好正～最後食埋sorbet解油清下味蕾，非常滿足嘅一餐。

男朋友終於返黎香港，我就急不待約佢食飯，知佢鐘意睇波，我就揀左係尖沙咀既cosmos restaurant & bar同佢chill下。餐廳係睇波首選，因為佢有projector可以投射落個巨型screen，好多frd一齊睇波都得。而另一原因就係6pm-9pm可以free flow任飲，包括酒精類!先黎一人一隻$10既太平洋蠔，唔好睇少佢啊，呢到既貨源同酒店一樣，所以質素唔錯，細隻但夠鮮甜。沙律係煙三文魚鳳尾蝦莎莎，上枱時令人食指大動！擺碟精緻，三文魚咸香、蝦肉彈牙，估唔到同莎莎醬咁夾。Main course我地揀左德國咸豬手&香草芥末羊架，叫set會送餐湯&蒜蓉包。首先餐廳會原隻豬手送上，俾大家打卡影相嘛😋之後會幫手拎入廚房切開，非常貼心! 豬手表皮脆卜卜，皮下層骨膠元就煙煙韌韌，肉就嫩滑，啖啖肉！蘸埋蜜糖仲好味！羊架就男朋友favourite，我試左一小口，唔洗香草汁都夠味，羊騷味亦都唔重，對少食羊既人好友善~如果未夠飽，仲可以免費食雞翼啊！只要like佢地fb就ok，雞翼係即叫即炸架，又香口又juicy，我食完即晚喉嚨痛haha當然食完正餐都唔會錯過甜品啦～當晚有gelato雪糕

今日老公去尖沙咀聽講座，午飯時間在這條街吃飯，剛巧看到一間好像不錯的酒吧，於是他就叫我來這裏吃晚飯。這間酒吧是可以看球賽的，我們坐的位置就是對著一部超大電視。酒吧裏燈光暗暗，燈光顏色會隨著分秒有不同的轉變，浪漫帶點情調，氣氛不錯。這裏裝修簡約，用灰色作牆身，上面有一些掛畫，我們坐的是梳化位，坐得很舒服。餐牌內有很多選擇，今天由老公發板，他點了兩隻生蠔，兩款前菜，兩款主菜及兩杯cocktail。生蠔是太平洋蠔，來自美國的，這款蠔海水味道比較淡，不太鹹，入口覺得新鮮肥美，大隻，好味。價錢很抵呀，只是10蚊隻。老公點的是Sangria，這杯cocktail是用紅酒，白蘭地，橙汁及雪碧調製而成。樣子比較深色，裡面有一些水果作調味。入口酒味突出，有甜甜的橙汁及汽水味道，所以容易入口，老公覺得很好。老公幫我點的是Margarita，而這杯cocktail是用tequila，橙味酒，青檸汁及糖漿調製而成。樣子是透明，入口有酒味但不太濃烈，有清新感覺，甜甜的，很適合女生，我很喜歡。前菜是泰式燒珍寶魷魚，名副其實的珍寶，很大條。魷魚燒得很香，不乾不硬，入口一點也不韌，很有口感。上面配上甜甜的冬蔭公醬汁，

今日同個舊同學出嚟聚下舊，傾下偈。當然要搵間企企理理，環境清幽嘅餐廳。記得之前喺尖沙咀都食過一間酒吧餐廳嘅質素唔錯，而且位置都就腳所以我今次就帶朋友去咗呢間Cosmos restaurant and bar。作為一間酒吧餐廳，環境當然有格調啦，昏暗嘅環境再配上燭光係特別有情調。首先頭盤有蕃茄湯同蒜蓉包，番茄湯入邊有好多番茄肉，味道酸酸地，蒜蓉包感覺脆身。軟殼蟹沙律。呢個必須要推薦。沙律食落非常清新，亦都配咗啲蟹籽，十分之開胃。同時間軟殼蟹都好大隻，食落非常脆口，我哋兩個人好快就清曬成碟。德國鹹豬手。豬手係碎上嘅，唔使我哋切，啱曬我哋呢啲懶鬼。豬手咬落口都係煙韌嘅，唔會感到硬。同時豬手皮亦都係脆脆地，豬肉同豬皮之間嘅脂肪唔多，基本上我哋都成隻食曬。同時佢有個醬汁畀我哋，個醬汁甜甜地有小小玫瑰味，配豬手嚟食就更加惹味喇。焗芝士龍蝦意粉。意粉方面就係茄汁意粉，意粉記得偏向杰身，可以掛係啲意粉上面，食落感覺好rich，同時意粉有啲蘑菇做配料。重點就係主角龍蝦，芝士焗完嘅龍蝦就非常之香，都幾濃味，咬落去啖啖肉，仲可以開埋個龍蝦鉗嚟食添，呢個意粉都係值得推薦，性價比高。甜品方面就係蜜桃雪芭，老實講

餐廳高朋滿座, 氣氛好不錯呢餐廳真係非常之抵食, 首先真係提供價錢98蚊, 就任飲所有飲品, 所以我就叫咗兩大杯, 已經圍到皮, 有得啦首先就係mango freeze, 另外就係perfect match, mango freezemango freeze, 喜歡那種沁人心脾的清香，以及細膩順滑的冰感之後就叫咗生蠔, 生蠔就係有十蚊隻太平洋蠔, 食落去非常啲新鮮, 入口 嫩滑, 有淡淡海水味德國鹹豬手，皮層脆卜卜，肉質幼滑，雖然外表看來略為乾身，但入口就肉汁豐盈。豬手皮脆肉嫩，鹹香惹味, 而且豬手大大隻, 好邪惡呢

朋友生日，揀左間尖沙咀既bar同佢慶祝牛一，貪這兒環境較舒適及食物質素不錯及還有直播足球賽事。一開始點了兩個頭盤，及點了兩杯飲品，分別是西柚汁及long island。煙三文魚蝦沙律沙律簡單清新，蝦肉也新鮮爽脆，配合微鹹的煙三文魚和伴碟的醬汁，慢慢增加味蕾的感受。巴拿馬火腿配鮮蘆筍香瓜鹹鹹的火腿包著甜甜的香瓜從來都是絕配，再配上爽脆的蘆筍，無論味覺、口感都帶給我一流享受。德國鹹豬手配蜜糖芥茉籽汁大廚好細心，預先幫我地將鹹豬手切好一件件。另外，老闆千叮萬囑一定要趁熱食，如果唔係攤凍左d皮會好硬。咁我地即刻起叉，一咬入口，就覺得個皮非常脆口，而且肉質非常嫩，配埋醬汁吃更有一番味道。鱸魚伴帶子配黑鬆露忌廉汁鱸魚很大塊，而帶子也很厚身。鱸魚煎得很香，而用黑鬆露忌廉汁配搭鱸魚也是一個perfect match﹔帶子隻是微微煎熟外層，咬入去頓覺外脆內嫩，肉質鮮甜。雪葩最後點了冰凍的雪葩，為整頓晚餐作為完結，亦好好讓味蕾休息，清新一下。😆朋友很滿意這頓豐富的生日飯呢！另外，還有任何飲品滿$45即可 $2隻任嗌雞翼，還見到 包場於十點後有 $148/位，有無限任飲優惠，嘩，抵，我地下次㑹再來試嚇特別優

這些日子逢星期日都要到香港遊行, 閒日當然要吃多些, 這已是香港的長期戰爭吧今晚跟同事放工在尖沙咀吃飯, 這間吧是朋友介紹的, 有好大個project screen 可以現場直播足球賽事, 或許在這緊張的香港, 可以舒壓一番 Menu介紹這裡有款超第食的生蠔, $10/隻!!! 美國生蠔 – Pacific Rock, 此蠔口感爽脆, 金屬味好重, 仲有鮮香的海水味與蠔肉的甜味非常突出, 配 sparkling wine 真的一流, 可以把蠔本的金屬味產生化學作用, 提升到另一個層次! 這蠔性價比超高的!另外, 餐廳的飲品也很便宜, $98 在晚市時段可以任飲! 真係坐成晚慢慢吹水都得啦, 而且飲品都不欺場, 有多款特色啤酒及 cocktail / mocktail , 真的留住了我個心鳳尾蝦木瓜牛油果伴田園沙律配木瓜籽油醋汁 ($88)這碟的portion 很大, 2 人食也覺得很豐盛, 而且蝦肉大隻新鮮爽身, 配上很健康的木瓜, 牛油果, 田園沙律, 是很有誠意的 salad 黑松露野菌忌廉湯 ($68)這個配搭應該是絕配, 濃濃的忌廉湯加上已磨碎的野菌, 很有口感 巴馬火腿鮮露筍

前排同男朋友行尖沙咀，行經見氣氛不錯，所以就試下，我想試下個德國豬手，但因為佢無飯不歡，所以就叫多一個黑松露帶子燴飯。原來呢間餐廳揀任何主食都加錢轉餐，我地就揀左一份升級，另一個就加嘢飲。套餐有一個沙律，都ok不過不失，有一個生果串，不過得幾粒。我就揀左杯cock tail都幾好飲，唔會太哽，甜甜地好易入口，男友就飲跟餐的凍檸茶。雜菜湯就比較酸，酸酸地都幾開胃。意大利燴飯都ok，不會太淡味，鍾意濃味的人會鍾意，好睇個人喜好。不過德國豬手就比較偏鹹同硬，但係份量都大份的，好足夠我地兩個人食。甜品就是花生醬慕絲，我覺得偏甜。食物就有部分不過不失，不過食lounge主打可能都係氣氛比較多，餐廳內的氣氛係不錯的。

有一肥雞約咗一個好耐冇見嘅同事相約喺尖沙咀一間西餐廳裏是酒吧嘅餐廳度食飯,諗住輕輕鬆鬆吹一晚水 ,咁肥雞呢首先一開始就嗌咗個美國明珠蠔，咁佢啲蠔都好新鮮，一啲都唔腥，雖然唔係話好大粒，好有海水味，咁主食呢就嗌咗個德國咸豬手，佢嘅鹹豬手肥雞一直都好鍾意，因為佢係真係炸過呢，個皮好脆魚，嗰啲豬肉都醃得好入味，又唔會話好嚡，再嗌多個海鱸魚帶子天使麵，咁佢嘅海鱸魚呢，係經過再入焗爐焗，佢個天使麵得得壓到成個麵餅咁樣，成個漢堡包，所以食落去啦同一般出去食嗰啲質感同幾特別

今日朋友帶左我黎呢間餐廳傾計食飯。一入到去個氣氛已經覺得好好，裝修設計都好浪漫，💕真係唔錯。員工既服務都好好，好nice🤗餐廳推出左好多唔同既優惠，好抵！-食主菜加$98 都可以有無限任飲優惠，包括啤酒、紅白酒、🍷Cocktail、Mocktail、汽水、果汁、咖啡 。-身分證英文名有”cosmas”字母，又有折。夜晚十點後黎飲酒， $148就可以無限任飲添！又幾抵。朋友鐘意飲酒岩哂了🍻而且仲有幾部電視有得睇直播足球⚽️👍食物選擇亦好多種類，價格不會太貴。仲有好多唔同既酒提供添☺️我地就叫左set dinner🥘 仲用左$10優惠價叫左生蠔食❤️🤭美國明珠蠔：都大隻，生蠔好新鮮，帶鮮甜而濃烈既海水味，食落好creamy！值得一試。前菜：煙三文魚蝦卷配西芹蕃茄沙沙 沙律🥗呢個前菜真係好豐富，好好味！配搭新穎，連埋啲沙律菜食，帶出鮮味同鹹香味。蕃茄沙沙又帶點酸味，幾開胃既前菜。是日餐湯：好濃味既蕃茄湯配上脆卜卜的蒜蓉包👍Parma ham配露笋密瓜 ，清新既味道，可以解一解油膩，yummy!法式春雞🐓 哇！咁靚既，影相岩哂！上菜已經嗅到好香既燒雞味，燒到雞皮好脆，好香。切開啲雞肉係好嫩滑多肉汁既

一邊食野 一邊睇波 一樂也原隻生蠔即開即食非常新鮮香煎帶子配黑松露牛肝菌燒烤菇意大利飯 $168黑松露牛肝菌醬汁香濃 包住每一粒米飯意大利飯煮得剛剛好 口感十足！焗芝士龍蝦伴忌廉龍蝦汁意大利粉 $198龍蝦份量多 有完整一隻 價錢非常合理意粉好煙韌 唔會都到太冧 唔錯！德國炸豬手 皮脆肉嫩相當可口配埋特製醬汁更加滋味甜品非常精美 係雜莓拿破崙 酥脆餅底配香軟吉士醬 超正！仲有一大優惠就係晚餐時間揀主菜+$98就有無限任飲優惠