Cosmos Restaurant & Bar (已結業)

寶勒巷出名多野食，今日又同朋友出發揾食！途經呢個bar restaurant ，見到門口menu啲野幾岩食，一於試試！餐廳坐落幾舒服，睇波飲嘢氣氛應該幾好！我哋點左水城牛雞槌$88，醬汁酸酸甜甜又有少少咸咸地，沖擊味蕾，食完一隻好想緊接食下一隻，正！南瓜蟹肉意大利飯$168，呢個超超超推薦，啖啖都係蟹肉，非常足料，而且味道可口，兩人share食剛剛好，一啲都唔膩！鹹豬手蜜糖芥末籽$268，鹹豬手非常香口，皮脆肉嫰，仲有多款配菜如薯條、翠玉瓜、洋蔥，食到舔舔脷！叫埋兩杯青檸梳打同荔枝梳打，美滿！食飽又去shopping 😁

辣椒香蒜橄欖油炒意粉呢個真係辣，愛吃辣和蒜的人一定會愛上呢個意粉，又炸蒜又有生蒜片，每條意粉都好蒜😍即使無肉都好惹味，好快就食晒😚德國鹹豬手配蜜糖芥茉籽汁最意想不到係餐廳竟然為客人預先切好🤭食過好多西餐都係原隻豬手比客人切，其實豬手好難切，有人切埋真係覺得非常貼心🥰豬手外皮比較硬，不過都係脆皮黎既，豬手肉軟林林，好入味，連肥膏同根嘅位都食到😋最好係佢唔算太鹹，咁先可以試埋佢嘅醬汁！配菜方面一啲都唔馬虎，有脆薯角、薯蓉、醃菜、蘆筍、汁煮洋蔥同蕃茄仔，每樣都係新鮮同即炸，兩三個人share食都得👌除咗意粉同豬手之外我哋仲叫咗魷魚圈做小食一邊食着酥炸魷魚圈，一路飲mocktail，仲有得睇波😬搵日再黎飲酒睇波都唔錯😛

今日這間訂了這間的意大利餐廳，是香港人的小店，當然要支持一下。這邊的環境不錯又舒適又不會太迫；坐位舒服休閑，裝修別緻優雅，更有6-7折優惠！有好多酒類選擇！但如果服務好一點親切一點會更好；這裡的食物高質美味，我們3大1小點了3個主食。1. 水牛芝士番茄薄餅香脆可口薄身薄餅底，配上番茄汁及香滑水牛芝士加清新羅勒葉，小朋友好鐘意！2. 香蒜大蝦意大利麵香蒜味大蝦2大隻，又新鮮又爽口、意大利麵入味硬身，是正宗意大利麵質感3. BBQ燒豬肋骨豬肋骨入味燒汁香濃唔乾身，多塊熱辣辣脆卜卜薯角，再配上配菜有軟腍洋蔥絲及翠肉瓜

餐廳：Cosmos Restaurant & Bar (尖沙咀)地址：尖沙咀寶勒巷27號東滙商業大厦地舖週末嘅中午去到位於尖沙咀寶勒巷嘅西餐廳Cosmos Restaurant & Bar食lunch🍴，除左平時會直播唔同球賽⚽️，一入到去見到餐廳播Now新聞，係FB亦都大大力支持過附近嘅龍門冰室💪🏾，我諗你明我講咩嘅餐廳有午餐優惠🎉，八折之外仲免加一🤩，仲送餐湯同飲品，不過難得黎到我就叫左個網上有好多好評嘅鹹豬手德國鹹豬手配蜜糖芥茉籽汁 $268大大份嘅豬手除左擺設吸引之外😍，仲切好哂一件件，夠哂貼心👍🏾，豬手香脆，皮、筋、肉三層嘅比例鮮明，好有咬口；仲有烤薯角🍟、薯蓉、蔬菜做配料，好飽肚另外點左杯double expresso☕️，雖然望落好似細杯左啲，但係咖啡豆香非常濃郁，剩係聞已經聞得到佢嘅濃度👃，岩哂我呢個咖啡狂人

呢間之前睇某社交平台已經知係黃💛，學生黎食Lunch有平，電視播NOW新聞，加上有份參與三罷🤟🏻，當然要入去踩下場。-入面環境幾舒服，枱與枱之間唔會太逼，而且電視大大部，夜晚過黎睇波岩哂⚽️。-德國鹹豬手配蜜糖芥末籽汁 $268鋪頭既招牌之一，外皮酥脆，筋肉位軟嫩爽彈🥰，蜜糖芥末汁酸酸甜甜，而且豬手味道唔係死鹹，唔錯👍🏻。邊位焗到有少少乾，但如果配啤酒食既話應該會幾中意。我就勁中意豬手下面既忌廉薯蓉，好香滑👅。仲有薯角、酸椰菜絲、洋蔥、蕃茄仔呢啲配菜，兩個人好夠食🤪。-巴馬火腿忌廉汁意粉 $148Parma Ham風乾得唔錯，好香口，鹹香味突出但唔會搶哂意粉既忌廉味，意粉煮得岩岩好，接近Al dente🍝。-芝士牛油汁焗西蘭花 $88芝士係拉絲架🧀～～西蘭花夠入味，而且軟硬度適中，仲幾Juicy💦。西蘭花下面都有啲牛油薯蓉，雖然牛油汁唔算好突出，但配芝士食又係另一番風味🤣。-Gunner $60Menu寫係薑啤，但其實飲落似薑味梳打多啲🍸，好易入口，好岩女仔飲。-Summer Fruit Tea $55飲落桃味最重，芒果味都幾香，而且唔會好甜👍🏻。

呢間bar唔算大間但有好多電視而角度都較到岩岩好，坐係邊個位都可以好舒服咁睇到波，而食物質素都唔錯!飲品我地叫咗Cosmo Night & Pussy Foot。Cosmo Night個樣已經好靚，飲落其實係菠蘿汁同熱情果既mix再加少少梳打，好清新同埋夠大杯慢慢飲。 Pussy Foot有幾重既乳酪味，都好fresh同埋好飲!水牛城雞搥啲肉已經退哂落個邊位，所以就咁已經好輕易食到，加埋佢既醬夠酸同辣，好開胃!蒜蓉包蒜蓉粒好多而且上碟時仲有半個炸蒜伴碟，香脆又唔油膩!辣肉腸薄餅配料好豐富，薄餅焗到漲卜卜而且醬汁好香濃，餅底亦都夠哂脆，好滿足同好食既pizza!墨西哥餡餅少少似中東包但就細啲，餡料好豐富而且加咗墨西哥辣椒，辣得嚟都仲食到豬肉同餅皮既香味，鍾意食辣一定要試!

尖沙咀寶勒巷出名有非常多唔同類型嘅酒吧，最近蕃薯妹發現有一間餐廳酒吧，食物質素評價唔錯，最重要係睇倒有優惠價$12一隻法國生蠔🤤！Cosmos嘅門面同裝修同其他附近嘅餐廳酒吧無誤，簡約、燈光柔和，感覺唔錯。呢度有三款生蠔選擇，除咗有平價嘅法國聖馬田生蠔$12一隻供應之外，仲有日本北九州下關蠔同埋法國皇家蠔，每種生蠔響餐牌都有詳細介紹味道、口感等等，方便食客選擇最鐘意嘅口味。法國聖馬田生蠔 $12@最愛嘅前菜，必食生蠔😍當然要試吓平到笑嘅法國聖馬田生蠔，12蚊隻實在太抵食，諗都唔諗即刻order 1打~~嚟到見到唔算好大隻，普通size啦，但係食落有好鮮甜嘅蠔味，海水味同咸味都屬中等，而且呢個size算係好creamy😋😋好正呀~~辣椒香蒜橄欖油炒意粉 $88呢個算係最鐘意最常叫嘅意粉，一嚟到即刻試下先啦🤭好香蒜味同橄欖油味👍少少辣味，好開胃~~~而且意粉軟硬度適中，唔會太淋或者太硬，好好食~扒大蝦配蒜蓉牛油汁$198大蝦配蒜蓉牛油汁好似好吸引咁，3隻大蝦都幾大隻，用薯蓉、脆肉瓜等等配菜墊底，😬啜下個蝦頭仲有蝦膏而且好鮮甜，一啲都唔腥，好正~蝦肉好易離殼，用叉一拮落去已經feel到啲肉好

朋友揀左呢間係尖沙咀既餐廳除左可以飲返杯仲有野食menu種類都幾多🥶-今次兩個人叫左二個主菜同一個小食食完已經好飽😂首先黎既係焗芝士薯條芝士薯條真係落左勁多芝士勁香 勁重芝士味仲可以拉絲 好邪惡而且份量都好多！再黎既係巴馬火腿忌廉汁意粉意粉質感好彈牙食落勁有口感 好好咬配埋佢個忌廉汁好香好濃夾埋煙肉食 好正！勁creamy😍最後黎既係辣肉腸薄餅pizza餅底好薄 焗到勁脆朋友飲酒話送呢個pizza一流但如果就咁食pizza 會有少少偏鹹所以送酒就啱啱好😋

今個星期日，黃氏力牆同太太去到尖沙咀 呢間西餐廳，食下個豐富午餐。 餐廳裝修環境比較暗少少，但座位間隔非常之闊，可以安心同對面傾計，都唔會影響到隔離枱食嘢。好啦 我哋睇左餐牌一陣之後，決定order德國咸豬手試下，另外再選擇鐵板牛舌＋辣椒香菇橄欖油炒意粉，飲品方面就order兩杯mocktail 食下野，傾下計，慢慢享受今餐。附上食物＋飲品餐牌參考首先講下個辣椒香菇橄欖油炒意粉， 意粉炒得非常之乾身，有酒店級水準，唔信可以order 試下，再加上蒜片，紅辣椒，洋蔥，羅勒同香草橄欖油 ，一齊炒效果非常之好，食得出層次外，賣相亦吸引， 所以話 有時候簡簡單單 ，先可以食出師父嘅廚藝， 價錢反而係其次。第二度菜，鐵板牛舌。侍應哥哥會喺上菜后，先至再淋上黑椒汁，務求令食物保持 高溫，先講下咸牛脷雖然厚切，但肉質口感軟滑， 但唯一缺點係味道偏咸少少 ，如果改善一下 ，層次會更不同。整體而言值得推介。終於到咗主菜，德國咸豬手 。上枱一刻 ，發現除咗咸豬手，亦發現好多不同嘅配菜， 包括蔬菜類，薯蓉，酸椰菜，粗薯條再加埋蜜糖芥末籽醬作伴，呢個配搭真係冇得輸， 價錢方面亦非常合理 ，二百幾蚊可以食到 咁

近日社會活動令大家沒心情，今天約了朋友出來見面，順道互相勉勵一下！Cosmo Restaurant Bar晚上時份有球賽轉播；而在下午時份人不多，大家可以暢談很久。Cosmos Night 用上菠蘿 熱情果及碟豆花而制成的Mocktail, 充滿浪漫甜味！點了一份炸軟殼蟹伴芒果沙沙。是原隻軟殼蟹，咬下去時不覺油膩！另外還點了一份紅酒燴羊膝配薯蓉，羊膝份量很大啊，賣相亦相當吸引！這份羊膝充滿羊味道，愛吃羊的人必定喜歡！薯蓉沾滿紅酒燴羊的味道，用來伴飯相信可吃兩碗，哈！

不乏棒場客的酒吧雖然最近市道麻麻 對酒吧業最大影響但好吃的餐廳 有良心的店主依舊會有生意今次就介紹尖沙咀的Cosmos幾時都覺得酒吧的水準比cafe還要好另外見到午市仲有優惠(八折免加一)好便宜！咁多張餐牌 總有一個岩心水.法式焗田螺酥皮盒🥧上網見到好多人食呢個 就跟機叫等大約五分鐘就有得食 好香啊酥皮盒脆而不膩 入面有薯蓉 田螺 蒜蓉特別要讚田螺 每一個都好大顆好肥美.燒原隻法式春雞配露斯瑪利燒汁🍗見到真係嘩左聲 巨型燒春雞啊兩個人真係差少少食唔晒 真係好大隻雞燒得好嫩滑 同時冇任何血水👍🏻放心食好中意佢個醬汁 另外薯角份量都好多.美式BBQ醬燒豬肋骨🍖這個豬肋骨也很巨大 店主會不會太佛心其實調味已經很足 所以我沒有點其他醬肉質當然是嫩滑多汁啊 水質很高.另外叫了兩杯mocktails 賣相超靚夢幻漸變色 非常適合打卡 而且味道唔會好假🔹Summer Fruit Tea🍹Mango, Peach, Orange, Tea🔸Tropical Girl🍸Peach, Passion Fruit, Cranberry

生日訂左呢間晚餐candle night dinner, 環境黑黑所以氣氛比較浪漫， 適合2人撐枱腳食， 大班人就可能唔係幾好，嘈到隔離呀嘛，生蠔有優惠，個人覺得略咸，其他食物尚可，飲品honey hour 抵！

同朋友慶祝生日來左呢間西餐食 有12蚊隻法國生蠔好抵 生蠔比想像中大隻厚身 3個人叫左藜麥沙律 🥗 豬肋骨 同 水牛城雞鎚share 來食 沙律主要得生菜有d單調 好似 7-80蚊 唔抵食 豬肋骨夠味但唔夠腍 d肉有點太黏骨了 不過薯角配菜好味呢個最好味 好香口好辣！仲叫左幾杯cocktail 味道賣相一般 總括來講都可以接受 不過我地叫左個pizza 漏左單check 左一次之後竟然都無加番 搞到白等左好耐最後先取消 呢方面餐廳可以注意下～

呢排約朋友食飯都好唔容易要就地點就交通，有時好早無車真係有啲濕滯平日尖沙咀晚都還好，無論住港島九龍定新界都好易番到屋企Cosmos除左地點好，食物同服務都非常好。個咸豬手皮脆肉嫰，配菜薯條十分好食！😋😋😋😋😋豬肋骨好有蜜糖甜味！食到停唔到口！😋😋😋😋😋南瓜蟹肉意大利飯，都好味，不過可能蟹肉同啲飯差不多顏色，所以要細心少少先揾到啲蟹肉😅😅墨西哥粟米片再配埋個醬係十分十分夾！甜品都係大路甜品唔會太甜，而檸檬撻都無話太酸！唔記得左影相，但不得不提既係飲品有free flow!!!!! 抵飲呀！

今晚難得與舊同事相聚，相約到酒吧餐廳食耐啲傾耐啲。餐廳外圍泊滿晒車，幸而餐廳招牌放得高高的大大字，無遮擋遠遠都望見。入內環境舒適，柔和燈光加上各樣的燈飾點綴下幾有氣氛帶點浪漫感。餐牌上美食選擇多好吸引，點了五款菜式埋單五百蚊價錢不貴，美食和環境同樣滿意 CP值甚高。法國聖馬田生蠔半打 $72即叫即開，蠔size一般唔算話好細都有肉，咬落爽口鮮美唔腥有點海水味，十二蚊隻確係好抵食。法式焗田螺酥皮盒 $98一碟六件一口一件，田螺大粒肉爽軟身好嚼，外層酥皮內裡填滿薯蓉幾有心思，細細件每人食三件都唔腻。水牛城炸雞槌 $88賣相吸引，骨肉差不多分離，輕輕一咬就成大舊肉，食得好鬼方便，有點辣相當惹味。傳统水牛芝士蕃茄薄餅 $118幾鍾意個薄餅，餅皮簿簿的少少脆，芝士蕃茄層都是薄薄的，味道相當溶合，同樣食晒都唔係好腻，南瓜蟹肉意大利飯 $158碟底唔會好多汁留低，個飯收汁幾好，粒粒都黏上南瓜汁，食到有真蟹肉鮮味突出，少少蟹肉咸味吊一吊，令成碟飯味道無咁寡，調味相當滿意，比我過往食過的南瓜飯好味。Cosmo night $65 和 Tropical girl $65飲品係呃like其中一大亮點，兩杯同