Cosmos Restaurant & Bar (已結業)

今日去左尖沙咀試一試呢間餐廳，可能因為係酒吧嘅關係，所以下午時間幾乎無人。我就叫左一個香蒜大蝦意粉，一個鐵板牛舌同埋一杯apple forest。首先杯飲品相當特別，唔會話太甜，有少少蘋果味之餘，好refreshing，飲完都開胃啲。之後嘅鐵板牛舌亦好正，由於用鐵板嘅關係所以好熱辣辣，加上啲黑椒汁就更好味，加上本身牛舌嘅口感夠曬爽口，值得一試。最後嘅main course亦無令我失望，有兩隻大蝦，亦已經剪開左一半，好細心，亦好方便食用。炒意粉開質感亦控制得好好，唔會過硬或者過軟。最主要係味道方面亦係一流，炒得好香同好濃，可能會更適合口味比較重嘅朋友試一試。

今日喺尖沙咀附近番工 Lunchtime 時間當然要食好啲同事話呢間唔錯一於約埋佢一齊食啦 hahaha 😆 巴馬火腿Pizza 😋😋 Pizza底超級薄 咬落去超脆 最重要係超級重芝士架~~再加埋鹹鹹地嘅巴馬火腿~~ um...yummy yummy 😍😍😍香烤蒜蓉包 鍾意食香口野既我地點可以少得蒜蓉包呢 蒜香味極重~~ 一啖蒜蓉包一啖茶 真係高級享受！香煎三文魚配牛油汁 三文魚煎到啱啱好 三文魚魚肉好滑~~不過個牛油汁我就唔太鍾意啦！！ 因為就咁食已經好好味架啦 hahaha食完主餐最後當然要嗌埋個cheesecake 啦， 飯後甜品當然唔少得架啦 正啊

行過見到好有格調就入左去試下，成間店黑黑地，有啲燈飾，十分有情調，岩哂情侶或者朋友黎。首先叫左個蒜蓉包做頭盤，勁濃蒜蓉味，十分香口，又吾會焗得太乾，外脆內軟。個BBQ醬燒豬肋骨都好吸引，醬汁甜甜辣辣，啲醬亦有新鮮蕃茄味。啲肉一啲都吾乾仲好juicy, 而且啖啖肉，分量十足，啱晒食肉獸嘅你。而且側邊有薯角、沙律做配菜，薯角十分惹味，就算放左一陣都脆卜卜。個蒜蓉大蝦意粉十分有驚喜，啲意粉好香蒜蓉同蝦味，有少少辣味，昇華左成個意粉，仲要一啲都吾乾，d蝦仲大大個，仲配左三色椒同洋蔥。叫左杯fruit punch,吾會太甜，可以解下膩。

今日又來這間食，今次同男朋友中午來！香港人小店，當然要支持啦！💪💪💪環境還是一樣的好，既舒適又明亮的燈光，座位是軟熟梳化，感覺好有空間感；擺設著聖誕裝飾，色彩繽紛！有大型電視，睇Now 睇波都好正！服務今次不錯，親切用心幫助客人首先點了2杯特飲，這裡是Bar, 有好多款酒及cocktail 、mocktail選擇Summer fruit Tea（右）：以 mango、peach、orange、tea，好夠凍又香甜美味，水果味香濃，配合得好好；Cosmos Night（左）：pineapples 、passion fruit及Butterfly，好清甜酸酸甜甜，好特別的紫藍色，好飲辣肉腸薄餅薄餅好脆薄身，芝士味香濃內面軟熟香口，配上片片辣味香腸仔片加上紫洋蔥的爽脆，好味道！德國鹹豬手配蜜糖芥末籽汁好咸香入味的豬手肉，豬皮脆卜卜，更有骨膠原的口感；配上微酸爽脆的紫椰菜、健康的不同款式的沙律菜及脆卜卜外脆內軟的薯角

最近工作忙， 放工都要懂得釋放， 今日和朋友到尖沙咀 happy hour ，睇下波飲下嘢。 搵咗呢間位於 尖沙咀 寶勒巷嘅 酒吧， 鋪頭內容是是正正， 幾部大電視，同朋友坐喺度睇波真係一流。由於我唔係太飲酒嘅關係， 我點做呀搬mocktail， 個名叫做juicy girl， 味道酸酸甜甜非常醒神開胃， 個人感覺有啲似昇華版嘅 雜果賓治。另外同朋友點樣幾種小食， 包括鐵板烤牛舌， 同埋芝士薯條。個人幾欣賞佢嘅芝士薯條， 因為重芝士嘅配搭方面睇得出鋪頭算係幾有心思， 另外薯條都炸得非常金黃鬆脆， 一邊飲酒一邊睇波一邊食小食簡直係人生一大樂事。

星期六唔知做咩好所以就去咗尖沙咀行經過呢一間餐廳就入咗去我哋叫咗三樣食物第一樣就叫咗呢一個鐵板煎牛脷佢個牛脷非常之有牛味而且好軟林林非常之好食可惜份量就比較少之後就叫咗個南瓜蟹肉意大利飯意大利飯嘅硬度非常之適中而且入面仲有一啲蟹肉 成個combination 非常之夾最後我哋仲叫咗一個西班牙風乾火腿芝士薄餅個風乾火腿食得出質素非常之高唔會非常之乾但係都留有適當嘅濕潤度而個餅底亦都好夠脆配埋芝士真係一流

今日去尖沙咀睇燈飾，經過這間西餐廳，佈置得好有聖誕氣氛。餐廳燈光暗暗，坐位以長枱為主。店內都有吧枱。☺️店員都好細心介紹餐牌😌，我地選左2個main course 同飲品。德國鹹豬手配蜜糖芥茉籽汁，鹹豬手烤得脆脆，唔肥👍🏻食落個皮脆卜卜🤓點埋蜜糖芥茉籽汁，甜甜辣辣😆仲配左薯角，係新鮮炸嘅，好脆同好有薯味🥳南瓜🎃蟹肉意大利飯，意大利飯係用南瓜黎煮，食落淡淡蟹肉同南瓜湯汁。味道清清地，唔會蓋到蟹肉嘅鮮味。飲品方面，第一杯Tropical girl 飲落,蜜桃🍑味都幾重☺️仲有少少汽泡。第二杯係summer fruit tea 真係淡淡水果味👍🏻唔會太甜☺️

星期六上完堂去到尖沙咀呢一間充滿好評嘅西餐廳食午餐， 一入到去，就覺得餐廳舒適 優雅，係一個良好嘅用餐地點。侍應好快安排我坐咗喺一個寧靜嘅角落， 亦都畀咗menu我睇，睇完menu發覺都幾多選擇，因為係自己一個人食，所以都唔會叫太多嘢食 ，分別叫咗 一個小食炸魷魚圈， 一個南瓜蟹肉意大利飯， 同一杯嘢飲。先講酥炸魷魚圈，以98蚊嚟講都算幾多件數，而且亦都炸得好脆，基本上係外脆內軟，感覺魷魚都好新鮮。南瓜蟹肉意大利飯基本上每粒飯都俾南瓜蓉包裹住，好好食，又甜，應該係用日本南瓜做， 配埋蟹肉，成個飯好滋味， 食完會想encore。嘢飲方面，叫咗tropical girl， 裏面有peach, cranberry同passion fruit, 配埋梳打，好match好好飲。基本上，呢間餐廳性價比都算高，會想再食。

尖東寶勒巷餐廳雲集，今日去到cosmos 食西餐。餐廳環境唔錯係啲位同位之間比較窄啲。呢間係酒吧食餐廳所以有好多款唔同嘅飲品，今日唔想飲酒住，先叫咗兩杯mocktail 影相呃like 一流，但味道偏甜。主菜點咗個南瓜蟹肉意大利飯橙紅色南瓜蓉令意大利飯變得香甜，蟹肉份量都OK，只係如果大食嘅話，應該要再點多個小食先夠。另外一份主菜就當然係肉類，紅酒薈羊膝配薯蓉，雖然要等待，但佢真係值得。肉嫰，離骨，一切即開。

尖沙咀 Cosmos Restaurant 下午約左朋友吹水，甘岩去開個邊當然又係搵好西啦。依間餐廳走簡約西餐法式焗田螺酥皮盒上網都好多人介紹，等大約五分鐘就有得食 好香啊酥皮盒脆而不膩 入面有薯蓉 田螺配蒜蓉。特別要讚田螺，每一個都好大顆好肥美辣肉腸薄餅幾鍾意個薄餅，餅皮簿簿的少少脆，味道相當溶合，同樣食晒都唔係好腻，朋友飲酒話送呢個pizza一流Cosmo night $65 和 Tropical girl $65兩杯同樣不含酒精，香脆可口薄身薄餅底。賣相和味道同樣出眾，飲完保證你唔會後悔揀錯。前者係蝶豆花溝菠蘿汁，後者係桃汁溝紅莓汁，兩者都加入熱情果汁酸酸甜甜好開胃，有氣蘇打水口感好充實，味道達至完美級。推介⭐️⭐⭐️⭐⭐

呢間餐廳擺盆同飲品都好靚，拍拖去或者放工同閨蜜或者同事坐下，就最啱啦！不過我係同紐西蘭既姨姨行街行到累入左黎既。因為仲約左其他親戚吃晚飯，當時已經4:00 ，所以決定食少少野就算。叫左個海鮮拼盤，啲海鮮好香蒜味，有大蝦🍤，青口，帶子，一大舊三文魚排、彈牙既鮮魷魚同炸薯角，薯角大條又脆卜卜，隻沾醬有啲香茅有啲酸味泰式醬咁嘅都幾好味，好好味😋仲有軟殼蟹香芒莎莎，配左少少黑醋沙律菜，軟殼蟹一整隻同阿姨分咗一人一半，好香口，炸得好脆口，都大隻嘅。叫咗杯菠蘿碟豆花同埋一杯蜜桃熱情果梳打，非常之清新又靚。

老公要睇波，我地揀左間有播嘅球賽嘅酒吧一路食飯一路睇。美式bbq醬燒豬肋骨 $208豬肋骨燒到好看，啖啖肉，bbq味濃郁，好大份，配菜都好好食。墨西哥粟米片 $88呢個老公必點，粟米片脆卜卜，面頭大量芝士，點上酸忌廉同蕃茄莎莎味道更上層樓。巴馬火腿忌廉汁意粉 $138巴馬火腿咸香味適中，意大利意粉會硬少少，吸哂忌廉汁好正。Cosmos night $65Tropical girl $65因為我地唔想飲酒就叫左兩杯無酒精飲品，cosmos night用左蝶豆花同菠蘿，Tropical girl就係芒果同熱情果，兩杯都好飲，味道酸酸甜甜。

今日同朋友去左尖沙咀朋友推介話呢間餐廳幾好食於是就跟左佢去試下呢間餐廳係酒吧, 但全部都係梳化位, 坐得好舒服叫左三樣野食水牛城炸雞槌: 雞槌炸得好脆, 外皮好香口, 入面仲有肉汁, 配埋個醬, 辣辣地, 好夾, 好有韓式炸雞FEEL鹹豬手蜜糖芥末籽: 呢碟份量超足料, 仲有好貼心咁幫你切開左一舊舊, 外皮幾脆, 豬肉肥瘦連住, 一啖咬落去, 口感好豐富, 仲有薯角, 薯蓉, 蔬菜做配菜, 呢個價錢真係超值南瓜蟹肉意大利飯: 呢條risotto 好驚喜, 每一啖飯都有蟹肉, 醬汁黏度又岩岩好, 唔會太濕同太乾, 飯既硬度都掌握得好好, 十分推薦

一段時間無出尖沙咀食飯，當然要搵間坐得舒適，又有情調嘅餐廳。Cosmos不單是酒吧，來這裡Lunch絕對是最佳選擇，皆因價錢不貴，飲品多選擇，想摸下酒杯底傾下計又得。要揸車關係，飲唔到酒精飲品，Tropical Girl呢類果汁味Mocktail亦是好好嘅選擇👍🏻今次揀咗水牛城炸雞鎚．鐵板牛舌．傳統水牛芝士番茄薄餅．牛肝菌意大利飯。樣樣都好好食，仲要即叫即整。最欣賞鐵板牛舌，好夠味，份量都好多。Pizza上面每片都有水牛芝士，脆卜卜，尖沙咀眾多餐廳之中，Cosmos絕對值得推薦，下次要約埋d同事放工再Encore👍🏻

好難得尖沙咀終於回復平靜，可以約朋友出嚟食吓飯。呢間餐廳係寶勒巷近漆咸道南，睇落都幾適合飲嘢吹水傾計。頭盤係炸軟殼蟹伴芒果沙沙，擺設精美，軟殼蟹好有動感，增加食慾，炸的火喉準確，外脆內軟。牛肝菌意大利飯，牛肝菌數量好多，比一般嘅餐廳多咗差唔多三份一，味道亦濃烈。美式BBQ將燒豬肋骨應該有¾件骨，肉質結實，薯角炸得好脆，整體份量亦算多。兩杯特色飲品（Apple Forest, Tropical Girl)都有水準，Tropical Girl 會比較偏甜及生果味重，Apple Forest 感覺清新一些。