影片
更多
2019-07-04
42 浏览
今日同個舊同學出嚟聚下舊，傾下偈。當然要搵間企企理理，環境清幽嘅餐廳。記得之前喺尖沙咀都食過一間酒吧餐廳嘅質素唔錯，而且位置都就腳所以我今次就帶朋友去咗呢間Cosmos restaurant and bar。作為一間酒吧餐廳，環境當然有格調啦，昏暗嘅環境再配上燭光係特別有情調。首先頭盤有蕃茄湯同蒜蓉包，番茄湯入邊有好多番茄肉，味道酸酸地，蒜蓉包感覺脆身。軟殼蟹沙律。呢個必須要推薦。沙律食落非常清新，亦都配咗啲蟹籽，十分之開胃。同時間軟殼蟹都好大隻，食落非常脆口，我哋兩個人好快就清曬成碟。德國鹹豬手。豬手係碎上嘅，唔使我哋切，啱曬我哋呢啲懶鬼。豬手咬落口都係煙韌嘅，唔會感到硬。同時豬手皮亦都係脆脆地，豬肉同豬皮之間嘅脂肪唔多，基本上我哋都成隻食曬。同時佢有個醬汁畀我哋，個醬汁甜甜地有小小玫瑰味，配豬手嚟食就更加惹味喇。焗芝士龍蝦意粉。意粉方面就係茄汁意粉，意粉記得偏向杰身，可以掛係啲意粉上面，食落感覺好rich，同時意粉有啲蘑菇做配料。重點就係主角龍蝦，芝士焗完嘅龍蝦就非常之香，都幾濃味，咬落去啖啖肉，仲可以開埋個龍蝦鉗嚟食添，呢個意粉都係值得推薦，性價比高。甜品方面就係蜜桃雪芭，老實講
今日同個舊同學出嚟聚下舊，傾下偈。當然要搵間企企理理，環境清幽嘅餐廳。記得之前喺尖沙咀都食過一間酒吧餐廳嘅質素唔錯，而且位置都就腳所以我今次就帶朋友去咗呢間Cosmos restaurant and bar。
作為一間酒吧餐廳，環境當然有格調啦，昏暗嘅環境再配上燭光係特別有情調。
首先頭盤有蕃茄湯同蒜蓉包，番茄湯入邊有好多番茄肉，味道酸酸地，蒜蓉包感覺脆身。
軟殼蟹沙律。
呢個必須要推薦。沙律食落非常清新，亦都配咗啲蟹籽，十分之開胃。同時間軟殼蟹都好大隻，食落非常脆口，我哋兩個人好快就清曬成碟。
德國鹹豬手。
豬手係碎上嘅，唔使我哋切，啱曬我哋呢啲懶鬼。豬手咬落口都係煙韌嘅，唔會感到硬。同時豬手皮亦都係脆脆地，豬肉同豬皮之間嘅脂肪唔多，基本上我哋都成隻食曬。同時佢有個醬汁畀我哋，個醬汁甜甜地有小小玫瑰味，配豬手嚟食就更加惹味喇。
焗芝士龍蝦意粉。
意粉方面就係茄汁意粉，意粉記得偏向杰身，可以掛係啲意粉上面，食落感覺好rich，同時意粉有啲蘑菇做配料。重點就係主角龍蝦，芝士焗完嘅龍蝦就非常之香，都幾濃味，咬落去啖啖肉，仲可以開埋個龍蝦鉗嚟食添，呢個意粉都係值得推薦，性價比高。
甜品方面就係蜜桃雪芭，老實講就甜左dd，可能我就唔係咁好甜嘢。
飲品方面我同朋友就叫咗一杯白酒同一杯紅酒。由於我哋兩個都唔係好識評酒嘅，衹能夠講話杯酒都係易入口，而且飲完都有種想encore的感覺。
總結。食物質素唔錯，環境更加係非常靚仔，啱曬大家坐低飲杯酒傾下計，或者係情侶拍拖，亦都係我喺尖沙咀其中一個蒲點。
张贴
