Cosmos Restaurant & Bar (已結業)

話說琴日接男朋友收工，佢話想食生蠔，就即諗起前排同事介紹呢間高質蠔吧西餐廳～果日大概7點幾到，店內氣氛幾熱鬧，又有播住外國音樂，又有大螢幕直播足球賽事，好岩同一大班朋友過黎食飯傾計！呢間法國聖馬田生蠔超抵食，只係$12/隻，而且好鮮甜，絕對唔會將貨就價，岩哂食蠔獸！另外，仲試左兩隻法國皇家蠔，$40/隻，size大大隻，食落竟然有堅果味，真係大開眼界啊！！ 呢到南瓜蟹肉意大利飯（$158)，用料十足，勁多蟹肉，而且南瓜汁滲哂入d意大利飯粒裡面，口感非常好，極力推介！美式BBQ醬烤豬肋骨($208)，配料包括酸洋蔥、燒翠肉瓜同炸薯條，完全同肋骨都好match！！ 另外，呢到mocktail都好唔錯，值得一試！！

今日約咗朋友係尖沙咀寶勒巷食晚飯，係附近行咗陣就決定食呢間喇，見佢內裏幾好情調，而且又可以靜靜地咁同朋友傾下計。自己同朋友都想試多啲，但又唔想食咁飽所以 share 一齊食，叫咗炸物拼盤同 Set Dinner。炸物拼盤 ($168) : 開頭唸住都係輕巧份量既小食拼盤，點知勁大碟，有三條粗過手指既炸魚、三件配上自家醬汁既雞槌、薯角、魷魚圈同沙律，份量相當豐富 ; 雞槌大件啖啖肉，醬汁帶少許辣相當惹味，睇波飲酒叫呢個拼盤一流。餐湯係粟米蓉湯，口感綿綿地唔錯。扒大蝦拼牛柳配燒汁 ($298) : 大蝦非常鮮味，而且肉質彈牙，牛柳亦不遑多讓，切開時肉汁飽滿，食落口相當幼嫩 🤤 而且重有熱辣辣香口既薯角同爽口配菜，超級滿足。呢個甜品超級正 😍 不過唔記得叫咩名。Cosmos Night ($65/左)，Summer fruit Tea ($55/右) ; 前者用上菠蘿、百香果同熱熱果，味道會甜少少，後者用上芒果、桃同橙，口感清新得嚟又清甜 👍🏻 兩杯都超好飲。

上網見到好多人讚呢間餐廳 情調十足見openrice 又有8折優惠 所以老公生日就揀左呢間慶生🥰😋點左三樣菜，鐵板牛舌，紅酒燴羊膝🥔 ，巴拿馬火腿pizza鐵板牛舌:👍🏿👍🏿👍🏿👍🏿 好好食 厚過牛柳條 好入味！紅酒燴羊膝🥔 : 👍🏿👍🏿👍🏿 不過不失巴拿馬火腿pizza: 👍🏿👍🏿👍🏿👍🏿一塊Ham per slice of pizza! 正😚😚😋 佢係呢啲薄身有少少咬口既pizza 😘Tiramisu: 畫上完美既句號。平日都坐滿！ 見好多枱都有叫生蠔，睇落好似好正，價錢都抵食！😎下次再來試🤩同埋有本地啤酒 香港友❤️❤️❤️

除咗環境好，已沒有任何值得再去的理由。首先，經過綱上訂位是有折的，事後才知道原來叫咗套餐是沒有參與折頭的，已落單時並不清楚。再來，當晚每人叫咗一個任飲的優惠限時兩小時，在沒有任何通知的情況下已經timeout，試想下朋友們聚會暢談時怎麼會留意著時間呢，得回來的答覆是，一位姓李的身形偏瘦的員工回覆Meau上有寫，真是一肚子的火，這同茶餐廳有何分別

蒜容包超香脆,好耐無食過咁好味既蒜容包喇,佢旁邊仲有個完整蒜頭係到, 真係會有人鍾意食架例如我daddy~佢有3款生蠔, 我地每款order左2隻試下, 我最鍾意個款生蠔屬於中等價位既日本生蠔, 佢幾飽滿,有口感, 海水味適中, very good, 我本來對$12隻生蠔無咩期望, 點知佢都唔差wor!! 最貴個款就適合D鍾意好重海水咸味既人. overall生蠔唔算貴, 鍾意食既人可以一試另外再叫左個南瓜蟹肉risotto, 蟹肉拆散左好方便食,平時都懶得食蟹因為要剝榖兩杯mocktail, summer fruit tea幾好飲意大利黑醋沙律

依家次次食飯都會睇下黃藍地圖 發現呢間餐廳都係黃店 要支持下！炸軟殼蟹伴芒果沙沙 ($98)個軟殼蟹炸得好脆，中間都好多肉，配埋d芒果他他; 一樣熱一樣凍，一樣咸一樣甜，成個配搭好有層次感，唔錯唔錯🥰-法式焗田螺酥皮盒 ($88)呢個酥皮盒其實整得好有心思，田螺下面有d薯蓉，再加最外層既一個脆餅，成個配搭都好有心思同埋好好味!!!見返都有d流口水😚-扒海鮮拼盤 ($248)我地仲嗌左個海鮮拼盤，入面有三文魚，魷魚，蝦，帶子，青口, 個拼盤一拎出黎果陣超香，煎得岩岩好😋配埋個番茄醬，好好味! 值得一提既係,個薯條都好好味😂 係我最中意個款薯條既質感🥰

睇演唱會之前，去尖東附近搵吓嘢食，老婆指定要支持特「色」食店，所以上網做完資料搜集後就揀定呢間試吓喇。上網訂好位後還有whatsapp 確認訂位，服務窩心，抵讚！餐廳職員好有禮貌，環境比較暗，每張枱上面都有一盞坐枱燈，幾有情調，格局完全唔似一間酒吧，一啲都唔嘈，但又有足球直播。  叫咗半打生蠔，$12/隻 (最少要叫半打)，真心平，食落都幾新鮮。然後就係咸豬手套餐，等得比較耐少少 (大約20分鐘左右)，可能即叫即整掛，上枱時已經幫你切好晒，啲皮焗得好鬆脆，個醬都好好味，仲有即炸嘅薯角。老婆就要咗個海鮮拼盤 (有三文魚扒、帶子、大蝦、青口、魷魚筒)，三文魚扒煎得啱啱好，幾嫰滑，可惜帶子只有細細一隻，而且比較乾身，其他海鮮就正常。最後食埋個套餐嘅甜品，非常滿足嘅一餐~ 

好耐冇同媽媽一齊食飯，我們選擇了今天在尖沙咀的酒吧chill一chill。我地點左兩杯野飲：Cosmos Night，賣相超級靚，10分適合打卡。Tropical Girl，係一杯橙汁飲品，我媽係橙汁的fans😂😂我地點左兩隻法國蠔食，蠔肉新鮮，食到舔舔脷。我係巴馬火腿嘅忠實粉絲，所以餐前小食點少得佢，我哋點左巴馬火腿配蜜瓜。德國鹹豬手，外皮鬆脆，肉質鮮嫩，配上黃芥末一齊食， 十分夾。而且份量好多，適合兩個女仔食，我哋兩個人點咗一碟，都食到好飽，因為佢仲有好多薯角做配菜。最後我哋叫咗餐牌上面的是日精選甜品，今日甜品係檸檬芝士撻，一啲都唔肥膩，檸檬味好清新，好fresh。完美地畫上句號。

今晚同家姐過來寶勒行搵食，行左幾間，最後決定來Cosmos Restaurant & Bar。比呢間餐廳吸引的原因是因為見到氣氛環境幾浪漫，同時可以睇波。入到去後，就叫左以下食物：鐵板牛舌牛舌開頭以為得幾片，原來份量都非常多。因為是鐵板上的，服務員十分細心，叫我地小心熱。上菜時，發出”Za Za”的聲響，聲音好治愈！上面鋪了炸蒜，聞落好香！還加了茄汁。牛舌切到薄博的，食客較為方便入口！好重牛味，喜歡牛味的，呢個值得推介！南瓜蟹肉意大利飯呢個飯因為係用左南瓜來煮，所以成個飯都好creamy。另外，應該落左好多蟹肉，食落啖啖蟹肉。因為有南瓜，有小小甜度，蟹肉味非常突出，好味！Set Dinner C 餐, 扒大蝦拼牛柳配燒汁如果叫Set Dinner, 會包例湯、沙律及甜品。例湯係粟米湯，入面有粒粒的粟米，增加口感。沙律落了黑醋，還有幾粒甜甜的哈密瓜，感覺好Fresh。大蝦好彈牙，都幾大隻。牛柳比普通牛扒嫩滑，我地叫左7成熟，切開後是嫩嫩的粉紅色，望到都流口水！🤤還有加上有埋炸薯角，薯角號香口，份量都十分多，懷疑有一個薯仔甘多，哈哈！還有配菜番茄仔、脆肉瓜等等，食完呢Set已經十分滿足了！

網上見到呢間餐廳嘅評價唔錯，於是約咗呢間餐廳同朋友慶祝生日。入到去燈光比較昏暗，營做到一個幾浪漫嘅氣氛。而且有枱頭嘅裝飾燈，更添上神秘感。餐廳嘅餐牌選擇都頗多，而且有cocktail mocktail，同埋其他酒類選擇，係一個慶祝生日嘅好地方，可以食又可以飲。我同朋友叫咗一個套餐再加一個ribs南瓜粟米忌廉湯以及沙律忌廉湯味道較清淡，但係都好creamy，食落有淡淡粟米粒。沙律就正正常常，我幾鍾意佢呢度用甜甜地酸酸地嘅醬汁，畀人一種清新而不膩嘅感覺。去到個海鮮燒烤，有好多唔同嘅海鮮。我最推介嘅就係佢嘅蝦，非常之大隻，而且我覺非常入味，食得出蝦嘅鮮美，啖啖肉。同時亦都有三文魚塊，咁塊三文魚柳好厚肉，大大舊一個人其實真係未必食得曬。同時亦都有青口，帶子等等，整體相當新鮮。ribs方面配上薯角，個汁烤得香甜，可以帶出肉質嘅鮮味。可惜都係比較難去咀嚼同埋進食呀！mocktail方面我哋有cosmo night 同埋tropical girl 都係比較甜嘅選擇，賣相一流！ 尤其中意cosmo night 嘅深藍色配黃色， 淡淡嘅菠蘿味相當突出呀！食埋個生日蛋糕咁就perfect喇！我哋有oreo

一班朋友約左係尖沙咀食飯見openrice 訂位有折扣優惠😍就揀左呢間試試🙈我地訂左7點鐘，客人唔算多環境好有氣氛因為見set dinner唔太吸引所以決定散叫叫左個小食開心share水牛成炸雞槌，$79巴馬火腿簿餅，$108香蒜大蝦意粉，$148德國鹹豬手，$228整體食物質素良好，但都算重口味的令人好想飲野，但特別地方係沒有水供應喔因為我地唔想叫特飲所以等到個半鐘後先出出面買野飲

今日接完男朋友收工，就同佢去一間阿哥介紹既酒吧餐廳度食晚飯～餐廳裝修都幾有情調～ 環境好舒服～ 適合同朋友黎happy Friday好好relax下最近有promotion，$98可以任飲！CP值好高！平時就咁1杯都已經$70-$80啦而且d mocktail個樣好靚～我地揀咗Apple Forest（左）味道有少許薄荷，同青蘋果既酸味好夾！另一杯係Summer Fruit Tea（右）有好濃既芒果味！食物方面就叫咗鐵板黑椒牛柳粒！連埋洋蔥勁香法式焗田螺酥皮盒，個樣睇落勁似甜品，入面有好creamy既薯蓉，食幾粒都唔覺得漏！仲叫咗我最愛既巴馬火腿Pizza！超級滿足！下次約fd黎再食過！

裝修有格調，設計好用心....有詩意!!!set menu德國蜜糖芥末烤鹹豬手賣相同時十分吸睛!外皮烤得超級脆, 入面肉質柔嫰。卡邦尼意粉意粉彈牙有口感，蛋黃忌廉汁好香濃,帶著很香的蛋王與煙肉既味道質地超級濃郁，濃濃的芝士醬汁配合鹹鹹的火腿，勁creamy!製作用心出色，試完都想再試。鐵板黑椒牛柳粒鐵板上, 熱辣辣!!!!仲有脆卜卜薄餅系列選擇，夏威夷PIZZA餅底係屬於薄脆型, 溶咗既芝士可以拉絲!!!!!!!勁正。軟軟餡料滲進脆餅，雙重口感又不覺太膩。黑松露帶子意大利飯意大利飯軟硬度剛剛好!有口感!!Mocktail總括黎講，每味菜都有水準,值得推薦👍🏻

呢度嘅dinner set都幾豐富，所以我哋決定叫一個set同散叫其他嘢食黎share，咁樣更加可以食到自己想食嘅嘢!! 個set揀左海鮮拼盤($308)，呢個主菜份量非常大，尤其是件三文魚扒，其實我有啲怕食熟嘅三文魚，驚會鞋同腥，但呢件三文魚扒生熟程度剛剛好，一啲都唔鞋而且肉質鮮嫩又冇腥味，其他海鮮都一樣新鮮好味!! 跟set仲有沙律湯同甜品，本來覺得呢個set有少少貴，但食完之後就覺得食物質素同個價錢成正比!!沙律同湯係正常西餐廳Standard，主菜有驚喜，另外cheese cake都係超水準!! 另外仲order左：法國聖馬田生蠔($12)，本來以為呢個價錢隻蠔會好細隻，結果比想像中大隻好味，呢個超抵食!! 芝士牛油西蘭花($78)，有好多芝士係面基本上唔會唔好食，西蘭花下面仲有香滑薯蓉!!鐵板黑椒牛柳粒($98)，牛柳粒鐵板上熱辣辣但又唔會過熟，肉質唔錯有牛味，仲有好多洋蔥做配菜非常健康!! 最後order了兩杯Mocktail - Cosmos Night & Summer Fruit Tea，賣相靚之餘又好飲，但如果可以少甜就更加好!!

呢間平靚正生蠔❤️❤️餐廳就有三款生蠔揀嘅法國皇家蠔、日本北九州下關蠔、法國聖馬田生蠔法國聖馬田生蠔👍🏻👍🏻必叫雖然size細細隻，但係隻隻飽滿，新鮮，有甜味日本北九州下關蠔蠔肉新鮮3款最有甜味🥰法國皇家蠔超強海水、帶有礦物味道如果鍾意蠔味重就岩曬👍🏻薯蓉田螺酥皮盒👍🏻👍🏻呢個又係必叫叫嘅，薯蓉配田螺加埋好香牛油酥皮盒Perfect❤️巴馬火腿野菜沙律沙律醋伴沙律菜，有咸香巴馬火腿，nice 大蝦伴牛柳扒牛扒剛好五成熟🤤，肉質岩岩好，濃郁牛肉味食埋甜品岩岩好😋😋依間仲有happy hr 食蠔飲酒都超值👍🏻👍🏻